ইনফোর্মেসন অমসুং ব্রোদকাস্তিং মন্ত্রালয়

ইনফোর্মেসন অমদি ব্রোদকাস্তিং মন্ত্রালয়না ব্রোদকাস্তিং সর্ভিসেস (রিগুলেসন) বিল, ২০২৩ প্রপোজ তৌখ্রে


Posted On: 10 NOV 2023 5:10PM by PIB Imphal
  • ব্রোদকাস্তিং সেক্তর পুম্বগী পুনশিল্লবা লিগেল ফ্রেমৱর্কশিং
  • প্রোগ্রাম কোদ অমদি এদভরতিজমেন্ত কো ঙাক্না চৎহন্নবা কন্তেন্ত ইভালুএসন কম্মিতীশিং
  • ব্রোদকাস্ত এদভাইজরী কাউন্সিলনা হৌজিক লৈরিবা ইন্তর দিপার্তমেন্তেল কম্মিতীগী মহুৎ শিল্লগনি
  • পেনাল্তী স্ত্রকচর শেলথুমগী কেপাসিতীগা মরী শম্নহল্লে
  • মীমান্নদ্রবা মীওইশিংগীদমক এসেসিবিলিতীগী থৌরাংশিং

 

কেন্দ্রগী ইনফোর্মেসন অমদি ব্রোদকাস্তিং মন্ত্রালয়না ঙসি ব্রোদকাস্তিং সর্ভিসেস (রিগুলেসন) বিল, ২০২৩গী মতাঙদা কম্মেন্তশিং কৌখ্রে‍। কেবল তেলিভিজন নেতৱর্ক (রিগুলেসন) এক্ত ওফ ১৯৯৫ অসি দেকেদ অহুম, কেবল নেতৱর্কশিং য়াওনা লাইনিয়র ব্রোদকাস্তিংশিংদা শন্দোক্লিবা মচাকশিং য়েংশিনবগী মরুওইবা লেজিসলেসন অমা ওইনা থবক তৌদুনা লাক্লি‍। অদুম ওইনমক, ব্রোদকাস্তিংগী তাইবং অসিদা হায়রিবা মতমসিদা ফনা নীংথিজনা অহোংবা লাকখ্রে‍। তেক্নোলোজী খুমাঙ চাওশিল্লকপনা DTH, IPTV, OTT, অমদি তোঙান তোঙানবা ইন্তিগ্রেতেদ মোদেলনচিংবা অনৌবা প্লেতফোর্মশিং হৌদোরক্লি‍।

ব্রোদকাস্তিং সেক্তর, মরুওইনা কেবল তিভি দিজিতাইজেসন তৌরকপগা লোয়ননা, রিগুলেতরী ফ্রেমৱর্ক মওং মরিল নাইহনবগী মথৌ তাবা অসুম অসুম হেনগৎলক্লি‍। মসিদা ইজ ওফ দুইং বিজিনেস অমদি ব্রোদকাস্তর অমসুং দিস্ত্রিব্যুসন প্লেৎফোর্ম ওপরেতরশিংনা প্রোগ্রাম কোদ অমদি এদভরতিজমেন্ত কোদ ঙাক্না চৎহনবা হেনগৎহনবগী ৱাফমশিং য়াওরি‍। হেন্না চুনবা লম্বী অমগী মথৌ তাববু খঙলদুনা, হৌজিক লৈরিবা মচেৎ মচেৎ তারিবা রিগুলেতরী ফ্রেমৱর্ক অসি অনৌবা, মপুং ফাবা লো অমনা শিন্দোকপা মথৌ তারে‍।

ভারত লৈঙাক্কী ইনফোর্মেসন অমদি ব্রোদকাস্তিং মন্ত্রালয়না দ্রাফ্ত ব্রোদকাস্তিং সর্ভিসেস (রিগুলেসন) বিল, ২০২৩ অমা প্রপোজ তৌখ্রে‍। দ্রাফ্ত বিল অসিনা লৈবাকসিদা লৈরিবা ব্রোদকাস্তিং সর্ভিসশিংবু রিগুলেৎ তৌনবা পুনশিল্লবা ফ্রেমৱর্ক অমা পীরি অমদি হৌজিক লৈরিবা কেবল তেলিভিজন নেতৱর্ক (রিগুলেসন) এক্ত, ১৯৯৫ অমদি লৈবাকসিদা ব্রোদকাস্তিং সেক্তরবু চলাইরিবা অতি পোলিসী গাইদলাইনশিংগী মহুৎ শিন্নবা পান্দম থম্লি‍।

