• Kawei ka rukom treikam na ka bynta baroh ki kam Broadcasting ha kaba iadei bad ka ain
• Ki Content Evaluation Committee ban peit ia ka jingbud ia ka Programme Code bad Advertisement Code
• Ka Broadcast Advisory Council kan wan bujli ia ka Inter Departmental Committee kaba don mynta
• Ia ka jingdain kuna yn pyniasoh bad ka jinglah siew
• Ki lad na ka bynta ki briew ba don jingduna ha ki dkhot met

Ka Tnat Information and broadcasting mynta ka sngi ka la pan ia ki jingai jingmut halor ka Broadcasting Services (Regulation) Bill, 2023. Ka Cable Television Networks (Regulation) Act 1995 ka dei kaba la treikam mynta la laiphew snem kum ka ain kaba kongsan kaba peit ia ki kam broadcasting ba kynthup ruh ia ki cable network. Hynrei ki kam broadcasting ki la mad shibun ki jingkylla katba dang iaid ka por. Ki jingkiew shaphrang jong ka teknoloji ki la wanrah ia ki rynsan ba thymmai kum ka DTH, IPTV, OTT bad kiwei kiwei.

Lyngba ka jingkylla digital ki kam broadcasting, khamtam ha kaba iadei bad ka cable TV, ka long kaba donkam ban pyniaid ryntih ia ki kyndon. Kane ka kynthup ia ka jingpynthikna ha ka jingsuk ban trei ha ki kam khaii pateng bad ka jingkyntiew ia ka jingbud ia ki ain Programme Code bad Advertisement Code da ki nongpyni prokram bad kito kiba pyntreikam ia ki rynsan Distribution. Da kaba ithuh ia ka jingdonkam ia ka rukom treikam kaba kham bha, la ai jingmut ban wanrah bujli ia ki kyndon ba don mynta da kawei ka ain kaba thymmai bad kaba pura.

Ka tnat Information and Broadcasting jong ka Sorkar India ka la ai jingmut ban wanrah da ka draft Broadcasting Services (Regulation) Bill, 2023. Kane ka draft Bill ka wanrah ia kawei ka rukom treikam ba pura ha kaba iadei bad ki kyndon kiba peit ia ki kam broadcasting ha ka ri bad ka thmu ban wan bujli ha ka jaka jong ka Cable Television Networks (Regulation) Act, 1995 kaba don mynta bad kiwei kiwei ki kyndon jong ki mat treikam kiba peit ia ki kam broadcasting ha ka ri.

Kane ka Bill ka pyniaid ryntih ia ki kyndon, ka pyniar ia ki kam ba ka peit ban kynthup lang ia ki prokram Over-the-Top (OTT) bad ki khubor digital, bad ka wanrah ruh ia ki jingbatai bad ki kyndon na ka bynta ki teknoloji ba mih thymmai. Ka thmu ban thung ia ki Content Evaluation Committee bad ka Broadcast Advisory Council, ki prokram bad advertisement code na ka bynta ki nongpyntreikam ia ki rynsan broadcasting bapher bapher, ki lad na ka bynta ki briew kiba don jing duna dkhot met bad ki jingdain kuna haba pynkhein ia ki kyndon ha ryngkat kiwei kiwei.

Kane ka Bill ka don hynriew tylli ki Chapter, 48 tylli ki Section bad lai tylli ki Schedule.

Ki mat ba kongsan:

1. Ka jingpyniaid ryntih bad ka jingpynthymmai: Kan pynbeit ia ka jingdonkam ban pyniaid ryntih bad pynthymmai ia ki kyndon na ka bynta ki jingai jingshakri broadcasting bapher bapher hapoh kawei ka rukom treikam kaba iadei bad ka ain. Kane ka sienjam ka pyniaid ryntih ia ki kyndon. Ka pyniair ia ka kam ba ka peit ban kynthup ia ki prokram over-the-top (OTT) bad ki digital news bad ki prokram kiba iadei bad ki jingjia ba mynta kiba hap hapoh ka IT Act, 2000 bad ki kyndon kiba don ha kane.
2. Ki jingbatai katkum ka juk mynta bad ki jingpynkhreh na ka bynta ka lawei: Khnang ban pyniahap bad ki jingkylla ha ka teknoloji bad ki jingai jingshakri, kane ka billa ka wanrah ia ki jingbatai katkum ka juk mynta ia ki bynta kiba iadei bad ki kam broadcasting bad ka wanrah ruh ia ki jingpynkhreh na ka bynta ki teknoloji broadcasting kiba dang mih.
3. Pynkhlain ia ka jingpeit hi ia ka jingbud ia ki kyndon: Ka pynkhlain ia ka jingpeit dalade ia ka jingbud ia ki kyndon da kaba wanrah ia ki ‘Content evaluation committees’ bad ka pynkylla ia ka Inter-Departmental Committee kaba la don lypa sha ka ‘Broadcast Advisory Council’ kaba kham iadon bynta bad kaba kham iar.
4. Differentiated Programme Code bad Advertisement Code: Ka plie lad ia ka rukom peit kaba pher ia ka Programme bad Advertisement Code ha ki jingai jingshakri bapher bapher bad ka donkam ia ka jingkynthup da lade ha ki thup bapher bapher da ki broadcaster bad ki sienjam ba khlain ban tehlakam ia ki prokram ba ym dei ban pyllait salonsar.
5. Ki lad na ka bynta ki briew kiba don jingduna ha ki dkhot met: Kane ka bill ka pynbiang ia ki jingdonkam ba kyrpang jong ki briew ba don jing duna dkhot met da kaba plie lad ia ka jinglah ban pynmih ia ki kyndon na ka bynta ka jingioh bynta lang baroh.
6. Ki jingdain kuna: Kane ka draft Bill ka wanrah ia k jingdain kuma kum ka advisory, jing mana, censure, lane ka jingdain kuna da ka pisa ia ki nongpyntreikam ne ki broadcaster. Ki dang don ki kyndon na ka bynta ka jingset patok na ki jingdain kuna hynrei kine ki dei tang na ka bynta ki jingbakla kiba heh.
7. Ki jingdain kuna kiba ryntih: Ia ki jingdain kuna la pyniasoh bad ka jinglah siew jong ka kynhun da kaba peit ia ka jingbei tyngka jong ki bad ka jingiohnong khnang ban pynthikna ia ka jingryntih.
8. Ka jingiasam ia ki jingdon jingem, ki jingai jingshakri ki rynsan bad ka hok: Kane ka bill ka wanrah ruh ia ki kyndon na ka bynta ka jingiasam lang ia ki jingdon jingem hapdeng ki nongpyniaid rynsan broadcasting. Ka pynbeit ruh ia ka bynta jong ki hok ban pynbeit ia ki jingiathut ha ka rukom kaba kham ryntih.

Ka tnat Information and Broadcasting ka ieng skhem ban wanrah ia ka juk kaba thymmai kaba shai, kaba don ka jingbud ia ki ain bad kaba la pynkhreh ia ka lawei ha ki kam broadcasting ha ka ri lyngba ka Draft Broadcasting Services (Regulation) Bill, 2023.

Ka Tnat ka khot ia ki jingai jingmut halor kane ka Bill na kito kiba iadon bynta ha kine ki kam kum ki riewshemphang, kito kiba trei ha ki kam broadcasting bad ki briew shimet. Ia ki jingmut jingpyrkhat lah ban phah da ka email sha ka jsb-moib[at]gov[dot]in hapoh 30 sngi ba la pynmih ia kane ka kyrwoh.

Ia ka bill lah ban ioh na kane ka link harum

https://mib.gov.in/sites/default/files/Public%20Notice_0.pdf

*****