એક ભારત, શ્રેષ્ઠ ભારતનાં પોતાનાં વિઝનને અનુરૂપ પ્રધાનમંત્રી શ્રી નરેન્દ્ર મોદી 17 ડિસેમ્બર, 2023નાં રોજ નમો ઘાટ પર કાશી તમિલ સંગમમ 2023નું ઉદઘાટન કરશે. આ પ્રસંગે પ્રધાનમંત્રી કન્યાકુમારી–વારાણસી તમિલ સંગમ ટ્રેનને લીલી ઝંડી પણ આપશે. ઉત્તરપ્રદેશનાં રાજ્યપાલ શ્રીમતી આનંદીબહેન પટેલ; કેન્દ્રીય શિક્ષણ અને કૌશલ્ય વિકાસ તથા ઉદ્યોગસાહસિકતા મંત્રી શ્રી ધર્મેન્દ્ર પ્રધાન ઉત્તર પ્રદેશના મુખ્યમંત્રી યોગી આદિત્યનાથ; અને આ કાર્યક્રમમાં અન્ય મહાનુભાવો પણ ઉપસ્થિત રહેશે.

કાશી તમિલ સંગમમનો બીજો તબક્કો 17 થી 30 ડિસેમ્બર, 2023 સુધી પવિત્ર શહેર કાશી (વારાણસી)માં શરૂ થશે. તમિલ પ્રતિનિધિમંડળની પ્રથમ બેચ ૧૫ ડિસેમ્બર ૨૦૨૩ના રોજ ચેન્નઈથી રવાના થઈ છે. લગભગ 1400 (પ્રત્યેક 200 વ્યક્તિઓના 7 જૂથો) લોકો તમિલનાડુના વિવિધ ભાગોમાંથી મુસાફરી કરશે તેવી અપેક્ષા છે, જે જીવનના વિવિધ ક્ષેત્રોનું પ્રતિનિધિત્વ કરે છે. કાશીમાં તેમના પ્રવાસ દરમિયાન, તેમના પ્રવાસ કાર્યક્રમ મુજબ, તેઓ પ્રયાગરાજ અને અયોધ્યાની પણ મુલાકાત લેશે.

વિદ્યાર્થીઓ (ગંગા), શિક્ષકો (યમુના), વ્યાવસાયિકો (ગોદાવરી), આધ્યાત્મિક (સરસ્વતી), ખેડૂતો અને કારીગરો (નર્મદા), લેખકો (સિંધુ) અને વેપારીઓ અને ઉદ્યોગપતિઓ (કાવેરી)ના 7 જૂથોના નામ ભારતની સાત પવિત્ર નદીઓ ચેન્નઈ, કોઈમ્બતુર અને કન્યાકુમારીથી કાશી સુધી જશે તેના નામ પરથી રાખવામાં આવ્યા છે. 8 ડિસેમ્બર, 2023ના રોજ સમાપ્ત થયેલા નોંધણીના સમય દરમિયાન 42,000 થી વધુ નોંધણીઓ પ્રાપ્ત થઈ હતી. તેમાંથી સિલેક્શન કમિટી દ્વારા દરેક ગ્રુપ માટે 200 લોકોની પસંદગી કરવામાં આવી હતી.

ભારત સરકારનું શિક્ષણ મંત્રાલય સંસ્કૃતિ, પ્રવાસન, રેલવે, ટેક્સટાઇલ, ફૂડ પ્રોસેસિંગ (ઓડીઓપી), એમએસએમઇ, માહિતી અને પ્રસારણ મંત્રાલયો, કૌશલ્ય વિકાસ અને ઉદ્યોગસાહસિકતા, આઇઆરસીટીસી અને ઉત્તરપ્રદેશ સરકારનાં સંબંધિત વિભાગોની ભાગીદારી સાથે આ ઇવેન્ટ માટે નોડલ એજન્સી હશે. પ્રથમ તબક્કાના અનુભવનો લાભ લઈને અને સંશોધન માટે તેની પ્રતિષ્ઠાને ધ્યાનમાં રાખીને, આઈઆઈટી મદ્રાસ તમિલનાડુ અને ઉત્તર પ્રદેશમાં બનારસ હિન્દુ યુનિવર્સિટી (બીએચયુ)માં અમલીકરણ એજન્સી તરીકે કામ કરશે.

પ્રતિનિધિ પ્રવાસના કાર્યક્રમમાં 2 દિવસની આઉટબાઉન્ડ ટ્રિપ, બનારસની 2 દિવસની રિટર્ન ટ્રિપ અને 1 દિવસની યાત્રા સામેલ હશે, જે દરેકની પ્રયાગરાજ અને અયોધ્યાની યાત્રા હશે. તમિલનાડુ અને કાશીની કળા અને સંસ્કૃતિ, હાથવણાટ, હસ્તકળા, ખાણીપીણી અને અન્ય વિશેષ ઉત્પાદનો દર્શાવતા સ્ટોલ સ્થાપિત કરવામાં આવશે. કાશીના નમો ઘાટ પર તમિલનાડુ અને કાશીની સંસ્કૃતિને સાંકળતા સાંસ્કૃતિક કાર્યક્રમોનું પણ આયોજન કરવામાં આવશે. કાર્યક્રમના સમગ્ર સમયગાળા દરમિયાન સાહિત્ય, પ્રાચીન ગ્રંથો, દર્શનશાસ્ત્ર, અધ્યાત્મ, સંગીત, નૃત્ય, નાટક, યોગ, આયુર્વેદ, હાથવણાટ, હસ્તકળા તેમજ આધુનિક સંશોધનો, બિઝનેસ એક્સચેન્જ, એડટેક અને અન્ય આવનારી પેઢીની ટેકનોલોજી જેવા જ્ઞાનના વિવિધ પાસાઓ પર સેમિનાર, ચર્ચા, પ્રવચનો વગેરેનું આયોજન કરવામાં આવશે. આ ઉપરાંત તમિલનાડુ અને કાશીના વિવિધ શાખાઓ/વ્યવસાયોના નિષ્ણાતો અને વિદ્વાનો, સ્થાનિક પ્રેક્ટિશનર્સ પણ આ આદાનપ્રદાનમાં સહભાગી થશે, જેથી વિવિધ ક્ષેત્રોમાં પારસ્પરિક શિક્ષણમાંથી વ્યવહારિક જ્ઞાન/નવીનતાનું એક જૂથ ઉભરી શકે.

કાશી તમિલ સંગમમના પ્રથમ તબક્કાનું આયોજન 16 નવેમ્બરથી 16 ડિસેમ્બર 2022 સુધી કરવામાં આવ્યું હતું, જેમાં શિક્ષણ મંત્રાલય નોડલ એજન્સી તરીકે કામ કરે છે. જીવનના 12 વિવિધ ક્ષેત્રોનું પ્રતિનિધિત્વ કરતા તમિલનાડુના 2500થી વધુ લોકોએ 8 દિવસના પ્રવાસ પર કાશી, પ્રયાગરાજ અને અયોધ્યાની યાત્રા કરી હતી, જે દરમિયાન તેમને વારાણસી અને તેની આસપાસના જીવનના વિવિધ પાસાઓનો એક નિમજ્જન અનુભવ મેળવવાની તક મળી હતી.

YP/JD