0 3

ଅନ୍ତର୍ଜାତୀୟ ବିଭାଗରେ ପ୍ରଦର୍ଶିତ ହେବ ୧୯୮ଟି ଚଳଚ୍ଚିତ୍ର, ଯେଉଁଥିରେ ୧୩ଟି ବିଶ୍ୱ ପ୍ରିମିୟର ରହିବ

ଉଦ୍‌ଘାଟନୀ ସିନେମା ହେବ 'କ୍ୟାଚିଂ ଡଷ୍ଟ' ; 'ଆବାଉଟ୍ ଡ୍ରାଇ ଗ୍ରାସେସ୍‌' ହେବ ମିଡ୍ - ଫେଷ୍ଟ ଫିଲ୍ମ ଏବଂ 'ଦ ଫେଦରୱେଟ୍‌' ହେବ ସମାପନୀ ଫିଲ୍ମ

ଚଳିତ ବର୍ଷ ବିଭିନ୍ନ ସମ୍ମାନଜନକ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ଗୁଡିକରୁ ୧୯ଟି ପୁରସ୍କାର ପ୍ରାପ୍ତ ଚଳଚ୍ଚିତ୍ର ଆଇଏଫ୍‌ଏଫ୍‌ଆଇ କାଲିଡୋସ୍କୋପ୍‌ରେ ସ୍ଥାନ ପାଇଛି

ପ୍ରଯୋଜନା, ବିତରଣ କିମ୍ବା ବିକ୍ରୟ ପାଇଁ ଚଳିତ ବର୍ଷ ଫିଲ୍ମ ବଜାରର ୧୭ତମ ସଂସ୍କରଣରେ ୩୦୦ ଅନ୍ତର୍ଜାତୀୟ ଚଳଚ୍ଚିତ୍ର ପ୍ରକଳ୍ପ ପ୍ରସ୍ତୁତ କରାଯାଇ ପ୍ରଦର୍ଶିତ କରାଯାଇଛି

ବିଶିଷ୍ଟ ଚଳଚ୍ଚିତ୍ର ନିର୍ମାତା, ସିନେମାଟୋଗ୍ରାଫର ଏବଂ ଅଭିନେତା ମାନଙ୍କ ସହ ୨୦ରୁ ଅଧିକ 'ମାଷ୍ଟରକ୍ଲାସ' ଏବଂ 'ଇନ୍ କନଭର୍ସେସନ୍‌' ଅଧିବେଶନ ଅନୁଷ୍ଠିତ ହେବ

କେନ୍ଦ୍ର ମନ୍ତ୍ରୀ ଶ୍ରୀ ଅନୁରାଗ ସିଂହ ଠାକୁର ଆଜି ଘୋଷଣା କରିଛନ୍ତି ଯେ ୨୦୨୩ ନଭେମ୍ବର ୨୦ ରୁ ୨୮ତାରିଖ ପର୍ଯ୍ୟନ୍ତ ଗୋଆ ଠାରେ ୫୪ତମ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ ଅନୁଷ୍ଠିତ ହେବ । ଏହି ଅବସରରେ ଶ୍ରୀ ଠାକୁର କହିଥିଲେ ଯେ, ବିଶ୍ୱସ୍ତରରେ ପଞ୍ଚମ ବୃହତ୍ତମ ବଜାର, ଭାରତର ଗଣମାଧ୍ୟମ ଏବଂ ମନୋରଞ୍ଜନ ଶିଳ୍ପ ଏକ ଶକ୍ତି । ସେ ଆହୁରି ମଧ୍ୟ କହିଛନ୍ତି ଯେ ଏହି ବଜାର ପ୍ରତିବର୍ଷ ବୃଦ୍ଧି ପାଉଛି ଏବଂ ଏଥିରେ ଗତ ତିନି ବର୍ଷ ମଧ୍ୟରେ ହାରାହାରି ବାର୍ଷିକ ଅଭିବୃଦ୍ଧି ୨୦% ରହିଛି । ଭାରତରେ ନିର୍ମିତ ସିନେମା ଗୁଡ଼ିକ ଦେଶର କୋଣ ଅନୁକୋଣକୁ ଅତିକ୍ରମ କରି ଏବେ ବିଶ୍ୱର ଦୂରଦୂରାନ୍ତର ବିଭିନ୍ନ ଅଂଚଳରେ ପହଂଚିବାରେ ଲାଗିଛି । 

ମନ୍ତ୍ରୀ ତାଙ୍କ ବିବୃତିରେ କହିଛନ୍ତି ଯେ , ଚଳିତ ବର୍ଷ ସତ୍ୟଜିତ ରାୟ ଲାଇଫ୍ ଟାଇମ୍ ଆଚିଭମେଣ୍ଟ ଆୱାର୍ଡ ବିଶ୍ୱ ସିନେମାର ଉଜ୍ଜ୍ୱଳ ତାରକା ତଥା ସିନେମା ଜଗତରେ ତାଙ୍କର ଅତୁଳନୀୟ ଅବଦାନ ପାଇଁ ଜଣାଶୁଣା ମାଇକେଲ ଡଗ୍‌ଲାସ୍‌ଙ୍କୁ ପ୍ରଦାନ କରାଯିବ ।

ଶ୍ରୀ ଠାକୁର ସୂଚନା ଦେଇଛନ୍ତି ଯେ ଆଇଏଫ୍‌ଏଫ୍‌ଆଇର ଅନ୍ତର୍ଜାତୀୟ ବିଭାଗରେ ପ୍ରାପ୍ତ ଚଳଚ୍ଚିତ୍ର ସଂଖ୍ୟା ତିନି ଗୁଣ ବୃଦ୍ଧି ପାଇଛି ଏବଂ ଏହା ଆଇଏଫ୍‌ଏଫ୍‌ଆଇ ପ୍ରତି ଅନ୍ତର୍ଜାତୀୟ ଚଳଚ୍ଚିତ୍ର ଶିଳ୍ପର ଆକର୍ଷଣର ପ୍ରଦର୍ଶନ ।

