মন্ত্রীমন্দল
ব্রোদকাস্তিংগী লমদা প্রসার ভারতি অমসুং রেদিও তেলিবিজন মালেএসিয়া(আর তি এম), মালেএসিয়াগী মরক্তা মতেং পাংন্নবা ভারত অমসুং মালেএসিয়াগী মরক্তা এম.ও.য়ু অমা খুৎয়েক পীনবা মন্ত্রীমন্দলনা অয়াবা পীরে
Posted On:
27 DEC 2023 3:25PM by PIB Imphal
নবেম্বর ৭, ২০২৩দা খুৎয়েক পীনখিবা এম.ও.য়ু/এগ্রিমেন্ত প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা অয়াবা পীখ্রে, মসিনা ব্রোদকাস্তিং, ই-পাউ অমসুং ওদিও-ভিজুএল প্রোগ্রামশিং পীথোক পীশিন তৌনবদা মতেং পীনবা হেনগৎহনগনি অমসুং লৈবাক অসিগা ভারতকী লৈনবা মরুপ-মপাং ওইবা মরীশিং হেন্না ফগৎহনগনি। মসিগা লোয়ননা, প্রসার ভারতিগা তোঙান-তোঙানবা লৈবাকশিংগী খুৎয়েক পীনখিবা এম.ও.য়ু মশিং ৪৬ য়ৌরে।
লৈবাক শেমগৎপদা প্রসার ভারতিনা মরুওইবা থৌদাং অমা লৌরি অমসুং লৈবাক মনুং অমসুং মপান লৈবাকশিংদা কান্নরবা অমসুং অচুম্বা থৌরমশিং শন্দোক্নবা মখা তানা মীৎয়েং চঙলি। অতোপ্পা লৈবাকশিংদা থৌরমশিং য়েন্থোকপদা হায়রিবা এম.ও.য়ুশিং অসি য়াম্না মরুওই অমসুং অনৌবা তেক্নোলোজিশিং দরকার ওইরকপা অদু ফংহন্নবা ঙম্নবা মালেমগী ব্রোদকাস্তরশিংগা থবক তৌমিন্নবা হেনগৎহনগনি অমসুং অনৌবা লাল্লোংশিং থিদোক্কনি। এম.ও.য়ুশিং খুৎয়েক পীনবগী মরুওইবা কান্নবদি নাৎ, লাইরিক-লাইশু তম্বা, সাইন্স, তেক্নোলোজি, শান্নবা, ই-পাউ অমসুং অতোপ্পা হিরমশিংদা থৌরমশিং পীথোক-পীশিন তৌনবা অসিনি।
রেদিও অমসুং তেলিবিজনগী লমদা মীয়ামদা থৌরমশিং শন্দোকপা হেনগৎহন্নবা ভারতকী প্রসার ভারতি অমসুং মালেএসিয়াগী রেদিও তেলিবিসয়েন মালেএসিয়া অনিগী মরক্তা মেমোরেন্দম ওফ অন্দরস্তেন্দিং অমা খুৎয়েক পীনবনি।
******
(Release ID: 1991034)
Visitor Counter : 37
Read this release in:
Kannada
,
Assamese
,
English
,
Urdu
,
Hindi
,
Marathi
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam