প্রধান মন্ত্রী, শ্রী নরেন্দ্র  মোদীনা ঙসি মহারাস্ত্রগী নবী মুম্বাইদা লুপা করোর 12,700 রোম হেনবা চাউখৎ থৌরাংগী প্রোজেক্ত কয়ামরুম শঙ্গাখ্রে, জাতিদা কত্থোকখ্রে অমসুং উরেপ উয়ুং তমখ্রে। ঙসি অঙনবদা প্রধান মন্ত্রীনা নবী মুম্বাইদা লুপা করোর 17,840 হেন্না চংনা শাখিবা অতল বিহারি বাজপেয়ী সিৱরী-নহাবা শেবা অতল সেতু শঙ্গাখি। ঙসি শঙ্গাখিবা চাউখৎ-থৌরাংগী প্রোজেক্তশিং অদুদা রোদ অমসুং রেল কন্নেক্তিবিতী, দ্রিঙ্কিং ৱাতর, গেম্স অমসুং জ্বেলরী অমদি নারী শক্তিগী সেক্তরশিং য়াওখি।

থৌরম অদুদা ৱা ঙাংলদুনা প্রধান মন্ত্রীনা হায়খি মদুদি ঙসি অসি মুম্বাই অমসুং মহারাস্ত্র খক্তগী পুৱারী ওইরবা নুমিৎ ওইবতা নত্তনা মসি ‘ভিকসিৎ ভারত’কী ফিরেপকীদমক্তসু ওইরি। “চাউখৎ থৌরাংগী প্রোজেক্তশিং অসি মুম্বাইদা পাইখৎচরবসু লৈবাক পুম্বনা মসিদা মীৎয়েং থম্মি” হায়না শ্রী মোদীনা ফোঙদোকখি। ভারতকী খ্বাইদগী শাংবা সী ব্রিদজ অতল সেতু শঙ্গাবদা প্রধান মন্ত্রীনা হায়খি মদুদি মসিনা ভারতকী গ্রোথকী মাইকৈদা চংশিল্লিবা অদু তাক্লি। প্রধান মন্ত্রীনা দিসেম্বর 24, 2016দা MHTL অতল সেতুগী উরেপ উয়ুং তমখিবা অদু নীংশিংলদুনা হায় ঙসিগী থৌরম অসি ফিরেপ চেৎলবদা মাইপাকপা ঙম্মি হায়বগী খুদম ওইরি। মমাংগী সরকারশিংগী মতমদা থৌশাদবগী থৌওং চত্থরম্বনা মরম ওইরগা হৌখিবা মতমগ প্রজাশিং অসি আশা অমত্তা লৈরমখিদে হায়না ফোঙদোক্লদুনা মহাক্না সরকার অসিনা অচৌবা প্রোজেক্তশিং লোইশিন্নবা মাইকৈদা চংশিল্লি হায়না নৌহৌননা ফোঙদোকখি। “লৈবাক অসিনা মাংদা চংশিনগনি অমসুং লৈবাক অসিনা খুমাং চাউশিনগনি। মসি মোদীগী 2016দা পীখিবা গরেন্তীনি” হায়না প্রধান মন্ত্রীনা ফোঙদোকখি। “ঐহাক্না অতল সেতু অসিবু মুম্বাইকরশিংদা কত্থোক্লি অমসুং লৈবাক অসিনা ছত্রপতি শিবাজী, মুম্বা দেবী অমসুং সিদ্ধিবিনায়ক্কী মমাংদা খুরুমজরি”। মহাক্না কোরোনা লাইচৎ মনুংদা পীখিবা অপনবা থেংনদুনা MHTL অতল সেতু মতম চানা লোইশিনবা ঙমখিবা অসিবু থাগৎখি অমসুং হায়খি মদুদি চাউখৎ থৌরাংগী প্রোজেক্ত অমা হেক্তা শঙ্গাবা, কত্থোকপা নত্ত্রগা উরেপ-উয়ুং তম্বা অসি ফোতো ওপ খক্তা নত্তে মসি ভারত শেমগৎনবগী মেদিয়ম অমনি। “প্রোজেক্ত খুদিংমক্না অচৌবা ভারত অমগী চাউখৎ থৌরাংদা শরুক তম্মি” হায়না প্রধান মন্ত্রীনা ফোঙদোকখি।

রোদস, রেলৱেজ, মেত্রো অমসুং ৱাতরগী লমশিংগী ঙসিগী প্রোজেক্তশিং অমসুং বিজিনেসকা মরী লৈনবা ইনফ্রাস্ত্রকচরগী মতাংদা পল্লদুনা প্রধান মন্ত্রীনা হায়খি মদুদি প্রোজেক্তশিং অসি অয়াম্বনা রাজ্য অসিদা দবল ইঞ্জিন সরকারনা হৌদোকখি অমসুং মহারাস্ত্রগী মুখ্য মন্ত্রী, শ্রী একনাথ শিন্দে অমসুং উপ মুখ্য মন্ত্রী, শ্রী দেবেন্দ্র ফদনাবিস অমসুং শ্রী অজিত পাৱরনা লমজিংবা তীমগী খোঙথাংশিংবু থাগৎখি।

নুপীশিংনা শরুক য়াবা অমসুং মখোয়গী থৌজাল ফংবদা নুংঙাইবা ফোঙদোক্লদুনা প্রধান মন্ত্রীনা হায়খি, “মোদীনা পীখিবা ইচানুপী অমসুং ইচে-ইচলগী শক্তি পীবগী গরেন্তী অদু মহারাস্ত্র সরকারনা পাইখৎলি”। মহাক্না মুখ্য মন্ত্রী মহিলা সক্ষমিকরন অভিয়ান, নারী শক্তিদূত এপ্লিকেসন অমসুং লেক লরকি য়োজনা অসিগুম্বা স্কিমশিং অসি মাইকৈ অসিদা লৌখৎপা খোঙথাংশিংনি। নুপীশিংগা লোয়ননা মাংদা থোরক্তুন ভিকসিৎ ভারতকী ইহৌ অসি মাংজিল থাবা হায়বা অসি য়াম্না মরু ওই। ঐখোয়গী ইমা অমসুং ইচে-ইচলশিংগী লম্বীদা থেংনবা অপনবা খুদিংমক লৌথোকপা অমসুং মখোয়গীদমক ইজ ওফ লাইফ ফংহনবা হায়বা অসি ঐখোয়গী সরকারগী মরু ওইবনি” হায়না মহাক্না মখা  তাখি। মহাক্না উজ্জ্বালা, আয়ুশ্মান কার্দ, জন ধন একাউন্ত, পি.এম, আৱাসকী মখাদা পক্কাগী য়ুমশিং, মাত্রু বন্দনা, চয়োল 26কী মেতর্নিতী লীব, অমসুং সুকন্যা সমৃধি একাউন্তশিং অসিগুম্বা স্কিমশিং অসিনা নুপীশিংগী মথৌ তাবশিং কোকহন্নবা থবক তৌরি হায়না ফোঙদোকখি। “মহিলা কল্যান অসি রাজ্য অমা হেক্তদা লৈবা দবল ইঞ্জিন সরকার অমা হেক্তগী অহানবা গরেন্তীনি” হায়না মহাক্না মখা তাখি।

মহাক্না হায়খি মদুদি অতল সেতুনা মাগী সাইজ, চৎথোক চৎশিন তৌবদা কোমথোকহনবা, ইঞ্জিনীয়র অমসুং পাকচাউবা অসিগীদমক মীপুম খুদিংমক্তা চাউথোকচবা পোকহল্লি। মহাক্না হায়খি মদুদি প্রোজেক্ত অসিদা শীজিন্নখিবা স্তীল অসিনা হাওরা ব্রিদজ মরি অমসুং স্তেচু ওফ লিবর্তী তরুক শাবা কোন্নগনি। প্রধান মন্ত্রীনা জাপান সরকারনা মখোয়গী মতেং পীবীবগীদমক থাগৎখি অমসুং প্রধান মন্ত্রী শিঞ্জো অবেবু নীংশিং। “ঐখোয়না থোং অসি য়ারিবা মখৈ থুনা লোইশিন্নবা ফিরেপ লৌখি” হায়না পি.এম. মোদীনা নীংশিংখি।

