ঙসি ঝারখন্দগী হাজারিবাঘতা চীফ গেস্ত ওইনা বোর্দর সেকুরিতি ফোর্স(বি এস এফ) কী ৫৯শুবা রাইজিং দে থৌরমদা হোম অমসুং কোওপরেসনগী য়ুনিয়ন মিনিস্তর শ্রী অমিত সাহ ৱা ঙাংখ্রে। শ্রী অমিত সাহনা বি.এস.এফকী চহিগী মেগাজিন-‘বোদরমেন’শু ফোঙখি। থৌরম অদুদা বোর্দর সেকুরিতি ফোর্সকী দিরেক্তর জেনরেল য়াওনা শক্নাইরবা মীওই কয়া শরুক য়াখি।

শ্রী অমিত সাহনা হায়খি “জিবন পরয়ান্ত কার্তব্যা” অসি বি.এস.এফকী শ্লোগান অমা ওইবতা নত্তনা মখোয়গী থৱায়শিং কৎতুনা হৌজিক ফাওবা সিমা প্রাহারি ১,৯০০ হেনবনা মসিগী ৱাহৈ পরেং অসি মপুংফাহল্লে। সিমা প্রাহারি লাখ কয়া মখোয়গী নুংঙাইরবা মতম কয়া মখোয়গী ইমুং-মনুংশিংদগী লাপ্না খুদোংথিবা মফমশিংদা লৈরি। লৈবাক্কী ঙমখৈশিং ঙাকপা অহানবা লাইন ওইনা, লৈবাক অসিগী মনুং-হুঞ্জিনবা মফমশিং বি.এস.এফনা ঙাক-শেল্লি, বি.এস.এফকী থৌনা ফরবা লান্মীশিংগীদমক লৈবাক শীনবা থুংনা চাউথোকচবা পোক্লি।

য়ুনিয়ন হোম মিনিস্তরনা হায়খি ঙমখৈ অমদা সেকুরিতি ফোর্স অমা থম্নবা হান্নগী প্রধান মন্ত্রী শ্রী অতল বিহারি বাজপায়ীনা মরুওইবা ৱারেপ অমা লৌখি। ৱারেপ অসিগী মখাদা পাকিস্থান অমসুং বাংলাদেসকী মনুং-হুঞ্জিনবা ঙমখৈশিং ঙাক-শেনবগী থৌদাং বি.এস.এফতা শীন্নখি অমসুং মসিগী দাইত্ব অসি বি.এস.এফনা নিংথিনা লৌরে। জম্মু অমসুং কাস্মিরগী উন তাবা মফমশিং, অৱাং-নোংপোক্কী চীংশাং পরেংশিং, গুজরাত অমসুং রাজস্থানগী মরুভুমিশিং, গুজরাতকী পাৎথি-কোমথিগী শরুকশিং নত্ত্রগা সুন্দরবন অমসুং ঝরাখন্দগী  উমংশিংদা বি.এস.এফনা মতম পুম্নমক্তা মিকুপ-নাহুম শিংনা লৈরি অমসুং য়েক্নবশিংগী ফত্তবা থবকশিং অরেম্বা তাহনখ্রে। য়ু.এন পিছকিপ্পিং মিসনশিং য়াওনা মালেমগী থাক্তা বি.এস.এফনা থবক অমসুং থৌনা ফবগী অনৌবা থাকশিংদা পুখৎলে। মখোয়গী ঙমখৈশিং মপুংফানা ঙাক-শেন্দবা লৈবাক অমা কৈদৌঙৈদা চাউখৎলোই অমসুং নুংঙাইরোই।