বিল অসিনা রিগুলেতরী থৌওংশিং মওং মরিল নাইহল্লি, মাগী মঙম ওভর-দি-তোপ (OTT) কন্তেন্ত অমদি দিজিতেল পাউশিংবুসু কোনশিল্লি, অমদি নৌনা থোরক্লিবা তেক্নোলোজীশিংগী মতমগী ওইবা দিফিনিসনশিং অমদি প্রোভিজনশিং হাপচিল্লি‍। মসিনা কন্তেন্ত ইভালুএসন কম্মিতীশিং অমদি সেল্ফ রিগুলেসনগীদমক ব্রোদকাস্তিং এদভাইজরী কাউন্সিল অমা শেম্নবা, তোঙান তোঙানবা ব্রোদকাস্তিং নেতৱর্ক ওপরেতরশিংগী তোঙান তোঙানবা প্রোগ্রাম অমদি এদভরতিজমেন্ত কোদ, মীমান্নদ্রবশিংগী এসেসিবিলিতে থৌরাংশিং, অমদি স্তেতুতরী পেনালতীশিংগী ওইবা ৱাফমশিং লৈহন্নবা পান্দম থম্লি‍।

বিল অসিদা চেপ্তর তরুক, সেক্সন ৪৮ অমদি সিদ্যুল অহুম য়াওরি‍।

মচং ওইবা ৱাফমশিং:

১. কন্সোলিদেসন অমসুং মোদর্নাইজেসন: মসিদা তোঙান তোঙানবা ব্রোদকাস্তিং সর্ভিসশিংগী রিগুলেতরী প্রোভিজনশিং লেজিসলেতিব ফ্রেমৱর্ক অমখক্তগী মখাদা পুনশিন্নবা অমদি মতমগা চুনহন্নবগী মতম কুইনা মথৌ তাদুনা লাক্লিবা অসিবু ফংহল্লি‍। খোঙথাং অসিনা রিগুলেতরী থৌওংবু মওং মরিল নাইহন্দুনা, মসিবু হেন্না মতিং লৈবা অমদি মতমগা চুনবা ওইহল্লি‍। মসিনা মাগী রিগুলেতরীগী মঙমবু হৌজিক হৌজিক IT এক্ত, ২০০০গী অমদি মসিগী মখাদা শেম্বা কাঙলোনশিংগী মখাদা রিগুলেত তৌরিবা ওভর-দি-তোপ (OTT) কন্তেন্ত অমদি দিজিতেল পাউ অমসুং করেন্ত এফ্যার্স শন্দোকপবু কোনশিন্দুনা পাকথোক চাউথোকহল্লি‍।

২. কন্তেম্পররী দেফিনিসন অমদি ফ্যুচর-রেদী প্রোভিজনশিং: ওল্লক্লিবা তেক্নোলোজীশিং অমদি সর্ভিসশিংগা চৎমিন্ননবগীদমক, বিল অসিনা হৌজিক মতমগী ওইবা ব্রোদকাস্তিং তর্মশিংগী মপুং ফাবা দেফিনিসন পীরি অমদি নৌনা থোরক্লিবা ব্রোদকাস্তিং তেক্নোলোজীশিংগী ওইবা ৱাফমশিং য়াওরি‍।

৩. সেল্ফ রিগুলেসন রেজিম মপাঙ্গল কলহনবা: মসিনা ‘কন্তেন্ত ইভালুএসন কম্মিতীশিং’ শেম্দুনা সেল্ফ-রিগুলেসন হেনগৎহল্লি অমদি হৌজিক লৈরিবা ইন্তর-দিপার্তমেন্তেল কম্মিতীবু হেন্না পার্তিসিপেতিব অমদি পাকথোক চাউথোকপা ‘ব্রোদকাস্ত এদভাইজরী কাউন্সিল’দা ওন্থোক্লি‍।

