حکومت سے جڑے اور سیاسی اور سماجی کاموں سے جڑے ملک کے سبھی لوگ ’وکست بھارت سنکلپ یاترا‘ کو کامیاب بنانے کے لیے اپنا وقت دے رہے ہیں، اس لیے یہاں کے رکن پارلیمنٹ کی حیثیت سے میری بھی ذمہ داری تھی کہ میں بھی اس میں حصہ لیتا۔ چنانچہ  ایک رکن  پارلیمنٹ  کی حیثیت سے، آپ کے خادم کے طورپر  میں آج آپ کی طرح صرف اس میں حصہ لینے آیا ہوں۔

ہمارے ملک میں کئی حکومتیں رہی ہیں، بہت سے منصوبے بنائے گئے، بہت سی باتیں ہوئیں، بڑی بڑی باتیں ہوئیں اور ان سب کا تجربہ اور خلاصہ یہ ہے جومیں نے محسوس کیا کہ یہ ملک کے لیے سب سے اہم کام ہے۔ اس کا مطلب یہ ہے کہ حکومت جو بھی اسکیم بناتی ہے، جس کے لیے بنائی جاتی ہے، جس کام کے لیے بنائی جاتی ہے، اس منصوبہ کو بغیر کسی پریشانی کے صحیح وقت پر لوگوں تک پہنچنا چاہیے۔ اگر پردھان منتری آواس یوجنا ہے تو جس کے پاس جھگی، جھونپڑی، کچا گھر ہے، اس کا گھر بننا چاہیے۔ اور اس کے لیے حکومت کے چکر لگانے کی ضرورت نہیں، حکومت کو سامنے  آکرکام کرنا چاہیے۔ اور جب سے آپ نے مجھے یہ کام دیا ہے، اب تک تقریباً 4 کروڑ خاندانوں کو مستقل مکان مل چکے ہیں۔ لیکن پھر بھی ہمیں خبریں ملتی ہیں کہ کوئی کہیں رہ گیا ہے، کوئی اس گاؤں میں رہ گیا ہے، تو ہم نے فیصلہ کیا کہ ایک بار پھر ملک بھر میں جائیں اور ان لوگوں سے سنیں جنہیں حکومت کی اسکیمیں ملی ہیں، آپ کو کیا ملا؟ آپ کو یہ کیسے ملا؟اسے لینے میں کوئی مشکل تو نہیں پیش آئی ، رشوت  تونہیں دینی پڑی، آپ کو اتنا ہی ملا جتنا طے ہوا یا کم ملا۔ ایک بار ہم جائیں گے، یہ طے ہو جائے گا. لہذا، یہ وکست بھارت سنکلپ یاترا، ایک طرح سے، میری کسوٹی ہے، میرا امتحان ہے کہ میں نے جو کچھ  کہا تھا اور جس پر میں کام کر رہا تھا، میں آپ سے اور پورے ملک سے سننا چاہتا تھا کہ جیسا میں نے چاہا تھا، ویسا ہوا کہ نہیں ؟ جس کے لیے ہونا چاہیے تھا وہ ہوا یا نہیں، جو کام ہونا چاہیے تھا وہ ہوا یا نہیں؟۔ ابھی حال ہی میں میری ملاقات کچھ دوستوں سے ہوئی جنہوں نے آیوشمان کارڈ کا فائدہ اٹھایا اور سنگین بیماریوں کا علاج کروایا، وہ ایک حادثے کا شکار ہوئے، ان کے بازو اور ٹانگیں ٹوٹ گئیں، اسپتال گئے، میں نے ان سے پوچھا تو کہنے لگے کہ  صاحب  اتنا خرچ ہم کہاں سے کرتے ، ایسے ہی جی لیتے۔ لیکن جب آیوشمان کارڈ آیا تو میں نے ہمت پکڑی، آپریشن کرایا اور اب میرا جسم کام کر رہا ہے۔ اب مجھے ان سے آشیرواد ضرور ملتا ہے، لیکن حکومت میں بابو لوگ ہیں، افسران ہیں، جو فائل پر منصوبہ بندی کو آگے بڑھاتے ہیں، اچھے منصوبے بناتے ہیں اور پیسے بھی بھیج دیتے ہیں، لیکن وہاں ان کا کام مکمل نہیں ہوتا۔ یہ سوچتے ہیں کہ چلو بھائی، 50 لوگوں کو ملنا تھا، وہ مل گیا، 100 لوگوں کو ملنا تھا،  مل گیا، انہیں ہزار گاؤں جانا تھا، وہ چلے گئے۔ لیکن جب وہ سنتا ہے کہ اس نے ایک بار ایک فائل پر کام کیا تھا، جس کی وجہ سے کاشی کے ایک خاص علاقے کے فلاں شخص کی جان بچ گئی تھی، تو افسر کا کام کرنے کا جوش کئی گنا بڑھ جاتا ہے۔ جب بھی وہ کاغذ پر کام کرتا ہے تو اسے اطمینان ہوتا ہے، اسے لگتا ہے کہ وہ سرکاری کام کر رہا ہے۔ لیکن جب کوئی دیکھتا اور سنتا ہے کہ اس کام سے کسی کو فائدہ ہوا ہے تو اس کا کام کرنے کا جوش بڑھ جاتا ہے۔ اور اسی لیے میں نے دیکھا ہے کہ جہاں بھی وکست بھارت سنکلپ یاترا گئی ہے، اس کا سرکاری افسران پر اتنا مثبت اثر پڑا ہے، کہ وہ اپنے کام سے مطمئن محسوس کرنے لگے ہیں۔ ٹھیک ہے بھائی، یہ منصوبہ تو بنایا تھا، فائل میں نے تیار کر لی تھی، لیکن کیا جیون جیوتی کی شادی کے پیسے ایک غریب بیوہ کے گھر پہنچ گئے، اسے اپنی مشکل زندگی میں اتنی بڑی مدد ملی، تب اسے لگتا ہے کہ میں نے کیا بڑا کام کیا ہے۔ جب کوئی سرکاری ملازم یہ سنتا ہے تو اسے زندگی میں ایک نئے طرح کا اطمینان ملتا ہے۔

