সকলোৰে বাবে উন্নত স্বাস্থ্যসেৱাৰ সুবিধা সৃষ্টিৰ দিশত এক গুৰুত্বপূৰ্ণ মাইলৰ খুঁটি পৰিণত কৰি চলি থকা বিকশিত ভাৰত সংকল্প যাত্ৰাৰ অধীনত এক কোটিৰো অধিক আয়ুষ্মান কাৰ্ড প্ৰস্তুত কৰা হৈছে।

চলি থকা বিকশিত ভাৰত সংকল্প যাত্ৰাৰ অধীনত এই পৰ্যন্ত ৩,৪৬২ খন গাঁও পঞ্চায়ত আৰু নগৰীয়া স্থানীয় সংস্থাত আয়োজিত ৭৯,৪৮৭ টা স্বাস্থ্য শিবিৰত ১,৩১,৬৬,৩৬৫ জন লোকে অংশগ্ৰহণ কৰিছে। 

স্বাস্থ্য শিবিৰসমূহত তলত উল্লেখ কৰা কাম-কাজসমূহ চলি আছে:

আয়ুষ্মান ভাৰত - প্ৰধানমন্ত্ৰী জন আৰোগ্য যোজনা (AB-PMJAY): বিকাশ ভাৰত সংকল্প যাত্ৰাৰ বাবে কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰালয়ৰ ফ্লেগশ্বিপ আঁচনিৰ অধীনত আয়ুষ্মান এপ ব্যৱহাৰ কৰি আয়ুষ্মান কাৰ্ড প্ৰস্তুত কৰাৰ লগতে কাৰ্ড বিতৰণ কৰা হৈছে । এই পৰ্যন্ত ২৩,৮৩,৪৭৩ খনতকৈও অধিক কাৰ্ড বিতৰণ কৰা হৈছে।

কালি আয়োজন কৰা স্বাস্থ্য শিবিৰত মুঠ ৬,৩৪,১৬৮খন আয়ুষ্মান কাৰ্ড প্ৰস্তুত কৰা হৈছে।

যক্ষ্মা (টিবি): এই অভিযানৰ অধীনত যক্ষ্মা ৰোগীক য’তেই উপলব্ধ তাতেই লক্ষণ, কফ পৰীক্ষা আৰু NAAT মেচিন ব্যৱহাৰ কৰি পৰীক্ষা কৰা হয়। যক্ষ্মা ৰোগৰ লক্ষণ থকাসকলক উচ্চ স্বাস্থ্য কেন্দ্ৰলৈ প্ৰেৰণ কৰা হয়।

 ৩৬ দিনৰ শেষলৈকে ৪৯,১৭,৩৫৬তকৈ অধিক লোকৰ পৰীক্ষা কৰা হৈছিল, ইয়াৰে ৩,৪১,৪৯৯তকৈ অধিক লোকক উচ্চ জনস্বাস্থ্য কেন্দ্ৰলৈ প্ৰেৰণ কৰা হয়।

প্ৰধানমন্ত্ৰী যক্ষ্মা মুক্ত ভাৰত অভিযানৰ অধীনত যক্ষ্মা ৰোগত আক্ৰান্ত ৰোগীসকলে নিক্ষয় মিত্ৰৰ পৰা সহায় ল’বলৈ সন্মতি লোৱা হৈছে। নিক্ষয় মিত্ৰ হিচাপে অংশগ্ৰহণ কৰিবলৈ ইচ্ছুক অংশগ্ৰহণকাৰীসকলকো অন-স্পট পঞ্জীয়নৰ ব্যৱস্থা কৰা হৈছে। ১, ১৭, ৭৩৪জনতকৈ অধিক ৰোগীয়ে সন্মতি দিয়াৰ লগতে PMTBMBA ৰ অধীনত ৩৯,৮১৯ জনতকৈ অধিক নতুন নিক্ষয় মিত্ৰৰ পঞ্জীয়ন কৰা হৈছে।

