প্রধানমন্ত্রীগী লোইশঙ
কেরলাগী খুমাং চাউশিল্লবা লৌমীনা মচানুপী মহৈ মশিং তমহনবা
লফোই থাবা লৌমী শ্রী ধর্মা রাজননা কিসান ক্রেদিৎ কার্দ লোন, পি.এম. কিসান সম্মান নিধি, PMJBY, PMSBY গী মতেংদগী শেল তুংশিল্লি
শ্রী রাজনগী পুন্সি অসি তশেংনমক পুক্নিং থৌগৎনিঙাই ওইঃ প্রধান মন্ত্রী
प्रविष्टि तिथि:
16 DEC 2023 6:08PM by PIB Imphal
প্রধান মন্ত্রী, শ্রী নরেন্দ্র মোদীনা ঙসি ভিদিও কনফরেন্সিংগী খুথাংদা ভিক্সিৎ ভারত সঙ্কল্প য়াত্রাগী কান্নবা ফংলবশিংগা ৱারী শান্নখি অমসুং ৱা ঙাংখি। থৌরম অসিদা, প্রধান মন্ত্রীনা রাজস্থান, মধ্য প্রদেশ, ছত্তীসগর, তেলঙ্গানা অমসুং মিজোরামদা ভিক্সিৎ ভারত সঙ্কল্প য়াত্রা হৌদোকখি।
কেরলাদা লৈবা কোরিকোদকী লফোই থাবা লৌমী অমসুং VBSY গী কান্নবা ফংলবা শ্রী ধর্মা রাজননা প্রধান মন্ত্রীদা কিসান ক্রেদিৎ কার্দ লোন, পি.এম. কিসান সম্মান নিধি, PMJBY, PMSBY গী কান্নবশিং অদুগী মরমদা পাউদমখি। প্রধান মন্ত্রীনা অসিগুম্বা কান্নবশিং অসি ফংবগী মতাংদা হান্নগা চাংদম্নদুনা হংবদা, শ্রী ধর্মা রাজননা হার অমসুং অতোপ্পা ইক্বিপমেন্তশিং ফংবা য়াওনা লৌউ শিংউদা ফংলিবা শেন্মিৎলোনগী ওইবা মতেংগী মরমদা খঙহনখি। মহাক্না পি.এম. কিসান সম্মান নিধিগী মখাদা ফংলিবা শেল অদু লৌউ শিংউগীদমক শিজিন্নৈ হায়নসু ফোংদোকখি।
লৈঙাক্কী স্কিমশিং অমসুং লোনশিং অসিনা শ্রী ধর্মাবু, হাই-ইন্তরেস্ত রেৎকী শান্দোকপা মীওইশিংদা শিজিন্নরম্লগদবা শেল অদু মহাক্কী ইমুংগীদমক তুংশিনবদা মতেং পাংলি হায়বা অসিসু প্রধান মন্ত্রীনা খঙবা ঙমখি। মচানুপী অনিবু মহৈ মশিং তমহনবগী মতাংদা হায়রদুনা শ্রী রাজননা প্রধান মন্ত্রীবু মথং চহিগী ফেব্রুৱারীদা পাংথোক্কদৌরিবা মচানুপী অহনগী লুহোংবগীদমক শেল তুংশিনবা ঙমহল্লিবা লৈঙাক্কী স্কিমশিং পীবীবগীদমক্তা থাগৎপা ফোংদোকখি।
প্রধান মন্ত্রীবু শ্রী রাজননা হেন্না অফবা পুন্সি অমা পীবীবগীদমক্তা থাগৎপা ফোংদোকখি। শ্রী রাজন অসি মচা নুপীশিংবু মহৈ মশিং তমহনবা ঙম্লিবা খুমাং চাউশিল্লবা লৌমী অমনি হায়রদুনা মহাকপু প্রধান মন্ত্রীনা তশেংনমক পুক্নিং থৌগৎনিঙাই ওই হায়খি।
*****
(रिलीज़ आईडी: 1987446)
आगंतुक पटल : 91
इस विज्ञप्ति को इन भाषाओं में पढ़ें:
English
,
Urdu
,
हिन्दी
,
Marathi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam