ঙসি ভিদিও কনফরেন্সিংগী খুৎথাংদা প্রধান মন্ত্রী শ্রী নরেন্দ্র মোদীনা বিকসিত ভারত সংকল্প যাত্রাগী কান্নবা ফংলবা মীওইশিংদা উনখ্রে অমসুং ৱা ঙাংখ্রে। থৌরম অদুদা প্রধান মন্ত্রীনা রাজস্থান, মধ্য প্রদেস, ছতিসগর, তেলঙ্গানা অমসুং মিজোরমদা বিকসিত ভারত সংকল্প যাত্রা লমথাখি।

গুৱাহাতিদগী য়ুম্বীরেম্বী অমা ওইরিবী শ্রীমতি কলয়ানি রাজবংশীনা সেল্ফ হেল্প গ্রুপ অমা থবক তৌখি অমসুং এরিয়া-লেভেল ফেদেরেসন অমা অমসুং ফুদ প্রোসেসিং য়ুনিত অমা শেমখি, অমসুং অসাম গৌরব এৱার্দ পীদুনা ইকায়খুম্নবা উৎখ্রে। প্রধান মন্ত্রীনা মহাক্কী মাইপাকপগী ৱারি তাখি অমসুং মহাক্কী মমিং অসিমক মীয়ামগী য়াইফবা(কলয়ান) ফোঙদোক্লে হায়না পনখি।

মহাক্কী ইন্তরপ্রাইজগী শেন-থুমগী অওনশিং লাকপগী মতাংদা, মহাক্না হায়খি লুপা ২০০০ গা লোয়ননা মহাক্না চেঙ্গুম থাবগী য়ুনিত অমা থবক হৌরকখি অমসুং তুংদা অসাম সরকারনা লুপা ১৫,০০০ পীবদগী মহাক্না ফুদ প্রোসেসিং য়ুনিত অমা লিংখৎখি। মসিগী মতুংদা, মহাক্না নুপী ২০০ গা লোয়ননা এরিয়া ফেদেরেসন অমা লিংখৎখি। মহাক্না প্রধান মন্ত্রী ফোর্মেলাইজেসন ওফ মাইক্রো ফুদ প্রোসিসিং ইন্তরপ্রাইজ স্কিমগী মখাদা মতেংশু ফংখি। পি.এম শ্বানিধিগী মরমদা পোৎয়োনবী লিশিং অমা ৱাখল তাহনবগীদমক মহাক অসাম গৌরব এৱার্দ পীখি।

বিকসিত ভারত সংকল্প যাত্রাগী গারি মোদী কি গরেন্তি গারি তরাম্না ওকপদা মহাক্না নুপীশিং লুচিংখি অমসুং স্কিমশিংগী কান্নবশিং লৌনবা মহাক্না মখোয়গী পুক্নিং থৌগৎখি অমসুং শন্দোক্না তাকখি। শেন তানবা অমসুং মীয়ামগী থবক তৌনিংবগী থৌনা লেংদনা লৈহন্নবা প্রধান মন্ত্রীনা মহাক্কী মফমদা খঙহনখি। প্রধান মন্ত্রীনা হায়খি “নুপীশিং মশা মরোমদোম লেপচবা মতমদা, খুন্নাইনা খ্বাইদগী চাউনা কান্নবা ফংই হায়বগী অহিংবা খুদম অমা অদোম্না ওইরে”।

***