প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুত্থাংদা প্রধান মন্ত্রী জনজাতী আদিবাসী ন্যায় মহা অভিয়ান (PM-JANMAN)গী মখাদা লৈবা প্রধান মন্ত্রী অৱস য়োজনা - গ্রামিন (PMAY G)গী বেনিফিশরী লাক্ষ অমদা অহানবা ইন্সতোলমেন্ত পীথোকখ্রে। প্রধান মন্ত্রীনা থৌরম অসিদা PM-JANMANগী বেনেফিশরীশিংসু উন্নখি।

ছতিসগরগী জাশপুর জিলাদা মশাগী মপুরোইবগা লোয়ননা লৌউ-শিংউগী থবক তৌরিবী শ্রীমতি মনকুনৱারী বাইনা জনমন শঙ্গীগুম্বা PM-JANMANগী স্কিমশিংগী মতাংদা য়ুম্থোং খুদিংদা চত্তুনা খঙহনবগী থবক তৌবগা লোয়ননা সেল্ফ হেল্প গ্রুপ খরগা মরী লৈনদুনা দোনা পত্তল শাবগী ত্রেনিংসু হৌজিক লৌরি হায়না প্রধান মন্ত্রীগী মফমদা পাউদমখি। মহাক অসি মেম্বর 12 লৈবা দীপ সমুহ কৌবা সেল্ফ হেল্প গ্রুপ অমগী শরুক ওইরি। মহাক্না সেল্স হেল্প গ্রুপশিংদা শাবা পোত্থোকশিংবু বন ধন কেন্দ্রশিংদা য়োন্নবা থৌরাং তৌরিবা অদুগী মতাংদা প্রধান মন্ত্রীদা পাউদমখি। মহাক্না ফংখ্রবা কান্নবা কয়াগী মতাংদা মহাক্না মখা তানা পাউদম্লদুনা, মহাক্না পক্কা য়ুম, ঈশিং, গ্যাস অমসুং মৈগী কন্নেক্সন ফংবা অমদি মহাক্কী মপুরোইবনা মনা নাবদা লেম্না লাইয়েংবগী খুদোংচাবা ফংখিবা আয়ুশমান কার্দকা লোয়ননা মহাক্কী মচানুপীনা অনাবা লাইয়েংবগা মরী লৈননা লুপা 30,000 ফংখিবগী মতাংদসু পনখি। ফোরেস্ত রাইত এক্ত (FRA), কিসান ক্রেদিত কার্দ অমসুং পি.এম. সম্মান নিধীদগী কান্নবা কয়া ফংখিবগী মতাংদসু পাউদমখি। তোতি ঈশিংনা য়ুমদা য়ৌরকপনা য়ানশিন্নবা ফত্তবা ঈশিং শিজিন্নবগী খুদোংথীবদগী কনবা ঙম্লে অমসুং মসিনা মহাক্কী ইমুংবু ঈশিংদগী শন্দোকপা লাইনা কয়াদগী ঙাকথোক্লে হায়না শ্রীমতি মনকুনৱারীনা মখা তানা হায়খি অমসুং গ্যাস কন্নেক্সন অমা ফংলিবা অসিনা মহাক্কী মতম কনবগা লোয়ননা শিং মৈ থাবদগী থোকপা মৈখুদগী নিংতম্বা ফংলে হায়না মখা তাখি। মহাক্না প্রধান মন্ত্রীবু থাগৎলদুনা অসুম্না হায়খি, “মমাংগী চহি 75তা পাংথোকপা লোইশিল্লমদবা থবকশিং অদু শুপ্নগী নুমিৎ 25তা লোইশিনখ্রে”। শ্রী মোদীনা মীয়ামদা স্পোর্ত পাম্বরা হংখি অমসুং মীয়াম মরক্তা য়াওরিবা স্পোর্তপু পামজবা নহা ওইরিবা নুপীমচা অমসুং নুপামচাশিংনা মখুৎ থাংগৎনবা হায়খি। স্পোর্ত্তা চঙবগী মরু ওইবশিংদা মহাক্না মীয়ামগী পুক্নিং চীংশিল্লদুনা, ইকুই কুইদবা মতমশিংদা পীবা স্পোর্তকী মনাশিং অসি ত্রাইবেল খুন্নাইগী শান্নরোইশিংনা ফংনখি হায়না মখা তাখি। শ্রীমতি মনকুনৱারীনা তোঙান-তোঙানবা স্কিম কয়াগী কান্নবশিং ফংলিবা অসিদা নুংঙাইবা ফোংদোকখি অমসুং মসিনা মহাক্কী পুন্সিবু হেন্না নুংঙাইহল্লে হায়না ফোংদোকখি। “অদোম্না স্কিম কয়া অসিগী কান্নবা ফংবতা নত্তনা মসিগী মতাংদা মীয়ামদসু খঙহল্লি”, প্রধান মন্ত্রীনা সরকারগী স্কিম অসিদা মীয়াম মশিং য়াম্বনা শরুক য়ারকপা মতমদা মসিগী শাফুসু হেনগৎলকই হায়না পাউদম্লদুনা হায়খি। সরকারনা বেনেফিশরী খুদিংবু শরুক য়াহন্নবা অমসুং মীওই অমত্তা চিত্থহন্দনবা লেপ্তনা হোৎনরিবা অসিগী মতাংদা পাউদম্লদুনা ৱারী শাবা লোইশিনখি।

