উত্তরাখন্দগী রাজ্যপাল শ্রী গুরমিত সিংহজী, মমিং লৈবা অমসুং নহা ওইরিবা মুখ্য মন্ত্রী শ্রী পুস্কর সিংহ ধামি, সরকারগী মন্ত্রীশিং, তোঙান-তোঙানবা লৈবাকশিংগী মীহুৎশিং, বিজিনেসকী লমদগী দিগনিতরীশিং অমসুং নুপী অমদি নুপাশিং!

উত্তরাখন্দগী শেংলবা লমদম অসিদা লাকপা ফংজবদা ঐহাক্কী থমোয়দা য়াম্না নুংঙাইবা পোকই। চহি খরগী মমাংদা ঐহাক্না বাবা কেদরনাথ চৎনবা থোরকখিবা মতমদা ঐহাক্না খঙহৌদনা হায়খি মদুদি 21শুবা চহিচাগী অহুমশুবা দিকেদ অসি উত্তরাখন্দগী দিকেদ ওইগনি। ঐহাক্না থমখিবা ৱারোল অদু তপ্না-তপ্না অচুম্বা ওইরকপা উবদা ঐহাক্না নুংঙাইবা পোকই। নখোয় পুম্নমক্কীদমক উত্তরাখন্দগী চাউথোকচনীংঙাই ওইবা অসিগা কন্নেক্ত তৌনবা, মাগী চাউখৎ-থৌরাংগী খোঙচৎকী শরুক অমা ওইবগী অচৌবা খুদোংচাবা অমনি। ঐহাক্না মীপুম খুদিংমক্তা, রাজ্য সরকার য়াওনা উত্তরকাশীদা তনেলদগী মাইগ্রেন্ত ইচিল-ইনাওশিং তেক্তা কাইদনা কন্নবা মাইপাক্লবা কেম্পেন অমা চত্থখিবগীদমক নুংঙাইবা ফোঙদোকচরি।

মরুপশিং,

উত্তরাখন্দ অসি ঈশ্বর অমসুং চাউখৎ-থৌরাং অনিমক এক্সপরিয়েন্স তৌবা ফংবা রাজ্য অমনি। মসি ঐহাক্না হকথেংননা উখ্রে, মসিদা হীংখ্রে অমসুং উত্তরাখন্দগী ফজবা অমসুং ওইথোকপা য়াবশিং ফাওখ্রে। মসিনা মতম অমদা ঐহাক্না উত্তরাখন্দগী মরমদা ইখিবা শৈরেং অমা নীংশিলহল্লি:

জহা অঞ্জুলী মে গঙ্গা জল হো,

জহা হর এক মন বস নিশছল হো,

জহা গাও-গাও মে দেশভক্ত হো,

জহা নারী মে সচ্চা বল হো,

উস দেবভুমি কা আশীর্বাদ লিয়ে মে চলতা জাতা হু!

ইস দেব ভুমি কে ধ্যান সে হী, মে সদা ধন্য হো জাতা হু।

হে ভাগ্য মেরা, সৌভাগ্য মেরা, মে তুমকো শীশ নবাতা হু”।

মরুপশিং,

মসিগী লোইনাইদ্রবা ওইথোকপা য়াবা লৈবা লমদম অসিনা নখোয়গীদমক ইনভেস্তমেন্তশিং তৌনবা থোং কয়া শোইদনা হাংলগনি। ঙসি ভারতনা চাউখৎ-থৌরাং অমসুং হেরিতেজ অনিমক্কী মন্ত্রগা লোয়ননা খুমাং চাউশিল্লি অমসুং উত্তরাখন্দনা মসিগী ঙান্থোইরিবা খুদম অমা ওইরি।

