ফুদ প্রোসেসিং ইন্দস্ত্রি মিনিস্ত্রিনা শীনবা ‘ৱার্ল্দ ফুদ ইন্দিয়া ২০২৩’ থৌরম ভারতকী রাস্ত্রপতি শ্রীমতি দ্রৌপতি মুর্মু শরুক য়াদুনা নবেম্বর ৬দা নিউ দিল্লিগী প্রগাতি মৈদান্দা লৈবা ভারত মন্দাপমদা লোইশিনখ্রে। ভারতকী হাওরবা মথেলশিং উৎতুনা অমসুং তোঙান-তোঙানবা উদোগশিংগী মরক্তা পুন্না থবক তৌমিন্নবা হেনগৎহন্নবা থৌরম অসিদা লৌরিবা মরুওইবা থৌদাং রাস্ত্রপতিনা শকখঙবা উৎপগা লোয়ননা থৌরমগী অচৌবা মাইপাকপা অদু লোইশিনবগী থৌরমদা উবা ফংখি। রাস্ত্রপতিনা হায়খি লৈবাক অসি মালেমগী চীঞ্জাক্কী মফম অমা ওইবা য়াবগী খুদোংচাবশিং লৈরি অমসুং মালেমগী ওইনা থেংনরিবা চারা হেনবা থেংননবা চীঞ্জাক ফংহনবগী থবকশিং ফগৎহনবা য়াম্না মরুওই।

সেল্ফ হেল্প গ্রুপ মেম্বর লাখ ১ হেনবদা সিদ কেপিতেল এসিস্তেন্স য়েন্থোক্তুনা থৌরম অসি নবেম্বর ৩দা প্রধান মন্ত্রী শ্রী নরেন্দ্র মোদীনা হৌদোকখি। ভারতনা মালেমগী চীঞ্জাক্কী পুক্কৈ অমা ওইনবা থৌরম অসিনা লৌরিবা থৌদাং অমসুং ২০২৩ অসি মালেমগী মিল্লেতশিংগী চহি ওইনা থৌরম পাংথোক্লিবা অসি প্রধান মন্ত্রীনা ফোঙদোকখি। তেক্নোলোজি অমসুং স্তার্দঅপ পেভিল্লিয়ন অমসুং ফুদ স্ত্রিৎ থাগৎপা ফোঙদোক্লদুনা, তুংগী শেন্মিৎলোন চাউখৎহনবদা মখোয়না লৌরিবা থৌদাং প্রধান মন্ত্রীনা থমখি। প্রধান মন্ত্রীনা হায়খি ফুদ প্রোসেসিং সেক্তর অসি সনরাইজ সেক্তর অমনি অমসুং হৌখিবা চহি ৯দা সেক্তর অসিদা লুপা করোর ৫০,০০০ হেনবগী ফোরেন দাইরেক্ত ইনভেস্তমেন্ত লাকখি। পি.এল.আই স্কিম অমসুং হৌজিক পায়খৎলিবা এগ্রি-ইনফ্রা ফন্দগী মখাদা ঙা য়োকপা অমসুং শা-ষন লোইবগীগীদমক প্রোসেসিং ইনফ্রাস্ত্রকচরগী লুপা করোর লিশিং কয়া থাদরে।