মধ্য প্রদেশকী শিবপুরীগী সাহরিয়া জঞ্জাতীগী শ্রীমতি ললিতা আদিবাসী, অঙাং অহুমগী মমা ওইরিবী, অসি আয়ুশমান কার্দ, রাসন কার্দ, পি.এম. কিসান নিধীগী বেনেফিশরী অমনি। মহাক্কী মচানুপীনা ক্লাস 6তা তম্লি অমসুং স্কোলার্শিপ, য়ুনিফোর্ম অমসুং লাইরিক কয়াগা লোয়ননা লাদলী লক্ষ্মী স্কিমগী কান্নবশিংসু ফংলি। মহাক্কী ক্লাস 2দা তম্লিবা মচানুপাসু স্কোলার্শিপকা লোয়ননা অতোপ্পা কান্নবা কয়া অমসু ফংলি। মহাক্কী খ্বাইদগী ইতোন তোনবা মচানুপানা আঙ্গনৱারী স্কুল অমদা কারি। মহাক অসি শীতলা মৈয়া স্বয়ম সহাইতা সমুহ হায়রিবা সেল্ফ হেল্প গ্রুপ অসিগা মরী লৈনৈ। মহাক অসিবি কস্তম হাইরিং সেন্তর অমনা শৌগৎলি। প্রধান মন্ত্রীনা মহাকপু পক্ক য়ুমগী অহানবা ইনস্তোলমেন্ত ফংবগীদমক্তা থাগৎখি। শ্রীমতি ললিতানা প্রধান মন্ত্রীবু ত্রাইবেলশিংনা থেংনরিবা শিংনবা কয়াগীদমক্তা মুন্না খঙবীবগীদমক্তা থাগৎখি অমসুং হৌজিক লৈরিবা স্কিম কয়া অসিগী কান্নবা খুদিংমক ত্রাইবেল মীয়ামদা ফংহন্দুনা JANMAN অভিয়ান্না পুরক্লিবা অহোংবা কয়া অসিগী মতাংদা শ্রী মোদীগী মফমদা পাউদমখি। মহাক্না JANMAN অভিয়ান অমসুং অতোপ্পা স্কিমশিংগী মতাংদা মহাক্কী সেল্ফ হেল্প গ্রুপকী মীফম অমদগী খঙবা ঙমখি হায়না প্রধান মন্ত্রীদা পাউদম্লদুনা য়ুম অমা ফংবা, অমসুং মহাক্কী মপুবোক্না কিসান ক্রেদিত কার্দকী কান্নবা ফংখিবগুম্বা কান্নবা কয়া অমা ফংবা হৌরে হায়না মখা তাখি। JANMAN অভিয়ানগী মনুংদা অহেনবা আয়ুশমান কার্দ 100 অমগসু শেমখি। মহাক্কী খুঙ্গং অসি উজ্বালা স্কিম্না মপুং ফানা কোল্লি অমসুং কেম্পেন অসিগী মখাদা অনৌবা ইমুং কয়া অমসু কোনশিনবা হৌরক্লি। ত্রাইবেল অমসুং খুঙ্গংগী নুপীশিংগী লুচিংবা ওইবগী মগুনশিং অসিবুসু প্রধান মন্ত্রীনা থাগৎখি। লোকেল পঞ্চায়ত মেম্বর, বিদ্যা আদিবাসীনা মখোয়গী খুঙ্গংগী মোদেল অমা শিজিন্নদুনা মখোয়গী খুঙ্গংগী মেপ অমসুং মসিদা পাংথোক্লিবা চাউখৎ থৌরাংগী প্লান্নিং তৌরিবশিংবু শন্দোক্না তাকখি। প্রধান মন্ত্রীনা PM JANMANনা গ্রাউন্দদা ফংলিবা মায় পাকপা অসিদা নুংঙাইবা ফোংদোক্লদুনা সরকারনা মতিক চাবা বেনেফিশরী খুদিংমক কোনশিন্নবা খোঙফম চেৎলি হায়না ফোংদোকখি।

