প্রধান মন্ত্রী, শ্রী নরেন্দ্র মোদীনা লুচিংবা কেন্দ্রগী কেবিনেতকী মফমদা ই.য়ু.-ইন্দিয়া ত্রেদ অমসুং তেক্নোলোজী কাউন্সিল (TTC)গী ফ্রেমৱর্ক্কী মখাদা লৈবা ৱর্কিং এরেঞ্জমেন্ত ওন সেমিকন্দক্তর ইকোসীস্তেম অমসুং মদুগী সপ্লাই চেনগী মতাংদা ভারত সরকার অমসুং য়ুরোপিয়ন কম্মিসনগী মরক্তা নবেম্বর 21, 2023দা খুৎয়েক পীনখিবা মেমোরেন্দম ওফ অন্দর্স্তেন্দিংগী মতাংদা খঙহনখ্রে।

অকুপ্পা ৱারোল:

MoU অসিনা ইন্দস্ত্রী অমসুং দিজিতেল তেক্নোলোজী হেন্না চাউখৎহন্নবা সেমিকন্দক্তর হেন্না ফগৎহন্নবা ভারত অমসুং EUগী মরক্তা তেংবাংনবগী মতৌবু হেন্না মপাঙ্গল লৈহনগনি।

থবক পায়খৎপগী থৌরাং অমসুং পান্দমশিং:

MoU অসি খুৎয়েক পীনখিবা নুমিত্তগী চৎনবা হৌগনি অমসুং খোঙথাং অসিগী পান্দম ফংলে হায়না নাকল অনিমক্না ফোংদোক্নদ্রিবা ফাওবা নত্ত্রগা নাকল অমনা খোঙথাং অসিদগী হন্দোক্ত্রিবা ফাওবা মখা চত্থবা য়াই।

শাফু পীবা:

G2G অমসুং B2B বাইলেতরেল কোওপরেসন অনিমক্না সেমিকন্দক্তর সপ্লাই চেনগী রেজিলিএন্স হেনগৎহন্নবা অমসুং সেমিকন্দক্তরগী হীরমদা তেংবাংবা ঙম্ননবা অমনা অমগী মপাঙ্গলগী কান্নবা লৌনবা হোৎনগনি।

বেকগ্রাউন্দ:

MeitYনা ইলেক্ত্রোনিক্স মেন্যুফেকচরিং তংদু লৈতাবা অমসুং চুনবা অকোয়বগী ফিভম অমা শেম্নবা থৱাই য়াওনা হোৎনদুনা লাক্লি। সেমিকন্দক্তর অমসুং দিস্প্লে মেন্যুফেকচরিং ইনভাইরনমেন্ত শাবগী প্রোগ্রাম অসি ভারত্তা অচৌবা অমসুং সস্তেনেবল ওইবা সেমিকন্দক্তর অমদি দিস্প্লে ইকোসীস্তেম অমা শোইদনা শেম্বা ঙম্নবগীদমক্তা হৌদোকখিবনি। হায়রিবা প্রোগ্রাম অসিনা সেমিকন্দক্তর ফেব, দিস্প্লে ফেব, কম্পাউন্দ সেমিকন্দক্তর/সিলিকোন ফোতোনিক্স/সেন্সর/দিস্ক্রীত সেমিকন্দক্তর অমসুং সেমিকন্দক্তর এসেমব্লীগী ফেব, তেস্তিং, মার্কিং অমসুং পেকেজিং (ATMP)/আউতসোর্স সেমিকন্দক্তর এসেমব্লী অমসুং তেস্ত (OSAT) ফেসিলিতীশিং শাবদা শেলগী তেংবাং পীনবা পান্দম থম্লি। মখা তারকপদা, ইন্দিয়া সেমিকন্দক্তর মিসন (ISM) অসি ভারতনা লৈবাক অসিদা সেমিকন্দক্তর অমসুং দিস্প্লে মেন্যুফেকচরিং ইকোসীস্তেম শানবা থৌরাং য়াৎলিবা অসিবু খুমাং চাউশিলহন্নবগীদমক্তা শেমখিবনি।

বাইলেতরেল অমসুং রিজনেল ফ্রেমৱর্কশিংগী মখাদা ইলেক্ত্রোনিক্স অমসুং ইনফোর্মেসন তেক্নোলোজীগী হৌগৎলক্লিবা অমসুং খুমাং চাউশিল্লবা হীরমশিংদা মালেমগী থাক্তা তেংবাংবগী থৌওং কয়া পুরকপগী থৌদাংসু MeitYগী মফমদা শিন্নরে। পান্দমশিং অসিগা লোয়ননা, ভারতপু থাজবা য়াবা খোঙলোই অমা ওইহন্নবগীদমক্তা MeitYনা মতম খরগী মনুংদা তোঙান-তোঙানবা লৈবাক কয়াগী মখোয়গী খোঙলোই ওইবা ওর্গনাইজেসন/এজেন্সীশিংগা বাইলেতরেল কোওপরেসন লৈহন্নবা অমসুং ই-পাউ লান্নবগী থৌওংদা খুমাং চাউশিলহন্নবা MoU/MoC/এগ্রীমেন্ত কয়াগী খুৎয়েক পীনখ্রে। সেমিকন্দক্তর সপ্লাই চেন হেন্না চাউখৎহন্নবা বাইলেতরেল কোওপরেসন হেনগৎহনবা অমসুং সেমিকন্দক্তরগী হীরমদা তেংবাংনবা হেনগৎহন্নবা অমনা অমগী মপাঙ্গলগী কান্নবা লৌনবা, ভারত অমসুং EUনা MoU অসিগী খুৎয়েক পীনখিবনি অমসুং মসিনা ভারত অমসুং EUগী মরক্তা সেমিকন্দক্তরগা মরী লৈনবা কারবারগী খুদোংচাবা কয়া হেনগৎহন্নবা থাংজিনবা মশক থোকপা খোঙথাং অমসু ওইরগনি।

***