بہت کم لوگ ہیں جو اس وکست بھارت سنکلپ یاترا کے ذریعے کیا ہو رہا ہے اس کی طاقت کو سمجھتے ہیں۔ جو لوگ اس کام سے وابستہ ہیں وہ سنتے ہیں، جب میں بھی یہاں بیٹھا ہوں تو سنا ہے کہ میں مودی جی کو بہت پسند کرتا تھا، میرے شوہر کا انتقال ہو گیا تھا، اچانک مجھے خبر ملی کہ مجھے 2 لاکھ روپے ملے ہیں۔ کوئی بہن کہتی ہیں کہ بچپن سے ہم دھویں میں رہتے تھے، اب گیس آگئی ہے، زندگی بدل گئی ہے۔ سب سے بڑی بات جو میری بہن نے کہی تھی کہ امیر اور غریب کا فرق ختم ہو گیا ہے۔ 'غربت ہٹاؤ' کا نعرہ دینا ایک بات ہے لیکن ایک غریب کا کہنا ہے کہ اس کے گھر میں چولہا آتے ہی غربت اور امیری کا فرق ختم ہو گیا۔

جب وہ کہتا ہے کہ میں پکے مکان میں رہنے گیا تو میرا اعتماد اتنا بڑھ گیا کہ میرے بچے اسکول اور کالج میں اپنے دوستوں کے سامنے عزت  کے ساتھ کھڑے ہونے لگے۔ ایک جھونپڑی میں رہتے تھے، بچے شرمندہ ہوتے تھے، کچے کے گھر میں رہتے تھے، بچے شرمندہ ہوتے تھے، دبے رہتے تھے،  ان میں خود اعتمادی نہیں ہوتی تھی، جیسے ہی ہمیں پکاگھر ملا، نہ دیواریں ہی نہیں ،  پکی چھت ہی نہیں ، زندگی  خوداعتمادی سے بھر گئی۔اب دور سے گھر دیکھ کر پتہ نہیں چلتا، بنک کا چیک تھا، اس لیے معلوم نہیں، فائدہ اٹھانے والے کے منہ سے سنا تو پتہ چل گیا، چلو بھئی ، زندگی کامیاب ہو گئی۔ کسی کی زندگی میں تبدیلی آگئی۔