 মরুপশিং,

নখোয় পুম্নমক বিজিনেসকী লমদা খঙহৈরবা ঙাক্তনি। বিজিনেসকী লমদা লৈরিবা মীওইশিংনা মখোয়গী থবক্কী SWOT এনালাইসিস তোইনা তৌই। মখোয়না মখোয়গী কম্পনীগী শক্তি, অশোনবা, খুদোংচাবশিং অমসুং শীংনবশিং ইভেল্যুএৎ তৌই অমসুং এসেসমেন্ত অসিদা য়ুম্ফম ওইরগা মখোয়গী লালোং শেমখি। করিগুম্বা ঐখোয়না ঙসি লৈবাক অমা ওইনা ভারতকী SWOT এনালাইসিস পাঙথোকপা তারবদি ঐখোয়না করি ফংগনি? ঐখোয়না অকোইবদা অনীংবা-অপাম্বা, থাজবা, আত্মবিশ্বাস, ইন্নোবেসন, অমসুং খুদোংচাবা উবা ফংগনি।

ঙসি নখোয়না লৈবাক অসিদা পোলিসী-দ্রিবেন গভর্নান্স উবা ফংগনি। প্রজাশিংদগী পোলিতিকেল স্তেবিলিতীগীদমক চাউনা আপীল তৌবা উবা ফংগনি। পান্দম চাউনা থম্মিবা ভারতনা তংদু লৈতাদবা পামদে মানা তংদু লৈতাবা সরকার অমা পাম্মি। ঐখোয়না মসি হন্দক্তা পাঙথোকখিবা রাজ্য বিধান সভা মীখলশিংদা উবা ফংখি, অমসুং উত্তরাখন্দগী মীয়াম্না মসি হন্দক্তা উৎখ্রে। মীয়াম্না তংদু লৈতাবা অমসুং শক্তি লৈবা সরকারশিংগীদমক মেন্দেৎ অমা পীখি। মীয়াম্না ত্রেক রেকোর্দতা য়ুম্ফম ওইরগা গুদ গভর্নান্সকীদমক ভোৎ পীখি। ঙসি ভারত অমসুং মাগী মীয়ামদা মালেমনা আশা অমসুং ইকাই খুম্নবগা লোয়ননা মীৎয়েং থম্মি অমসুং মসি বিজনেসকী লমদসু মীয়াম্না খঙনরি। ভারত মচা খুদিংমক্না মসি থৌদাং অমা ওইনা লৌরি। প্রজা খুদিংমক্না ‘বিক্ষিৎ ভারত’ অমা শেম্বা অসি মখোয়গী থৌদাং ওইনা লৌরি। কোবিদ লাইচৎ অমসুং লানশিংগী চৈথেং নংলবসু আত্মবিশ্বাস অসিনা ভারতপু খোঙজেল য়াংনা খুমাং চাউশিনহল্লি। নখোয়না কোরোনা ভেক্সিন নত্ত্রগা ইকনোমিক পোলিসীশিং ওইরবসু ভারতনা মাগী পোলিসীশিং অমসুং তৌবা ঙম্বশিংদা থাজবা থম্বা উবা ফংখি। মসিগী ফল ওইনা ভারতনা ঙসি মশাবু অতৈ অচৌবা ইকনোমীশিংগা লম্বা তৌনবা উবা ফংলি। ভারতনা নেস্নেল লেবেলদা লৈরিবা শক্তিগী কান্নবা অসি উত্তরাখন্দ য়াওনা রাজ্য খুদিংমক্না ফংলি।

