ملک میں جاری  وکست بھارت سنکلپ یاترا کے تحت  3156 گرام پنچایتوں اور  مقامی بلدیاتی اداروں  میں  منعقدہ  65348  صحت کیمپوں میں اب تک  مجموعی طور پر  10355555  افراد  پہنچے ہیں۔

صحت کیمپوں میں مندرجہ ذیل سرگرمیا ں انجام دی جارہی ہیں:

آیوشمان بھارت -  پردھان منتری جن آروگیہ  یوجنا (اے بی – پی ایم جے اے وائی):  صحت اور خاندانی بہبود وزارت کی  وکست بھارت سنکلپ یاترا  کی اہم اسکیم کے تحت  آیوشمان ایپ  کو استعمال کرتے ہوئے آیوشمان کار ڈ تیار کئے جارہے ہیں اور  یہ کارڈ  فیض حاصل کرنے والوں کو تقسیم کئے جار ہے ہیں۔ اب تک  1903200  سے زیادہ  کارڈ  تقسیم کئے جا چکے ہیں۔

 کل منعقد صحت کیمپوں میں کُل  531025  آیوشمان کارڈ تیار کئے گئے ۔ اب تک مجموعی طور پر  8427500  کارڈ  تیار کئے جا چکے ہیں۔

 تپ دق  (ٹی بی) : ٹی بی کی علامات  کو دیکھتے ہوئے  مریضوں کے بلغم  وغیرہ کی جانچ کی جا رہی ہے اور جہاں این اے اے ٹی  مشینیں دستیاب ہیں، ان کا  ٹی بی کی جانچ کے لئے استعمال کیا جا رہا ہے۔ ٹی بی کے مشتبہ مریضوں کو  زیادہ بڑے  صحت مراکز بھیجا جا رہا ہے۔ 34  ویں  دن کے اختتام تک  3648700  سے زیادہ لوگوں کی  جانچ کی گئی، جس میں  263  ہزار  لوگوں کو  زیادہ بڑے  سرکاری صحت  مراکز کے لئے ریفر کیا گیا۔

 پردھان منتری ٹی بی مکت بھارت ابھیان ( پی ایم ٹی بی ایم اے)   کے تحت ٹی بی سے متاثرہ مریضوں  کے لئے  نکشیے متروں سے امداد  حاصل  کرنے  کی خاطر  مریضوں سے  ان کی رائے لی جا رہی ہے۔ جو لوگ  نکشیے متر بنناچاہتے ہیں، انہیں اسی جگہ  رجسٹریشن  کرانے کی سہولت فراہم کی جا رہی ہے۔ پی ایم ٹی بی  ایم اے کے تحت  119500  سے زیادہ مریضوں  نے اپنی  رضامندی ظاہر کی ہے اور  46700  سے زیادہ نئے  نکشیے  متروں کا اندراج کیا گیا ہے۔

نکشیے پوشن یوجنا (این پی وائی) کے تحت  فوائد  کی براہ  راست منتقلی کے ذریعہ  ٹی بی کے مریضوں کو مالی امداد  فراہم کی جا رہی ہے۔ اس مقصد  کے لئے  فیض پانے والوں کے بینک  کھاتوں کی تفصیلات  یکجا کی جا رہی ہیں اور ان کے کھاتوں کو  آدھار سے جوڑا  جا رہا ہے۔ اب تک  31300  ایسے  فیض  پانے والوں کی تفصیلات  یکجا کی  جا چکی ہیں۔

سکل سیل بیماری: قبائلیوں کی زیادہ  آبادی  والے علاقوں میں  اہل آبادی  (40  سال تک کی عمر کے لوگ) کی سکل سیل بیماری  (ایس سی ڈی) کے لئے جانچ کی جا رہی ہے۔ ایس سی ڈی  کے لئے  پوائنٹ آف کیئر ( پی او سی) کے ذریعہ یا سالیوبلیٹی ٹیسٹ  کے ذریعہ سکل سیل بیماری  کا پتہ لگایا جا رہا ہے۔ اب تک  383000 لوگوں کی جانچ کی جا چکی ہے، جس میں سے  18300  اس بیماری  سے متاثر پائے گئے ہیں اور انہیں اعلیٰ سرکاری صحت مراکز  کے لئے ریفر کیا گیا ہے۔

غیر متعدی بیماریاں (این سی ڈیز) :بلڈ پریشر اور ذیابیطس کی جانچ کے لئے اہل  افراد (30  سال یا اس سے زیادہ عمر والے) کی جانچ کی جار ہی ہے اور  اس سے متاثرہ مشتبہ افراد کو اعلیٰ مراکز بھیجا جا رہا ہے۔ بلڈ پریشر  اور  ذیابیطس کے لئے تقریبا  8115000  افراد  کی جانچ کی گئی ہے اور  374000 افراد کو  ذیابیطس اور 269800 افراد کو  ہائی بلڈ پریشر  کے مرض میں مبتلا پایا گیا ہے اور  599200  لوگوں کو  بڑے سرکاری صحت مراکز کے لئے ریفر کیا گیا ہے۔

انڈمان ونکوبار جزائر

پال نادو، آندھرا پردیش

بالائی سیانگ، اروناچل پردیش

ادل گوری، آسام

جنوبی گوا، گوا

روہتک، ہریانہ

پس منظر:

وکست بھارت سنکلپ یاترا  کو  وزیراعظم نے  15  نومبر  سے  جھار کھنڈ کے کھنٹی  سے  آغاز کیا تھا، تاکہ  مرکزی حکومت کی اسکیموں  کے فوائد  کو پورے ملک میں  پھیلا جا سکے۔ وکست بھارت  سنکلپ یاترا  کے تحت  ایک ہی مقام پر  خدمات  کے ایک حصے کے طور پر  آئی ای سی  وین  کے رکنے کے مقامات پر  گرام پنچایتوں میں صحت کیمپوں کا انعقاد کیا جا رہا ہے۔

۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح- وا - ق ر)

(19-12-2023)

U-2643