হাউজিং অমসুং অর্বান এফ্যার্স মন্ত্রালয় (MoHUA)না মাগী ফ্লেগসিপ স্কীম – অম্রুতকী মখাদা, নেস্নেল অর্বান লাইবলিহুদ মিসন (NULM) অমদি ওরিসা অর্বান একাদমীগা খুৎশম্ননা পায়খৎমিন্নবা থৌরাং “ৱুমেন ফোর ৱাতরো ৱাতর ফোর ৱুমেন” অহৌবা নুমিৎকী থৌরম (নবেম্বর ৭, ২০২৩) মায় পাক্না লোইশিনখ্রে‍। কেম্পেন অসি ঙরাং হায়বদি নবেম্বর ৭, ২০২৩দগী হৌখিবদি‍। মসিনা নবেম্বর ৯, ২০২৩ ফাওবা মখা চত্থগনি‍।

“ৱুমেন ফোর ৱাতর, ৱাতর ফোর ৱুমেন” কেম্পেন্না ৱাতর গভর্নেন্সতা নুপীশিং য়াওহন্নবগী ফম্পাক অমা পীননবা পান্দম থম্লি‍‍। মখোয়দা মখোয় মখোয়গী ময়োল্লমশিংদা লৈবা ৱাতর ত্রীতমেন্ত প্লান্ত (WTP) শিংদা চত্তুনা ঈশিং ত্রীতমেন্ত তৌবগী থৌওংগী মরমদা হকথেংননা খঙহনগনি‍।

স্তেত পুম্নমক্তা (মীখল পাঙথোক্লিবা স্তেতশিং য়াওদনা) নুপী ৪,১০০ হেনবনা “জল দিৱালী” মনুংদা কেম্পেন অসিদা য়াওশিন্দুনা কেম্পেনগী অহানবা নুমিত্তা ইচঙ থৌনা শরুক য়াবা থেংনখি‍। মপাঙ্গল হাপ্লবা নুপীশিং অসিনা লৈবাক পুম্বদা ৱাতর ত্রীতমেন্ত প্লান্ত ২৫০ হেনবদা চত্তুনা, য়ুমথোঙশিংদা অরুবা অমদি অফবা ঈশিং ফংহনবগী অকুপ্পা থৌওংশিংগী মরমদা মমল য়াম্লবা ৱাখল লৌশিংশিং হকথেংননা ফংখি‍। স্তেত ওফিসিএলশিংনা SHG নুপীশিংগী লৈ হুক্তুনা ওকখি অমদি ঈশিং বোত্তল/ সিপ্পর/ গ্লাস, ইকো ফ্রেন্দলী খাউ, বেদ্জনচিংবা য়াওনা ফীল্দ ভিজিত কিতশিং খুদোল তমখি‍।

নুমিৎ চুপ্পা, নুপীশিং অসিনা ঈশিংগী ইনফ্রাস্ত্রকচরগী তাইবংদা লুপখি, ঈশিংগী ক্বালিতী চাংয়েং তৌবগী কাংলোন, মীয়ামদা খ্বায়দগী ফবা থাক্কী ঈশিং ফংহন্নবগী থৌওংশিংদা অখঙ অহৈশিংদগী লমজিং ফংখি‍। ৱাখল লৌশিং ফংহন্দুনা নুপীশিংবু মপাঙ্গল হাপ্নবগী কেম্পেন অসিগী পান্দম অদু শরুক য়াখিবশিংনা ঈশিংগী ইনফ্রাস্ত্রকচরগী মরমদা মপু ওইজবা অমদি থৌদাং য়াবগী অচেৎপা ইহুল অমা পীদুনা মপুং ফানা ফংহনখি‍।

নুমিৎ অসিদা মীৎয়েঙ থমখিবা হীরমশিংগী মরক্তা নুপীশিংদা অম্রুৎ স্কীম অমদি মসিগী পাক চাউবা শাফুগী মতাঙদা খুৎলোয়হন্দুনা অমদি তাকপি তম্বিদুনা ৱাতর ত্রীতমেন্ত প্লান্তশিংগী মরমদা নীংথিনা খঙহনখি, নুপী সেল্ফ হেল্প গ্রুপশিংনা (SHG) শেম শাবা সোভেনির অমদি পোৎলমশিংগী খুত্থাঙদা ইনক্লুজিবিতী য়োকখৎখি, অমদি য়ুমথোঙশিংদা ৱাতর ইফিসিএন্ত ফিক্সচরশিং শীজিন্ননবা পুক্নিং থৌগৎখি‍। শরুক য়াখিবশিংনসু ঈশিংগী রিসোর্সশিং মাঙহন্দনবা অমদি হৈশিংনা শীজিন্ননবা অমসুং ৱাখল লৈবা থৌওংশিং শীজিন্নদুনা অমসুং মরম চাবা ফিরেপ লৌদুনা মমল নাইদ্রবা রিসোর্সশিং ঙাক শেন্নবগী ফিরেপ লৌখি‍।

SHG অমসি স্তেত ওফিসিএলশিংগী থৌরাংশিংনা কেম্পেন অসিগী অহানবা নুমিৎপু চাউনা মায় পাকপা ওইহন্দুনা, অম্রুৎ ২.০ থৌরাংগী মখাদা ঈশিংগী ইনফ্রাস্ত্রকচরগী মরুওইখ্রবা হীরম অসিদা ইনক্লুজিবিতী অমদি এম্পৱারমেন্তকী লমদা মশক থোক্না থাংজিনবা খোঙথাং অমা ওইখি‍। কেম্পেন অসিনা নবেম্বর ৯, ২০২৩ ফাওবা চত্থবগা লোয়ননা, নিনি অমদি হুম্নি চনবা নুমিত্তা নুপী SHG ১০,০০০ হেনবনা শরুক য়াশিন্দুনা, “জল দিৱালী” পুন্না পাঙথোকমিন্নদুনা WTP ৪০০ হেনবদা চৎলবা য়াই হায়না পানরি‍।

ফিগর ১ উত্তরাখন্দ

ফিগর ২ অসাম

ফিগর ৩ জম্মু অমসুং কাস্মির

ফিগর ৪ কর্নাতকা

ফিগর ৫ কর্নাতকা

ফিগর ৬ ঝার্খন্দ

ফিগর ৭ ঝার্খন্দ

ফিগর ৮ উত্তরাখন্দ

ফিগর ৯ উত্তর প্রদেশ

ফিগর ১০ উত্তর প্রদেশ

ফিগর ১১ গুজরাত

ফিগর ১২ তামিল নাদু

ফিগর ১৩ নগালেন্দ

ফিগর ১৪ হিমাচল প্রদেশ

ফিগর ১৫ মেঘালয়

*****