মরুপশিং,

ওইরিবা ফীভমশিং অসি য়েংলগা উত্তরাখন্দনা অখন্নবা অমসুং নেচরেল ওইরক্লি মরমদি মসিদা দবল-ইঞ্জিন সরকার অমা লৈ।  দবল-ইঞ্জিন সরকারগী খোঙথাংশিং অসি উত্তরাখন্দদা লম পুম্নমক্তা উবা ফংলি। রাজ্য সরকারনা গ্রাইন্দ রিএলিতীশিং খঙনা থবক পাইখৎলি। মসিগী মথক্তা মফম অসিদা রাজ্য সরকারনা মাগী বিজন অসি ভারত সরকারগী থৌরাংশিংগী পরিং মখাদা ওইরি, খোঙজেল য়াংনা মখোয়বু ইমপ্লিমেন্ত তৌরি। ঙসি ভারত সরকারনা উত্তরাখন্দদা 21শুবা চহিচাগী মোদর্ন কন্নেক্তিবিতী ইনফ্রাস্ত্রকচরদা অমুক্তা ওইখিদ্রিবা মওংদা ইনভেস্তমেন্তশিং তৌরি। কেন্দ্র সরকারগী খোঙথাংশিংগী মরক্তা রাজ্য সরকারনা অপীকপা সহর অমসুং খুঙ্গংশিং শম্নহন্নবা কন্না থবকসু পাইখৎলি। উত্তরাখন্দগী লম্বিশিং ওইরবসু নত্ত্রগা চার ধাম মহামর্গ ওইরবসু অমুক্তা ওইখিদ্রিবা খোঙজেলদা থবক পাইখৎলি। দিল্লী অমসুং দেহরাদুনগী মরক্তা লৈরিবা অরাপ্পা অসি দিল্লী-দেহরাদুন এক্সপ্রেসৱেগী খুত্থাংদা পুং অনি মখাইদা হন্থগদবা মতম অদু কুইদ্রে। দেহরাদুন অমসুং পেন্তনগরদা এয়রপোর্তশিংগী এক্সপান্সন তৌবা অসিনা এয়র কন্নেক্তিবিতী মপাঙ্গল কনখৎহল্লগনি। রাজ্য সরকারনা রাজ্য মনুংদা হেলি-তেক্সি সর্ভিসশিংসু এক্সপান্দ তৌরি। রিশিকেশ-কর্নপ্রয়াগ রেল লাইনগা লোয়ননা উত্তরাখন্দদা রেল কন্নেক্তিবিতী মপাঙ্গল কনখৎহনখি। মোদর্ন কন্নেক্তিবিতীনা পুন্সিবু লাইথোকহনবা খক্তা নত্তনা বিজিনেসসু লাইথোকহল্লি। এগ্রিকলচর নত্ত্রগা তুরিজম ওইরবসু অনৌবা ওইথোকপা য়াবশিং সেক্তর খুদিংমক্তা হাংদোক্লি। লোজিস্তিক্স, স্তোরেজ, তুর-ত্রেবেল, অমসুং হোস্পিতেলিতীনা অনৌবা লম্বীশিং শেম্বা উবা ফংলি। অনৌবা লম্বী, অনৌবা ইনভেস্তর অমমমনা অচৌবা খুদোংচাবা পুরক্লি।

 মরুপশিং,

মমাংদা সরকারগী এপ্রোচ অসি এক্সেস তৌবা হন্থহন্নবা ঙমখৈগী মনাক্তা লৈবা মফমশিং চাউখৎহনদনা থম্বনি। দবল-ইঞ্জিন সরকারনা মসিগী এপ্রোচ অসিদসু অহোংবা পুরকখি। ঐখোয়না ঙমখৈগী খুঙ্গংশিং অসি লৈবাক্কী অরোইবা খুঙ্গং ওইহনবগী মহুৎ অহানব খুঙ্গং ওইহন্দুনা চাউখৎহল্লি। ঐখোয়না এস্পিরেস্নেল দিস্ত্রিক্ত প্রোগ্রাম ইমপ্লিমেন্ত তৌরি অমসুং হৌজিক্না এস্পিরেস্নেল ব্লোক প্রোগ্রাম চত্থরি। ঐখোয়না চাউখৎ-থৌরাংগী হীরম খুদিংমক্তা শোত্থনা লৈরম্বা খুঙ্গংশিং অমসুং রিজনশিংদা মীৎয়েং চংদুনা মখোয়বু মাংদা পুখৎলি। মসিনা তাকপদি উত্তরাখন্দদা তেপ তৌদ্রিবা ওইথোকপা য়াবা য়াম্না লৈ মসিদগী ইনভেস্তর খুদিংমক্না চাউনা কান্নবা ফংগনি।