শ্রী অমিত সাহনা হায়খি প্রধান মন্ত্রী শ্রী নরেন্দ্র মোদীগী লমজিং মখাদা, ভারত হিরম খুদিংমক্তা চাউখৎলে অমসুং ঐখোয়গী থৌনা ফরবা লান্মীশিংনা কৎথোকপগা লোয়ননা ঐখোয়গী ঙমখৈশিং ঙাকপদগী মসি ওইথোকপনি। থৌনা ফরবা লান্মীশিংনা লৈবাক্কী ঙমখৈশিং ঙাক্লিবা অসি লৈবাক্কী চাউখৎ-থৌরাংগী য়ুম্ফমনি। বি.এস.এফ লান্মীশিংনা ঙমখৈশিং ঙাকপা খক নত্তনা লৈবাক অসিগী নহারোলশিংদা থকশি-খাসিগী পাউজেলসু পীরি। ঙসি অপুনবা লান্মী ২৩দা থৌনা ফবগী মেদলশিং পীরে অমসুং লান্মী ৫ মশা লৈখিদ্রবা মতুংদা মেদলশিং পীরে। হায়রিবা লান্মী ২৩ অসিগী মনুংদা, লান্মী ১১দা গেলেন্তরিগী পুলিস মেদল, লান্মী অমদা জিবন রক্ষা পদক অমসুং লান্মী ১১দা প্রসিদেন্ত পুলিস মেদল ফোর দিসতিঙ্গুইজ সর্বিস পীখ্রে। মখা লৈখিদ্রবা মতুংদা মেদল ফংলবা লান্মী ৫ গী মাঙজবা অসি করিগুম্বা অমতনা মেনখৎপা ঙমলোই অমসুং হায়রিবা অথৌবশিংগী কৎথোকখিবা অদু লৈবাক অসিগী মীওই করোর ১৩০না মতম পুম্নমক্তা চাউথোকচবা পোক্কনি। মহাবির চক্র ১, কর্তি চক্র ৪, বির চক্র ১৩ অমসুং সৌর‍্যা চক্র ১৩ য়াওনা মেদল কয়া অমসুং মনা কয়া বি.এস.এফনা ফংখ্রে।

য়ুনিয়ন হোম মিনিস্তরনা হায়খি প্রধান মন্ত্রী শ্রী নরেন্দ্র মোদীনা মতম পুম্নমক্তা ঙমখৈ ঙাক-শেনবগী থবক মরুওইনা লৌখি। শ্রী মোদীগী লমজিং মখাদা, হৌখিবা চহি ১০দা ঙমখৈ ঙাক-শেনগী থবকশিং মপাঙ্গল কনখৎহন্নবা থবক কয়া পায়খৎলে। প্রধান মন্ত্রী শ্রী নরেন্দ্র মোদীনা লুচিংবা সরকারনা সেকুরিতি, চাউখৎপা অমসুং গনতন্ত্রগী থবকশিং মরুওইনা লৌখি। মোদী সরকারনা লুপা করোর লিশিং কয়াগী বজেত অমগা লোয়ননা ঙমখৈগী শরুকশিংদা অকনবা ইনফ্রাস্ত্রকচর শেমগৎপা হৌরে। ঙমখৈগী খুঙ্গংশিংদা য়াইফ-থৌরাং কয়া বি.এস.এফ অমসুং অতোপ্পা ফোর্সশিংগী খুৎথাংদা পায়খৎতুনা মীয়ামগী য়াইফ-থৌরাংগী মতাংদা মোদী সরকারনা অনৌবা ৱাখল্লোল অমা থবক ওইনা হৌরে। ঙমখৈগী লমশিংদা রেলৱেজ, লম্বী, ঈশিং লম্বী অমসুং তেলিকম্মুনিকেসনগী খুদোংচাবশিং হেনগৎহল্লে। কংফালগী ঙমখৈদা ললোন-ইতিক পাংথোকপগা লোয়ননা, মীগা মীগা চৎথোক-চৎশিনগী থবকশিং হেনগৎলে।

শ্রী অমিত সাহনা হায়খি প্রধান মন্ত্রী শ্রী নরেন্দ্র মোদীগী লুচিং মখাদা, হৌখিবা চহি ১০দা, ঙমখৈশিংদা কিমি ৫৬০গী শম্বল খাদুনা নারোন্দা চঙলকপা অমসুং নারোন্দা পোৎ-চৈ পুথোক-পুশিন তৌবা লাকশিল্লে। মথং চহি অনিদা পাকিস্থান অমসুং বাংলাদেস ঙমখৈ শীনবা থুংনা শম্বল খাদুনা নিংথিনা ঙাক-শেন্নবা মোদী সরকারনা ৱারেপ লৌরে। কিমি ১১০০গী ঙমখৈগী শরুকশিং ফ্লদলাইতশিং থাল্লে, অনৌবা বোর্দর আউতপোস্ত ৫৪২ অমসুং ওবজার্বেসন পোস্ত ৫১০ শেমগৎলে অমসুং অহানবা ওইনা হরামি নালাদা ওবজার্বেসন তৱারশিং শারে। আউতপোস্ত ৬৩৭দা মৈ ফংহল্লে অমসুং মফম ৫০০দা ঈশিং ফংহল্লে। মসিগী মথক্তা, মফম ৪৭২দা সোলার প্লান্তশিং থমদুনা ঙমখৈ ঙাক্লিবা লান্মীশিং খুদোংচাহল্লে।