ভারত সরকারগী মিনিস্ত্রি/দিপার্তমেন্ত ১০, কম্মোদিতি বোর্দ ৬ অমসুং রাজ্য ২৫গী মতেংগা লোয়ননা শীনবা অচৌবা চীঞ্জাক্কী থৌরম অসি মালেমগী অমসুং লৈবাক মনুংগী মরী লৈনবা কয়াগী পুক্নিং চিংশিনখি। থৌরম অসিদা একজিবিতর ১২০৮, কন্ত্রি পেভিল্লিয়ন ১৪ অমসুং মালেমগী বয়র ৭১৫, লৈবাক মনুংগী বয়র ২১৮ অমসুং কোর্পোরেত লুচিংবা ৯৭ শরুক য়াখি। ইসক্বার মিতর ৫০,০০০ পাকপা লম অমদা একজিবিসন হোল ৭ হাংদোক্তুনা চীঞ্জাক শেম-শাবগী উদোগকী খ্বাইদগী নৌবা তেক্নোলোজিশিং উৎনবা অপুনবা মফম অমা পীখি। মিনিস্তরশিংগী মীহুৎকাংবু ৭ য়াওনা লৈবাকশিংগী মীহুৎকাংবু ১৪ থৌরম অদুদা শরুক য়াখি। থৌরম অদুদা নেদরলেন্দনা পার্তনর কন্ত্রি ওইখি অমসুং জপান্না ফোকস কন্ত্রি ওইখি।

ফুদ প্রোসেসিং ইন্দস্ত্রিকী য়ুনিয়ন মিনিস্তর শ্রী পসুতপি কুমার পারাস অমসুং কম্মর্স অমসুং ইন্দস্ত্রি, কঞ্জুমর এফেয়ার্স, ফুদ অমসুং পব্লিক দিস্ত্রিবিউসন অমসুং তেক্সতাইলগী য়ুনিয়ন মিনিস্তর শ্রী পিয়ুং গোয়ালনা কো-চিয়ার ওইদুনা ৱার্ল্দ ফুদ ইন্দিয়া ২০২৩ হৌদোকপদা অখন্নবা সি.ই.ও রাউন্দতেবল অমা পাংথোকখি। শিংথানিঙাই ওইবা অপুনবা মীফম অসিদা ফুদ প্রোসেসিং অমসুং মরী লৈবা সেক্তরশিংগী মাংজিল থাবা কম্পেনি ৭০ হেনবগী সি.ই.ওশিং শরুক য়াখি। রাউন্দতেবল অদুদা মরুওইনা খন্নখিবা ৱাফমশিংগী মনুংদা ললোন-ইতিক্কী থবকশিং, শেন থাদবগী লাল্লোংশিং, ভারতকী ফুদ প্রোসিসিং সেক্তরগী ভেলু চেন মনুংদা লৈরিবা অৱাৎপশিং য়েংশিনবা য়াওরি। থৌরম মনুংদা, শ্রী পসুপতি কুমার পরসনা G2G মীফম তরুক শরুক য়াখি। ফুদ প্রোসেসিংগী লমদা মালেমগী থাক্তা মতেং পীন্নবা মহাক্না ফিজি, মাউরিসিয়সকী মিনিস্তরশিংগা ৱারি শানখি। মালেমগী থাক্তা মতেং পীন্নবা মহাক্না গ্রিস অমসুং লেবাননগী মীহুৎকাংবুশিংগা ৱারি শানখি। মাউরিসিয়সকী এগ্রো ইন্দস্ত্রি অমসুং ফুদ সেকুরিতিগী মিনিস্তর অমসুং অস্ত্রেলিয়াগী এম.পি অমগা লৌশিং পীথোক-পীশিন তৌননবা অমসুং মালেমগী ওইনা মতেং পীন্নবা ৱা খন্নখিবা অসি থৌরমগী মরুওইবা অমা ওইখি।

নুমিৎ হুম্নিগী থৌরম অদুদা থিমেতিক, স্তেৎ, এল্লাইদ মিনিস্ত্রিশিং, লৈবাক অমসুং লুপকী সেসনশিং য়াওনা সেসন ৪৮ লৈখি। মরুওইনা,থিমেতিক সেসন ১৬তা মরুওইবা হিরমশিং হায়বদি শেন-থুমগী শক্তি পীবা, ক্বালিতি এসুরেন্স, মেছিন্নরি অমসুং তেক্নোলোজিগী অনৌবশিং, ই-কম্মর্স, ফুদ প্রোসেসিং সেক্তরগী লোজিস্তিক্সকী মরমদা খন্নখি। রাজ্যশিংদা মীৎয়েং থম্বা খন্ন-নৈনবা ১২ অমসুং মরী লৈনবা মিনিস্ত্রিশিংগী অখন্নবা সেসন ১১দা দি.পি.আই.আই.তি অমসুং এফ.এস.এস.এ.আইনা উদোগ অসিনা থেংনরিবা খুদোংচাদবশিংগী মতাংদা খন্নখি। সেসনশিং অদুদা গুজরাত, কেরলা অমসুং অন্ধ্র প্রদেসকী মিনিস্তরশিং শরুক য়াখি।

