প্রধানমন্ত্রীগী লোইশঙ
মতস্যা সম্পদাগী খুৎথাংদা মহাক্কী শেন্থোক শরুক অনি হেনগৎহনবদা হরিদ্বারগী ঙামীনা প্রধান মন্ত্রী অঙকপা পোকহনখ্রে
Posted On:
27 DEC 2023 2:19PM by PIB Imphal
ঙসি ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী বেনিফিসরিশিংগা ৱারি শান্নখ্রে। থৌরম অদুদা তিনখিবা মীয়ামদা প্রধান মন্ত্রীনা ৱা ঙাংখি।
লৈবাক শীনবা থুংনা লৈরিবা বিকসিত ভারত সংকল্প যাত্রাগী বেনিফিসরি লিশিং কয়া থৌরম অসিদা শরুক য়াখি। থৌরম অদুদা য়ুনিয়ন মিনিস্তরশিং, এম.পিশিং, এম.এল.এশিং অমসুং পঞ্চায়তকী মীহুৎশিংশু শরুক য়াখি।
প্রধান মন্ত্রীনা হরিদ্বারদগী বেনিফিসিরি হরিদ্বার গুরদেব সিংহ জি ‘হর হর গেঙ্গে’গা লোয়ননা তরাম্না ওকখি অমসুং থৌরম অদুদা তিনখিবা মীয়াম্না অমুক হন্না ‘হর হর গেঙ্গে’ হায়দুনা তরাম্না ওকখি। শ্রী সিংহ লৌমী অমনি অমসুং ঙা য়োকপগী থবকশু পাংথোকই।
মতস্যা সম্পদা য়োজনাদগী কান্নবশিং ফংদুনা মহাক্না কমদৌনা মহাক্কী শেন্থোক শরুক অনি হেনগৎহনবগে হায়বগী মতাংদা মহাক্না প্রধান মন্ত্রীদা পাউদমখি। মহাক্না পাউদমখি মদুদি মহাক্কী লম একর অমদগী মহাক্না লুপা লিশিং ৬০ তানবা ঙমখি, হৌজিক ঙা য়োকপদগী হায়রিবা লম অদুদগী লুপা লাখ ১.৫ তানবা ঙম্লে। সরকারগী স্কিমশিং থিজিনবগা লোয়ননা মহাক্কী অনৌবা থবক অসিগীদমক প্রধান মন্ত্রীনা মহাক থাগৎখি।
শা-ষন লোইদুনা, ঙা য়োক্তুনা অমসুং খোইহি পুথোক্তুনা লৌউ-শিংউগী শেন্থোক হেনগৎহন্নবা প্রধান মন্ত্রীনা অমুক হন্না নিংশিংখি। স্বিৎ রিভোলুসন অমসুং ব্লু রিভোলুসন অমসুং গ্রিন হ্বাইত রিভোলুসনগী মরুওইবগী মতাংদা প্রধান মন্ত্রীনা ফোঙদোকখি।
****
(Release ID: 1990972)
Visitor Counter : 58
Read this release in:
Odia
,
Malayalam
,
English
,
Urdu
,
Hindi
,
Marathi
,
Bengali
,
Assamese
,
Punjabi
,
Gujarati
,
Tamil
,
Telugu
,
Kannada