“অতল সেতু অসি লৈবাক পুম্বনা 2014দা থমখিবা অনীংবা অপাম্বশিং অদু মঙফাওনবনি” হায়না প্রধান মন্ত্রীনা ফোঙদোকখি। 2014গী মীখলগী মমাংগী মতমদা প্রধান মন্ত্রীনা রাইগর ফোর্ত্তা চৎতুনা শিবাজীগী সমাধিদা চৎখিবা অদু নীংশিংখি অমসুং মহাক্না হায়খি মদুদি লৈবাক অসিনা চহি তরাগী মমাংদা মাংখিবা মঙলান অমসুং লৌখিবা ফিরেপশিং অদু ঙসিদি মঙফাওনবা ঙম্লে। MHTL অতল সেতুনা নহারোলগী মরক্তা অনৌবা থাজবশিং পোকহল্লি হায়না ফোঙদোক্লদুনা মহাক্না হায়খি, “অতল সেতু অসি থাজবা অসিগী মমিনি অমসুং মসিনা ভিকসিৎ ভারতকী শক্তম অমা উৎলি”। “ভিকসিৎ ভারত্তা পুম্নমক্কীদমক সর্ভিস অমসুং য়াইফ থৌরাং য়াওগনি। মসিদা স্পীদ অমসুং প্রোগ্রেস য়াওগনি মসিনা মালেমবু হেন্না নকশিনহনগনি। পুন্সি অমসুং হিংনবগী পাম্বৈ অসি মখা তানা খুমাং চাউশিনগনি। মসি অতল সেতুগী পাউজেলনি” হায়না প্রধান মন্ত্রীনা ফোঙদোকখি।

হৌখিবা চহি 10দা ভারত্তা পুরকখিবা অওনবগী মতাংদা পল্লদুনা প্রধান মন্ত্রীনা হায় কনাগুম্বনা 2014 গী মমাংগী ভারত অদু নীংশিংলুবা মতমদা অওনবা ভারতকী শক্তম অসি হেন্না ময়েক শেংলি। “মমাংদা মলতি মিলিয়ন করোর স্কেমশিং অসি খন্ন-নৈনবগী শরুক অমা ওইরমখি, ঙসিদি খন্ন-নৈনবা অসি লুপা করোর লিশিং কয়ারোম ওইবা প্রোজেক্তশিং লোইশিনবগী মতাংদা ওইরি”, হায়না শ্রী মোদীনা ফোঙদোকখি। মহাক্না অৱাং নোংপোক্তা ভুপেন হজারিকা সেতু অমসুং বোগীবেক ব্রিদজ শাবা লোইখিবা , অতল তনেল অমসুং চেনাব ব্রিদজ, মলতিপল এক্সপ্রেসৱেজ, মোদর্ন রেলৱে স্তেসনশিং, ইস্তর্ন অমসুং ৱেস্তর্ন ফ্রৈত কোরিদোর, ভন্দে ভারত, অমৃত ভারত অমসুং নমো ভারত ত্রেনশিং অমসুং অনৌবা এয়রপোর্তশিং শঙ্গাখি।

মহারাস্ত্রদা হন্দক পাইখৎখিবা মেগা দিবেলপমেন্ত প্রোজেক্ত অসিবু খুদম ওইনা পীদুনা প্রধান মন্ত্রীনা বালা সাহেব থাকক্রে সমৃদ্ধি মহামার্গ শঙ্গাখিবা অমসুং মুম্বাইদা কন্নেক্তিবিতীদা অচৌবা অহোংবা পুরক্কদৌরিবা নবী মুম্বাই এয়রপোর্ত অমসুং কোস্তেল রোদ প্রোজেক্ত পাইখৎলিবা অসিগী মতাংদা পনখি। মহাক্না ইস্তর্ন ফ্রেৱেজকী ওরেঞ্জ গেৎকা মেরিন দ্রাইব শম্নহল্লিবা অন্দরগ্রাউন্দ রোদ তনেল অসিনা চৎথোক চৎশিন তৌবদা খুদোংচাবা পীবা হেনগৎলগনি হায়নসু ফোঙদোকখি। “অথুবদা মুম্বাইদা মাগী অহানবা বুল্লেৎ ত্রেন চেল্লগনি” হায়না মহাক্না মখা তাখি, “দিল্লী-মুম্বাই ইকনোমিক কোরিদোর অসিনা সেন্ত্রেল অমসুং অৱাং থংবা ভারতকা মহারাস্ত্রগা শম্নহল্লগনি। মহারাস্ত্র অমসুং তেলঙ্গানা, ছত্তিসগর অমসুং অতৈ য়ুমলোন্নরিবা  রাজ্যশিং শম্নহন্নবা ত্রান্সমিসন লাইন নেৎৱার্কশিংসু শেমখ্রে। ওইল অমসুং গ্যাস পাইপলাইনগী অচৌবা প্রোজেক্তশিং, ঔরঙ্গবাদ ইন্দস্ত্রিএল সিতী, নবী মুম্বাই এয়রপোর্ত অমসুং শেন্দ্রা-বিদকিন ইন্দস্ত্রিএল পার্ক অসিনা মহারাস্ত্রগী ইকনোমীদা অনৌবা ইনোৎ অমা পীরগনি”।

