স্বচ্ছতাবু ইন্সতিত্যুস্নেল ওইহনবা অমসুং সরকারদা পেন্দেন্সী হন্থহন্নবগীদমক প্রধান মন্ত্রী শ্রী নরেন্দ্র মোদীগী ভিজন অমসুং মিশনদগী ইন্সপায়র ওইদুনা ইনফোর্মেসন অমসুং ব্রোদকাস্তিং মন্ত্রালয়না মসিগী ফিল্দ ওফিসশিংগা লোয়ননা স্বচ্ছতাবু ইন্সতিত্যুস্নেল ওইহনবা, পেন্দেন্সী দিস্পোজ তৌবা, হেন্না ফবা স্পেস মেনেজমেন্ত অমসুং কমুনিকেসনগী তোঙান তোঙানবা মেদিয়মগী খুত্থাংদা এৱার্নেস শেমগৎনবগীদমক বেস্ত প্রেক্তিসশিং এদোপ্ত তৌবদা মিৎয়েং থম্বগা লোয়ননা 2023গী ওক্তোবর 2দগী 31ফাওবা স্পিসিয়েল কেম্পেন 3.0দা শরুক য়াখি।

আউতদোর কেম্পেন পুন্না 1013 পাংথোকখি। মফম 1972 মশক খংদোকখি অমসুং শেংদোকখি। স্ক্রেপ কিলোগ্রাম 2,01,729 দিস্পোজ তৌদুনা লুপা করোর 3.62গী রেভেন্যু তানখি অমসুং স্ক্ব্যর ফীৎ 29670গী মফম হাংহনখি। ফাইল 49,984 রিভ্যু তৌখি, মদুগী মনুংদা ফাইল 28,574 লৌথোকখি। ই-ফাইল 841সু থিংজিনখি। স্পিসিয়েল কেম্পেন 3.0গী মনুংদা এচিবমেন্তশিংদা সোসিয়েল মেদিয়া পোস্ত 1837 পব্লিশ তৌখি। মন্ত্রালয়না পব্লিক গ্রিভান্সেস অমসুং পব্লিক গ্রিভান্স অপীলশিং দিস্পোজ তৌবগী তার্গেৎ 100% ফংখি, অমসুং এম.পি. রিফরেন্স 21, পি.এম.ও. রিফরেন্স 2 অমসুং পার্লিয়ামেন্তরী এসুরেন্স 7 দিস্পোজ তৌখি। নুংতিগী ওইবা প্রোগ্রেস দেদিকেতেদ তিম অমনা মোনিতর তৌখি অমদি দিপার্তমেন্ত ওফ এদমিনিস্ত্রেতিব রিফোর্মস অমসুং পব্লিক গ্রিভান্সেসনা হোস্ত তৌবা SCPDM পোর্তেলদা অপলোদ তৌখি। কেম্পেন মনুংদা মন্ত্রালয়না বেস্ত প্রেক্তিস কয়া অমা এদোপ্ত তৌখি। মরুওইবা বেস্ত প্রেক্তিস খরদি:

1. স্তোর রুমবু রিক্রিয়েসন সেন্তর ওন্থোকপা
2. লেক ৱাতর বোদী শেংদোকপা
3. কানদ্রবদগী কানবা ওন্থোকপগী খোংথাং
4. গার্বেজ থমফমশিং ফজহনবা
5. স্ক্রেপ রুমবু য়োগা সেন্তর ওন্থোকপা

মন্ত্রালয়গী সেক্রেতরী অমসুং মকোকথোংবা ওফিসরশিংনা স্বচ্ছতা অভিয়ানগী প্রোগ্রেস অমসুং মমাগী কেম্পেন মনুংদা হাংহনখিবা মফমশিং য়ুতিলাইজ তৌবা য়েংশিন্নবা তোঙান তোঙানবা ফিল্দ ওফিসশিংদা চৎখি।

সেক্রেতরী শ্রী অপুর্ব চন্দ্রনা স্পিসিয়েল কেম্পেন 3.0গী মনুংদা বেঙ্গলুরুগী ফিল্দ ওফিসশিংদা চৎখি