ନୂତନ ଭାବେ ଆରମ୍ଭ ହୋଇଥିବା ଓଟିଟି ପୁରସ୍କାର ବିଷୟରେ ସେ କହିଛନ୍ତି ଯେ , କୋଭିଡ୍ ୧୯ ମହାମାରୀ ପର ଠାରୁ ଭାରତରେ ଓଟିଟି ଶିଳ୍ପ କ୍ଷେତ୍ରରେ ଉନ୍ନତି ଘଟିଛି ଏବଂ ଭାରତରେ ସୃଷ୍ଟି ହୋଇଥିବା ମୂଳ ବିଷୟବସ୍ତୁ ହଜାର ହଜାର ଲୋକଙ୍କୁ ନିଯୁକ୍ତି ପ୍ରଦାନ କରିଛି । ବାର୍ଷିକ ୨୮% ଅଭିବୃଦ୍ଧି ହେଉଥିବା ଏହି କ୍ଷେତ୍ରର ଗତିଶୀଳ ଦୃଶ୍ୟପଟ୍ଟକୁ ଦୃଷ୍ଟିରେ ରଖି ମନ୍ତ୍ରଣାଳୟ ଓଟିଟି ପ୍ଲାଟଫର୍ମରେ ଉତ୍କୃଷ୍ଟ ବିଷୟବସ୍ତୁ ନିର୍ମାତା ମାନଙ୍କୁ ସମ୍ମାନ ଜଣାଇ ଏହି ପୁରସ୍କାର ଆରମ୍ଭ କରିଛି । ସେ ଆହୁରି ମଧ୍ୟ କହିଛନ୍ତି ଯେ ୧୫ଟି ଓଟିଟି ପ୍ଲାଟଫର୍ମରୁ ୧୦ଟି ଭାଷାରେ ମୋଟ ୩୨ଟି ଏଣ୍ଟ୍ରି ମିଳିଛି ଏବଂ ବିଜେତାଙ୍କୁ ୧୦ ଲକ୍ଷ ଟଙ୍କା ପୁରସ୍କାର ରାଶି ପ୍ରଦାନ କରାଯିବ । 

ଶ୍ରୀ ଅନୁରାଗ ଠାକୁର ଦେଶରେ ବୃଦ୍ଧି ପାଉଥିବା ଷ୍ଟାର୍ଟଅପ୍ ପାରିବେଶିକ ବ୍ୟବସ୍ଥା ବିଷୟରେ କହିଥିଲେ ଏବଂ ସରକାର ଏଭଳି ସଂସ୍ଥା ଗୁଡ଼ିକୁ ପରିପୁଷ୍ଟ କରିବା ପାଇଁ ଏକ ସହାୟତା ବ୍ୟବସ୍ଥା ସୃଷ୍ଟି କରିବା ଉପରେ ମଧ୍ୟ ଗୁରୁତ୍ୱାରୋପ କରିଥିଲେ । ସେ ଆହୁରି ମଧ୍ୟ କହିଛନ୍ତି ଯେ ଚଳଚ୍ଚିତ୍ର କ୍ଷେତ୍ରରେ ଷ୍ଟାର୍ଟଅପ୍ ପାରିବେଶିକ ବ୍ୟବସ୍ଥାକୁ ସୁଦୃଢ଼ କରିବା ଏବଂ ଦେଶର ଦୁର୍ଗମ କୋଣଅନୁକୋଣରୁ ପ୍ରତିଭା ମାନଙ୍କୁ ଚିହ୍ନଟ କରିବା ପାଇଁ ଆମେ କ୍ରିଏଟିଭ୍ ମାଇଣ୍ଡସ୍ ଅଫ୍ ଟୁମାରୋ (ଆସନ୍ତାକାଲିର ସୃଜନଶୀଳ ମସ୍ତିଷ୍କ) ଅଭିଯାନ ଆରମ୍ଭ କରିଛୁ । ଚଳିତ ବର୍ଷ ଏହି ବିଭାଗରେ ୬୦୦ରୁ ଅଧିକ ଏଣ୍ଟ୍ରି ରହିଛି ବୋଲି ମନ୍ତ୍ରୀ ସୂଚନା ଦେଇଛନ୍ତି । ଚଳିତ ବର୍ଷ ୭୫ ଜଣ ବିଜେତା ଚୟନ ହେବା ପରେ ୩ ବର୍ଷରେ ମୋଟ ବିଜେତା ମାନଙ୍କର ସଂଖ୍ୟା ୨୨୫ ରେ ପହଞ୍ଚିବ ।

ଚଳିତ ବର୍ଷ ଆଇଏଫ୍ ଏଫ୍‌ଆଇ ପାଇଁ ସମସ୍ତ ସ୍ଥାନରେ ଭିନ୍ନକ୍ଷମ ମାନଙ୍କ ନିମନ୍ତେ ସମସ୍ତ ସୁବିଧା ଓ ସହାୟତା ଉପଲବ୍ଧ ହେବ ବୋଲି ମନ୍ତ୍ରୀ ବିଶେଷ ଭାବେ ଉଲ୍ଲେଖ କରିଛନ୍ତି । ଦୃଷ୍ଟିହୀନ ମାନଙ୍କ ପାଇଁ ଅଡିଓ ବର୍ଣ୍ଣନା, ଶ୍ରୁତିବାଧକ ମାନଙ୍କ ପାଇଁ ସାଙ୍କେତିକ ଭାଷା, ଏକାଧିକ ଭାଷାରେ ବିଷୟବସ୍ତୁ ଡବିଂ ‘ସବ୍‌କା ସାଥ , ସବ୍‌କା ବିକାଶ’ ମନ୍ତ୍ରର ପ୍ରତୀକ ହେବ । 

ରାଷ୍ଟ୍ର ମନ୍ତ୍ରୀ ଡ. ଏଲ୍ ମୁରୁଗାନ୍ ତାଙ୍କ ସଂକ୍ଷିପ୍ତ ବିବୃତିରେ କହିଛନ୍ତି ଯେ , ଆଇଏଫ୍‌ଏଫ୍‌ଆଇ ହେଉଛି ବିଶ୍ୱର ସବୁଠାରୁ ବଡ଼ ଚଳଚ୍ଚିତ୍ର ଏବଂ ସାଂସ୍କୃତିକ କାର୍ଯ୍ୟକ୍ରମ । ଅନ୍ତର୍ଜାତୀୟ ଜୁରିର ନେତୃତ୍ୱ ପ୍ରସିଦ୍ଧ ଚଳଚ୍ଚିତ୍ର ନିର୍ମାତା ଶେଖର କପୁର ନେଉଛନ୍ତି ବୋଲି ସେ ଦର୍ଶକ ମାନଙ୍କୁ ସୂଚନା ଦେଇଥିଲେ ।

ଭାରତୀୟ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବର ୫୪ତମ ସଂସ୍କରଣରେ କ\'ଣ ଦେଖିବାକୁ ମିଳିବ ତାହାର ଝଲକ :

୧. ଆଇଏଫ୍‌ଏଫ୍‌ଆଇର ଅନ୍ୟତମ ଆକର୍ଷଣ ହେଉଛି ବିଶ୍ୱ ସିନେମାରେ ଉତ୍କର୍ଷତା ପାଇଁ ପ୍ରଦାନ କରାଯାଉଥିବା ସତ୍ୟଜିତ ରାୟ ଲାଇଫ୍ ଟାଇମ୍ ଆଚିଭମେଣ୍ଟ ଆୱାର୍ଡ (ଏସଆରଏଲ୍ଟିଏ) । ବିଶ୍ୱ ସିନେମାର ଅନ୍ୟତମ ଶ୍ରେଷ୍ଠ ଆନ୍ତର୍ଜାତିକ ବ୍ୟକ୍ତିତ୍ୱ ମାଇକେଲ ଡଗ୍‌ଲାସ୍ ତାଙ୍କ ପତ୍ନୀ ତଥା ପ୍ରଖ୍ୟାତ ଅଭିନେତ୍ରୀ କ୍ୟାଥରିନ ଜେଟା - ଜୋନ୍ସଙ୍କ ସହ ଏହି ସମ୍ମାନଜନକ ପୁରସ୍କାର ଗ୍ରହଣ କରିବାକୁ ଆଇଏଫ୍‌ଏଫ୍‌ଆଇରେ ଉପସ୍ଥିତ ରହିବେ ।