প্রধান মন্ত্রীনা তেক্সপেয়রশিংগী শেলবু লৈবাক্কী চাউখৎ থৌরাংদা করম্না শীজিন্নবগে উৎখি অমসুং মমাংদা শেনফম অসি লান্না শীজিন্নরম্বা অদুগা খেন্নবা অদু থমখি। মহাক্না দিকেদ 5গী মমাংদা হৌখিবা নিৱান্দে দামগী মরমদা পনখি অমসুং মসি হৌজিক পাল্লিবা সরকারনা লোইশিনখি অমসুং দিকেদ 3গী মমাংদা হৌখীবা উরান-খারকোপর রেলৱে লাইনগী থবক পাইখৎলি অমসুং দবল ইঞ্জিন সরকারনা মসি ফাস্ত-ত্রেক ওইনা পাইখৎলি অমসুং অহানবা ফেস অসি ঙসি জাতিদা কত্থোকখ্রে। মতৌ অসুম্না নবী মুম্বাই মেত্রো প্রোজেক্তকী অহানবা ফেস অসি মতম শাংনা থিন্থদুনা লৈরুরবা মতুংদা লোইশিনখ্রে। মহাক্না হায়খী অতল সেতু অসি দিকেদ 5-6 প্লান তৌদুনা লৈরকখিবনি অমসুং শরুক 5 হেন্না পীকপা প্রোজেক্ত বন্দ্রা-ৱার্লি সীলিঙ্কনা চহি 10 হেন্না চংখি অমসুং বজেৎ অদু শরুক 4-5 হেনগৎখি।

প্রধান মন্ত্রীনা হায়খি অতল সেতু শাবা অসিদা শিন্মী 17,000 অমসুং ইঞ্জিনীয়র 1500 য়াওখি অমরোমদা মসিনা ত্রান্সপোর্ত অমসুং কনস্ত্রক্সন ইন্দস্ত্রীশিংদা থবক্কী খুদোংচাবশিং ওঈখি। “অতল সেতুনা রিজন অসিদা বিজিনেস এক্তিবিতীশিং মপাঙ্গল কনখৎহনখি অমসুং ইজ ওফ দুইং বিজিনেস অমসুং ইজ ওফ লাইফ হেনগৎহনখি” হায়না মহাক্না মখা তাখি।

 “ঙসি ভারত অসি লম অনিদা চপ মান্ননা খুমাং চাউশিল্লি”, হায়না পিএম. মোদীনা ফোঙদোকখি। মহাক্না হায়খি নাকল অমরোমদা  সরকারনা মেগা কেম্পেনশিং চত্থদুনা লায়রবশিংগী পুন্সি মহিং ফগৎহনখি অমরোমদনা অচৌবা প্রোজেক্তশিং লৈবাক্কী শরুক খুদিংমক্তা পাইখৎলি। প্রধান মন্ত্রীনা অতল পেন্সন য়োজনা অমসুং অতল সেতু, আয়ুশ্মান ভারত য়োজনা অমসুং ভন্দে ভারত-অমৃত ভারত ত্রেনশিং, পি.এম. কিসান সম্মানিধি অমসুং পি.এম. গতি শক্তিগী খেন্নবা অদু থমখি। প্রধান মন্ত্রীনা প্রজাশিংগী মাইকৈদা সরকারনা পুকচেল শেংনা হোৎনরিবা অসিবু থাগৎখি অমরিমদা মমাংগী সরকারশিংনা শক্তি করম্বা অমসুং মীয়ামগী মহুৎ মশাগী ইমুং মনুংশিংদা মীৎয়েং চংলমখিবা অদু পেন্দবা ফোঙদোকখি। চাউখৎ-থৌরাংগী অৱাৎপা লৈরমখিবগী মতাংদা প্রধান মন্ত্রীনা হায়খি 2014গী মমাংদা চহি 10দা ইনফ্রাস্ত্রকচরগীদমক লুপা করোর লাখ 12 খখক্তগী বজেৎ কাইথরমখি অমরোমদা হৌজিক পাল্লিবা সরকার অসিনা চহি 10 অসিদা ইনফ্রাস্ত্রকচরগীদমক লুপা  করোর লাখ 44 কাইথখি। “মহারাস্ত্র খক্তদা কেন্দ্র সরকারনা লোইশিনখ্রবা ইনফ্রাস্ত্রকচর প্রোজেক্তশিং নত্ত্রগা হৌজিক থবক চত্থরিবা প্রোজেক্ততা লুপা করোর লাখ 8 কাইথখি। শেনফম অসিনা সেক্তর খুদিংমক্তা অনৌবা থবক্কী খুদোংচাবশিং পীবসু হেনগৎলি” হায়না মহাক্না মখা তাখি।