নিক্ষয় পোষণ যোজনাৰ অধীনত প্ৰত্যক্ষ সুবিধা হস্তান্তৰৰ জৰিয়তে যক্ষ্মা ৰোগীক আৰ্থিক সাহায্য প্ৰদান কৰা হয়। ইয়াৰ বাবে বাকী থকা হিতাধিকাৰীসকলৰ বেংক একাউণ্টৰ সবিশেষ সংগ্ৰহ কৰি একাউণ্টসমূহ আধাৰৰ সৈতে সংযোগ কৰা হৈছে। ৩০,০৯৩ গৰাকী এনে হিতাধিকাৰীৰ সবিশেষ সংগ্ৰহ কৰা হৈছে।

ছিকেল চেল ৰোগ: জনজাতীয় জনসংখ্যা প্ৰধান অঞ্চলত ৪০ বছৰ বয়সৰ লোকক এছচিডিৰ বাবে পইণ্ট অৱ কেয়াৰ (পিঅ’চি) পৰীক্ষাৰ জৰিয়তে বা দ্ৰৱণীয়তা পৰীক্ষাৰ জৰিয়তে চিকেল চেল ৰোগ (SCD) ধৰা পৰাৰ বাবে পৰীক্ষা কৰিব পাৰি। পৰীক্ষাত পজিটিভ পোৱা ৰোগীক চিকিৎসাৰ বাবে উচ্চ কেন্দ্ৰলৈ প্ৰেৰণ কৰা হৈছে। এই পৰ্যন্ত ৫,০৮,৭০১ জনতকৈ অধিক লোকৰ পৰীক্ষা কৰা হৈছে, ইয়াৰে ২১,৭৯৩ জন পজিটিভ ধৰা পৰিছে আৰু উচ্চ জনস্বাস্থ্য কেন্দ্ৰলৈ প্ৰেৰণ কৰা হৈছে।

অসংক্ৰামক ৰোগ (NCDs): ৩০ বছৰ আৰু তাতকৈ অধিক বয়সৰ লোকক উচ্চ ৰক্তচাপ আৰু ডায়েবেটিছৰ পৰীক্ষা কৰা হৈছে আৰু এই ৰোগৰ সন্দেহযুক্ত ৰোগীক উচ্চ কেন্দ্ৰলৈ প্ৰেৰণ কৰা হৈছে। প্ৰায় ১০,২৯৭,৮০৯জন লোকক উচ্চ ৰক্তচাপ আৰু মধুমেহ ৰোগৰ পৰীক্ষা কৰা হৈছে। ৪,৮২,৬৬৭তকৈ অধিক লোক উচ্চ ৰক্তচাপত আক্ৰান্ত হোৱাৰ সন্দেহ আৰু ৩,৪৫,৮৯৮তকৈ অধিক লোকৰ ডায়েবেটিছ ৰোগত আক্ৰান্ত বুলি সন্দেহ কৰা হৈছে। মুঠ ৭,৫৯,৪৫১ জনতকৈ অধিক লোকক উচ্চ জনস্বাস্থ্য কেন্দ্ৰলৈ প্ৰেৰণ কৰা হয়।

পৃষ্ঠভূমি:

সমগ্ৰ দেশতে কেন্দ্ৰীয় চৰকাৰৰ আঁচনিৰ সুবিধা সম্প্ৰসাৰণৰ উদ্দেশ্যে যোৱা ১৫ নৱেম্বৰত মাননীয় প্ৰধানমন্ত্ৰীয়ে ঝাৰখণ্ডৰ খুঁটিৰ পৰা বিকশিত ভাৰত সংকল্প যাত্ৰা আৰম্ভ কৰে। বিকাশ ভাৰত সংকল্প যাত্ৰাৰ অধীনত স্থানীয় সেৱাৰ অংশ হিচাপে গাঁও পঞ্চায়তসমূহৰ আই ই চি ভ্যানৰ ষ্টপিং স্থানত স্বাস্থ্য শিবিৰৰ আয়োজন কৰা হৈছে।