কুমারী ভারতী নরায়ন রান অসি মহারাস্ত্রগী নাশিক্তগীনি অমসুং পিম্প্রীদা লৈবা এক্লাব্যা মোদেল রেসিদেন্সিএল স্কুলদা ক্লাস 9 তম্লিবী মহৈরোইনি অমসুং মহাক্না প্রধান মন্ত্রীবু মহাক্কী হিন্দি লোলদা হৈথোই শিংথোইবগী মতৌনা শুমহৎখি। মহাক্কী স্কুলদা ফংলিবা খুদোংচাবশিংগী মতাংদা পি.এম.না হংবদা, মহাক্না শান্ন-খোৎনবগী অচৌবা লম্পাক অমা, রেসিদেন্সিএল হোস্তেল অমসুং হাইজিনিক ওইবা চিঞ্জাক ফংবগী মতাংদা পাউখুম ওইনা পীখি। কুমারী ভারতীনা মহাক্না IAS ওফিসর অমা ওইনীংবগী অপাম্বা লৈবগী মতাংদা পাউদমখি অমসুং আশ্রম স্কুল অমদা ওইজা ওইরিবা মহাক্কী মবুংদগী হায়রিবা ইথিল অসি ফংবনি হায়না মহাক্না মখা তাখি। কুমারী ভারতীগী মবুং, শ্রী পান্দুরঙ্গানা মহাক্না এক্লাব্যা মোদেল স্কুলদগী ক্লাস 6তগী 12 ফাওবা CBSE বোর্দকী মখাদা তম্লকখি অমসুং নাশিক্তগী গ্রেজুএত লোইরকখি হায়না প্রধান মন্ত্রীদা পাউদমখি। মহাক্না অঙাংশিংগী মফমদা, অখন্নবা ওইনা অচৌবা শহরদা চৎপা পাম্বশিংদা এক্লাব্যা মোদেল স্কুলদা তম্নবা ইথিল পী হায়না প্রধান মন্ত্রীদা তমখি। শ্রী পান্দুরঙ্গনা হৌজিক ফাওবদা ফংলকপা কান্নবা কয়াগী মতাংদা হায়রদুনা, মহাক্না PMAYগী মখাদা পক্কা, অমাংশঙ, MNREGAগী মখাদা থবক, উজ্বালা গ্যাস কন্নেক্সন, মৈ কন্নেক্সন, তোতি ঈশিং, ৱান নেসন ৱান কার্দ অমসুং আয়ুশমান কার্দ ফংবগী ৱাফমশিং পনখি। PM- JANMANগী মখাদা ঙসি ফংগদবা লুপা 90,000গী অহানবা ইন্সতোলমেন্তকী মতাংদসু মহাক্না পনখি। মহাক্না মহৈরোই খুদিংবু মহৈ তম্বীদুনা মখোয়না লৈবাক্কী কাচিন কোয়া খুদিংদা মশাগী লম্বী থীজবা ঙমহন্দুনা লৈবাক শেবা তৌবা ঙমহনবা পাম্মি হায়না ফোংদোকখি। প্রধান মন্ত্রীনা লাইশঙ খুদিংদা লু-নানবগী কেম্পেন চত্থসি হায়বা খোল্লাও লাওখিবা অদুবু অমুক্কা হন্না নীংশিংখি অমসুং মহৈরোইশিংনা মখোয়গী মফমশিংদা থৱাই য়াওনা শরুক য়ানবা হায়খি। প্রধান মন্ত্রীনা মহৈরোই অনিসিগী মফমদা থৌজাল পীখি অমসুং মখোয়গী মমা-মপাশিংগী মফমদা মখোয়গী অঙাংশিংবু নীংথিনা মহৈ তম্বীবদগীদমক্তা কোক নোনখি। কুমারী ভারতীনা মহাক্কী মঙলান শোইদনা মঙফাওহনবা ঙমগনি হায়বগী থাজবা লৈ হায়না মহাক্না ফোংদোক্লদুনা সরকারনা লৈবাক অসিগী এক্লাব্যা মোদেল স্কুলগী মসিং হেনগৎহন্নবা খোঙথাং পুম্নমক পায়খৎলি হায়খি। পি.এম. মোদীনা ঙসি তিনখিবা মহৈরোইশিংদা এক্লাব্যা স্কুলগী শরুক ওইনবা হায়খি।

অঙাং অনিগী মমা ওইরিবী আন্ধ্র প্রদেশকী অলুরিসিতারাম রাজু জিলাগী শ্রীমতি স্ববী গঙ্গাদা JANMANগী মখাদা য়ুম, গ্যাস কন্নেক্সন, মৈ কন্নেক্সন অমসুং ঈশিংগী কন্নেক্সন অমা পীখ্রে। মহাক্কী লৈফম, অরাকু তম্বাক অসি কোফীগীদমক্তা মমিং চৎলি অমসুং মহাকসু কোফী থাবগী থবক তৌরি। মহাক্না সরকারগী স্কিমগী মতেংদগী মহাক্কী পোত্থোকশিংগী অফবা মমল ফংবা ঙম্লে অমসুং লৌউবা, প্রোসেসিং, পেকেজিং অমসুং মার্কেতিংগী স্কিল দিভেলপমেন্ত স্কিমগী কান্নবা কয়া ফংবগা লোয়ননা পি.এম. কিসান সম্মান নিধীগী কান্নবশিংসু ফংলি হায়না প্রধান মন্ত্রীগী মফমদা পাউদমখি। বন ধন স্কিম্না মহাক্কী চাগা হেনগৎহনবতা নত্তনা মরক্তা লৈবা মীওইদগীসু নিংতম্বা ফংলে হায়না মহাক্না হায়খি। পি.এম. মোদীনা মহাকপু লাক্ষপতি দিদি ওইবগীদমক্তা থাগৎপা ফোংদোকখি অমসুং লৈবাক অসিদা লাক্ষপতি দিদি করোর 2 শেম্নবা সরকারনা হোৎনরিবা অসিগী মতাংদা তমখি। শ্রীমতি স্ববীনা মহাক্কী খুঙ্গংদা অনৌবা শোরোক শারক্লিবা, ঈশিং অমসুং মৈগী খুদোংচাবশিং য়ৌরক্লিবা অসিদা নুংঙাইবা ফাওই হায়খি। মহাক্কী তম্বাক অসিগী অইংবা অমসুং অৱাবা ক্লাইমেত অসিদা পক্কা য়ুম লৈবনা মহাক্কী পুন্সিদা তসেংবা অহোংবা অমা লাক্লগনি হায়খি। প্রধান মন্ত্রীনা মহাক্কা ৱারী শারবা মতুংদা, ইং 2047 ফাওবদা বিকশিৎ ভারতকী মঙলান শোইদনা মঙফাওনরগনি হায়বগী থাজবা লৈরে হায়খি।