ଫିଲ୍ମ ଏବଂ ଟେଲିଭିଜନ୍ ଉଦ୍ୟୋଗରେ ୫୦ ବର୍ଷରୁ ଅଧିକ ସମୟ ଧରି କାର୍ଯ୍ୟ କରିଥିବା \'ମାଇକେଲ ଡଗ୍‌ଲାସ୍‌' ୨ଟି ଓସ୍କାର, ୫ଟି ଗୋଲଡେନ୍ ଗ୍ଲୋବ୍ ଆୱାର୍ଡ, ପ୍ରାଇମଟାଇମ୍ ଏମି ଆୱାର୍ଡ ଏବଂ ଅନ୍ୟାନ୍ୟ ଅଗଣିତ ସମ୍ମାନ ପାଇଛନ୍ତି । ୨୦୨୩ ମସିହାରେ ସେ ୭୬ତମ ଫେଷ୍ଟିଭାଲ ଡି କାନ୍ସରେ ଲାଇଫ୍ ଟାଇମ୍ ଆଚିଭମେଣ୍ଟ ପାଇଁ ପାଲମେ ଡି'ଅର୍ ପୁରସ୍କାର ପାଇଥିଲେ ।  

'ୱାଲ୍ ଷ୍ଟ୍ରିଟ୍‌' ରେ ଗୋର୍ଡନ୍ ଗେକ୍କୋ ଭୂମିକାରେ ଏକାଡେମୀ ପୁରସ୍କାର ବିଜେତା ଅଭିନୟ ଠାରୁ ଆରମ୍ଭ କରି ସମାଲୋଚକ ମାନଙ୍କ ଦ୍ୱାରା ପ୍ରଶଂସିତ ଫେଟାଲ ଆଟ୍ରାକ୍ସନ୍‌, ଆମେରିକାନ୍ ପ୍ରେସିଡେଂଟ, ବେସିକ୍ ଇନଷ୍ଟିକ୍ଟ, ଟ୍ରାଫିକ୍ ଏବଂ ରୋମାନ୍ସିଂ ଦ ଷ୍ଟୋନ୍ ଭଳି ଚଳଚ୍ଚିତ୍ର ପାଇଁ ସେ ବେଶ୍ ଜଣାଶୁଣା । ମାଇକେଲ କେବଳ ଜଣେ ଅଭିନେତା ନୁହଁନ୍ତି ବରଂ ଜଣେ ପ୍ରଖ୍ୟାତ ପ୍ରଯୋଜକ ମଧ୍ୟ ଅଟନ୍ତି । ତାଙ୍କ କାର୍ଯ୍ୟ ଭିତରେ ୱାନ୍ ଫ୍ଲ୍ୟୁ ଓଭର ଦ କୁକୋଜ୍ ନେଷ୍ଟ ଏବଂ ଚାଇନା ସିଣ୍ଡ୍ରୋମ ଭଳି ଚମତ୍କାର ଫିଲ୍ମ ରହିଛି । ଶ୍ରୀ ଡଗ୍‌ଲାସ୍ ତାଙ୍କ ମାନବୀୟ ପ୍ରୟାସ ପାଇଁ ମଧ୍ୟ ଜଣାଶୁଣା । ମାନବିକତା ପ୍ରତି ବିପଦ ସୃଷ୍ଟି କରୁଥିବା ପରମାଣୁ ଏବଂ ଜୈବିକ ବିପଦକୁ ହ୍ରାସ କରିବା ଉପରେ ଗୁରୁତ୍ୱ ଦେଉଥିବା ନ୍ୟୁକ୍ଲିୟର ଥ୍ରେଟ୍ ଇନିସିଏଟିଭ୍ ସଂଗଠନର ବୋର୍ଡରେ ସେ ଅଛନ୍ତି । ୧୯୯୮ମସିହାରେ ସେ ଜାତିସଂଘର ଶାନ୍ତି ଦୂତ ଭାବେ ମଧ୍ୟ ନିଯୁକ୍ତ ହୋଇଥିଲେ ।

୨. ଏହି ମହୋତ୍ସବରେ ୪ଟି ସ୍ଥାନରେ - ଆଇନକ୍ସ ପଞ୍ଜିମ୍ (୪), ମାକ୍ୱିନେଜ୍ ପ୍ୟାଲେସ୍ (୧), ଆଇନକ୍ସ ପୋରଭୋରିମ୍ (୪), ଜେଡ୍ ସ୍କୋୟାର ସମ୍ରାଟ ଅଶୋକ (୨) ୨୭୦ରୁ ଅଧିକ ଚଳଚ୍ଚିତ୍ର ପ୍ରଦର୍ଶିତ ହେବ ।

୩. ୫୪ତମ ଆଇଏଫ୍‌ଏଫ୍‌ଆଇର 'ଇଣ୍ଟରନ୍ୟାସନାଲ୍ ସେକ୍ସନ୍‌' / ଅନ୍ତର୍ଜାତୀୟ ବିଭାଗରେ ୧୯୮ଟି ସିନେମା ରହିବ, ଯାହାର ସଂଖ୍ୟା ୫୩ ତମ ଆଇଏଫ୍‌ଏଫ୍‌ଆଇ ଠାରୁ ମଧ୍ୟ ୧୮ଟି ଅଧିକ । ଏଥିରେ ୧୩ଟି ବିଶ୍ୱ ପ୍ରିମିୟର, ୧୮ଟି ଅନ୍ତର୍ଜାତୀୟ ପ୍ରିମିୟର, ୬୨ଟି ଏସିଆ ପ୍ରିମିୟର ଏବଂ ୮୯ଟି ଇଣ୍ଡିଆ ପ୍ରିମିୟର ରହିବ । ଚଳିତ ବର୍ଷ ଆଇଏଫ୍‌ଏଫ୍‌ଆଇକୁ ୧୦୫ଟି ଦେଶରୁ ରେକର୍ଡ ସଂଖ୍ୟକ ୨୯୨୬ ଟି ଏଣ୍ଟ୍ରି ମିଳିଛି, ଯାହା କି ପୂର୍ବ ବର୍ଷ ତୁଳନାରେ ୩ ଗୁଣ ଅଧିକ ଅନ୍ତର୍ଜାତୀୟ ଦାଖଲ ।

