ମହାମହିମ,
ଉଦ୍ୟୋଗ ଜଗତର ବହୁ ବିଶିଷ୍ଟ ବ୍ୟକ୍ତିମାନେ

ଏଠାରେ ଉପସ୍ଥିତ ବିଶିଷ୍ଟ ଅତିଥିବୃନ୍ଦ,

ଆପଣ ସମସ୍ତଙ୍କୁ ନମସ୍କାର ।

ଆମେ ସମସ୍ତେ ଏକ ଅଂଶୀଦାର ପ୍ରତିବଦ୍ଧତା ଦ୍ୱାରା ସଂଯୁକ୍ତ ଅଛୁ - ଗ୍ଲୋବାଲ ନେଟ୍ Zero.Net ଜିରୋର ଲକ୍ଷ୍ୟ ହାସଲ କରିବା ପାଇଁ ସରକାର ଏବଂ ଶିଳ୍ପ ମଧ୍ୟରେ ଭାଗିଦାରୀ ଅତ୍ୟନ୍ତ ଗୁରୁତ୍ୱପୂର୍ଣ୍ଣ | ଏବଂ, ଶିଳ୍ପ ଅଭିନବତା ହେଉଛି ଏକ ଗୁରୁତ୍ୱପୂର୍ଣ୍ଣ ଉତପ୍ରେରକ। ଇଣ୍ଡଷ୍ଟ୍ରି ଟ୍ରାନ୍ଜିସନ୍ ପାଇଁ ଲିଡରସିପ୍ ଗ୍ରୁପ୍ ଅର୍ଥାତ୍ ଲିଡ୍-ଆଇଟି ହେଉଛି ପୃଥିବୀର ସୁରକ୍ଷିତ ଭବିଷ୍ୟତ ପାଇଁ ସରକାର ଓ ଶିଳ୍ପ ମଧ୍ୟରେ ଭାଗିଦାରୀର ଏକ ସଫଳ ଉଦାହରଣ।

୨୦୧୯ରେ ଆରମ୍ଭ ହୋଇଥିବା ଲିଡ୍-ଆଇଟି ହେଉଛି ଶିଳ୍ପ ପରିବର୍ତ୍ତନକୁ ସୁଦୃଢ଼ କରିବା ପାଇଁ ଆମର ମିଳିତ ପ୍ରୟାସ । କମ୍ କାର୍ବନ ଟେକ୍ନୋଲୋଜି ଏବଂ ନବସୃଜନ ତ୍ୱରାନ୍ୱିତ ହେବା ଉଚିତ୍ | ଏବଂ ଏହା ଖୁବଶୀଘ୍ର ଗ୍ଲୋବାଲ ସାଉଥକୁ ସହଜରେ ଉପଲବ୍ଧ ହେବା ଆବଶ୍ୟକ। ପ୍ରଥମ ପର୍ଯ୍ୟାୟରେ ଲିଡ୍-ଆଇଟି ଆଇରନ୍ ଓ ଇସ୍ପାତ, ସିମେଣ୍ଟ, ଆଲୁମିନିୟମ୍, ଟ୍ରାନ୍ସପୋର୍ଟ ଭଳି କ୍ଷେତ୍ରରେ ଟ୍ରାନ୍ଜିସନ୍ ରୋଡ୍ ମ୍ୟାପ୍ ଏବଂ ଜ୍ଞାନ ଆଦାନ ପ୍ରଦାନ ଉପରେ ଗୁରୁତ୍ବ ଦେଇଥିଲା। ଏବେ ୧୮ଟି ଦେଶ ଓ ୨୦ଟି କମ୍ପାନି ଏହି ଗ୍ରୁପ୍ ର ସଦସ୍ୟ ଅଛନ୍ତି।

ସାଥୀମାନେ,

ଭାରତ ତା'ର ଜି-୨୦ ଅଧ୍ୟକ୍ଷତାରେ ସର୍କୁଲାରିଟି ରଣନୀତିରେ ବିଶ୍ୱସ୍ତରୀୟ ସହଯୋଗ ଉପରେ ଗୁରୁତ୍ୱାରୋପ କରାଯାଇଛି। ଏହାକୁ ଆଗେଇ ନେଇ ଆମେ ଆଜି ଲିଡ୍-ଆଇଟିରେ ଏକ ନୂଆ ଅଧ୍ୟାୟ ଯୋଡ଼ିଛୁ। ଆଜି ଆମେ ଲିଡ୍-ଆଇଟି ୨.୦ ଲଞ୍ଚ୍ କରୁଛୁ।

ଏହି ପର୍ଯ୍ୟାୟରେ ତିନୋଟି ମୁଖ୍ୟ ଫୋକସ ରହିବ । ପ୍ରଥମତଃ, ଅନ୍ତର୍ଭୁକ୍ତ ଏବଂ ନ୍ୟାୟପୂର୍ଣ୍ଣ ଶିଳ୍ପ ପରିବର୍ତ୍ତନ; ଦ୍ବିତୀୟତଃ, କମ୍ କାର୍ବନ ଟେକ୍ନୋଲୋଜିର ସହ-ବିକାଶ ଏବଂ ସ୍ଥାନାନ୍ତର। ଏବଂ ତୃତୀୟତଃ, ଉଦୀୟମାନ ଅର୍ଥନୀତିକୁ ଶିଳ୍ପ ପରିବର୍ତ୍ତନ ପାଇଁ ଆର୍ଥିକ ସହାୟତା।

ଏସବୁକୁ ସମ୍ଭବ କରିବା ପାଇଁ ଭାରତ-ସ୍ୱିଡେନ୍ ଇଣ୍ଡଷ୍ଟ୍ରି ଟ୍ରାନଜିସନ୍ ପ୍ଲାଟଫର୍ମ ମଧ୍ୟ ଆରମ୍ଭ କରାଯାଉଛି। ଏହା ଦ୍ୱାରା ଉଭୟ ଦେଶର ସରକାର, ଶିଳ୍ପ, ପ୍ରଯୁକ୍ତି ବିଦ୍ୟା ପ୍ରଦାନକାରୀ, ଗବେଷକ ଏବଂ ଥିଙ୍କଟ୍ୟାଙ୍କ କୁ ଯୋଡ଼ାଯିବ। ମୋର ବିଶ୍ୱାସ ଯେ ଆମେ ସମସ୍ତେ ମିଶି ଭବିଷ୍ୟତ ପିଢ଼ି ପାଇଁ ଏକ ନୂତନ ସବୁଜ ଅଭିବୃଦ୍ଧି କାହାଣୀ ଲେଖିବାରେ ସଫଳ ହୋଇପାରିବା।

ଆଜି ଏହି କାର୍ଯ୍ୟକ୍ରମରେ ଅଂଶଗ୍ରହଣ କରିଥିବାରୁ ମୁଁ ପୁଣି ଥରେ ମୋର ବନ୍ଧୁ ତଥା ସହ-ଆୟୋଜକ ମହାମହିମ କ୍ରିଷ୍ଟର-ଶୋନ୍, ସ୍ୱିଡେନର ପ୍ରଧାନମନ୍ତ୍ରୀ ଏବଂ ଆପଣ ସମସ୍ତଙ୍କୁ ହୃଦୟରୁ କୃତଜ୍ଞତା ଜଣାଉଛି ।

ଆପଣଙ୍କୁ ବହୁତ ବହୁତ ଧନ୍ୟବାଦ।

**********

NS/MB