সোসিয়েল জস্তিস অমসুং ইম্পৱার্মেন্ত মন্ত্রালয়
নশা মুক্তা ভারত অভিয়ান(এন এম বি এ)- সোসিএল জর্জতিস অমসুং ইম্পৱারমেন্ত দিপার্তমেন্ত অমসুং ইন্তরনেসনেল সোসাইতি ফোর কৃষ্ণ কন্সসিয়সনেস(ইস্কোন) অনিগী মরক্তা এম.ও.য়ু খুৎয়েক পীনখ্রে
নহারোলশিং, নুপীশিং অমসুং মহৈরোয়শিংদা নশা মুক্তা ভারত অভিয়ানগী পাউজেল শন্দোকপদা এম.ও.য়ু অসিনা মতেং পাংগনি: সোসিএল জর্জতিস অমসুং ইম্পৱারমেন্তগী য়ুনিয়ন মিনিস্তর দোক্তর বিরেন্দ্র কুমার
ময়াই কাবা চীঞ্জাক লৈহন্দবা ভারতকী খোঙজংদা নহারোল করোর ৩.৩৭, নুপী করোর ২.২৬ অমসুং মহৈলোয়শঙ লাখ ৩.২৭ য়াওনা মীওই করোর ১০.৭১ শরুক য়ারে: দোক্তর বিরেন্দ্র কুমার
Posted On:
23 NOV 2023 3:24PM by PIB Imphal
ঙসি নিউ দিল্লিদা সোসিএল জর্জতিস অমসুং ইম্পৱারমেন্তগী য়ুনিয়ন মিনিস্তর দোক্তর বিরেন্দ্র কুমার, দিপার্তমেন্তগী সেনিয়র ওফিসিএলশিং অমসুং ইস্কোনগী সেনিয়র মেম্বরশিং য়াওনা নশা মুক্তা ভারত অভিয়ান(এন এম বি এ) গীদমক সোসিএল জর্জতিস অমসুং ইম্পৱারমেন্ত দিপার্তমেন্ত অমসুং ইন্তরনেসনেল সোসাইতি ফোর কৃষ্ণ কন্সসিয়সনেস(ইস্কোন) অনিগী মরক্তা এম.ও.য়ু খুৎয়েক পীনখ্রে।
![](https://static.pib.gov.in/WriteReadData/userfiles/image/image002KLZC.jpg)
থৌরম অদুদা ৱা ঙাংবদা দোক্তর বিরেন্দ্র সিংহনা হায়খি নশা মুক্তা ভারত অভিয়ানগী মখাদা লাইনিংগী লুপশিংগা লোয়ননা তোঙান-তোঙানবা থবকশিং পাংথোকপা অশিনা দ্রগকী মরমদা ৱাখল তাবা ভারত শেমগৎপদা হেন্না খুমাঙচাউশিনগনি। ইস্কোনগা লোয়ননা খুৎয়েক পীনখিবা এম.ও.য়ু অসিনা নহারোলশিং, নুপীশিংদা নশা মুক্তা ভারত অভিয়ানকী পাউজেল শন্দোকপদা মতেং পাংগনি। ইস্কোন্না মখোয়গী মীফমশিংদা নশা মুক্তা ভারত অভিয়ানগী মরমদা মীয়ামদা খঙহনগদবনি। লায়য়েংনবা, মীয়াম ৱাখল তাহন্নবা অমসুং লৈবাক শীনবা থুংনা লৈরিবা লনাই লুপ ৫৫০গী খুৎথাংদা মীয়াম ৱাখল তাহন্নবা ঐখোয়গী মিনিস্ত্রিনা মখা তানা থৌরমশিং পায়খৎলি।
![](https://static.pib.gov.in/WriteReadData/userfiles/image/image0030CGS.jpg)
মিনিস্তরনা মখা তানা হায়খি ঐখোয়গী মিনিস্ত্রিনা পায়খৎলিবা নবচেতনা মোদুল অসিনা ভারতকী স্কুলগী মহৈরোয়শিংদা লাইফ স্কিলশিং তম্বীবা অমসুং দ্রগ লান্না শীজিন্নবগী মতাংদা ৱাখল তাবা হেনগৎহনগনি। প্রোজেক অসিগী মরুওইবা পান্দম অসি স্কুল অঙাংশিংগী মরক্তা দ্রগ শীজিন্নবা হৌবা থেংথহনবা খক নত্তনা মসি শীজিন্নবা মতম পুম্নমক্কী ওইনা লেপহনবনি। মসিগী মথক্তা, নবচেতনাগী ত্রেনিংগী মচাক অসি লম লমগী লোল ১২দা হন্দোক্লে। মোদুল খুদিংমক ওজাশিংগী মতেং পাংনবা দিক্ষা পোর্তেলদা ওনলাইন অপলোদ তৌবা য়ারে।