য়ুনিয়ন হোম মিনিস্তরনা হায়খি প্রধান মন্ত্রী শ্রী নরেন্দ্র মোদীগী মীওই খুদিংমক কোনশিনবা ঙমখৈ ঙাক-শেনবগী থৌশিলনা হিমা প্রাহারিশিংগী পোৎলম অঙকপা ফংনা হন্থহল্লে। হৌখিবা চহি ৫দা বি.এস.এফনা নার্কোতিক্স কিলোগ্রাম ৩০,০০০ হেন্না ফারে। নার্কোতিক্সশিংনা লৈবাক অসিগী তুংগী মীরোলশিং মাঙহনবতা নত্তনা মসিদগী ফংলকপা শেনফম অদু তেরোরিজমগী থবকশিংদা থাদৈ অমসুং ঙমখৈদা চৎথরিবা মসিগী ললোন-ইতিক অসিনা খুৎলায় কয়াসু নারোন্দা পুশিল্লকই। মরম অহুম অসিনা মরম ওইদুনা, মালেমগী ঙমখৈ শীনবা থুংনা নার্কোতিক্স ললোন-ইতিক্কী থবকশিংদা মীকুপ নাহুম শিংনা লৈবা অমসুং তুমিন্না য়েংদুনা লৈথোক্তবা হায়বসি য়াম্না মরুওই অমসুং হিরম অসিদা বি.এফ.এফনা থবক ফজনা পায়খৎলে।

শ্রী অমিত সাহনা হায়খি বি.এস.এফনা খুৎলায় ২৫০০ হেন্না ফারে অমসুং এন্তি-দ্রোন তেক্নোলোজি য়াওনা অনৌবা তেক্নোলোজি কয়া ফোর্স অসিনা মাইপাক্না চাংয়েংশিং পাংথোক্লে। হৌজিক ফাওবদা বি.এস.এফনা মপান লৈবাকশিংগী দ্রোন ৯০ হেন্না কাপথখ্রে অমসুং  মপান লৈবাকশিংগী দ্রোনশিংগী লম্বীশিং মশক খঙদোক্নবা নিউ দিল্লিদা বি.এস.এফ দ্রোন এন্দ সাইবর ফোরন্সিক লেব অমা লিংখৎতুনা আর অমসুং দিগী লমদা অফবা থবক কয়া পায়খৎলে। এরিয়া দোমিনেসনগীদমক ফিল্দ ফোর্মেসনশিংগা লোয়ননা কেন্দ্র সরকারনা দ্রোন ১০০ পীদুনা বি.এস.এফ লান্মীশিংনা ফজনা শীজিন্নরে।

শ্রী অমিত সাহনা হায়খি চহি ৫দা উ চারা করোর ৫ থানবা খোল্লাউ অমা লাউখি অমসুং ঐখোয়গী সেন্ত্রেল আর্মদ পুলিস ফোর্সশিংনা উ চারা করোর ৫ থাখি অমসুং লান্মী অমনা উ চারা অমমম শেন্নদুনা মখোয়গী মচাশিংগুম উ পাম্বীশিং য়োক্নবা থৌরাংশিং পায়খৎখি। হায়রিবা উ চারা করোর ৫গী মনুংদা, উ চারা লাখ ৯২ বি.এস.এফকী সিমা প্রাহারিশিংনা থাখি। হায়রিবা উ চারাশিং অসি তুংদা অচৌবা উ পাম্বীশিং ওইরক্কনি অমসুং মখোয় থাখিবা লান্মীশিংনা নিংশিংবদা নুংঙাইগনি।