اب میں دیکھ رہا تھا، ہمارے گپتا جی بولنا بند نہیں کر رہے تھے، کیوں؟ ان کا دل اس قدر جوش و خروش سے بھر گیا کہ انہیں اتنی سکیموں کا فائدہ مل گیا، سامنے والے بنک سے کسی کو 10 ہزار روپے ملتے ہیں تو وہ ساہوکار سے پیسے لینے میں بھی سخت جدوجہد کرنی پڑتی ہے، اگر یہ بنک  پیسے دے دیتے ہیں۔تو پھر اس کا اعتماد بڑھ جاتا ہے۔وہ سوچتا ہے کہ یہ میرا ملک ہے، یہ بینک میرا ہے۔ میں چاہتا ہوں کہ ہندوستان کا ہر فرد یہ محسوس کرے کہ یہ ریلوے میری ہے، یہ اسپتال میرا ہے، یہ افسر، یہ دفتر سب میرا ہے، یہ ملک میرا ہے۔ جب یہ احساس بیدار ہوتا ہے تو ملک کے لیے کچھ کرنے کی خواہش بھی جاگ اٹھتی ہے۔ اور اسی لیے یہ کوشش بیج بو رہی ہے۔ بیج اس بات کا  کہ ہمارے والدین کو مشکلات کا سامنا کرنا پڑا، ہمیں بھی زندگی میں مشکلات کا سامنا کرنا پڑا، لیکن ہمیں اپنے بچوں کو مشکلات میں رہنے پر مجبور نہیں کرنا ہے۔ ہم جتنی بھی پریشانیوں سے گزرے ہیں، کوئی بھی والدین نہیں چاہتے کہ ان کے بچے بھی انہی پریشانیوں سے گزریں۔ ہو سکتا ہے آپ خود تعلیم حاصل نہ کر سکیں، ان پڑھ رہیں، لیکن کوئی بھی والدین نہیں چاہتے کہ ان کے بچے ان پڑھ رہیں۔ اور جب اسے ان اسکیموں کے بارے میں تمام معلومات ملتی ہیں تو اسے لگتا ہے کہ یہی وقت ہے، یہی وقت ہے، ہمیں بھی کچھ کرنا چاہیے۔ اور جب 140 کروڑ لوگوں کو لگے گا کہ یہی وقت ہے، تب ملک آگے بڑھے گا۔

ملک کو آزادی کیسے ملی، پورے ملک میں ایک ماحول بن گیا، کوئی چرخہ کاتتا تھا، کوئی پوچھتا تھا، چرخہ کیوں کات رہے ہو؟ تو انہوں نے کہا کہ آزادی کے لیے کوئی پڑھائی چھوڑ کر بھارت ماتا کا نعرہ لگاتا تھا، پولس مارتی تھی، لوگ پوچھتے تھے دوست، کیوں مر رہے ہو؟ تو کہا ملک کی آزادی کے لیے ۔ کوئی بزرگ کی خدمت کرتا، کوئی پوچھتا، ارے بھائی یہ کیا کر رہے ہو؟ اس نے کہا، کہ میں یہ آزادی کے لیے کر رہا ہوں، کوئی کھادی پہنتا تھا، تم ایسا کیوں کر رہے ہو؟ آزادی کے لیے۔ ہندوستان میں ہر شخص کہنے لگا کہ میں آزادی کے لیے کام کر رہا ہوں، اگر میں روزہ رکھوں تو بھی آزادی کے لیے، میں محنت کرتا ہوں تو بھی آزادی کے لیے، چاہے بچوں کو پڑھاؤں، تو وہ بھی آزادی کے لیے، تکلی چلاتا ہوں تو بھی آزادی کے لیے ، صفائی کا کام کرتا ہوں تو بھی آزادی کے لئے ،توآزادی کا ایسا بخار چڑھا کہ ہر  دل میں  ایک طرح کا اعتمادپیدا ہوگیا اور انگریزوں کو بھاگنا پڑا۔

