প্রধানমন্ত্রীগী লোইশঙ
প্রধান মন্ত্রীনা দিশেম্বর ১১ দা ‘বিকসিত ভারত @2047: ভোইস ওফ য়ুথ’ হৌদোক্কনি
বিকসিত ভারত @2047 কী পান্দমদা অনৌবা ৱাখল্লোনশিং মতেং পাংনবা লৈবাক অসিগী নহারোলশিংদা মফম অমা পীনবা থবক অসিনা পান্দম থম্লি
লৈবাক শীনবা থুংনা লৈরিবা রাজ ভাবনশিংদা পাংথোকপা ৱার্কশোপশিংদা প্রধান মন্ত্রীনা য়ুনিভর্সিতিশিংগী ভাইস চান্সসেল্লরশিং অমসুং ইন্সতিতুৎশিংগী লুচিংবশিংদা ৱা ঙাংগনি
Posted On:
10 DEC 2023 1:02PM by PIB Imphal
দিশেম্বর ১১,২০২৩গী অয়ুক পুং ১০:৩০ তাবদা ভিদিও কনফরেন্সিংগী খুৎথাংদা প্রধান মন্ত্রী শ্রী নরেন্দ্র মোদীনা ভারত @2047: ভোইস ওফ য়ুথ’ হৌদোক্কনি। থবক অসি হৌদোকপা ওইনা, লৈবাক শীনবা থুংনা লৈরিবা রাজ ভাবনশিংদা পাংথোকপা ৱার্কশোপশিংদা প্রধান মন্ত্রীনা য়ুনিভর্সিতিশিংগী ভাইস চান্সসেল্লরশিং অমসুং ইন্সতিতুৎশিংগী লুচিংবশিং অমসুং ওজাশিংদা ৱা ঙাংগনি।
প্রধান মন্ত্রীগী পান্দমদি লৈবাক অসিগী নহারোলশিং লৈবাক্কী থৌরাংশিং শেম্বা, লৈবাক্কী মরুওইবশিং অমসুং পান্দমশিং শেম্বদা থৱায় য়াওনা শরুক য়াহনবনি। পান্দম অসি ফংনবা, বিকসিত ভারত @2047 কী পান্দমদা অনৌবা ৱাখল্লোনশিং মতেং পাংনবা লৈবাক অসিগী নহারোলশিংদা মফম অমা পীনবা থবক অসিনা পান্দম থম্লি। বিকসিত ভারত @2047 কীদমক মখোয়গী অনৌবা ৱাখলশিং অমসুং পাউতাকশিং শরুক য়ানবা থবক হৌনবা মাইকৈদা থাংজিনবা মরুওইবা খোঙথাং অমা ৱার্কশোপ অসিনা ওইগনি।
বিকসিত ভারত @2047 কী পান্দমদি লৈবাক অসিনা নিংতম্বা চহি ১০০ মপুংফারকপা, ২০৪৭দা ভারত চাউখৎলবা লৈবাক অমা ওইহনবনি। পান্দম অসিদা চাউখৎপগী তোঙান-তোঙানবা মওংশিং হায়বদি শেন-থুম চাউখৎপা, খুন্নাই চাউখৎপা, তুংকোইনা চৎনবা য়াবা মহৌশাগী অকোয়বগী ফিবম অমসুং অফবা লৈঙাক অমসুং অতোপ্পা কয়া য়াওরি।
***
(Release ID: 1984739)
Visitor Counter : 121
Read this release in:
Bengali
,
Assamese
,
Bengali-TR
,
English
,
Urdu
,
Marathi
,
Hindi
,
Nepali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam