ভারতকী রাস্ত্রপতী, শ্রীমতী দ্রৌবদী মুরমুনা জনুৱারী ২২, ২০২৪দা বিজ্ঞান ভবন্দা পাঙথোক্কদবা মনা য়েন্থোকপা থৌরম অমদা তোপ তোপ্পা অঙাং ১৯দা প্রধান মন্ত্রী রাস্ত্রিয় বাল পুরস্কার, ২০২৪ লান্থোক্কনি‍।

প্রধান মন্ত্রী, শ্রী নরেন্দ্র মোদীনা জনুৱারী ২৩, ২০২৪দা প্রধান মন্ত্রী রাস্ত্রিয় বাল পুরস্কার মনা ফংলবশিংগা ৱারী শানগনি‍।

নুপী অমদি অঙাংগী চাওখৎ থৌরাংগী মন্ত্রী, শ্রীমতী স্মৃতী জুবিন ইরানীনা রাজ্য মন্ত্রী দোক্তর মুঞ্জপারা মহেন্দ্রভাইগা লোয়ননা অঙাংশিং অসিগা ৱারী শানগনি অমদি মখোয় মখোয়গী কাঙলুপ্তা মখোয়না উৎলিবা তোপ তোপ্পা মওং মতৌশিংগীদমক মখোয়বু থাগৎকনি‍।

প্রধান মন্ত্রী রাস্ত্রিয় বাল পুরস্কার, ২০২৪, লৈবাকসিগী মফম পুম্বদগী আর্ত অমদি কলচর (৭), থৌনা ফবা (১), ইনোভেসন (১), সাইন্স অমসুং তেক্নোলোজী (১), খুন্নাই থৌগল (৪), অমদি শান্ন-খোৎনবগী (৫) লমদা মখোয় মখোয়না তোপ তোপ্পা মায় পাকখিবশিংগীদমক খনগৎলবা অঙাং ১৯দা লান্থোক্কদৌরি‍‍। মখোয়গী মনুংদা এস্পিরেস্নেল দিস্ত্রিক্ত ২ য়াওনা স্তেত অমদি য়ু.তি. ১৮দগী নুপামচা ৯ অমদি নুপীমচা ১০ য়াওরি‍।

ভারত লৈঙাক্না প্রধান মন্ত্রী রাস্ত্রিয় বাল পুরস্কার (পি.এম.আর.বি.পি.) মনা অসি অঙাংশিংগী মফমদা মখোয়গী তোপ তোপ্পা মায় পাকপশিংগীদমক পীবনি‍। মনাশিং অসি চহি ৫ – ১৮গী কাঙলুপ্তা লৈবা অঙাংশিংদা লৈবাক্কী থাক্তা শকখঙবিবা য়ারবা কাঙলুপ তরেৎ - আর্ত অমদি কলচর, থৌনা ফবা, ইনোভেসন, সাইন্স অমসুং তেক্নোলোজী, খুন্নাই থৌগল, অমদি শান্ন-খোৎনবগী লমদা মখোয়না মীথোয় মীহেনবা ওইরকপগীদমক পীবনি‍। পি.এম.আর.বি.পি. মনা ফংগদৌরিবা খুদিংদা মেদল অমদি সর্তিফিকেৎ অমমম পীগনি‍।

চহি অসিগী ওইনা, নুপী অমদি অঙাংগী চাওখৎ থৌরাং মন্ত্রালয়না লম লমগী পাউচেশিং অমদি অচৌবা লৈবাক্কী পাউচে খুদিংদা এদভর্তিজমেন্ত হাপ্তুনা নোমিনেসন হেনগৎহন্নবা অখন্নবা থৌরাং লৌখৎখি‍। নেস্নেল এৱার্দ পোর্তেল মতম হেন্না শাংনা মে ৯, ২০২৩দগী সেপ্তেম্বর ১৫, ২০২৩ ফাওবা নোমিনেসনগীদমক হাংদোক্তুনা থমখি‍। লাইন মন্ত্রালয়শিং, স্তেত / য়ু.তি. পুম্নমক্কী চীফ সেক্রেতরীশিং/ এদমিনিস্ত্রেতরশিং, লৈবাক শিনবা থুংনা লৈরিবা দি.এম./ দি.সি.শিংদা, মনা অসি পাক শন্না খঙহন্নবা, অমদি গ্রাম পঞ্চায়ত/ ম্যুনিসিপালিতীনচিংবশিং য়াওনা থাক খুদিংদগী নোমিনেসনশিং থাগৎলক্নবগীদমক পাউচে অমদি ইলেক্ত্রোনিক মীদিয়া অমসুং অতৈ মেদিয়মশিংদা পাক শন্না পব্লিসিতী তৌননবা ৱাফম থমখি‍।

হৌখিবা চহি ২ সিদা মীদিয়া কন্তেন্তশিংদগী দেতাশিং খোমগৎনবগীদমক আর্তিফিসিএল ইন্তলিজেন্স শীজিন্নখি‍। দব্লিউ.সি.দি. মন্ত্রালয়গী সোসিএল মীদিয়া সেলদসু চহি চুপ্পা পাওদা য়াওখিবা অঙাংশিংগী মচাকশিং থিখি‍। নেস্নেল কম্মিসন ফোর প্রোতেক্সন ওফ চাইল্দ রাইতস (এন.সি.পি.সি.আর.)দসু মতিক চাবা কেন্দিদেতশিং রিকম্মেন্দ তৌরক্নবা খঙহনখি‍।

ক্লেমশিংগী মরী মখোঙ য়েংশিনখি অমদি দিস্ত্রিক্ত মেজিস্ত্রেত অমসুং দোমেন এক্সপর্তশিং য়াওবা য়াম্লবা মরোলশিংগী খুত্থাঙদা অচুম্বনি হায়বা খঙদোক্লবা তুংদা খুন্নাই থৌগল, অকোয়বগী ফীভম, সাইন্স, তেক্নোলোজী, আর্ত অমসুং কল্চর, শান্ন-খোৎনবনচিংবা খেন্নবা হীরমশিংদা লৈবা এক্সপর্তশিংনা শেম্বা স্ক্রীনিং কম্মিতীনা য়েংশিনখি‍।

স্ক্রীনিং কম্মিতীগী মীফম পাঙথোক্লগা খনগৎলবা প্রোফাইলশিং, সঙ্গীত নাতক একাদমী, সেন্ত্রেল রিজর্ব পুলিস ফোর্স, এনভাইরনমেন্ত, ফোরেস্ত এন্দ ক্লাইমেত চেঞ্জ মন্ত্রালয়, ইন্দিয়ন স্পেস রিছর্চ ওর্গনাইজেসন, দিপার্তমেন্ত ওফ সাইন্তিফিক এন্দ ইন্দস্ত্রিএল রিছর্চ, ইন্দিয়ন ইন্সতিত্যুৎ ওফ পব্লিক এদমিনিস্ত্রেসন, অমদি স্পোর্তস ওথোরিতী ওফ ইন্দিয়া য়াওনা তোঙান তোঙানবা হীরমশিংদগী মীওইশিংনা শেম্বা নেস্নেল লেভেল ইন্দিপেন্দেন্ত এক্সপর্তশিংনা অমুক হন্না য়েংশিনখি‍। মদুদা খনগৎলবা প্রোফাইলশিং নেস্নেল সেলেক্সন কম্মিতীনা অরোয়বা ওইনা খন্ননবা য়েংশিনখি‍।

*****