ঝার্খন্দগী গুম্লা জিলাদা লৈবা মীওই তরেতকী ইমুংগী শ্রীমতি শশী কিরন বির্জিয়ানা প্রধান মন্ত্রীগী মফমদা মহাক অসি সেল্ফ হেল্প গ্রুপ অমগা মরী লৈনরি, ফোতোকোপিয়র অমসুং ফি তুনবা কোন অমা অমা লৈরিবা অমসুং লৌউ-শিংউগী থবকসু অদুমক পাংথোক্লি হায়না পাউদমখি। মহাক্না ফংখিবা কান্নবা কয়াগী মতাংদা প্রধান মন্ত্রীদা পাউদম্লদুনা, মহাক্না তোতি ঈশিং, মৈ, পি.এম. কিসান সম্মান নিধী ফংলিবা অমসুং মহাক্কী মমাবু PM- JANMANগী মখাদা লৈবা PMAY(G)গী মখাদা পক্কা য়ুম ফংবগীদমক্তা খল্লকপা, মহাক মশামক্না কিসান ক্রেদিত কার্দ ফংবগা লোয়ননা বন ধন কেন্দ্রগসু মরী লৈনবগী ৱাফমশিং পনখি। সেল্ফ হেল্প গ্রুপকী খুত্থাংদা লোন ফংবরা হায়বা প্রধান মন্ত্রীগী ৱাহংগী পাউখুম ওইনা, শ্রীমতি শশীনা মহাক্কী খুঙ্গংদা য়াম্না ৱানা ফংবা ফোতোকোপিয়র মছিন অমা মহাক্না হন্দক্তা লৈরে হায়না পাউদমখি। মেম্বর 12 লৈবা অমসুং এক্তা অজীবিকা সখি মন্দল হায়না খঙনবা মহাক্কী সেল্ফ হেল্প গ্রুপকী খুত্থাংদগী মহাক্না পি.এম. কৌশল বিকাস য়োজনাগী মখাদা দোনা পত্তাল অমসুং মখল কয়াগী আচার শাবগী ত্রেনিং লৌরি অমসুং মসিবু মহাক্না বন ধন কেন্দ্রগী খুত্থাংদা য়োল্লি হায়খি। স্কিল দিভেলপমেন্ত, তঙাই ফদবা খুদোংচাবা নত্ত্রগা এনিমেল হসবেন্দরীবু ওইরো, মসিগুম্বা সরকারগী স্কিমশিংগী শাফুনা বেনেফিশরীশিংদা গ্রাউন্দ লেভেলদা নীংথিনা ফংলিবা অসিদা প্রধান মন্ত্রীনা অপেনবা ফোংদোকখি। PM JANMANবূ থবক ওইনা পায়খৎপদগী সরকারগী স্কিম পায়খৎপগী খোঙজেল অমসুং পাক চাউবগী চাংনা শরুক তরা হেনগৎলে হায়না মহাক্না মখা তাখি। “হৌখিবা চহি 10দগী, ঐখোয়গী সরকারনা সরকারগী স্কিম খুদিংবু বেনেফিশরী খুদিংদা অরায়বা অমসুং অকক্নবা মতমদা য়ৌহন্নবা খোঙফম চেত্তুনা লাক্লি”, মহাক্না হায়খি অমসুং “সরকারগী স্কিম খুদিংনা বেনেফিশরী পুম্নক্তা য়ৌরগনি। মসিদি মোদীগী গেরেন্তীনি” হায়না মখা তাখি। শ্রীমতি শশীনা প্রধান মন্ত্রীবু PM- JANMAN অমসুং অতোপ্পা স্কিম কয়াগীদমক্তা গুম্লা জিলাদা লৈবা ইমুং খুদিংগী মহুৎ শিন্দুনা থাগৎখি।

প্রধান মন্ত্রীনা ৱা ঙাঙবদা, উত্তরায়ন, মকর শঙ্ক্রান্তী, পোঙ্গল অমসুং বিহু কুহ্মৈগী মতাংদা পল্লদুনা লৈবাক অসিদা লৈরিবা হরাও কুহ্মৈগী ইথিলদা মীয়ামগী পুক্নিং চীংশিনখি। ঙসিগী থৌরম অসিনা কুহ্মৈগী মতমশিং অসিবু হেন্না অখন্নবা ওইহল্লে অমসুং বেনেফিশরীশিংগা ৱারী শানবনা মহাক্কী ৱাখলবুসু য়াম্না নুংঙাইহল্লে হায়না মহাক্না হায়খি। “নাকল অমদা, অয়োধ্যাদা দিৱালী পাংথোক্লি, অদুগা য়াম্না লাইরবা ত্রাইবেল খুন্নাইগী মীওই লাক্ষ অমসু দিৱালী পাংথোক্লি”, প্রধান মন্ত্রীনা ত্রাইবেলগী খুন্নাইগী মীয়ামগী বেঙ্ক একাউন্তশিংদা পক্কা য়ুম শাবগী শেল পীরিবা অসি পল্লদুনা হায়খি অমসুং থৌরম অসিগীদমক্তা পুম্নমকপু থাগৎখি।