ভিকসিৎ ভারত সঙ্কল্প য়াত্রাগী মতাংদা পল্লদুনা প্রধান মন্ত্রীনা হায়খি “মোদীগী গরেন্তী অসি অতৈদগী থাজবা মাংলবা মফমদগী হৌখি”। মহাক্না স্বচ্ছতা, এজুকেসন, মেদিকেল হেল্প অমসুং শেল তানবগা মরী স্কিমশিং অসিনা অয়াম্বনা নুপীশিংদা কান্নবা পীখি। পি.এম. জন ঔশাধি কেন্দ্রশিং, স্বনিধি, পি.এম. আৱাস অমসুং সেল্ফ হেল্প গ্রুপশিংদা মতেং পীবনা ‘লাখপতি দিদি’ শেমখি। প্রধান মন্ত্রীনা হায়খি পান্দম অসি ‘লাখপতি দিদি’ করোর 2 শেম্বনি। মহারাস্ত্র সরকারগী স্কিমশিংনা মাইকৈ অসিদা থবকসু পাইখৎলি। “ঐহাক্না নখোয়দা থাজবা পীরি মদুদি দবল-ইঞ্জিন সরকারনা মহারাস্ত্রগী চাউখৎ থৌরাংগীদমক চপ মান্নবা কত্থোকপগা লোয়নান মখা তানা থবক তৌগনি। ঐখোয়না মহারাস্ত্রবু চাউখৎপা ভারতকী শক্তি লৈবা য়ুম্বী অমা ওইহন্নবা হোৎনবা য়াবা হোৎনগনি” হায়না ফোঙদোক্লদুনা পি.এম.না ৱারোল পীবা লোইশিনখি।

থৌরম অসিদা মহারাস্ত্রগী রাজ্যপাল, শ্রী রামেশ বাইস, মহারাস্ত্রগী মুখ্য মন্ত্রী, শ্রী একনাথ শিন্দে, মহারাস্ত্রগী উপ মুখ্য মন্ত্রী, শ্রী দেবেন্দ্র দফনাবিস অমসুং শ্রী অজিত পাৱরনা শরুক য়াখি।

বেকগ্রাউন্দ

অতল বিহারী সেৱারী – নহাবা সেবা সেতু

প্রধান মন্ত্রীগী মঙলান অসিদি অর্বান ত্রান্সপোর্ত ইনফ্রাস্ত্রকচর অমসুং কন্নেক্তিবিতী হেন্না ফগৎহন্দুনা মীয়ামগী ‘ইজ ওফ মোবিলিতী’ হেন্না ফগৎহনবা হায়বসিনি। মঙলান অসিগা মরী লৈননা, মুম্বাই ত্রান্সহার্বর লিঙ্ক (MTHL), হৌজিক্না ‘অতল বিহারী সেৱারী – নহাবা সেবা সেতু’ হায়না মিংথোল্লবা অসি শাবা হৌখিবনি। থোং অসিগী উরেপ উয়ুং অসিবুনা প্রধান মন্ত্রীনা দিসেম্বর, 2016দা তমখিবনি।