୪ । 'ଇଣ୍ଡିଆନ୍ ପାନୋରାମା' ବିଭାଗରେ ଭାରତର ୨୫ଟି ଫିଚର ଫିଲ୍ମ ଓ ୨୦ଟି ନନ୍ ଫିଚର ଫିଲ୍ମ ପ୍ରଦର୍ଶିତ ହେବ । ଫିଚର ବିଭାଗରେ ଉଦ୍‌ଘାଟନୀ ଫିଲ୍ମ ହେଉଛି ଏକ ମାଲାୟଲମ୍ ଫିଲ୍ମ ଆଟମ୍ ଏବଂ ନନ୍ ଫିଚର ବିଭାଗରେ ରହିଛି ମଣିପୁରର ଆଣ୍ଡ୍ରୋ ଡ୍ରିମ୍ସ ।

୫ । ଶ୍ରେଷ୍ଠ ୱେବ୍ ସିରିଜ୍ (ଓଟିଟି) ପୁରସ୍କାର : ଚଳିତ ବର୍ଷ ଶ୍ରେଷ୍ଠ ୱେବ୍ ସିରିଜ୍ (ଓଟିଟି) ପୁରସ୍କାର ଓଟିଟି ପ୍ଲାଟଫର୍ମର ସମୃଦ୍ଧ ବିଷୟବସ୍ତୁ ଏବଂ ଏହାର ନିର୍ମାତା ମାନଙ୍କ କାର୍ଯ୍ୟକୁ ସ୍ୱୀକୃତି ଦେବା, ଉତ୍ସାହିତ କରିବା ଏବଂ ସମ୍ମାନ ଦେବା ଉଦ୍ଦେଶ୍ୟରେ ଆରମ୍ଭ ହୋଇଛି । ୧୫ଟି ଓଟିଟି ପ୍ଲାଟଫର୍ମରୁ ୧୦ଟି ଭାଷାରେ ୩୨ଟି ଏଣ୍ଟ୍ରି ମିଳିଛି । ବିଜେତା ଶୃଙ୍ଖଳାକୁ ସାର୍ଟିଫିକେଟ୍ ଓ ୧୦ ଲକ୍ଷ ଟଙ୍କାର ପୁରସ୍କାର ରାଶି ପ୍ରଦାନ କରାଯିବ, ଯାହା ସମ୍ପର୍କରେ ସମାପନୀ ଉତ୍ସବରେ ଘୋଷଣା କରାଯିବ ।

୬ । ଚଳିତ ବର୍ଷର ଆଇଏଫ୍‌ଏଫ୍‌ଆଇର ଅନ୍ତର୍ଜାତୀୟ ଚଳଚ୍ଚିତ୍ର ବିଭାଗରେ ୮ଟି କ୍ୟୁରେଟେଡ୍ ବିଭାଗ ରହିବ । ଗୁରୁତ୍ୱପୂର୍ଣ୍ଣ ଚଳଚ୍ଚିତ୍ରର ମୁଖ୍ୟ ଆକର୍ଷଣ ଗୁଡିକ ନିମ୍ନଲିଖିତ -

ଉଦ୍‌ଘାଟନୀ ଫିଲ୍ମ : କ୍ୟାଚ୍ ଦ ଡଷ୍ଟ । ନିର୍ଦ୍ଦେଶକ : ଷ୍ଟୁଆର୍ଟ ଗାଟ୍ । ୟୁନାଇଟେଡ୍ କିଙ୍ଗ୍‌ଡମ୍ (ଇଣ୍ଟରନ୍ୟାସନାଲ ପ୍ରିମିୟର) - ଏହା ଏକ ଡ୍ରାମା / ଥ୍ରିଲର, ଯେଉଁଥିରେ ବିଶିଷ୍ଟ ଅନ୍ତର୍ଜାତୀୟ କଳାକାର ଏରିନ ମୋରିଆର୍ଟି, ଜୟ କର୍ଟନି, ଦିନା ଶିହାବି, ରିୟାନ୍ କୋର, ଜୋସ୍ ଆଲଟିଟ, ଗ୍ୟାରୀ ଫାନିନ୍ ଏବଂ ଓଲୱେନ ଫୋଏର ଅଛନ୍ତି । ଷ୍ଟୁଆର୍ଟ ଗାଟ୍ ହେଉଛନ୍ତି ମିଶ୍ରିତ ଏସୀୟ ଐତିହ୍ୟର ଜଣେ ପୁରସ୍କାର ପ୍ରାପ୍ତ ବ୍ରିଟିଶ ଚଳଚ୍ଚିତ୍ର ନିର୍ମାତା ଯାହାଙ୍କର କାହାଣୀ ପ୍ରାୟତଃ ସାମୟିକ ସାମାଜିକ ବିଷୟବସ୍ତୁ ଦ୍ୱାରା ପ୍ରଭାବିତ ହୋଇଥାଏ ।

ମିଡ୍ - ଫେଷ୍ଟ ଫିଲ୍ମ: ଆବାଉଟ୍ ଡ୍ରାଇ ଗ୍ରାସେସ୍‌' । ନିର୍ଦ୍ଦେଶକ : ନୁରି ବିଲଗେ ସିଲାନ । ଫ୍ରାନ୍ସ । (ଇଣ୍ଡିଆ ପ୍ରିମିୟର) – ଏହା ପ୍ରଖ୍ୟାତ ନିର୍ଦ୍ଦେଶକ ନୁରି ବିଲଗେ ସିଲାନ, ଯିଏ ଅନେକ ସମ୍ମାନଜନକ ପୁରସ୍କାର ଜିତିଛନ୍ତି ତାଙ୍କର ଏକ ତୁର୍କୀ ଡ୍ରାମା । ତାଙ୍କ ଚଳଚ୍ଚିତ୍ର ୱିଣ୍ଟର ସ୍ଲିପ୍ (୨୦୧୪) କାନ୍ସ ଫିଲ୍ମ ଫେଷ୍ଟିଭାଲରେ ପାଲମେ ଡି'ଅର୍ ପୁରସ୍କାର ଜିତିଥିବା ବେଳେ ତାଙ୍କର ୬ଟି ଚଳଚ୍ଚିତ୍ର ଶ୍ରେଷ୍ଠ ଅନ୍ତର୍ଜାତୀୟ ଫିଚର ଫିଲ୍ମ ପାଇଁ ଏକାଡେମୀ ପୁରସ୍କାର ନିମନ୍ତେ ତୁର୍କୀ ପକ୍ଷରୁ ଦାଖଲ ହୋଇଛି, ଯେଉଁଥିରେ 'ଆବାଉଟ୍ ଡ୍ରାଇ ଗ୍ରାସେସ୍‌\' ମଧ୍ୟ ରହିଛି । ଏହି ଚଳଚ୍ଚିତ୍ରଟି ଚଳିତ ବର୍ଷ କାନ୍ସ ଫିଲ୍ମ ଫେଷ୍ଟିଭାଲର ପ୍ରତିଯୋଗିତା ବିଭାଗରେ ମଧ୍ୟ ଥିଲା । ଏହି ଚଳଚ୍ଚିତ୍ର ପାଇଁ ଏହାର ପ୍ରଖ୍ୟାତ ଅଭିନେତ୍ରୀ ମର୍ଭେ ଦିଜଦାରଙ୍କୁ ଶ୍ରେଷ୍ଠ ଅଭିନେତ୍ରୀ ପୁରସ୍କାର ପ୍ରଦାନ କରାଯାଇଥିଲା । 