 মরুপশিং,

দবল-ইঞ্জিন সরকারগী মরু ওইবা অসি উত্তরাখন্দদা দবল বেনিফিৎ ফংহনবনি অমসুং তুরিজম সেক্তরনা মসিগী খুদম অমনি। ঙসি ভারত মচাশিং অমসুং মীরৈবাক মচাশিংনা ভারত এক্সপ্লোর তৌনীবগী অপাম্বা পোক্লি। ঐখোয়না লৈবাক শিনবা থুংবদা থিম-বেজ সর্কিৎশিং শেম্মি। মসিগী পান্দমদি মালেমদা ভারতকী মতৌ অমসুং হেরিতেজ অসি খঙহনবনি। কেম্পেন অসিদা উত্তরাখন্দনা তুরিজমদা খ্বাইদগী শক্তি লৈবা ব্রান্দ অমা ওইরি। রাজ্য অসিনা পুম্নমক – মহৌশা, কলচর, হেরিতেজ ফংহল্লি। মফম অসিদা য়োগ, আয়ুর্বেদ, তীর্থা য়াত্রা, এদভেঞ্চর স্পোর্তস, অমসুং অহেনবা কয়াগী খুদোংচাবশিং পীরি। ওইথোকপা য়াবশিং অসি এক্সপ্লোর তৌদুনা মখোয়বু খুদোংচাবশিংদা ওন্থোকপা অসি নখোয়গুম্বা মীওইশিংগীদমক মরু ওইবা অমনি।

অমসুং ঐহাক্না ৱাফম অমগা হায়জনীংই, মফম অসিদা লাকপা মীওইশিংনা মসি পামলম্বা য়াই নত্ত্রগা পামলমদবা য়াই অদুবু পাউজেল অসি পীনিংবা মফম অসিদা মীওই খরা লৈ অমসুং মসি মফম অসিদা লাক্ত্রিবা মীওইশিংদসু হায়নীংই। ঐহাক্না মিলিনিয়রশিং অমসুং বিলিনিয়রশিংদা হায়জনীংই। মফম অসিদা থাজনবা লৈ মদুদি লুহোংবা অসি ঈশ্বরনা শেম্বীরকপনি। ঈশ্বরনা অমত্তা ওইহনবনি। ঈশ্বরনা শেম্বা অপুনবা অসিদা মতৈ-মনাও খরনা মখোয়গী পুন্সিগী খোঙচৎ হৌবা অসি মফম অসিগী ঈশ্বরগী খুয়াদগী হৌবগী মহু মীরৈবাকশিংদা ওইনা চৎতুনা পাঙথোক্লি। ঐহাক্কী লৈবাক্কী নহারোলশিংনা ‘মেক ইন ইন্দিয়া’ মুফমেন্তগুম্না ‘ৱেদ্দিং ইন ইন্দিয়া’ হায়বা মুফমেন্ত অমা হৌনবা হায়জনীংই। নখোয়না ভারত্তা নখোয়গী লুহোংবগী থৌরম পাঙথোক্কদবনি। মীরৈবাক্তা লুহোংবশিং পাঙথোকপগী চৎনবী অসি শেল পাইবা মীওইশিংগী মরক্তা ফেশন অমা ওইরক্লি। মফম অসিদা ফম্মিবা মীওই কয়ানা মসি তাবদা শাওনীংলমগনি। নখোয়না ইনভেস্তমেন্ত তৌবা ঙমলবসু মীওই কয়ানদি ঙমদে, মথংগী চহি মঙা অসিদা উত্তরাখন্দদা নখোয়গী ইমুংগী দেস্তিনেসন ৱেদ্দিং অমা পাঙথোক্নব খনবীয়ু। করিগুম্বা চহি অমদা মফম অসিদা লুহোংবা লিশিং মঙা পাঙথোকপা তারবদি মসিনা অনৌবা ইনফ্রাস্ত্রকচরগী লম্বী য়াৎকনি অমসুং উত্তরাখন্দনা মালেমগী মরু ওইবা ৱেদ্দিং দেস্তিনেসন অমা ওইরক্কনি। ভারতনা মসিগী ৱারেপ লৌবা অমসুং ওইথোকপা ঙমহনবগী শক্তি লৈ। মসিনি ঐখোয়দা লৈরিবা শক্তি।

