ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ୍ ବୈଠକରେ ସାଧାରଣ ବଣ୍ଟନ ଯୋଜନା (ପିଡିଏସ୍) ମାଧ୍ୟମରେ ବଣ୍ଟନ କରାଯାଇଥିବା ଅନ୍ତ୍ୟୋଦୟ ଅନ୍ନ ଯୋଜନା (ଏଏୱାଇ) ପରିବାରମାନଙ୍କ ପାଇଁ ଚିନି ସବସିଡି ଯୋଜନାକୁ ଆଉ ଦୁଇ ବର୍ଷ ପାଇଁ ଅର୍ଥାତ୍ ୩୧ ମାର୍ଚ୍ଚ ୨୦୨୬ ପର୍ଯ୍ୟନ୍ତ ବୃଦ୍ଧି କରିବାକୁ ଅନୁମୋଦନ ମିଳିଛି ।

ଦେଶର ନାଗରିକଙ୍କ କଲ୍ୟାଣ ଏବଂ ଦେଶର ସବୁଠାରୁ ଗରିବ ଲୋକଙ୍କ ଥାଳିର ମଧୁରତା ସୁନିଶ୍ଚିତ କରିବା ପାଇଁ କେନ୍ଦ୍ର ସରକାରଙ୍କ ଅତୁଟ ପ୍ରତିବଦ୍ଧତାର ଆଉ ଏକ ସଙ୍କେତ ଭାବରେ, ଏହି ଯୋଜନା ଗରିବରୁ ଗରିବ ଲୋକଙ୍କ ପାଖରେ ଚିନି ପହଞ୍ଚାଇବାରେ ସହାୟକ ହେବ ଏବଂ ସେମାନଙ୍କ ସ୍ୱାସ୍ଥ୍ୟରେ ଉନ୍ନତି ଆଣିବା ପାଇଁ ସେମାନଙ୍କ ଖାଦ୍ୟରେ ଶକ୍ତି ଯୋଡିବ । ଏହି ଯୋଜନା ଅଧୀନରେ କେନ୍ଦ୍ର ସରକାର ଅଂଶଗ୍ରହଣକାରୀ ରାଜ୍ୟଗୁଡ଼ିକର ଏଏୱାଇ ପରିବାରକୁ ଚିନି ଉପରେ ମାସିକ କିଲୋ ପିଛା ୧୮.୫୦ ଟଙ୍କା ସବସିଡି ପ୍ରଦାନ କରୁଛନ୍ତି । ପଞ୍ଚଦଶ ଅର୍ଥ ଆୟୋଗ (୨୦୨୦-୨୧ରୁ ୨୦୨୫-୨୬) ଅବଧି ମଧ୍ୟରେ ଏହି ଅନୁମୋଦନ ଦ୍ୱାରା ୧୮୫୦ କୋଟି ଟଙ୍କାରୁ ଅଧିକ ଲାଭ ମିଳିବ ବୋଲି ଆଶା କରାଯାଉଛି। ଏହି ଯୋଜନା ଦ୍ୱାରା ଦେଶର ପ୍ରାୟ ୧.୮୯ କୋଟି ଏଏୱାଇ ପରିବାର ଉପକୃତ ହେବେ ବୋଲି ଆଶା କରାଯାଉଛି ।

ପ୍ରଧାନମନ୍ତ୍ରୀ ଗରିବ କଲ୍ୟାଣ ଅନ୍ନ ଯୋଜନା (ପିଏମ-ଜିକେଏୱାଇ) ଅଧୀନରେ ଭାରତ ସରକାର ମାଗଣା ରାସନ ପ୍ରଦାନ କରୁଛନ୍ତି । 'ଭାରତ ଟା', 'ଭାରତ ଡାଲି' ଏବଂ ଟମାଟୋ ଏବଂ ପିଆଜକୁ ସୁଲଭ ଏବଂ ଉଚିତ ମୂଲ୍ୟରେ ବିକ୍ରି କରିବା ପିଏମ୍-ଜିକେଏୱାଇ ବ୍ୟତୀତ ନାଗରିକମାନଙ୍କ ପ୍ଲେଟରେ ପର୍ଯ୍ୟାପ୍ତ ଖାଦ୍ୟ ସୁନିଶ୍ଚିତ କରିବା ପାଇଁ ପଦକ୍ଷେପ ଅଟେ । ବର୍ତ୍ତମାନ ସୁଦ୍ଧା ପ୍ରାୟ ୩ ଲକ୍ଷ ଟନ୍ ଭାରତ ଡାଲି (ବୁଟ ଡାଲି) ଏବଂ ପ୍ରାୟ ୨.୪ ଲକ୍ଷ ଟନ୍ ଭାରତ ଅଟା ବିକ୍ରି ହୋଇସାରିଛି, ଯାହା ସାଧାରଣ ଉପଭୋକ୍ତାଙ୍କୁ ଉପକୃତ କରିଛି। ତେଣୁ ରିହାତି ଦରରେ ଡାଲି, ଅଟା ଓ ଚିନି ର ଉପଲବ୍ଧତା ଭାରତର ଜଣେ ସାଧାରଣ ନାଗରିକଙ୍କ ପାଇଁ ଖାଦ୍ୟ ଉପଲବ୍ଧ ସୁନିଶ୍ଚିତ କରିଛି ଏବଂ 'ସମସ୍ତଙ୍କ ପାଇଁ ଖାଦ୍ୟ, ସମସ୍ତଙ୍କ ପାଇଁ ପୋଷଣ'ର ମୋଦୀ କି ଗ୍ୟାରେଣ୍ଟି ପୂରଣ ହୋଇଛି।

ଏହି ମଞ୍ଜୁରୀ ସହିତ, ସରକାର ଅଂଶଗ୍ରହଣକାରୀ ରାଜ୍ୟଗୁଡ଼ିକୁ ପିଡିଏସ୍ ମାଧ୍ୟମରେ ଏଏୱାଇ ପରିବାରଗୁଡ଼ିକୁ ପ୍ରତି ମାସରେ ପରିବାର ପିଛା ଏକ କିଲୋଗ୍ରାମ ହାରରେ ଚିନି ବଣ୍ଟନ ପାଇଁ ସବସିଡି ପ୍ରଦାନ ଜାରି ରଖିବେ । ଚିନି କ୍ରୟ ଓ ବିତରଣ ଦାୟିତ୍ବ ରାଜ୍ୟମାନଙ୍କର ରହିଛି।

BS