ସମାପନୀ ଫିଲ୍ମ : ଦି ଫେଦରୱେଟ୍ । ନିର୍ଦ୍ଦେଶକ : ରବର୍ଟ କୋଲୋଡନି । ଯୁକ୍ତରାଷ୍ଟ୍ର ଆମେରିକା । (ଏସିଆ ପ୍ରିମିୟର) - ଏହା ଏକ ୨୦୨୩ ମସିହାର ଆମେରିକୀୟ ବାୟୋଗ୍ରାଫିକାଲ ସ୍ପୋର୍ଟସ ଡ୍ରାମା ଚଳଚ୍ଚିତ୍ର ଯାହା କ୍ଲାସିକ୍ "ସିନେମା ଭେରିଟେ" (ସତ୍ୟ ଆଧାରିତ ସିନେମା) ଶୈଳୀରେ ସୁଚିନ୍ତିତ ଭାବରେ କଳ୍ପନା କରାଯାଇଥିବା ଜଣେ ଷ୍ଟାର ଆଥଲେଟଙ୍କ ବାୟୋପିକ୍ ମାଧ୍ୟମରେ ଆଧୁନିକ ଷ୍ଟାରଡମର ନିର୍ମାଣ ଏବଂ କଳ୍ପନାକୁ ଉନ୍ମୋଚନ କରେ । ରବର୍ଟ କୋଲୋଡନି ଜଣେ ବହୁମୁଖୀ ଆମେରିକୀୟ ନିର୍ଦ୍ଦେଶକ, ଲେଖକ ଏବଂ ସିନେମାଟୋଗ୍ରାଫର ଅଟନ୍ତି । ସେପ୍ଟେମ୍ବର, ୨୦୨୩ ରେ ୮୦ତମ ଭେନିସ୍ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବରେ ଏହି ଚଳଚ୍ଚିତ୍ରର ପ୍ରିମିୟର ହୋଇଥିଲା । ରବର୍ଟ ଅନେକ ଚଳଚ୍ଚିତ୍ର ପାଇଁ ଫଟୋଗ୍ରାଫି ନିର୍ଦ୍ଦେଶକ ଭାବରେ କାର୍ଯ୍ୟ କରିଛନ୍ତି ଏବଂ ବିଭିନ୍ନ ପୁରସ୍କାର ପ୍ରାପ୍ତ ଚଳଚ୍ଚିତ୍ର ଏବଂ ଡକ୍ୟୁମେଣ୍ଟାରୀର ନିର୍ଦ୍ଦେଶନା ମଧ୍ୟ ଦେଇଛନ୍ତି ।

ଆନ୍ତର୍ଜାତିକ ପ୍ରତିଯୋଗିତା ବିଭାଗ - ୧୫ଟି ଫିଚର ଫିଲ୍ମ (୧୨ଟି ଅନ୍ତର୍ଜାତୀୟ + ୩ ଭାରତୀୟ ) ଶ୍ରେଷ୍ଠ ଚଳଚ୍ଚିତ୍ର ପୁରସ୍କାର, ସ୍ୱର୍ଣ୍ଣ ମୟୁର ଓ ୪୦ ଲକ୍ଷ ଟଙ୍କା ପାଇଁ ମନୋନୀତ ହୋଇଛନ୍ତି । ଶ୍ରେଷ୍ଠ ଚଳଚ୍ଚିତ୍ର ବ୍ୟତୀତ ଶ୍ରେଷ୍ଠ ନିର୍ଦ୍ଦେଶକ, ଶ୍ରେଷ୍ଠ ଅଭିନେତା (ପୁରୁଷ), ଶ୍ରେଷ୍ଠ ଅଭିନେତା (ମହିଳା), ସ୍ୱତନ୍ତ୍ର ଜୁରି ପୁରସ୍କାର ବର୍ଗରେ ମଧ୍ୟ ବିଚାରକ ମାନେ ବିଜେତା ନିର୍ଦ୍ଧାରଣ କରିବେ । ଫିଲ୍ମର ତାଲିକା ଆନେକ୍ସର (ସଂଲଗ୍ନ ପତ୍ର) ରେ ପ୍ରଦାନ କରାଯାଇଛି ଏବଂ ସେଗୁଡ଼ିକର ବିବରଣୀ ଆଇଏଫ୍‌ଏଫ୍‌ଆଇର ଅଫିସିଆଲ ୱେବସାଇଟରେ ଅପଲୋଡ କରାଯାଉଛି ।

ଶ୍ରେଷ୍ଠ ଫିଚର ଫିଲ୍ମ ଡେବ୍ୟୁ ନିର୍ଦ୍ଦେଶକ - ୫ ଅନ୍ତର୍ଜାତୀୟ + ୨ ଭାରତୀୟ ଫିଲ୍ମ ଏହି ବିଭାଗରେ ସମ୍ମାନଜନକ ରୌପ୍ୟ ମୟୂର, ନଗଦ ପୁରସ୍କାର ବାବଦରେ ୧୦ ଲକ୍ଷ ଟଙ୍କା ଏବଂ ସାର୍ଟିଫିକେଟ୍ ପାଇଁ ପ୍ରତିଦ୍ୱନ୍ଦ୍ୱିତା କରିବେ । ଫିଲ୍ମର ତାଲିକା ଆନେକ୍ସର (ସଂଲଗ୍ନ ପତ୍ର) ରେ ପ୍ରଦାନ କରାଯାଇଛି ଏବଂ ସେଗୁଡ଼ିକର ବିବରଣୀ ଆଇଏଫ୍‌ଏଫ୍‌ଆଇର ଅଫିସିଆଲ ୱେବସାଇଟରେ ଅପଲୋଡ କରାଯାଉଛି ।

ଅନ୍ତର୍ଜାତୀୟ ଜୁରି - ପ୍ରଖ୍ୟାତ ଭାରତୀୟ ଚଳଚ୍ଚିତ୍ର ନିର୍ମାତା ଏବଂ ଅଭିନେତା ଶ୍ରୀ ଶେଖର କପୁର (ଅଧ୍ୟକ୍ଷ), ପୁରସ୍କାରପ୍ରାପ୍ତ ସ୍ପେନିଶ ସିନେମାଟୋଗ୍ରାଫର ଜୋସ୍ ଲୁଇସ୍ ଆଲକେନ୍‌, ମାର୍ଚ ଡୁ କାନ୍ସର ବିଶିଷ୍ଟ ପୂର୍ବତନ ମୁଖ୍ୟ ଜେରୋମ୍ ପାଇଲାର୍ଡ, ଫ୍ରାନ୍ସର ପ୍ରଖ୍ୟାତ ଚଳଚ୍ଚିତ୍ର ପ୍ରଯୋଜକ କ୍ୟାଥରିନ୍ ଡୁସାର୍ଟ; ଅଷ୍ଟ୍ରେଲିଆର ଜଣାଶୁଣା ଚଳଚ୍ଚିତ୍ର ନିର୍ମାତା ହେଲେନ୍ ଲିକ୍ ।