অতল সেতু অসি পুন্না লুপা করোর 17,840 চঙনা শাবনি। মসি লেন-6 লৈদুনা সমুদ্রদা চাউরাকপা কিমি 16.5 অমসুং কংফালদা চাউরাকপা কিমি 5.5 লৈদুনা পুন্না কিমি 21.8 শাংই। মসিনা ভারতকী খ্বাইদগী শাংবা থোং অমসুং সী ব্রিজ অমসু ওইরগনি। মসিনা মুম্বাই ইন্তর্নেস্নেল এয়রপোর্ত অমসুং নবি মুম্বাই ইন্তর্নেস্নেল এয়রপোর্ত অনিগী মরক্তা চৎপদা হেন্না য়াঙহল্লগনি অমসুং মুম্বাইদগী গোৱা অমসুং খা ভারত্তা চৎপদা চঙবা মতমসু য়াম্না হন্থহল্লগনি। মসিনা মুম্বাইগী হিথাংফম অমসুং জৱাহর্লাল নেহরু হিথাংফমগী মরক্তা কন্নেক্তিবিতী হেন্না ফগৎহল্লগনি।

অতোপ্পা চাউখৎ থৌরাংগী প্রোজেক্তশিং

প্রধান মন্ত্রীনা ইস্তর্ন ফ্রীৱেগী ওরেঞ্জ গেত্তগী মেরিন দ্রাইব ফাওবা শম্নবা অন্দর্গ্রাউন্দ রোদ তন্নেল উরেপ উয়ুং তমখ্রে। কিমি 9.2 শাংবা তন্নেল অসি কুপা করোর 8700 হেন্না চঙদুনা শাগনি অমসুং মসিনা মুম্বাইগী ইনফ্রাস্ত্রকচর দিভেলপমেন্ততা মশক থোক্না তেংবাংবগা লোয়ননা ওরেঞ্জ গেত অমসুং মেরিন দ্রাইব চৎপগী মতম য়াম্না হন্থহনগনি।

প্রধান মন্ত্রীনা সুর্য় রিজনেল বল্ক দ্রিঙ্কিং ৱাতর প্রোজেক্তকী ফেজ 1বু লৈবাক মীয়ামদা খুৎশিন্নখ্রে। লুপা করোর 1975 হেন্না চঙনা পায়খৎপা প্রোজেক্ত অসিনা মহারাস্ত্রগী পলঘর অমসুং থানে জিলাদা থক্নবা ঈশিং পীগনি, অমসুং মীওই লাক্ষ 14দা কান্নবা ফংহনগনি।

মীয়ামগী থৌরম অসিগী মনুংদা, প্রধান মন্ত্রীনা লুপা করোর 2000গী রেলৱে প্রোজেক্ত কয়াসু লৈবাক মীয়ামদা খুৎশিন্নখ্রে। হায়রিবশিং অসিগী মনুংদা, ‘উরান খার্কোপর রেলৱে লাইনগী ফেজ 2’ য়াওরি। নেরুল/বেলাপুরদগী খার্কোপরগী মরক্তা চেনবা সবঅর্বান সর্ভিসশিং অসি হৌজিক উরান ফাওবা শাংদোক্কদৌরিবা অসিনা মসিনা নবী মুম্বাইদা চৎপদা হেন্না নুংঙাইহনগনি। প্রধান মন্ত্রীনা উরান রেলৱে স্তেসন্দগী খার্কোপর ফাওবগী অনৌবা EMU ত্রেন অসিবুসু লম্থাগনি।

লৈবাক মীয়ামদা খুৎশিন্নগদৌরবা অতোপ্পা রেল প্রোজেক্তশিংগী মনুংদা থানে-বাশী/পনবেল ত্রান্স হার্বর লাইন্দা লৈবা অনৌবা সবঅর্বান স্তেসন ‘দিঘা গাও’ শঙ্গাবা অমসুং খার রোদ অমসুং গোরাগো রেলৱে স্তেসনগী মরক্কী অনৌবা 6শুবা লাইন য়াওরি। প্রোজেক্তশিং অসিনা মুম্বাইদা নুমিৎ খুদিংগী চত্থোক চৎশিন তৌরিবা মীওই লিশিং কয়াদা অহেনবা খুদোংচাবা পীরগনি।