প্রধান মন্ত্রীনা বেনেফিশরীশিংনা মশাগী ময়ুমদা হন্দক্কী দিৱালী শোইদনা পাংথোকপা ফংলগনি হায়বগী থাজবা লৈরে হায়খি। অয়োধ্যাদা রাম মন্দির শঙ্গাবগী শেংলবা থৌরম অসি পল্লদুনা, প্রধান মন্ত্রীনা মসিগুম্বা পুৱারী ওইরবা থৌরমদা শরুক য়াবগী খুদোংচাবা ফংলিবা অসি তসেংনা লাইবক ফবনি হায়খি। রাম মন্দির শঙ্গাগদৌরিবা অসিবু ইকায় খুম্নবা ওইনা মহাক্না চত্থরিবা নুমিৎ 11 চরা হেনবগী ইরাৎ থৌনী অসিগী মনুংদা মাতা শাবরীবু নীংশিংবা হায়বসিদি মহৌশানা তাবনি হায়না পি.এম. মোদীনা হায়খি।

“শ্রী রামগী ৱারীদি মাতা শাবরী য়াওদনা মপুং ফারোই”, প্রধান মন্ত্রীনা হায়রদুনা নিংথৌমচা রাম্না মর্য়াদা পুরুশোত্তম রাম ওইবদা মপুং ওইবা থৌদাং লৌখিবা মাতা শাবরীগী মতাংদা পাউদমখি। “দশরথকী মচানুপা রাম্না ত্রাইবেল ইমা শাবরীগী হৈজাম্পেৎ চারবা মতুংদা খক্তা দীনবন্ধু রাম ওইবা ঙমখিবনি”, মহাক্না হায়খি। রামচরিত মানসকী ৱারোল খরা পল্লদুনা, প্রধান মন্ত্রীনা পুক্নিং লুপচবগী মরী অসিদি ভগ্বান শ্রী রামগী মতাংদা খ্বাইদগী হেন্না চেৎলি হায়না হায়নবা লৈরিবনি হায়খি। “ত্রেতাগী রাজারামগী নত্ত্রগা হৌজিক ওইরিবা ফিভমগী ৱারী ওইরো, নুংঙাইবা য়াইফ য়ুম্বাল হায়বসিদি লাইরবা, শোত্থবা অমসুং ত্রাইবেল য়াওদনা ওইথোক্লোই”, শ্রী মোদীনা হৌখিবা চহি 10দা লাইরবশিংগী পক্কা য়ুম করোর 10 শাখিবগী ৱাফম পল্লদুনা হায়খি। “লাইথোক্তুনা থম্বীরম্বা মীওইশিংগী মফমদা মোদীনা য়ৌশিল্লি”, মহাক্না মখা তাখি।

PM-JANMAN মহা অভিয়ানগী পান্দমদি সরকারগী স্কিমশিংগী খুত্থাংদা ত্রাইবেল খুন্নাইগী মীপুম খুদিংদা কান্নবা ফংহনবনি হায়না প্রধান মন্ত্রীনা হায়খি। থা অনিগী মনুংদা, PM-JANMANগী মেগা কেম্পেন অসিনা মঙলান খক্তদা ওইথোকপা মহৈ অমা ফংবা ঙমখ্রে হায়না মহাক্না পাউদমখি। ভগ্বান বির্সা মুন্দাগী মপোক কুমওন্দা PM-JANMAN হৌদোকপদা মাইয়োক্নখিবা শিংবা কয়াবু অমুক হন্না নীংশিংলদুনা, প্রধান মন্ত্রীনা ত্রাইবেল খুন্নাইগী ময়ুম ওইরিবা লৈবাক্কী অথাপ্পা অমসুং মনুং হঞ্জিনবা মফমশিংদা হায়রিবা কান্নবশিং য়ৌহনবদা থেংনখিবা খুদোংচাদবা কয়া পনখি। মসিগুম্বা অচৌবা থবক অসিগী থৌদাং লৌখিবদি হৌজিক্কী সরকার অসিনি হায়না মহাক্না মিৎয়েং চঙলদুনা হায়রিবা মফমশিং অসিদা থেংনরিবা অমোৎপা অমসুং ফত্তবা ঈশিং, মৈ, গ্যাস কন্নেক্সন লৈতবা, শোরোক অমসুং কন্নেক্তিবিতী লৈতবগী শিংনবশিং মীয়ামদা পাউদমখি। স্কিম অসিবু JANMAN হায়না মরিগীদমক্তা কৌরিবনো হায়না শন্দোক্না তাক্লদুনা, প্রধান মন্ত্রীনা হায়খি, “’জন’ হায়বনা মীয়াম অমসুং ‘মন’ হায়বনা মখোয়গী ‘মন কী বাত’ নত্ত্রগা নুংগী খোঞ্জেল হায়বনি”। সরকার অসিনা PM-JANMAN মেগা কেম্পেনগীদমক্তা লুপা করোর 23,000 হেন্না চাদিং তৌনবা থৌরাং তৌরিবা অসিগা লোয়ননা ত্রাইবেল খুন্নাইগী অপাম্বা খুদিংমক ফংলগনি হায়না মহাক্না অমুক্কা হন্না পনখি।