৪. খেন্নহল্লবা প্রোগ্রাম কোদ অমদি এদভরতিজমেন্ত কোদ: মসিনা তোঙান তোঙানবা সর্ভিসশিংদা প্রোগ্রাম অমদি এদভরতিজমেন্ত কোদকী লমদা খেন্নবা লম্বী অমা লৈবা য়াহল্লি অমদি ব্রোদকাস্তরশিংনা সেল্ফ-ক্লাসিফিকেসন অমসুং অথিংবা কন্তেন্তশিংগী ওইবা অচৌবা এক্সেস কন্ত্রোল থৌরাংশিং মথৌ তাহল্লি‍।

৫. মীমান্নদ্রবশিংগী এসেসিবিলিতী: বিল অসিনা মপুং ফাবা এসেসিবিলিতীগী চৎন-পথাপশিংগী ওইবা ইনেব্লিং প্রোভিজনশিং লৈহন্দুনা মীমান্নদ্রবা মীওইশিংগী তোপ তোপ্পা মথৌ তাবশিংগী পাম্বৈ পীরি‍।

৬. স্তেতুতরী পেনাল্তী অমদি ফাইনশিং: দ্রাফ্ত বিল অসিনা এদভাইজরী, ৱার্নিং, সেন্সর, নৎত্রগা মোনিতরী পেনাল্তীনচিংবা, ওপরেতর অমদি ব্রোদকাস্তরশিংগী ওইবা স্তেতুতরী পেনাল্তীশিং হৌদোক্লি‍। কৈশুমশঙদা থম্বা অমদি/নৎত্রগা ফাইন থিবগী ৱাফমশিং অদুমক থম্লি, অদুবু কা হেন্না শাথিবা মরালশিংখক্তগী ওইহন্দুনা, রিগুলেসনগী খল কায়হন্দবা লম্বী অমা ফংহল্লি‍।

৭. মান্নবা পেনাল্তীশৎং: শেলগী পেনাল্তী অমদি ফাইনশিং, অচুম্বা অমদি মান্নবা মীৎয়েঙ থম্নবগীদমক, মখোয়গী ইনভেস্তমেন্ত অমদি তর্নওভর য়েংলগা, এন্তিতী অদুগী ফাইনেন্সিএল কেপাসিতীগা মরী শম্নহল্লি‍।

৮. ইনফ্রাস্ত্রকচর শেয়রিং, প্লেতফোর্ম সর্ভিসশিং অমদি রাইত ওফ ৱে: বিল অসিনা ব্রোদকাস্তিং নেতৱর্ক ওপরেতর অমদি কেরিএজ ওফ প্লেতফোর্ম সর্ভিসশিংগী মরক্তা ইনফ্রাস্ত্রকচর শেয়রিংগী ৱাফমশিংসু হাপচিল্লি‍। মখা তানা, মসিনা মফম হোংদোক হোংজিন তৌবা অমদি শেমদোক শেমজিন তৌবদা হেন্না মতিং লৈবা পাম্বৈ পীনবগীদমক রাইত ওফ ৱে মওং মরিল নাইহল্লি, অমদি হেন্না মওং চুম্বা দিস্প্যুৎ রিজোলুসন মেকানিজম অমা লিংখৎলি‍।

ইনফোর্মেসন অমদি ব্রোদকাস্তিং মন্ত্রালয়না দ্রাফ্ত ব্রোদকাস্তিং সর্ভিসেস (রিগুলেসন) বিল, ২০২৩গী খুত্থাঙদা লৈবাকসিদা লৌথুপ লৌকোই লৈতবা, সেল্ফ-রিগুলেসন, অমদি ফ্যুচর-রেদী ব্রোদকাস্তিং সর্ভিসকী অনৌবা মতম অমা পুরক্নবা খোঙফম চেৎনা লেপ্লি‍।

মন্ত্রালয়না মথক্কী বিল অসিদা দোমেন এক্সপর্তশিং, ব্রোদকাস্তিং সর্ভিসেস প্রোভাইদরশিং অমদি মীচম মীয়াম য়াওনা স্তেকহোল্দর কয়াদগী ফীদবেক অমদি কম্মেন্তশিং কৌরি‍। কম্মেন্তশিং অদু প্রেস রিলীজ অসি থোকপা নুমিত্তগী নুমিৎ ৩০নিগী মনুংদা jsb-moib[at]gov[dot]in দা ইমেলদা থারকপা য়াগনি‍।

*****



(Release ID: 1976325) Visitor Counter : 74