ଫେଷ୍ଟିଭାଲ କାଲିଡୋସ୍କୋପ୍ - ଚଳିତ ବର୍ଷ ସମ୍ମାନଜନକ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବର ଶ୍ରେଷ୍ଠ ପୁରସ୍କାର ପାଇଥିବା ଚଳଚ୍ଚିତ୍ର ଆଇଏଫ୍‌ଏଫ୍‌ଆଇ କାଲିଡୋସ୍କୋପ୍‌ରେ ସ୍ଥାନ ପାଇଛି । ୧୯ ଟି ଚଳଚ୍ଚିତ୍ର କାନ୍ସ, ଭେନିସ୍‌, ସାଓ ପାଓଲୋ, ରୋଟରଡାମ୍‌, ସାନ୍ତା ବାର୍ବରା, ଷ୍ଟକହୋମ୍ ଇତ୍ୟାଦି ମହୋତ୍ସବରୁ ଆସିଛି ।

ସିନେମା ଅଫ୍ ଦି ୱାର୍ଲ୍ଡ ବିଭାଗରେ ଏଣ୍ଟ୍ରି ମାଧ୍ୟମରେ ୧୦୩ଟି ଚଳଚ୍ଚିତ୍ର ରହିଛି, ଯାହାର ସଂଖ୍ୟାରେ ଗତ ବର୍ଷଗୁଡିକ (୭୭) ଠାରୁ ଏକ ଗୁରୁତ୍ୱପୂର୍ଣ୍ଣ ଅଗ୍ରଗତି ଘଟିଛି, ଯାହା ସମଗ୍ର ବିଶ୍ୱର ସିନେମା ଗୁଡ଼ିକର ସୌନ୍ଦର୍ଯ୍ୟ ଏବଂ ବର୍ଣ୍ଣନାର ଚମତ୍କାର ବିବିଧତାକୁ ପ୍ରଦର୍ଶିତ କରିଥାଏ ।

ଏକ ଡକ୍ୟୁ - ମୋଣ୍ଟେଜ ସେକ୍ସନ ପ୍ରଚଳନ କରାଯାଇଥିଲା ଯେଉଁଥିରେ ସାରା ବିଶ୍ୱର ଆକର୍ଷଣୀୟ ଡକ୍ୟୁମେଣ୍ଟାରୀର ମୋଜାଇକ୍ ରହିଥିଲା ।

ଆନିମେସନ୍ ବିଭାଗ : ଏହି ମହୋତ୍ସବର ଆନିମେସନ୍ ବିଭାଗକୁ ଅନ୍ତର୍ଜାତୀୟ ଏବଂ ଭାରତୀୟ ଆନିମେସନ୍ ଚଳଚ୍ଚିତ୍ର ଗୁଡ଼ିକୁ କ୍ୟୁରେଟ୍ କରିବା ପାଇଁ ସମ୍ପ୍ରସାରିତ କରାଯାଇଛି, ଯେଉଁଥିରେ ପୋଲାଣ୍ଡର ଅଫିସିଆଲ୍ ଓସ୍କାର ଏଣ୍ଟ୍ରି - ଦ ପିଜାଂଟସ (ନିର୍ଦ୍ଦେଶକ : ଡିକେ ୱେଲ୍ସମ୍ୟାନ୍‌, ହ୍ୟୁ େଓଲ୍ସମ୍ୟାନ୍‌) ସମେତ ସୌନ୍ଦର୍ଯ୍ୟପୂର୍ଣ୍ଣ ଭାବରେ ଚମତ୍କାର ଏବଂ ବର୍ଣ୍ଣନାତ୍ମକ ଭାବରେ ଉଲ୍ଲେଖନୀୟ ଆନିମେଟେଡ୍ ଚଳଚ୍ଚିତ୍ରର ଏକ ବିସ୍ତୃତ ଶୃଙ୍ଖଳା ରହିଛି, ଯେଉଁଥିରେ ଭାରତୀୟ ଆନିମେସନ୍ ଚଳଚ୍ଚିତ୍ର ମଧ୍ୟ ଅନ୍ତର୍ଭୁକ୍ତ । 

ରିଷ୍ଟୋର୍‌ଡ କ୍ଲାସିକ୍ ବିଭାଗରେ ଜାତୀୟ ଚଳଚ୍ଚିତ୍ର ଐତିହ୍ୟ ମିଶନ (ଏନ୍‌ଏଫ୍‌ଏଚ୍‌ଏମ୍‌) ଅଧୀନରେ ଏନ୍‌ଏଫ୍‌ଡିସି - ଏନ୍‌ଏଫ୍‌ଏଆଇ ଦ୍ୱାରା ବିଶ୍ୱସ୍ତରରେ ପୁନରୁଦ୍ଧାର କରାଯାଇଥିବା ୭ଟି ବିଶ୍ୱସ୍ତରୀୟ ପ୍ରିମିୟରକୁ ଭାରତୀୟ କ୍ଲାସିକ୍ସର କ୍ଷତିଗ୍ରସ୍ତ ସେଲୁଲାଇଡ୍ ରିଲ୍ସରୁ ଅନ୍ତର୍ଭୁକ୍ତ କରାଯାଇଛି -