খুন্নাই অমদা কনা অমত্তবু চিত্থহন্দবা অমসুং সরকারগী স্কিমগী কান্নবশিংনা মীপুম খুদিংদা য়ৌরবা মতমদা লৈবাক অমনা চাউখৎপা ঙমগনি হায়না প্রধান মন্ত্রীনা হায়খি। খ্বাইদগী শোত্থবা ত্রাইবেল খুন্নাইনা লৈবাক্কী চাউরাকপা জিলা 190দা লৈ হায়না পাউদম্লদুনা, প্রধান মন্ত্রীনা সরকারনা থা অনিগী মনুংদা আয়ুশমান কার্দ 80,000 হেন্না য়েন্থোকপদা শিজিন্নবা থৌওংগী মতাংদা পনখি। মান্নবা মতৌ ওইনা, সরকার অসিনা খ্বাইদগী শোত্থবা ত্রাইবেল খুন্নাইগী চাউরাকপা লৌমী 30,000বু পি.এম. কিসান সম্মান নিধীগা মরী লৈনহনখ্রে অমসুং মখোয়গুম্বা বেনেফিশরী 40,000মুকী বেঙ্ক একাউন্তসু হাংদোকখ্রে হায়না মহাক্না পাউদমখি। খুদোংচাবা ফংজদ্রবা মীওই 30,000 হেনবদা কিসান ক্রেদিত কার্দ পীখ্রে অমসুং চাউরাকপা মীওই 11,000দনা ফোরেস্ত রাইত এক্তকী মখাদা লম পীখ্রে হায়না মহাক্না মখা তানা পনখি। মসিদি শুপ্নগী চয়োল খরগী থবক্কী মহৈনি অমসুং হায়রিবা মশিং অসি নোংম-নোংমগী হেনগৎলক্লি হায়না মহাক্না হায়খি। সরকারগী স্কিম খুদিংমক ঐখোয়গী খ্বাইদগী শোত্থবা ত্রাইবেল খুন্নাইদা খ্বাইদগী অথুবা মতমদা শোইদনা য়ৌহন্নবা ঐখোয়না ঐখোয়গী লৈজবা মতিক খুদিংমক শিজিন্নদুনা হোৎনরি। “ঐহাক্না মসিগী থাজবা পীজরি অমসুং মসিদি মোদীগী গেরেন্তীনি। অদুগা মোদীগী গেরেন্তী হায়বদি নিংবা শোইদনা থুংগনি হায়বনি”, মহাক্না হায়খি।

পার্তিক্যুলর্লী ভলনরেবল ত্রাইবেল গ্রুপ (PVTG)শিংদা পক্কা য়ুম পীবগী মতাংদা ৱা ঙাঙবদা, প্রধান মন্ত্রীনা ত্রাইবেল বেনেফিশরীশিংগী একাউন্ততা শেল থাখ্রে হায়খি। মখোয়না পক্কা য়ুম অমগী ওইনা লুপা লাক্ষ 2.5 ফংগনি, মসিদা মৈ, গ্যাস কন্নেক্সন, তোতি ঈশিং অমসুং অমাংশঙ লৈহন্দুনা নুংঙাইবা পুন্সি মহিং অমসু হিংহনগনি। হায়রিবা বেনেফিশরী লাক্ষ অমা অসিদি হৌবতা ঙাইরি অমসুং সরকারনা মতিক চাবা বেনেফিশরী খুদিংদা য়ৌগনি হায়না মহাক্না হায়খি। কান্নবশিং অসি শোইদনা ফংগনি হায়বগী থাজবা পীরদুনা কান্নবশিং অসি ফংনবা কনা অমত্তদা শেল পীজবগী থবক তৌবীগনি হায়না প্রধান মন্ত্রীনা হায়খি।  

প্রধান মন্ত্রীনা মহাক্কা ত্রাইবেল খুন্নাইশিংগা মতম শাংনা মরী লৈনরকপগী মতাংদা পল্লদুনা, মহাক্না PM-JANMAN মহা অভিয়ানগী খোঙচত্তা ফংলকপা এক্সপেরিএন্সশিংদা থাজবা থম্মি হায়খি। মখা তাবা ওইনা, মহাক্না রাস্ত্রপতি দ্রৌপদি মুর্মুবু মহাকপু লমজিং লমতাকপীবগীদমক্তা থাগৎখি।

“করিগুম্বা স্কিমশিং অসি চেদা খক চলায়বগী থৌওং অদুম মখা চত্থরবদি, তসেংবা বেনেফিশরীনা মসিগুম্বা স্কিম অমা লৈ হায়বা কৈদৌনুংদা খঙলোই”, প্রধান্মন্ত্রীনা স্কিমগী কান্নবা ফংবদা থেংনবা শিংনবশিং পল্লদুনা হায়খি। PM-JANMAN মহা অভিয়ানগী মখাদা, অয়েৎপা পীবা রুল পুম্নমক সরকারনা হোংদোক্লে হায়না প্রধান মন্ত্রীনা মিৎয়েং চঙলদুনা, শোত্থবা ত্রাইবকী খুঙ্গংদা শোরোক ফংহনখিবা PM গ্রাম সরক য়োজনা, মোবাইল মেদিকেল য়ুনিৎকা মরী লৈনবা রুল কয়া হোংদোকখিবা, ত্রাইবেল য়ুম্থোং খুদিংদা মৈ য়ৌহন্নবা সোলর পাৱর কন্নেক্সন পীথোকপা, অমসুং অনৌবা মোবাইল তাৱর চা কয়া খিন্দুনা অয়াঙবা ইন্তর্নেত কন্নেক্সন ফংহনবগী খুদম পীখি।