বেস্ত প্রেক্তিস1: স্তোর রুমবু রিক্রিয়েসন সেন্তর ওন্থোকপা

স্পিসিয়েল কেম্পেন 3.0 মনুংদা, মন্ত্রালয়না শাস্ত্রি ভবনগী গ্রাউন্দ ফ্লোরদা লৈবা মেন সেক্রেতরিয়েৎকী স্তোর রুম অমা জীম অমসুং তেবল তেনিস ফেসিলিতীগা লোয়ননা তোখায়বা রিক্রিয়েসন সেন্তর অমা ওন্থোক্লে।

বেস্ত প্রেক্তিস 2: লেক ৱাতর বোদী শেংদোকপা

সত্যজীৎ রে ফিল্ম এন্দ তেলেভিজন ইন্সতিত্যুৎ (SRFTI) কোলকাতানা কেম্পস মনুংদা স্ক্ব্যার ফীৎ 60,000গী ৱাতর বোদী অমা মপুং ফানা শেংদোকখি অমসুং অন্দরৱাতর ইকোসিস্তেম ঙাক্তুনা থম্বা অমদি ঙা অমসুং য়ুবী পাম্বীগী গ্রোথ হেনগৎহনবদা থৌদাং লৌখি।

6. বেস্ত প্রেক্তিস 3 : কানদ্রবদগী কানবা ওন্থোকপগী খোংথাং

সস্তেনেবিলিতীগী লমদা SRFTIনা তাঙ্কক অহুমদা “কানদ্রবদগী কানবা ওন্থোকপা” খোংথাং লৌখৎখি। অহৌবদা, মহৈরোইশিংগী গ্রুপ অমনা শুতিং পর্পজগীদমক শিজিন্ননবা কলাদা ত্রান্সফোর্ম তৌনবগীদমক কেম্পস অকোয়বদা লংথোক্লবা স্ক্রেপ মশক খংদোকখি। মদুগী মতুং, স্ক্রেপ অদু শুতিং লোকেসনদা প্রোসেসিং তৌদুনা তেবল, বেঞ্চ অমসুং সর্কস প্রোপসগুম্বা ইনোবেতিব অমসুং কানবা পোত্থোকশিংদা ওন্থোকখি। লোইরকপদা, পোত্থোকশিং অসি ফিল্ম সেৎকী ইন্তিগ্রেল ইলিমেন্তশিংগী মওংদা পর্পজ ফংখি, মদুগী মহৈ ওইনা লুপা 30,000 সেবিং তৌখি অমসুং মহৈরোই পুম্নমক্তা এসেসিবিলিতী ওফর তৌখি।

7. বেস্ত প্রেক্তিস 4: গার্বেজ থমফমশিং ফজহনবা

ফজহন্নবা অমসুং এৱার্নেস শাগৎনবা হোৎনবা অমদা, SRFTIনা নৌনা শেমগৎপা গার্বেজ এরিয়াবু পেন্তিং, পুক্নিং থৌগৎ ৱাহৈ, অমসুং লৈ পাম্বীশিংগা লোয়ননা লৈতেংখি।

8. বেস্ত প্রেক্তিস 5: স্ক্রেপ রুমবু য়োগা সেন্তর ওন্থোকপা

ইন্দিয়ন ইন্সতিত্যুৎ ওফ মাস কম্মুনিকেসন (IIMC)না কেম্পেন মনুংদা অচৌবা কা অমা মশক খংদোকখি, মদু কানদারবা পোৎলমশিং থম্নবা স্তোর রুম অমা ওইনা শিজিন্নরম্মি। কা অদু মহৌশাগী মঙালগা লোয়ননা মতিকচাবা ইনর্জী লৈরম্মি। দিস্পোজ তৌবা অমসুং শেংদোক্লবা মতুং, কা অসি য়োগাগী কা অমদা ওন্থোকখি মদুনা ফেকলতীগা লোয়ননা মহৈরোইশিংবু য়োগা প্রেক্তিস তৌবদা কানবা ফংহল্লে।    

স্পোতশিং শেংদোকখিবদা পিকচর খরা

DDK কোলকাতা

মমং                                        মতুং

AIR লেহ

AIR ইম্ফাল

AIR অগরতলা

DDK ভুবনেস্বর (DD ODIA)

****