ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଦି (୨୭.୧୨.୨୦୨୩) ବିକଶିତ ଭାରତ ସଂକଳ୍ପ ଯାତ୍ରାରେ ହିତାଧିକାରୀ ମାନଙ୍କ ସହ ଆଭାସୀ ଜରିଆରେ ମତ ବିନିମୟ କରିଛନ୍ତି । ପ୍ରଧାନମନ୍ତ୍ରୀ ଏହି ଅବସରରେ ସମବେତ ସଜ୍ଜନ ମଣ୍ଡଳୀଙ୍କୁ ମଧ୍ୟ ସମ୍ବୋଧିତ କରିଥିଲେ ।

ବିକଶିତ ଭାରତ ସଂକଳ୍ପ ଯାତ୍ରାର ହଜାର ହଜାର ହିତାଧିକାରୀ ଦେଶର ବିଭିନ୍ନ ସ୍ଥାନରୁ ଏଥିରେ ଯୋଗଦେଇଥିଲେ । କେନ୍ଦ୍ର ମନ୍ତ୍ରୀ, ସଂସଦର ସଦସ୍ୟ, ବିଧାୟକ ଓ ସ୍ଥାନୀୟ ସ୍ତରୀୟ ପ୍ରତିନିଧିମାନେ ମଧ୍ୟ କାର୍ଯ୍ୟକ୍ରମରେ ଯୋଗଦେଇଥିଲେ ।

ମଧ୍ୟପ୍ରଦେଶ ଦେୱାସର ରୁବିନା ଖାଁ  ୧ଲକ୍ଷ ୩୦ହଜାର ସଦସ୍ୟ ବିଶିଷ୍ଟ ଏକ ସ୍ୱୟଂ ସହାୟକ ଗୋଷ୍ଠୀ  ସଦସ୍ୟା। ଶ୍ରମଜୀବୀ ଜୀବନ ପରିତ୍ୟାଗ କରି ସେ ସ୍ୱୟଂ ସହାୟକ ଗୋଷ୍ଠୀରୁ ଋଣ ଆଣି ଏକ ଲୁଗାପଟା ବିକ୍ରିର ଛୋଟିଆ ବ୍ୟବସାୟ ଆରମ୍ଭ କରିଥିଲେ । ପରେ ସେ ଏକ ପୁରୁଣା  ମାରୁତି ଭ୍ୟାନ ସାହାଯ୍ୟରେ ତାଙ୍କ ବ୍ୟବସାୟ କାର୍ଯ୍ୟ ଚଳାଇଥିଲେ ବୋଲି କହିବା କ୍ଷଣି ପ୍ରଧାନମନ୍ତ୍ରୀ ମୋଦି ତାଙ୍କ ପାଖରେ ତ ସାଇକେଲ ଖଣ୍ଡିଏ ନାହିଁ ବୋଲି ମଜାରେ କହିଥିଲେ । ପରେ ସେ ଦେୱାସରେ ଦୋକାନଟିଏ ଖୋଲି ରାଜ୍ୟରୁ କାମ ମଧ୍ୟ ପାଇଲେ।

ବୈଶ୍ୱିକ ମହାମାରୀ ବେଳେ ସେମାନେ ମାସ୍କ, ପିପିପି କିଟ୍ ଓ ସାନିଟାଇଜର ଇତ୍ୟାଦି ପ୍ରସ୍ତୁତ କରୁଥିଲେ । ଜଣେ କ୍ଲଷ୍ଟର ରିସୋର୍ସ ପର୍ସନ (ସିଆରପି) ଭାବେ ସେ କିପରି ମହିଳାମାନଙ୍କୁ ଔଦ୍ୟୋଗିକତା ନିମନ୍ତେ ଉତ୍ସାହିତ କରୁଥିଲେ ତାହାର ବର୍ଣ୍ଣନା କରିବା ସହ ୪୦ଟି ଗ୍ରାମରେ ଗୋଷ୍ଠୀ ତିଆରି ହୋଇଥିବା ପ୍ରକାଶ କରିଥିଲେ ।

ପ୍ରଧାନମନ୍ତ୍ରୀ କହିଥିଲେ ଯେ ସ୍ୱୟଂ ସହାୟିକା ଗୋଷ୍ଠୀ ମଧ୍ୟରୁ ସେ ଦୁଇ ଲକ୍ଷ ଦିଦିଙ୍କୁ ଲକ୍ଷପତି ବନାଇବା ଲକ୍ଷ୍ୟ ରଖିଛନ୍ତି । ସେ ମହିଳା ସଶକ୍ତିକରଣ ନେଇ ପ୍ରଧାନମନ୍ତ୍ରୀଙ୍କ ସ୍ୱପ୍ନକୁ ସାକାର କରିବା ପାଇଁ ସହାୟକ ହେବେ ବୋଲି ପ୍ରତିଶ୍ରୁତି ଦେଇଥିଲେ । ପ୍ରତ୍ୟେକ ଦିଦି ଲକ୍ଷପତି ହେବା ନେଇ ସମସ୍ତେ ଉପସ୍ଥିତ ମହିଳା ହାତ ଟେକି ସମର୍ଥନ କରିଥିଲେ ।

ପ୍ରଧାନମନ୍ତ୍ରୀ ସେମାନଙ୍କ ବିଶ୍ୱାସର ପ୍ରଶଂସା କରିଥିଲେ । ଆମ ମା’ ଭଉଣୀଙ୍କ ବିଶ୍ୱାସ ଆମ ଦେଶକୁ ସ୍ୱାଭଲମ୍ବୀ କରିବ ବୋଲି ପ୍ରଧାନମନ୍ତ୍ରୀ କହିଥିଲେ । ଏହି ଯାତ୍ରା ନିମେନ୍ତ ଶ୍ରୀମତୀ  ଖାଁକୁ ପ୍ରଶଂସା କରି ପ୍ରଧାନମନ୍ତ୍ରୀ ସ୍ୱୟଂ ସହାୟିକା ଗୋଷ୍ଠୀଗୁଡିକ ମହିଳାମାନଙ୍କ ଆତ୍ମବିଶ୍ୱାସ ଓ ଆତ୍ମନିର୍ଭରଶୀଳତାର ମାଧ୍ୟମ ବୋଲି କହିଥିଲେ । ପ୍ରଧାନମନ୍ତ୍ରୀ ତାଙ୍କୁ ନିଜର ପିଲାମାନଙ୍କୁ ଶିକ୍ଷିତ କରିବାକୁ ପରାମର୍ଶ ଦେଇଥିଲେ । ତାଙ୍କ ଗ୍ରାମ ସମୃଦ୍ଧି ପଥରେ ଅଗ୍ରସର ହୋଇଛି ବୋଲି ଶ୍ରୀମତୀ ଖାଁ କହିଥିଲେ ।

*****

SM/SLP