ফুদ সেক্যুরিতীগী মতাংদা, চহি 5 অমুক্কা শাংদোকখ্রবা ফ্রী রাসন স্কিমগী মতাংদা প্রধান মন্ত্রীনা পনখি। অৱাবা তাগনবা ত্রাইবেল কাঙলুপশিংদা মফম অমত্তদা তিকা কাপ্পা, ত্রেনিং অমসুং আঙ্গনৱারীগী খুদোংচাবা খুদিংমক ফংহনগদবা সেন্তর 1000 শেম্বগী থৌরাং লৈরিবা অসিবুসু মহাক্না পাউদমখি। মহাক্না ত্রাইবেল নহাশিংগী হোস্তেল শাবগী মতাংদসু পনখি। অনৌবা বন ধন কেন্দ্রসু লাক্লগনি, মহাক্না হায়খি।

বিকশিৎ ভারত সঙ্কল্প য়াত্রাগা লোয়ননা ‘মোদীগী গেরেন্তী’গী গারীনা লৈবাক্কী খুঙ্গং খুদিংদা য়ৌশিল্লি হায়না পল্লদুনা, প্রধান মন্ত্রীনা গারী অসি মীয়ামগা সরকারগী স্কিমশিংগা মরী লৈনহন্নবগীদমক্তা চেনবনি হায়খি। এস্পিরেস্নেল দিস্ত্রিক্ত প্রোগ্রামগী মতাংদা পল্লদুনা, প্রধান মন্ত্রীনা ত্রাইবেল খুন্নাইগী মীওইশিংনা মসিগী খ্বাইদগী চাউবা বেনেফিশরী ওইরি হায়খি। মহাক্না মৈ কন্নেক্সন, ৱান নেসন ৱান রাসন কার্দ অমসুং আয়ুশমান ভারত স্কিমগী মতাংদসু পনখি।

প্রধান মন্ত্রীনা সিক্কল সেল এনেমিয়াগী খুদোংথীবগী মতাংদা পল্লদুনা লাইনা অসিনা ত্রাইবেল খুন্নাইগী চারোন শুরোন কয়াদা অৱাবা পীদুনা লাক্লি হায়খি। চারোন শুরোন্দা থাংথনবা মসিগুম্বা লাইনা অসি মুত্থৎনবা সরকারনা কন্না হোৎনরি হায়না মহাক্না হায়খি। “সিক্কল সেল অসিবুসু বিকাস ভারত সঙ্কল্প য়াত্রা মনুংদা য়েংশিনখি। হৌখিবা থা অনিগী মনুংদা মীওই লাক্ষ নিফু হেনববু সিক্কল সেলগীদমক্তা তেস্ত তৌখ্রে”, মহাক্না পাউদমখি।

শ্রী মোদীনা হায়খিবদা সরকারনা সেদ্যুল ত্রাইবকা মরী লৈনবা স্কিমশিংগী বজেত্তা শরুক 5 হেনগৎখ্রে। ত্রাইবেল মহৈরোইশিংদা পীরম্বা স্কোলার্শিপকী অপুনবা বজেৎ অসিদসু শরুক অনি মখায় হেন্না হেনগৎখ্রে। চহি 10গী মমাংদা, লৈবাক অসিদা ত্রাইবেল অঙাংগীদমক্তা শুপ্নগী এক্লাব্যা স্কুল 90 খক লৈরম্মি, অদুগা হৌজিক্কী সরকার অসিনা হৌখিবা চহি 10দা অনৌবা এক্লাব্যা স্কুল 500 হেন্না শাবগী থবক হৌখ্রে হায়না প্রধান মন্ত্রীনা হায়খি। অৱাংবা থাক্কী মহৈ-মশিং তম্লিবা অমসুং অচৌবা কম্পেনীশিংদা থবক তৌরিবা ত্রাইবেল মহৈরোইশিংদা মহাক্না থাজবা থম্মি হায়খি। “মসিগীদমক্তা, ত্রাইবেল মফমশিংদা তাক্লিবা ক্লাসশিংবু মতমগা চুনহল্লি অমসুং হাইয়র এজুকেসনগী সেন্তর মশিংসু হেনগৎহনখ্রে”, মহাক্না হায়খি।

ইং 2014গী মমাংদা, উমংগী পোত্থোক শুপ্নগী 10গী MSP শেম্লম্মি, অদুবু হৌজিক্কী সরকারনা MSPগী মখাদা উমংগী পোত্থোক চাউরাক্না 90 মনুং চলহল্লে হায়না প্রধান মন্ত্রীনা হায়খি। “উমংগী পোত্থোকশিংগী মমল ৱাংনা ফংনবগীদমক্তা, ঐখোয়না বন ধন কেন্দ্র শেমখি”, শ্রী মোদীনা হায়খি অমসুং মসিদা নুপী মশিং য়াম্বনা বেনেফিশরী ওইরি হায়নসু পনখি। “হৌখিবা চহি 10 অসিদা, ত্রাইবেল ইমুংশিংদা পত্তা লাক্ষ 23 পীথোকখি। ঐখোয়না ত্রাইবেল খুন্নাইগী হাত বজারবু খুমাং চাউশিনহল্লি। ঐখোয়গী ত্রাইবেল ইচিল ইনাওশিংনা মখোয়গী চপ মান্নবা পোত্থোকশিংবু লৈবাক্কী অতোপ্পা কৈথেলশিংদা য়োনবা য়াহন্নবা কেম্পেন কয়া অমসু ঐখোয়না চত্থরি”, মহাক্না হায়খি।