ملک اٹھ کھڑا ہوا۔ اگر ہم، 140 کروڑ ملک کے باشندے، اس وقت اس احساس سے شرابور ہوں کہ اب ہمیں ملک کو آگے لے جانا ہے، ہمیں اس طرح نہیں رہنا چاہیے۔ سب کی زندگی بدلنی ہے، سب کی طاقت کا احترام ہونا چاہیے، طاقت کا استعمال ہونا چاہیے، پھر ملک کو آگے بڑھنا چاہیے۔ ایک بار جب وہ اپنے ذہن میں یہ بیج بو لیں گے تو 25 سالوں میں یہ ایک تناور درخت بن جائے گا اور 2047 میں ہندوستان ترقی یافتہ ہو جائے گا۔ اور بچوں کو اسکے فوائد ملنے شروع ہو جائیں گے۔ آپ کے بچوں کو اس برگد کا سایہ ملنے والا ہے اور اس لیے ترقی یافتہ ہندوستان بنانے کے لیے ہر شہری کے پاس مزاج، مضبوط دماغ، مضبوط عزم ہونا چاہیے اور اگر ذہن بن جائے تو منزل دور نہیں رہتی ۔  وکست بھارت سنکلپ یاترا، یہ ایک طرح سے ملک کا کام ہے، یہ کسی سیاسی پارٹی کا کام نہیں ہے اور میرا ماننا ہے کہ جو یہ کام کرتا ہے وہ بہت مقدس کام کر رہا ہے، وہ دور سے دیکھ رہا ہے۔ جو بھی پڑھ رہا ہے اسے سمجھ لینا چاہیے کہ میری ٹرین چھوٹ رہی ہے، میں موقع چھوڑ رہا ہوں، میں ملک کا وزیراعظم تو ہو سکتا ہوں لیکن آج آپ کے درمیان آ کر بہت پرجوش ہوں، مجھے بہت خوشی ہے کہ آج میں میں وکست بھارت سنکلپ یاترا کا حصہ ہوں۔ مجھے بھی اطمینان ہو گا کہ ہاں بھائی یہ کام میں نے بھی کر لیا ہے۔ آپ میں سے ہر ایک کو یہ کرنا چاہئے۔ اگلے گاؤں میں جہاں بھی یاترا جانے والی ہے، شہر کے جس بھی وارڈ میں جانے والی ہے، وہاں شاندار استقبال ہونا چاہیے، ہر کوئی آئے، سب سنیں، اسکیموں کا فائدہ اٹھانے کے لیے آگے آئیں اور جس کو اسکیم کا فائدہ ملا ہے، اسے اعتماد کے ساتھ بتانا چاہیے۔ اچھی بات بتانے سے بھی ایک اچھا ماحول پیدا ہوتا ہے۔ اور اسی لیے میں چاہتا ہوں کہ ترقی یافتہ ہندوستان کا سفر ایک بڑا خواب ہے، ایک بڑا عزم ہے اور ہمیں اپنی کوششوں سے اس عزم کو پورا کرنا ہے۔ مجھے بہت اچھالگا ، مجھے سب سے ملنے کا موقع ملا، آپ سے بھی سننے کا موقع ملا، لیکن آئیے ہم سب مل کر اس سفر کو مزید کامیاب بنائیں۔ اہل وطن کے ذہنوں میں جذبات پیدا کریں، اعتماد پیدا کریں۔ اور ہم نے دیکھا ہے کہ جب گھر میں پیسے نہیں ہوتے اور مشکل سے گزارہ کرنا پڑتا ہے تو ہم بہت سے کام کرنے کے قابل نہیں ہوتے، ایسا ہم چاہتے ہوئے بھی نہیں کر پاتے، ہمیں اچھا لگتا ہے کہ ہم اچھا خرید لیں۔ بچوں کے لیے قمیضیں لے کر آئیں لیکن نہیں لاسکتے ؟ کیونکہ  پیسہ کم ہے۔ جس طرح گھر میں ہوتا ہے، اسی طرح ملک میں ہوتا ہے، ملک کے پاس بھی پیسہ ہونا چاہیے، پیسہ ہو گا تو ہر شہری کی خواہش پوری ہو گی۔ آج 4 کروڑ غریبوں کو گھر ملے، جو رہ گئے ہیں ان کو بھی گھر فراہم کرنے کی مودی ضمانت دیتا ہے۔ جس کو آیوشمان کارڈ ملا اسے مفت دوا ملی۔ جن کو چولہے کی ضرورت تھی حکومت انہیں  سبسڈی دے کر بھی گیس کا چولہا کیوں دے رہی ہے کیوں؟  حکومت کو دینے کا اختیار مل گیا ہے۔ ہندوستان ترقی کرے گا، 25 سالوں میں، پھر ان مصیبتوں کا نام و نشان نہیں رہے گا، ان کا کوئی نشان نہیں ہوگا، ہم مصیبتوں سے آزاد ہوں گے۔

اور مشکلات سے آزادی کا یہ راستہ ترقی یافتہ ہندوستان کے عزم کو پورا کرنا ہے۔ اور اسی لیے میں اپنے کاشی کے لوگوں کو یقین دلاتا ہوں کہ آپ کے خادم، آپ کے ممبرپارلیمنٹ کے طور پر، میں کام کروں گا، لیکن آپ نے مجھے ملک کا کام دیا ہے، اس میں بھی مہادیو کے آشیرواد سے، میں کبھی پیچھے نہیں رہوں گا۔ مہادیو کی کرپا ہم سب پر بنی رہے اور یہ یاترا ہماری کاشی میں بہت کامیاب ہونی چاہئے، اس میں کوئی کوتاہی نہیں ہونی چاہئے۔ زیادہ سے زیادہ لوگ  پروگرام میں  شریک ہوں ، خاندان کا ایک بھی فرد ایسا نہیں ہونا چاہیے جو یاترا  میں شامل نہ ہوا ہو۔ ایک گھنٹہ، دو گھنٹے کے لیے جائیں، اس پروگرام کا حصہ بنیں، اس کے لیے آپ سب مدد کریں اور ترقی یافتہ ہندوستان کے عزم کو مزید مضبوط کریں، آپ سب کا بہت بہت شکریہ۔

************

ش ح۔ ج ق     ۔ م  ص

 (U: 2555 )