মরুপশিং,

হোংলক্লিবা মতম অসিদা ভারত্তা ঙসি অহোংবগী খোঙজেল য়াংলবা ইথক অমা লাক্লি। হৌখিবা চহি 10 অসিদা এস্পিরেস্নেল ভারত অমা শেমখি। লৈবাক অসিদা খুদোংচাদবা কয়া মায়োক্নরিবা শোত্থরবা মশিং য়াম্লবা মীশিং অমা লৈরমখি। হৌজিক মসিনা খুদোংচাবশিংগা চান্নবা মওংদা অৱাবা পুম্নমক্তগী থোরক্লি, অমসুং অনৌবা খুদোংচাবশিংগী শম্নহল্লি। সরকারগী য়াইফ থৌরাং স্কিমশিংনা মরম ওইরগা মীওই করোর 13.5না হৌখিবা চহি মঙা অসিদা লায়রবদগী থোরকপা ঙমখি। মীওই করোর কয়ানা ইকনোমীদা অনৌবা ইনোৎ অমা হাপখি। ঙসি ভারত মনুংদা কঞ্জুম্পসন-বেজ ইকনোমী অমা খোঙজেল য়াংনা চাউখৎলক্লি। নাকল অমদা লায়রবদগী ফগৎলক্লিবা নিও-মিদ্দল ক্লাস লৈরি অমসুং মখোয়গী মথৌ তাবশিংদা হেন্না চাদিং তৌরি। নাকল অমরোমদনা মখোয়গী অপাম্বা পোৎলমশিংদা হৌজিক হেন্না চাদিং তৌরিবা মিদ্দল ক্লস লৈ। মরম অসিনা ঐখোয়গীদমক লৈবাক্কী মিদ্দল ক্লাসকী তৌবা ঙম্বা অদু ঙখবা তঙাই ফদে। উত্তরাখন্দদা লৈরিবা খুন্নাইগী  শক্তি অসিনা নখোয়গীদমক অচৌবা মার্কেৎ  অমা শেম-শারি।

 মরুপশিং,

ঐহাক্না উত্তরাখন্দ সরকারবু হাউস ওফ হিমালয়া ব্রান্দ লোঞ্চ তৌবগীদমক নুংঙাইবা ফোঙদোকচরি। ফোরেন মার্কেৎশিংদা উত্তরাঝন্দদগী লোকেল প্রদক্তশিং এস্তাব্লিশ তৌনবা অনৌবা খোঙথাং অমনি। মসিনা ভোকেল ফোর লোকেল অমসুং লোকেল ফোর গ্লোবেলগী ঐখোয়গী ৱাখল্লোন মপাঙ্গল কনখৎহনখি। মসিনা ইন্তরনেস্নেল মার্কেৎশিংদা উত্তরাখন্দগী লোকেল প্রদক্তশিং মশক খঙহনগনি অমসুং অনৌবা খুদোংচাবশিং পীগনি। ভারতকী জিলা অমসুং ব্লোক খুদিংমক্তা লোকেল ওইবা অদুবু গ্লোবেল ওইবগী মতিক ময়াই লৈবা প্রদক্তশিং লৈ। অয়াম্বনা ঐহাক্না লৈপাক্কী চফু অসি মীরৈবাকশিংদা অখন্নবা ওইনা খুদোল তম্নৈ অমসুং অৱাংবা মমলশিংদা য়োনবা উবা ফংই। ভারত্তা লৈরিবা ঐখোয়গী আর্তিসানশিং মরু ওইনা বিশ্বকর্মা ফুরুপনা মহৌশানা য়াম্না ফজবা প্রদক্তশিং নাৎকী ওইবা মওংদা পুথোকই। ঐখোয়না অসিগুম্বা লোকেল প্রদক্তশিংগী মরু ওইবা খঙবা অমসুং মখোয়গীদমক গ্লোবেল মার্কেৎ অমা এক্সপ্লোর তৌবা মরু ওই হায়বা খঙবা চংই। মরম অসিনা হাউস ওফ হিমালয়া ব্রান্দ অসিনা ঐহাক্কী নুংঙাইবা হীরম অমা ওইহল্লি। ঐগী ৱাশক্কী মরমদা খঙবা মীওই খরা খক্তমক লৈরমগনি মরমদি অসিগুম্বা ৱাশক অসিনা হকথেংননা কান্নবা পীদ্রবসু মখোয়দা চাউনা কান্নবা লৈ। ঐগী ৱাশকশিংগী মনুংদা অমদি লাক্কদৌরিবা মতম অসিদা খুঙ্গংগী নুপী করোর অনিবু শেল পাইবা ওইহনবনি। ঐহাক্না মসিগীদমক ‘লাখপতি দিদি’ হৌদোকখি। ‘লাখপতি দিদি’ করোর অনি ওইহনবা অসি অচৌবা থবক অমনি অদুবু ঐহাক্না চপ য়ুংনা লেপখ্রে। হাউস ওফ হিমালয়া ব্রান্দনা ‘লাখপতি দিদি’ করোর অনি শেম্বগী থবক খোঙজেল য়াংশিনহনগনি অমসুং মসিগীদমক ঐহাক্না থাগৎপা ফোঙদোকচরি।