প্রধান মন্ত্রীনা মহাক্কী ৱারোল লোইশিনবা ওইনা অসুম্না হায়খি, “ঐহাক্কী ত্রাইবেল ইচিল ইনাওশিংনা মনুং হঞ্জিনবা উমংদা লৈরম্বা য়াই অদুবু মখোয়গী মিৎয়েংদি য়াম্না শানবনি। ঙসি, ত্রাইবেল খুন্নাইনা ঐখোয়গী সরকারনা ত্রাইবেলগী চৎনবী অমসুং মদুবু ইকায় খুম্ননবা মতৌ করম্বা থবক তৌরি হায়বা উরে অমসুং খঙলে”। ভগ্বান বির্সা মুন্দাগী মপোক কুমওনবু জঞ্জাতিয় গৌরব দিবস হায়না পাংথোক্নবা সরকারনা লাউথোকখিবা অমসুং ত্রাইবেল নিংতম লান্মীগী চাউরবা ত্রাইবেল ম্যুজিয়ম 10বু লৈবাক শিনবা থুংবদা শাবগী ৱাফমশিং মহাক্না পনখি। পি.এম. মোদীনা ত্রাইবেল খুন্নাইনা ইকায় খুম্নবা অমসুং নুংঙাইবা পুন্সি মহিং হিংনবা লেপ্তনা হোৎনগনি হায়বগী থাজবা পীখি।

বেকগ্রাউন্দ

প্রধান মন্ত্রীনা লাস্ত মাইলদা লৈবা খ্বাইদগী অকোনবা মীওইবু মপাঙ্গল হাপ্পগী অন্ত্যোদয়াগী পান্দম ফংনবা হোৎনরিবা অসিগা মরী লৈননা, পি.এম.-জনমন হায়বসি জঞ্জাতীয় গৌরব দিবস, নবেম্বর 15, 2023দা পার্তিক্যুলর্লী ভলনরেবল ত্রাইবেল গ্রুপ (PVTG)শিংগী সোসিও-ইকোনোমিক ৱেলফিয়রগীদমক্তা হৌদোকখিবনি।

লুপা করোর 24,000গী চাউরাকপা বজেৎ কায়থবা PM-JANMAN অসিনা মন্ত্রালয় 9গী খুত্থাংদা ক্রিতিকেল ইন্তর্ভেন্সন 11দা মিৎয়েং চঙই অমসুং PVTG ইমুংশিংদা অফবা থক্নবা ঈশিং, তেক্ত-কাইরোইদবা য়ুম অমসুং সেনিতেসন, এজুকেসন, হকশেল অমসুং ন্যুত্রিসনগী এক্সেস হেনগৎহনবা, মৈ, শোরোক অমসুং তেলিকোম কন্নেক্তিবিতী ফগৎহনবা অমসুং সস্তেনেবল ওইবা পুন্সি মহিং হিংবগী খুদোংচাবগুম্বা তঙাই ফদবা খুদোংচাবশিং য়ৌহন্দুনা মখোয়গী সোসিও-ইকোনোমিক্কী ফিভমশিং ফগৎহনবগী পান্দমসু থম্লি।

Delighted to speak to PM-JANMAN beneficiaries. Our government has assiduously worked for welfare of tribals. https://t.co/3uMKYpum2x

— Narendra Modi (@narendramodi) January 15, 2024

सरकार की योजनाएं अति पिछड़े जनजातीय भाई-बहन तक पहुंचें, यही पीएम जनमन महाअभियान का उद्देश्य है। pic.twitter.com/D74fKrrFMl

— PMO India (@PMOIndia) January 15, 2024

हमारे देश का विकास तभी हो सकता है जब समाज में कोई छूटे नहीं, हर किसी तक सरकार की योजनाओं का लाभ पहुंचे। pic.twitter.com/ieLPEgIUNR

— PMO India (@PMOIndia) January 15, 2024

आज देश में वो सरकार है जो सबसे पहले गरीबों के बारे में सोचती है। pic.twitter.com/Wv0lnKnEI2

— PMO India (@PMOIndia) January 15, 2024

केंद्र सरकार जो आकांक्षी जिला प्रोग्राम चला रही है उसका सबसे बड़ा लाभ हमारे आदिवासी भाई-बहनों को ही मिला है। pic.twitter.com/P0iYymkqgm

— PMO India (@PMOIndia) January 15, 2024

विकसित भारत संकल्प यात्रा के दौरान भी सिकल सेल की जांच की जा रही है। pic.twitter.com/2OVmfBlDzu

— PMO India (@PMOIndia) January 15, 2024

आज आदिवासी समाज देख और समझ रहा है कि कैसे हमारी सरकार जनजातीय संस्कृति और उनके सम्मान के लिए काम कर रही है: PM @narendramodi pic.twitter.com/oilNc52Fat

— PMO India (@PMOIndia) January 15, 2024

***