য়ুনিয়ন হোম মিনিস্তরনা হায়খি অথুবা মতমদা ভারত লেফ ৱিং এক্সত্রিমিজমদগী মনিং তম্লগনি অমসুং প্রধান মন্ত্রী মোদীনা লুচিংবা সরকারনা মাইকৈ অসিদা চহি ১০ হোৎনদুনা লাক্লি। মোদী সরকারনা হোৎনবদগী, হিংশাগী থৌদোকশিং চাদা ৫২ হন্থরে, শিবগী চাং চাদা ৭০ অমসুং লেফ ৱিং এক্সত্রিমিজম্না শোকহনবা জিলা মশিং ৯৬ তগী ৪৫ দা হন্থরে। লেফ ৱিং এক্সত্রিমিজম পীকশিল্লক্লে অমসুং অনৌবা থৌনাগা লোয়ননা হৌজিক সি.আর.পি.এফ, বি.এস.এফ অমসুং আই.তি.বি.পিনা থেংননবা থৌরাং তৌদুনা লৈরে। হায়রিবা মফমশিং অসিদা সেকুরিতিগী অহোবা লৈরিবা অদু মেনগৎনবা ২০১৯দগী অনৌবা কেম্প ১৯৯ লিংখৎলে। অনৌবা কেম্পশিং লিংখৎতুনা অমসুং পেত্রোল্লিং হেনগৎতুনা,লেফ ৱিং এক্সত্রিমিজমগী লন-থুমশিং লাকশিল্লে অমসুং মসিগী ফল ওইনা বুদ্ধা পাহাদ অমসুং চাকারবন্দাগুম্বা মফমশিং ঐখোয়না মাইপাক্না লেফ ৱিং এক্সত্রিমিজমদগী মনিং তমহল্লে। হৌজিক কোলহান অমসুং ঝারখন্দগী শরুক খরদা লেফ ৱিং এক্সত্রিমিজমগী মায়োক্তা অরোইবা লাল থেংনরি অমসুং মসিগী লালফম অসিদা ঐখোয়না শোইদনা মাইপাক্কনি।

শ্রী অমিত সাহনা হায়খি প্রধান মন্ত্রী মোদীগী লমজিং মখাদা, লৈবাক শীনবা থুংনা অয়ুস্মান সি.এ.পি.এফ কার্দ ৪০ য়েন্থোকখ্রে। শ্রী নরেন্দ্র মোদীনা লান্মী ১৩,০০০ রোমগী য়ুমশিং শাখ্রে,অনৌবা বরেগ ১১৩ শারগনি অমসুং অথুবা মতমদা লান্মীশিংদা য়ুম ১১,০০০ পীরগনি অমসুং বেরেগ ১০৮ শারগনি। চহি অসিগী অরোইবদা, হৌখিবা চহি ৫দা লান্মী ২৪,০০০ হেনবদা য়ুমশিং ফংহনবগী থবক মপুংফানা লোইশিল্লগনি। মসিগী মথক্তা, সি.এ.পি.এফ ই-হাওসিং পোর্তেলগী মখাদা লান্মী ৭০,০০০ দা অহাংবা য়ুমশিং ফংহনখ্রে। সরকার অসিনা এয়র কোয়িরর সর্বিস, এক্স-গ্রেসিয়া পীবা অমসুং কেন্দ্রগী এক্স-গ্রেসিয়াগী শেনফম শেনগৎহনবগী থবকশিং পাংথোকখ্রে।

শ্রী অমিত সাহনা হায়খি শ্রী নরেন্দ্র মোদীগী চহি ১০গী লৈঙাক মনুংদা, মরুওইবা মফম অহুম-জম্মু অমসুং কাস্মির, লেফ ৱিং এক্সত্রিমিজম্না শোকহল্লবা মফমশিং অমসুং অৱাং-নোংপোক্তা ঐখোয়না লালফমশিং মাইপাক্লে। হৌজিক সেকুরিতি ফোর্সশিংনা কাস্মিরগী তেরোরিজম মপুংফানা লাকশিল্লে। অৱাং-নোংপোক্কী হিংশাগী থবকশিং ফিবম য়াম্না ফগৎলে অমসুং লেফ ৱিং এক্সত্রিমিজমগী মায়োক্তা ঐখোয়না থেংনরিবা লাল মাইপাকপগী ফিবমদা লৈরে অমসুং হায়রিবা লালফমশিং অসিদা বি.এস.এফ লান্মীশিংনা চাউনা মতেং পাংখি।

*********