ବିଦ୍ୟାପତି (୧୯୩୭) ବଙ୍ଗଳା ନିର୍ଦ୍ଦେଶକ : ଦେବକୀ ବୋଷ

ଶ୍ୟାମଚି ଆଇ (୧୯୫୩), ମରାଠୀ, ନିର୍ଦ୍ଦେଶକ : ପି.କେ. ଆତ୍ରେ

ପାତାଳ ଭୈରବୀ (୧୯୫୧), ତେଲୁଗୁ, ନିର୍ଦ୍ଦେଶକ : କେ.ଭି. ରେଡ୍ଡି

ଗାଇଡ୍ (୧୯୬୫), ହିନ୍ଦୀ, ନିର୍ଦ୍ଦେଶକ : ବିଜୟ ଆନନ୍ଦ

ହକିକତ (୧୯୬୪), ହିନ୍ଦୀ, ନିର୍ଦ୍ଦେଶକ : ଚେତନ ଆନନ୍ଦ

କୋରସ୍ (୧୯୭୪) ବଙ୍ଗଳା, ନିର୍ଦ୍ଦେଶକ : ମୃଣାଳ ସେନ

ବିଶ୍ ସାଲ ବାଦ (୧୯୬୨), ହିନ୍ଦୀ, ନିର୍ଦ୍ଦେଶକ : ବୀରେନ ନାଗ

ଏହା ବ୍ୟତୀତ ଏହି ବିଭାଗରେ ୩ଟି ଅନ୍ତର୍ଜାତୀୟ ପୁନରୁଦ୍ଧାର ଚଳଚ୍ଚିତ୍ର ମଧ୍ୟ ପ୍ରଦର୍ଶିତ ହେବ, ଯେଉଁଥିରେ ଭେନିସ୍‌ରୁ ଏକ୍ସୋର୍ସିଷ୍ଟ ଏକ୍ସଟେଣ୍ଡେଡ୍ ଡାଇରେକ୍ଟରଙ୍କ କଟ୍ ଏବଂ ସେର୍ଗେଇ ପାରାଜାନୋଭଙ୍କ \'ଶାଡୋଜ୍ ଅଫ୍ ଫରଗଟନ୍ ଆଙ୍କ୍ସେଷ୍ଟର' ସାମିଲ ରହିଛି ।

ୟୁନେସ୍କୋ ଚଳଚ୍ଚିତ୍ର - ୟୁନେସ୍କୋର ଆଦର୍ଶକୁ ପ୍ରତିଫଳିତ କରୁଥିବା ଚଳଚ୍ଚିତ୍ର : ୭ ଅନ୍ତର୍ଜାତୀୟ + ୩ ଭାରତୀୟ ଚଳଚ୍ଚିତ୍ର । ଫିଲ୍ମର ତାଲିକା ଆନେକ୍ସର (ସଂଲଗ୍ନ ପତ୍ର) ରେ ଦିଆଯାଇଛି ଏବଂ ସେଗୁଡ଼ିକର ବିବରଣୀ ଆଇଏଫ୍‌ଏଫ୍‌ଆଇର ଅଫିସିଆଲ ୱେବ୍‌ସାଇଟରେ ଅପଲୋଡ କରାଯାଉଛି ।

ସୁଗମ୍ୟ ଚଳଚ୍ଚିତ୍ର - ୫୪ତମ ଆଇଏଫ୍‌ଏଫ୍‌ଆଇରେ ଦିବ୍ୟାଙ୍ଗ ମହୋତ୍ସବ ପ୍ରତିନିଧିମାନେ ଯେପରି ସମସ୍ତ ସ୍କ୍ରିନିଂ ଏବଂ ଅନ୍ୟାନ୍ୟ ସ୍ଥାନକୁ ପ୍ରବେଶ କରିପାରିବେ ସେଥିପାଇଁ ସୁବିଧା ରହିବ । ଏହି ଉତ୍ସବକୁ ସମସ୍ତଙ୍କ ପାଇଁ ଏକ ସମାବେଶୀ ଏବଂ ଉପଲବ୍ଧ ମାଧ୍ୟମରେ ପରିଣତ କରିବା ଅନ୍ତର୍ଭୁକ୍ତିକରଣ ଦିଗରେ ନିଆଯାଇଥିବା ଏକ ପଦକ୍ଷେପ ।

ଭିନ୍ନକ୍ଷମ ପ୍ରତିନିଧି

 ଦୃଷ୍ଟିହୀନଙ୍କ ପାଇଁ : ଏମ୍ବେଡେଡ୍ ଅଡିଓ ବର୍ଣ୍ଣନା ଥିବା ଚଳଚ୍ଚିତ୍ର - ସିର୍ଫ ଏକ ବନ୍ଦା କାଫି ହୈ ଏବଂ ଶେରଶାହା

 ଶ୍ରୁତିବାଧିତ ମାନଙ୍କ ପାଇଁ : ଏମ୍ବେଡେଡ୍ ସାଙ୍କେତିକ ଭାଷା ଥିବା ଚଳଚ୍ଚିତ୍ର - ୮୩ ଏବଂ ଭାଗ ମିଲ୍‌ଖା ଭାଗ

ଏକାଧିକ ଭାଷାରେ ଡବିଂ - ଅନେକ ଭାରତୀୟ ପାନୋରାମା ଫିଲ୍ମକୁ "ସ୍ମାର୍ଟଫୋନ୍ ଏବଂ ଇୟରଫୋନ୍‌" ବ୍ୟବହାର କରି ପସନ୍ଦର ଭାଷାରେ ଡବିଂ ସହିତ ଦେଖିବା ପାଇଁ ଉପଲବ୍ଧ ହେବ । ଏଥିପାଇଁ ଆଇଏଫ୍‌ଏଫ୍ ଆଇ 'ସିନେଡ୍ୟୁବ୍ସ' ଆପ୍ ସହ ଭାଗିଦାରୀ କରିଛି, ଯାହାକୁ ମାଗଣାରେ ଉପଲବ୍ଧ କରାଯିବ । ସିନେମାଟି ଯେଉଁ ଭାଷାରେ ଥିଏଟରରେ ପ୍ରଦର୍ଶିତ ହେଉଛି, ସେହି ଭାଷା ବ୍ୟତୀତ ଆପ୍ ଜରିଆରେ ଅନେକ ଡବ୍ ଉପଲବ୍ଧ ହେବ ।

ଆଇଏଫ୍‌ଏଫ୍‌ଆଇର ଅନ୍ତର୍ଜାତୀୟ କାର୍ଯ୍ୟକ୍ରମରେ ୪୦ରୁ ଅଧିକ ମହିଳା ଚଳଚ୍ଚିତ୍ର ନିର୍ମାତା ମାନଙ୍କ ଫିଚର ଫିଲ୍ମ ।