 মরুপশিং,

নখোয়সু বিজিনেস অমা ওইনা মফম অসিদা তোঙান-তোঙানবা জিলাশিংগী প্রদক্তশিং মশক খঙদোকপা য়াগনি। ঐখোয়গী ইচে-ইচলশিংগী সেল্ফ-হেল্প গ্রুপশিং, FPOশিংগা চুংশিন্নবীয়ু অমসুং অনৌবা ওইথোকপা য়াবশিং এক্সপ্লোর তৌবীয়ু। মসি লোকেল গ্লোবেল ওইহন্নবা ফজরবা পার্নরশিপ অমা ওইবা য়াগনি।

 মরুপশিং,

হন্দক্তা ঐহাক্না লাল কিলাদগী হায়খি মদুদি ঐখোয়না ‘বিক্ষিৎ ভারত’ অমা শেমগৎনবা নেস্নেল করেক্তর শক্তি পীবা মথৌ তাই। ঐখোয়না তৌবা খুদিংমক মালেমগী খ্বাইদগী ফবা ওইহনগদবনি। মালেমনা ঐখোয়গী স্তেন্দর্দশিংগী মতুং ইনহনগদবনি। ঐখোয়গী মেন্যুফেকচরিং অসি জিরো-ইফেক্ত অমসুং জিরো-দিফেক্তকী প্রিসিন্সিপলদা য়ুম্ফম ওইহনগদবনি। ঐখোয়না এক্সপোর্ত-ওরিয়েন্তেদ মেন্যুফেকচরিং করম্না খুমাং চাউশিনহনবা য়াগদগে হায়বদা মীৎয়েং চংহনবা মথৌ তাই। কেন্দ্র সরকারনা PLI গুম্বা অচৌবা কেম্পেনশিং লোঞ্চ তৌখি। মসিনা ক্রিতিকেল সেক্তরশিংগীদমক ইকোসিস্তেম অমা শেম্নবা ফিরেপ অদু উৎলি। মরুপশিং নখোয়না মসিদসু মরু ওইবা থৌদাং অমা লৌবা য়াগনি। মসি ঐখোয়গী লোকেল সপ্লাই চেন মপাঙ্গল কনখৎহন্নবা অমসুং ঐখোয়গী MSMEশিংদা ইনভেস্ত তৌনবা মতমনি। ঐখোয়না অতোপ্পা লৈবাকশিংদা মীপাল তাংবা হন্থহন্নবা লম্বী অমদা ভারত্তা সপ্লাই চেন দিবেলপ তৌবা মথৌ তাই। ঐখোয়না মফম অমদা করিগুম্বা পোৎ অমা অতাবা মমলদা ফংলবদি মদুদগী ইম্পোর্ত তৌগদবনি হায়বা ৱাখল্লোন অদু থাদোকপা তঙাই ফদে। ঐখোয়না মসিগী ৱাখল্লোন অসিদগী চাউনা অমাংবা থেংনখ্রে। ওন্তপ্রিনোর পুম্নমক্না ভারত্তা কেপাসিতী বিল্দিং তৌবদা চপ মান্ননা মীৎয়েং চংগদবনি। ঐখোয়না এক্সপোর্ত হেনগৎহল্লিবা মখৈ ঐখোয়না ইম্পোর্তশিং হন্থহনবা ঙমগনি। ঐখোয়না চহি খুদিংগী লুপা করোর লাখ 15 রোমগী পেত্রোলিয়ম প্রদক্তশিং ইম্পোর্ত তৌরি। কোল য়াম্না ফংবা লৈবাক ওইরবসু ঐখোয়না চহি খুদিংগী লুপা করোর লাখ 4 রোমগী কোল ইম্পোর্ত তৌরি। হৌখিবা চহি 10 অসিদা লৈবাক অসিদা হৱাই অমসুং থাও শুংনবা মরু ইম্পোর্ত তৌবা হন্থহন্নবা খোঙথাং কয়া পাইখৎখি। অদুবু ঙসিসু লৈবাক অসিনা লুপা করোর লিশিং 15 রোমগী হৱাইশিং ইম্পোর্ত তৌরি। করিগুম্বা ভারতনা হৱাইদা আত্মনির্ভর ওইবা ঙমলবদি শেল অসি ঐখোয়গী লৌমীশিংনা ফংগদৌরিবনি।

