યોર હાઈનેસ,

મહાનુભાવો,

હું ફરી એકવાર તમારા મૂલ્યવાન વિચારોની પ્રશંસા કરું છું. તમે જે ખુલ્લા મનથી તમારા વિચારો વ્યક્ત કર્યા તે બદલ હું તમારા બધાનો હૃદયપૂર્વક આભાર વ્યક્ત કરું છું.

આપણે નવી દિલ્હી ઘોષણાપત્રમાં ઘણા ક્ષેત્રોમાં સામાન્ય પ્રતિબદ્ધતાઓ કરી હતી.

આજે આપણે ફરીથી તે પ્રતિબદ્ધતાઓને આગળ વધારવાનો સંકલ્પ કર્યો છે.

વિકાસ એજન્ડા ઉપરાંત, અમે વૈશ્વિક પરિસ્થિતિઓ અને તેના આર્થિક અને સામાજિક અસરો પર પણ મંતવ્યો શેર કર્યા.

પશ્ચિમ એશિયાની ગંભીર સ્થિતિ પર તમારા બધાના મંતવ્યો સાંભળ્યા પછી, હું કહી શકું છું કે G-20માં ઘણા મુદ્દાઓ પર સહમતિ છે.

સૌપ્રથમ, અમે બધા આતંકવાદ અને હિંસાની સખત નિંદા કરીએ છીએ.

આતંકવાદ પ્રત્યે ઝીરો ટોલરન્સ છે.

બીજું, નિર્દોષ લોકો, ખાસ કરીને બાળકો અને મહિલાઓના મૃત્યુ સ્વીકાર્ય નથી.

ત્રીજું, માનવતાવાદી સહાય શક્ય તેટલી ઝડપથી, અસરકારક અને સુરક્ષિત રીતે પહોંચાડવી જોઈએ.

ચોથું, માનવતાવાદી વિરામ પરની સમજૂતી અને બંધકોને મુક્ત કરવાના સમાચાર આવકાર્ય છે.

પાંચમું, ઇઝરાયેલ અને પેલેસ્ટાઇનના મુદ્દાને બે-રાજ્યના ઉકેલ દ્વારા કાયમી ઉકેલની જરૂર છે.

છઠ્ઠું, પ્રાદેશિક શાંતિ અને સ્થિરતા પુનઃસ્થાપિત કરવી જરૂરી છે.

અને સાતમું, મુત્સદ્દીગીરી અને સંવાદ એ ભૌગોલિક રાજકીય તણાવને ઉકેલવાનો એકમાત્ર રસ્તો છે.

G-20 આમાં તમામ સંભવિત સહયોગ આપવા માટે તૈયાર છે.

યોર હાઈનેસ,

મહાનુભાવો,

હું ફરી એકવાર મારા પ્રિય મિત્ર, બ્રાઝિલના રાષ્ટ્રપતિ લુલાને જી-20ના પ્રમુખપદ માટે શુભેચ્છા પાઠવું છું.

મને વિશ્વાસ છે કે બ્રાઝિલના નેતૃત્વ હેઠળ અમે માનવ-કેન્દ્રિત અભિગમ સાથે આગળ વધવાનું ચાલુ રાખીશું.

વસુધૈવ કુટુમ્બકમની ભાવનામાં આપણે એક થઈશું અને વૈશ્વિક શાંતિ, સ્થિરતા અને સમૃદ્ધિનો માર્ગ મોકળો કરીશું.

ગ્લોબલ સાઉથની અપેક્ષાઓ માટે કામ કરવાનું ચાલુ રાખીશું.

અમે ખાદ્ય સુરક્ષા, આરોગ્ય સુરક્ષા અને ટકાઉ વિકાસને પ્રાથમિકતા આપીશું.

અમે ચોક્કસપણે બહુપક્ષીય વિકાસ બેંકો અને વૈશ્વિક ગવર્નન્સમાં સુધારો કરવાની દિશામાં આગળ વધીશું.

આબોહવાની ક્રિયા સાથે, અમે ન્યાયી, સરળ અને સસ્તું ક્લાયમેટ ફાઇનાન્સ પણ સુનિશ્ચિત કરીશું.

ડેટ રિસ્ટ્રક્ચરિંગ માટે પારદર્શક રીતે પગલાં લેવામાં આવશે.

મહિલાઓની આગેવાની હેઠળના વિકાસ, કુશળ સ્થળાંતર માર્ગો, મધ્યમ અને નાના પાયાના ઉદ્યોગોના વિકાસ પર ભાર,

ટ્રોઇકાના સભ્યો તરીકે, હું આપણી સહિયારી પ્રતિબદ્ધતાઓને અનુસરવા માટેના અમારા નિર્ધારનો પુનરોચ્ચાર કરું છું.

હું બ્રાઝિલને તેના G-20 પ્રેસિડન્સીની સફળતા માટે ભારતના સંપૂર્ણ સમર્થનની ખાતરી આપું છું.

ફરી એકવાર, હું ભારતના G-20 પ્રેસિડન્સીની સફળતામાં તમારા સહકાર માટે આપ સૌનો આભાર માનું છું.

આપ સૌનો ખૂબ ખૂબ આભાર!

CB/GP/JD