![](https://static.pib.gov.in/WriteReadData/userfiles/image/image004Y85F.jpg)
![](https://static.pib.gov.in/WriteReadData/userfiles/image/image005UTFE.jpg)
মহাক্না হায়খি চহি অমদা নবচেতনাগী খুৎথাংদা মিনিস্ত্রিনা জিলা ৩০০, স্কুল ৩০,০০০, ওজা লাখ ১০ অমসুং মহৈরোয় করোর ২.৪ কোনশিন্নবা পান্দম থম্লি। মসিগী মোদুল অসিনা নশা মুক্তা ভারত অভিয়ানদা অচৌবা অহোংবা অমা পুরক্কনি।
নহারোলশিং মরুওইনা অৱাংবা থাক্কী মহৈলোয়শঙশিং, য়ুনিভর্সিতি কেম্পসশিং, স্কুলশিং অমসুং মীয়ামদা ময়াই কাবা চীঞ্জাক্কী অমাংবশিং খঙহন্নবা পান্দমদা মিনিস্ত্রিনা হৌদোকখিবা নশা মুক্তা ভারত অভিয়ান অসি হৌজিক লৈবাক অসিগী জিলা খুদিংমক্তা থবক পাংথোক্লি। হৌজিক ফাওবদা ময়াই কাবা চীঞ্জাক লৈহন্দবা ভারতকী খোঙজংদা নহারোল করোর ৩.৩৭, নুপী করোর ২.২৬ অমসুং মহৈলোয়শঙ লাখ ৩.২৭ য়াওনা মীওই করোর ১০.৭১ শরুক য়ারে।
নশা মুক্তা ভারত অভিয়ানগী মাইপাকশিং
- হৌজিক ফাওবদা তোঙান-তোঙানবা থবকশিংনা মীওই করোর ১০.৭১ হেন্না কোনশিল্লে।
b. নশা মুক্তা ভারত অভিয়ান জিলাশিংদা অভিয়ানগী থবকশিং মাঙজিল থানবা মাস্তর ভোলুন্তিয়ার ৮,০০০ খল্লে অমসুং ত্রেনিং পীরে।
c. অভিয়ানগী থবকশিংদা নহারোল করোর ৩.৩৭ হেন্না থৱায় য়াওনা শরুক য়াখ্রে। অভিয়ান অসিদা যুব মন্দলশিং, এন.ৱাই.কে অমসুং এন.এস.এস ভোলুন্তিয়ারশিং অমসুং নহারোলশিংগী ক্লব ৪,০০০ হেন্না শরুক য়ারে।
d. অঙ্গনৱাদি অমসুং অশা ৱার্করশিং, এ.এন.এম.শিং, মহিলা মন্দলশিং অমসুং নুপী এস.ঐচ.জিশিংগী খুৎথাংদা অভিয়ান অসিদা নুপী করোর ২.২৬ রোম শরুক য়াখ্রে।
e. ফেসবুক, ত্বিৎতর অমসুং ইন্সতাগ্রাম হেন্দলশিং শেমদুনা অমসুং মখোয়দা নুমিৎ খুদিংগী অনৌবা পাউশিং পীদুনা অভিয়ানগী পাউজেলশিং তেক্নোলোজি অমসুং সোসিএল মেদিয়া শীজিন্নদুনা মপুংফানা শন্দোক্লে।
f. দিস্ত্রিকশিং অমসুং মাস্তর ভোলুন্তিয়ারশিংনা খুদক্তা থোকপা থৌদোকশিংগী দেতা লৌশিন্নবা এন্দ্রোইদকী মোবাইল এপ্প অমা পুথোক্লে। মসি গুগল প্লে স্তোরদা য়াওরে।
g. মীয়াম্না ইরাই লাইনা য়ৌবা ঙম্নবা দি-এদিক্সন সেন্তর খুদিংমক জিওতেগ তৌরে।
*****
(Release ID: 1979436)
Visitor Counter : 65