 মরুপশিং,

ঙসি ঐখোয়না ন্যুত্রিসনগী মাংদা মরু ওইনা মিদ্দল ক্লাসকী ইমুংশিংগী দাইনিং তেবলশিংদা পেকেজকী অচা অথক্কী ত্রেন উবা ফংলি। পেকেজ আইতেমগী তোঙান-তোঙানবা মখলশিং মীরৈবাক্তগী পুশিল্লক্লি অমসুং ফেশন ওইরক্লি। পেকেজ আইতেম অদুদা প্রোচিনগী চাং ৱাংনা য়াওই ইরি অমসুং ঐখোয়না মদু চাবা হৌরি। মসিদা হংলুবা তৌদে। মসিদা ইরে হায়দুনা ঐখোয়না মদু চারি। মসিদা ‘XYZ লৈবাক্তা শাবা’ হায়না ইরি অমসুং ঐখোয়না ৱাহং অমত্তা হংলুদে। ঐখোয়গী লৈবাক্তা মিল্লেৎ য়াওনা মচি ওইবা চীঞ্জাক কয়া লৈ মসিনসু হেন্না মচি ওই। ঐখোয়গী লৌমীশিংনা কন্না হোৎনরিবা অদু ঐখোয়না লেম্না মাংহল্লোইদবনি। উত্তরাখন্দদা আয়ুশ, ওর্গানিক ওইবা উহৈ অমসুং মনা-মশিংগা মরী লৈনবা প্রদক্তশিংগী খুদোংচাবা কয়ামরুম লৈ। মসিনা লৌমীশিং অমসুং ওন্তপ্রিনোর অনিমক্কী অনৌবা এভেন্যুশিং হাংদোকপা য়াই। ঐহাক্না থাজৈ মদুদি ঐখোয়গী অপীকপা কম্পনীশিংনা প্রদক্তশিং অসি গ্লোবেল মার্কেৎতা পেকেজ ফুদ মার্কেৎ তানা পুখৎপদা মরু ওইবা থৌদাং লৌগনি।

