প্রধানমন্ত্রীগী লোইশঙ
দিশেম্বর ২৫দা প্রধান মন্ত্রীনা ‘মজদুরোন কা হিত মজদুরোন কো সমরপিত’ থৌরম শরুক য়াগনি অমসুং হুকুমচান্দ মিলগী শিন্মীগী পীথোক্তনা লৈরিবা শেনফমশিংগী চেকশিং খুৎশীন্নগনি
হুকুমচান্দ মিলগী শিন্মীশিংনা মতম কয়াগী মমাঙদগী তান্দুনা লাকপশিং ফংহন্নবা থৌরম অসি পাংথোকপনি
প্রধান মন্ত্রীনা খারগোন জিলাদা মেগা ৱাত ৬০গী সোলার পৱার প্লান্ত শানবা উরেপ-উয়ুং তমগনি
সোলার প্লান্ত শানবা শেনফমগী গ্রিন বোন্দশিং ইন্দোর মিউনিসিপাল কোর্পোরেসন্না ইসু তৌবনি
Posted On:
24 DEC 2023 7:13PM by PIB Imphal
দিশেম্বর ২৫, ২০২৩ গী নুমিৎয়ুংবা পুং ১২ তাবদা ভিদিও কনফরেন্সকী খুৎথাংদা প্রধান মন্ত্রী শ্রী নরেন্দ্র মোদী ‘মজদুরোন কা হিত মজদুরোন কো সমরপিত’ থৌরম শরুক য়াগনি, হুকুমচান্দ মিলগী শিন্মীগী পীথোক্তনা লৈরিবা শেনফমশিংগী চেকশিং, হুকুমচান্দ মিল, ইন্দোরগী লেবর য়ুনিয়নগী লুচিংবশিং অমসুং ওফিসিএ লিকুইদেতরশিংদা লুপা করোর ২২৪গী চেকশিং খুৎশীন্নগনি। হুকুমচান্দ মিলগী শিন্মীশিংনা মতম কয়াগী মমাঙদগী তান্দুনা লাকপশিং ফংহন্নবা থৌরম অসি পাংথোকপনি। থৌরম অদুদা তিনখিবা মীয়ামদা প্রধান মন্ত্রীনা ৱা ঙাংগনি।
১৯৯২দা ইন্দোরদা লৈবা হুকুমচান্দ মিল থবক লেপখিবদগী মখোয়গী তোল্লিবা খুৎশুমলশিং পীথোক্নবা হুকুমচান্দ মিলগী শিন্মীশিংনা শাংলবা কেস অমা থেংনদুনা লাকপনি অমসুং মখা তানা শেনফমশিং পীথোরকপনি। হন্দক মধ্য প্রদেস সরকারনা অচৌবা থৌদাং অমা লৌখি অমসুং কোর্তশিং, লেবর য়ুনিয়নশিং, মিলগী শিন্মীশিং য়াওনা মরী লৈনবা খুদিংমক্না মাইপাক্না য়াশিন্নবা অমা পুরকখি। য়ানশিন্নবা পুরকখিবা অসিদা মধ্য প্রদেস সরকারনা তোল্লিবা শেনফমশিং পীথোকখি, মিলগী লম লৌশিনখি অমসুং মসি য়ুম-কৈ শানবা মফম অমা অমসুং ললোন-ইতিক্কী মফম অমা ওইনা শেমগৎখি।
থৌরম মনুংদা, প্রধান মন্ত্রীনা ইন্দোর মিউনিসিপাল কোর্পোরেসন্না খারগোন জিলাগী সামরাজ অমসুং অসুখেদি খুঙ্গংশিংদা মেগা ৱাত ৬০গী সোলার পৱার প্লান্তগী উরেপ-উয়ুং তমগনি। অনৌবা সোলার প্লান্ত অসি লুপা করোর ৩০৮ চঙনা শাগনি, মসিন ইন্দোর মিউনিসিপাল কোর্পোরেসননা থা অমদা লুপা করোর ৪গী ইলেক্ত্রিসিতি বীল কনবদা মতেং পাংগনি। সোলার প্লান্ত শানবা লুপা করোর ২৪৪গী শেনফমগী গ্রিন বোন্দশিং ইন্দোর মিউনিসিপাল কোর্পোরেসন্না ইসু তৌবনি। মসিদা রাজ্য ২৯গী মীয়াম্না লুপা করোর ৭২০গী বোন্দশিং লৈখি অমসুং অহানবা ইসু তৌখিবা ভেলুদগী শরুক অহুম হেনখি।
***
(Release ID: 1990274)
Visitor Counter : 91
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam