শেল-থুম মন্ত্রালয়
‘নারী শক্তি’ না মরুওইবা মফম কল্লে; সর্ভাইকেল কেন্সর ঙাকথোক্নবা তিকা থানবা য়ুনিয়ন ফাইনান্স মিনিস্তরনা লাউথোক্লে
মমা অমসুং অঙাংগী চেকশিন-থৌরাংগীদমক সরকারনা তোঙান-তোঙানবা স্কিমশিং পায়খৎলে
নৌনা দিজাইন তৌবা য়ু-ৱিন প্লেতফোর্মনা দিজিতেল ইন্দিয়াগী থবক মখা তানা মপাঙ্গল কনখৎহনগনি
Posted On:
01 FEB 2024 12:44PM by PIB Imphal
২০৪৭ দা চাউখৎলবা ভারত অমগী পান্দম থমদুনা অমসুং নারী শক্তিদা ইনোৎ হাপ্নবা অকনবা মীৎয়েং থমদুনা, ঙসি মহাক্না সংসদতা পুথোকখিবা মরক্কী বজেত ২০২৪-২৫ তা সর্ভাইকেল কেন্সর ঙাকথোক্নবা তিকা থানবা অমসুং মমা অমসুং অঙাংগী চেকশিন-থৌরাংগীদমক সরকারনা তোঙান-তোঙানবা স্কিমশিং অমতা ওইনা পুনশিন্নবা য়ুনিয়ন ফাইনান্স মিনিস্তর শ্রীমতি নিরমলা সিতারমন্না লাউথোক্লে।
মহাক্না হায়খি সর্ভাইকেল কেন্সর ঙাকথোক্নবা চহি ৯ দগী চহি ১৪ ফাওবগী কাংলুপতা লৈবা নুপীমচাশিং তিকা থাগনি। তিকা থাবা য়ারবা কাংলুপশিং তিকা থানবা সরকারনা পুক্নিং থৌগৎকনি। মমা অমসুং অঙাংগী চেকশিন-থৌরাংগীদমক সরকারনা তোঙান-তোঙানবা স্কিমশিং অমতা ওইনা পুনশিন্নবা পায়খৎলিবা থৌরাং অসিনা অপুনবা প্রোগ্রাম অমা শেম্লগনি। অঙ্গনৱাদি সেন্তরশিং শকসম অঙ্গনৱাদি ওইনা পুখৎলগনি অমসুং পোসান ২.০ শাংদোক্লগনি। মসিনা মচি ওইবা চীঞ্জাক ফংহনবা, অঙাংশিং চেকশিন্নবা য়েংশিনবা অমসুং ফিবম ফগৎহনবা ঙমগনি।
সরকারগী দিজিতেল ইন্দিয়াগী থবক ফগৎহন্নবগী মতাংদা ফাইনান্স মিনিস্তরনা হায়খি নৌনা দিজাইন তৌবা য়ু-ৱিন প্লেতফোর্ম লৈবাক শীনবা থুংনা য়াংনা পায়খৎলগনি। মসিগী প্লেতফোর্ম অসি তিকা থানবা অমসুং মিসন ইন্দ্রধনুসকী মখাদা থবকশিং ফগৎহন্নবা শীজিন্নগনি।
*****
(Release ID: 2001670)
Visitor Counter : 65