লৌশিং অমসুং খ্বাইদগী ফবা থবকশিং পীথোক-পীশিন তৌনবা পুক্নিং থৌগৎনবা থৌরম অদুদা নেদরলেন্দস অমসুং জপান্না থৌরম কয়া পাংথোকখি। মসিগী মথক্তা, নেদরলেন্দ, য়ু.এস-ইন্দিয়া স্ত্রাতেজিক পার্তনরশিপ ফোরম, ব্রাজিল অমসুং য়ু.এ.ইনা মাইপাক্না ফোকস মীফমশিং পাংথোক্তুনা ভারতকী ফুদ প্রোসেসিং সেক্তরদা খুদোংচাবশিং মরাংকাইনা হেনগৎলক্লিবা অসি খন্নখি।

মহৌশাগী অকোয়বগী ফিবম কায়হন্দবা  অমসুং খুদোংথিবা কয়া মায়োক্নবা ঙম্বা চীঞ্জাক পুথোকপগী থবকশিংদা মাইওনশিল্লকপগী ইঙ্গিৎ অমা পীরদুনা, ফুদ ইন্দস্ত্রিদা অনৌবা থবকশিং উৎপা তেক্নোলোজি অমসুং স্তেনেবল পেভিল্লিয়নশিং অসি থৌরম অসিগী মরুওইবা থৌরমশিংগী মনুংদা য়াওখি। মমিং লৈরিবা চেফ রনবির ব্রারনা লমজিং-লমতাকপা ফুদ স্ত্রিৎনা ভারতকী লমদম-লমদমগী মথেল-লুকোইশিং উৎখিবা অদু মীয়াম্না পাম্নবা অমা ওইখি। থোং-থাকপা উৎপগী থৌরমশিংদা শক্নাইরবা চেফ সারাহ তোদ অমসুং চেফ কুনাল কাপুর য়াওনা চেফ ২০০ শরুক য়াখি। থৌরম অদুদা মালেমগী চাক-ইন্সাং থোং-থাকপগী চাংদম্নবা অমা- ICC23 পাংথোকখি অমসুং প্রি-মিল্লেত দিসশিং, পাস্তা থোংবা অমসুং মাস্তর ক্লাসশিং অমসুং মনা পীবগী থৌরম য়াওখি।

ভারতকী ফুদ প্রোসেসিং সেক্তর চাউখৎনবা থৌরম অসিনা অচৌবা ইথিল অমা পীদুনা লুপা  করোর ৩৩,১২৯গী মেমোরেন্দমস ওফ অন্দরস্তেন্দিং(এম ও য়ু)শিং খুৎয়েক পীনদুনা থৌরম অদু লোইশিনখি। খুৎয়েক পীখিবা কম্পেনিশিংগী মনুংদা অমুল, আই.তি.সি, মোদেলেজ, কেল্লোগস, এ.বি ইনভেব, আই.বি গ্রুপ, বালাজি ৱেফরস, অনন্দা দাইরি, ফরতিস অমসুং বিকানরৱালা য়াওখি। থৌরম মনুংদা B2B অমসুং  B2G মীফম ১৫২০০ হেন্না পাংথোক্তুনা লৌশিং পীথোক-পীশিন তৌনবা অমসুং  উদোগ চাউখৎনবা চপ চাবা ফিবম অমা শেমগৎনবা ৱারি শান্নখি।

***