প্রধান মন্ত্রীনা জেম অমসুং জেৱেল্লরী সেক্তরগী ওইনা সেন্তাক্রুজ ইলেক্ত্রোনিক এক্সপোর্ত প্রোসেসিং জোন – স্পিসিএল ইকোনোমিক জোন (SEEPZ SEZ)তা লৈবা ‘ভারত রত্নম’ (মেগা কম্মন ফেসিলিতেসন সেন্তর) শঙ্গাখ্রে। মসিনা ভারত্তা অহানবা ওইগনি, অমসুং মসিদা 3D মেতল প্রিন্তিং য়াওনা মালেমগী খ্বাইদগী অফবা মছিনশিং লৈগনি। স্পিসিএল্লী এবল্দ মহৈরোইশিং য়াওনা সেকতর অসিগী ওইবা স্কিলিং ৱর্কফোর্সকী ত্রেনিং স্কুল অমসু মসিদা লৈগনি। মেগা CFC অসিনা জেম অমসুং জেৱেল্লরী ত্রেদকী এক্সপোর্ত সেক্তরবু হোংদোক্কনি অমসুং দোমেস্তিক মেন্যুফেকচরিংদসু তেংবাংগনি।

প্রধান মন্ত্রীনা ন্যু ইন্তর্প্রাইস অমসুং সর্ভিসেস তাৱর (NEST) অমসু SEEPZ SEZতা শঙ্গাখ্রে। NEST -01 অসিদি মরু ওইনা জেম অমসুং জেৱেল্লরী সেক্তর য়ুনিৎকীনি অমসুং হায়রিবা অসি হৌজিক লৈরিবা স্তেন্দর্দ দিজাইন ফেক্তরী I দগী হোংজিল্লগনি। অনৌবা তাৱর অসি লার্জ স্কেল প্রদক্সন অমসুং ইন্দস্ত্রীগী অপাম্বগী মখা পোন্না দিজাইন তৌবনি।

থৌরম অসিগী মনুংদা, প্রধান মন্ত্রীনা নমো মহিলা শশক্তিকরন অভিয়ান অসিবুসু হৌদোকখ্রে। অভিয়ান অসিনা মহারাস্ত্রগী নুপীশিংদা স্কিল দিভেলপমেন্ত ত্রেনিং পীদুনা অমসুং ওন্তোপ্রিনর্শিপ দিভেলপমেন্ত করিনো খঙহন্দুনা মপাঙ্গল হাপ্নবা পান্দম থম্লি। অভিয়ান অসিনা রাজ্য অমসুং কেন্দ্র সরকারগী নুপীশিংগী চাউখৎ থৌরাংগী প্রোগ্রামশিং পুনশিনবা অমসুং সেচ্যুরেসন তৌবগী থৌদাংসু লৌগনি।

The inauguration of Atal Setu exemplifies India's infrastructural prowess and underscores the country's trajectory towards a 'Viksit Bharat.' https://t.co/T8qlhtcxxB

— Narendra Modi (@narendramodi) January 12, 2024

आज दुनिया के सबसे बड़े sea bridges में से एक, ये विशाल अटल सेतु, देश को मिला है। pic.twitter.com/Oa6h4bGCxd

— PMO India (@PMOIndia) January 12, 2024

अटल सेतु, विकसित भारत की तस्वीर है।

विकसित भारत कैसा होने वाला है, उसकी एक झलक है। pic.twitter.com/s2sgDMtNtX

— PMO India (@PMOIndia) January 12, 2024

10 साल पहले, हज़ारों, लाखों करोड़ रुपए के Mega Scams की चर्चा होती थी।

आज हज़ारों करोड़ रुपए के mega projects के पूरा होने की चर्चा होती है। pic.twitter.com/ugkNL866ZZ

— PMO India (@PMOIndia) January 12, 2024

आज एक तरफ, गरीब का जीवन बेहतर बनाने के लिए महा-अभियान हैं, तो दूसरी तरफ, देश के कोने-कोने में चल रही महा-परियोजनाएं हैं। pic.twitter.com/peyTD7ObKC

— PMO India (@PMOIndia) January 12, 2024

हमारी सरकार की नीयत साफ है।

आज सरकार की निष्ठा सिर्फ और सिर्फ देश के प्रति है, देशवासियों के प्रति है: PM @narendramodi pic.twitter.com/b6nu32YQsv

— PMO India (@PMOIndia) January 12, 2024

*****