প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী-মন্দলনা পব্লিক দিস্ত্রিব্যুসন স্কিম (PDS)কী খুত্থাংদা অন্ত্যোদয় অন্ন য়োজনা (AAY) ইমুংশিংদা য়েন্থোকপা চিনিগী সবসিদী স্কিম অহেনবা চহি অনি অমগা হায়বদি মার্চ 31. 2026 ফাওবা শাংদোকপদা অয়াবা পীখ্রে।

লৈবাক্কী প্রজাশিংগী য়াইফনবা অমসুং লৈবাক্কী লায়রবশিংগী খ্বাইদগী লায়রবদা পুখমদা অথুম্বা মহাও ফংল্লিবা কেন্দ্র সরকারগী লেংদ্রবা ফিরেপকী খুদম ওইনা স্কিম অসিনা লায়রবশিংগী খ্বাইদগী লায়রবদা চিনি ফংহল্লি অমসুং মখোয়গী হকচাং ফনবা মখোয়গী দাইৎতা ইনর্জী হাপ্পি। স্কিম অসিগী মখাদা কেন্দ্র সরকারনা শরুক য়ারিবা রাজ্যশিংগী AAY ইমুংশিংদা থা অমগী চিনি কেজি অমদা লুপা 18.50গী সবসিদী পীরি। আয়বা অসি 15শুবা ফাইনান্স কম্মিসন (2020-21 দগী 2025-26)গী মতমগী মনুংদা লুপা করোর 1850 হেনবগী কান্নবা ফংহল্লগনি পানরি। স্কিম অসিনা লৈবাক্কী AAY ইমুং করোর 1.89রোমদা কান্নবা পীরগনি পানরি।

ভারত সরকারনা প্রধান মন্ত্রী গরিব কল্যান অন্ন য়োজনা (PM-GKAY)গী মখাদা লেম্না রাসন ফংহল্লি। PM-GKAYগী মথক্তা ‘ভারত অত্তা’, ‘ভারত দাল’ অমসুং খামেন অশিনবা অমসুং তিলহৌশিং হোংনা অমসুং ফিয়র প্রাইস্তা য়োন্নবা খোঙথাংশিং অসিনা প্রজাশিংবু চীঞ্জাক মরাং কাইনা ফংবা ঙমহল্লি। হৌজিক ফাওবদা ভারত দাল (চনা দাল) লাখ তন 3 অমসুং ভারত অত্তা লাখ তন 2.4 য়োনখ্রে মসিনা মীচম কঞ্জুমরশিংদা কান্নবা ফংহল্লি। মসিনা সবসিদাইজ দাল, অত্তা, অমসুং চিনি ফংহন্দুন ভারতকী মীচম প্রজা অমগী চিঞ্জাক মপুং ফাহন্দুনা ‘ফুদ ফোর ওল, ন্যুত্রিসন ফোর ওল’ মোদী গী গরেন্তী থুংহল্লি।

অয়াবা পীখিবা অসিগা লোয়ননা সরকারনা থা অমদা ইমুং অমদা কেজি অমগী চাংদা PDSকী খুত্থাংদা AAY ইমুংশিংদা চিনি য়েন্থোক্নবগীদমক শরুক য়ারিবা রাজ্যশিংদা মখা তানা সবসিদী পীখিগনি। রাজ্যশিং অসিনা চিনি লৈবা অমসুং য়েন্থোকপগী থৌদাং লৌগদবনি।

*****