 মরুপশিং,

ঐহাক্না থাজৈ মসি ভারতকী, ঐখোয়গী ভারতকী কম্পনীশিংগীদমক অমুক্তা ওইখিদ্রিবা মতমনি। মথংগী চহি খরা অসিনা ভারতনা মালেমগী অহুমশুবা খ্বাইদগী চাউবা ইকনোমী ওইরক্কনি। ঐহাক্না প্রজাশিংদা থাজবা পীরি মদুদি লৈবাক অসি ঐগী অহুমশুবা তর্মদা মালেমগী মকোক থংবা অহুমগী মনুংদা চল্লগনি। স্তেবল গভর্নমেন্ত, সপ্পোর্তিব পোলিসী সিস্তেম, রিফোর্মশিংগী খুত্থাংদা ৱাখল্লোন্দা অহোংবা অমা লাকপা, চাউখৎ-থৌরাংদা থাজবা লৈবা – ফেক্তর পুম্নমক্কী অপুনবা অসি অহানবা ওইনা থোক্লি। মরম অসিনা ঐহাক্না হায়জগে মসি তানফম অসি মতিক চারবা তানফমনি। মসি ভারতকী মতমনি। ঐহাক্না উত্তরাখন্দগা লোয়ননা নখোয়গী চাউখৎ-থৌরাংদা নখোয়না শরুক তম্নবা অমসুং উত্তরাখন্দগী চাউখৎ-থৌরাংগী শরুক অমসু ওইবীয়ু। হায়নবা লৈ চহিগী নহারোল অমসুং চীংগী ঈশিংনা চীংগী চাউখৎ-থৌরাংদা শরুক তমদে। নহাশিংনা হিংনবগীদমক অতোপ্পা মফমদা চৎলি অমসুং ঈশিংনা ইচেল ওইনা চেনখি। অদুবু মোদীনা চীংগী নহাশিংনা চীংগী চাউখৎ-থৌরাংদা শরুক তমহন্নবা অমসুং চীংগী ঈশিংনা চীংগী কান্নবা শীজিন্ননবা ৱারেপ লৌরে। ওইথোকপা য়াবা কয়া অসি উবদা ঐহাক্না ঐখোয়গী লৈবাক অসিনা অনৌবা শক্তিগা লোয়ননা কাচিন খুদিংমক্তা শক্তি লৈনা লেপহনগনি হায়না ঐহাক্না ৱাশকখি। মরম অসিনা ঐহাক্না ময়ামদা মসিগী খুদোংচাবা অসি লৌনবা, পোলিসীশিং অসিদগী কান্নবা লৌনবা হায়জরি। সরকারনা ত্রান্সপরেন্ত ওইবা অমসুং মীপুম খুদিংমক্কীদমক হাংলিবা পোলিসীশিং শেম্মি। মসিগী খুদোংচাবা নখোয়না লৌগদবনি।

ঐহাক্না ময়ামদা গরেন্তী পীজরি মদুদি ঐখোয়না ঙাংবা খক্তা নত্তনা নখোয়গীদমক অমসুং মসিবু থুংহন্নবা খোঙফম চেৎনা লেপ্পী। নখোয় পুম্নমক্না মরু ওইবা খুদোংচাবা অসিদা মসিদা লৈরি। উত্তরাখন্দ অসি ঐগী থমোয়দা অখন্নবা মফম অমা কল্লি। কয়া অমা হায়খ্রে, লমদম অসিনা ঐগী পুন্সি শেম্বগা মরী লৈনৈ। করিগুম্বা ঐহাক্না করিগুম্বা অমা পীবগী খুদোংচাবা ফংলবদি মদুগী নুংঙাইবা অদু তোঙানগনি। মরম অসিনা ঐহাক্না পুম্নমকপু বর্তন তৌজরি; লমদম অসিদগী থৌজাল ফংদুনা অনৌবা অহৌবা অমা হৌবীয়ু। মসিগী লমদম অসিগী থৌজাল ফংলবদি অদোমগী চাউখৎ খোঙচৎতা অপনবা অমত্তা লৈরোই। ময়াম্বু হন্না-হন্না থাগৎপা ফোঙদোকচরি অমসুং য়াইফ মঙ্গোল পীজরি।

***