୭ । ମାଷ୍ଟର କ୍ଲାସ ଏବଂ ଇନ - କନଭର୍ସେସନ୍ ଅଧିବେଶନ - ବିଶିଷ୍ଟ ଚଳଚ୍ଚିତ୍ର ନିର୍ମାତା, ସିନେମାଟୋଗ୍ରାଫର ଏବଂ ଅଭିନେତା ମାନଙ୍କ ସହିତ ୨୦ରୁ ଅଧିକ 'ମାଷ୍ଟରକ୍ଲାସ୍‌' ଏବଂ 'ଇନ୍ କନଭର୍ସେସନ୍‌' ଅଧିବେଶନ ସହିତ ଏହା ଏକ ରୋମାଞ୍ଚକର ସପ୍ତାହ ହେବ ବୋଲି ପ୍ରତିଶ୍ରୁତି ଦିଆଯାଇଛି । ଗୋଆର ପଞ୍ଜିମ୍‌ସ୍ଥିତ ଫେଷ୍ଟିଭାଲ୍ ମାଇଲ୍‌ରେ ନବୀକରଣ ହୋଇଥିବା କଳା ଏକାଡେମୀରେ ଏହାକୁ ଖୋଲାଯିବ । ମାଇକେଲ ଡଗ୍‌ଲାସ୍‌, ବ୍ରେଣ୍ଡନ ଗାଲଭିନ, ବ୍ରିଲାଣ୍ଟେ ମେଣ୍ଡୋଜା, ସନ୍ନି ଦେଓଲ, ରାଣୀ ମୁଖାର୍ଜୀ, ବିଦ୍ୟା ବାଲାନ, ଜନ୍ ଗୋଲ୍ଡୱାଟର, ବିଜୟ ସେତୁପତି, ସାରା ଅଲ୍ଲୀ ଖାନ, ପଙ୍କଜ ତ୍ରିପାଠୀ, ନୱାଜୁଦ୍ଦିନ ସିଦ୍ଦିକି, କେ. କେ. ମେନନ, କରଣ ଜୋହର, ମଧୁର ଭଣ୍ଡାରକର, ମନୋଜ ବାଜପେୟୀ, କାର୍ତ୍ତିକୀ ଗନସାଲଭସ୍‌୍‌, ବୋନି କପୁର, ଅଲ୍ଲୁ ଅରବିନ୍ଦ, ଥିଓଡୋର ଗ୍ଲୁକ୍‌, ଗୁଲସନ ଗ୍ରୋଭର ଏବଂ ଏହି ତାଲିକାରେ ଅନେକ ଜାତୀୟ ଓ ଅନ୍ତର୍ଜାତୀୟ ତାରକା ରହିଛନ୍ତି ।

୮ । ଗାଲା ପ୍ରିମିୟର - ଗତବର୍ଷ ଆରମ୍ଭ ହୋଇଥିବା ଗାଲା ପ୍ରିମିୟରକୁ ସମ୍ପ୍ରସାରଣ କରାଯାଉଛି । ଆଇଏଫ୍‌ଏଫ୍‌ଆଇରେ ଏହି ଫିଲ୍ମ ପ୍ରିମିୟରରେ ସେମାନଙ୍କର କଳାକାର ଏବଂ ପ୍ରତିଭାମାନେ ସେମାନଙ୍କ ଫିଲ୍ମର ପ୍ରମୋସନ ପାଇଁ ଆଇଏଫ୍‌ଏଫ୍‌ଆଇର ରେଡ କାର୍ପେଟରେ ଚାଲିବେ ।

୯ । ଭର୍ଚୁଆଲ ଆଇଏଫ୍‌ଏଫ୍‌ଆଇ - ମାଷ୍ଟରକ୍ଲାସ, ବାର୍ତ୍ତାଳାପ ଅଧିବେଶନରେ, ପ୍ୟାନେଲ୍ ଆଲୋଚନା ଏବଂ ଆଇଏଫ୍‌ଏଫ୍‌ଆଇର ୫୪ତମ ସଂସ୍କରଣର ଉଦ୍‌ଘାଟନୀ / ସମାପନୀ ସମାରୋହ ବୁକ୍ ମାଇଁ ସୋ ଆପ୍ ମାଧ୍ୟମରେ ଅନଲାଇନରେ ଉପଲବ୍ଧ ହେବ । ପଞ୍ଜୀକରଣ ନାମମାତ୍ର ରଖାଯିବ ।

୧୦ । ଫିଲ୍ମ ବଜାର : ଆଇଏଫ୍‌ଏଫ୍‌ଆଇ ହେଉଛି "ବିଶ୍ୱ ସିନେମାର ଉତ୍ସବ" । ଏହା ସହିତ "ସିନେମାର ବ୍ୟବସାୟ" ପାଇଁ ଏନଏଫ୍‌ଡିସି ପକ୍ଷରୁ ଏକ ଫିଲ୍ମ ବଜାରର ଆୟୋଜନ କରାଯାଇଛି । ଆଇଏଫ୍‌ଏଫ୍‌ଆଇର ଫିଲ୍ମ ବଜାର ଦକ୍ଷିଣ ଏସିଆର ସବୁଠାରୁ ବଡ ବିଶ୍ୱ ଚଳଚ୍ଚିତ୍ର ବଜାରରେ ବିକଶିତ ହୋଇଛି । ଏହା ସମ୍ଭାବ୍ୟ ସୃଜନଶୀଳ ଏବଂ ଆର୍ôଥକ ସହଯୋଗ ପାଇଁ ଅନ୍ତର୍ଜାତୀୟ ଚଳଚ୍ଚିତ୍ର ନିର୍ମାତା, ପ୍ରଯୋଜକ, ବିକ୍ରୟ ଏଜେଣ୍ଟ ଏବଂ ମହୋତ୍ସବ ପ୍ରୋଗ୍ରାମର ମାନଙ୍କ ପାଇଁ ଏକ ଉପଯୁକ୍ତ ପାରିବେଶିକ ବ୍ୟବସ୍ଥା ଭାବରେ କାର୍ଯ୍ୟ କରେ । ଏହି "୧୭ତମ ଏନ୍‌ଏଫ୍‌ଡିସି ଫିଲ୍ମ ବଜାର" ଏହାର ପରିସରକୁ ବିସ୍ତାର କରିବ -

ଫିଲ୍ମ ବଜାରରେ ମଣ୍ଡପ ଓ ଷ୍ଟଲ -

ଭିଏଫ୍‌ଏକ୍ସ ଏବଂ ଟେକ୍ ପ୍ୟାଭିଲିୟନ୍ - ଏକ ନବନିର୍ମିତ "ଭିଏଫଏକ୍ସ ଏବଂ ଟେକ୍ ପ୍ୟାଭିଲିୟନ୍‌" କୁ ଫିଲ୍ମ ବଜାରରେ ସଂଯୁକ୍ତ କରାଯାଇଛି, ଯାହା ସମୁଦ୍ର ଆଡକୁ ମୁହଁ କରି ରାସ୍ତା କଡ଼ରେ ରଖାଯିବ । ଏହା ଚଳଚ୍ଚିତ୍ର ନିର୍ମାତା ମାନଙ୍କୁ ଅତ୍ୟାଧୁନିକ ଉଦ୍ଭାବନ ବିଷୟରେ ସଚେତନ କରାଇବ, କେବଳ "ଟେକିଂ ଦ ସଟ୍‌" ର ପାରମ୍ପରିକ ପଦ୍ଧତି ନୁହେଁ, ବରଂ ଅସୀମ ସମ୍ଭାବନା ସହିତ "କ୍ରିଏଟିଂ ଦ ସଟ୍‌" ମାଧ୍ୟମରେ କାହାଣୀର ସମ୍ଭାବନାକୁ ଅନୁସନ୍ଧାନ କରିବ ।

 ଅନ୍ତର୍ଜାତୀୟ ଚଳଚ୍ଚିତ୍ର ଆୟୋଗ ଏବଂ ଭାରତୀୟ ରାଜ୍ୟ ଗୁଡ଼ିକର ଅନେକ ଷ୍ଟଲ୍ ସେମାନଙ୍କ ସ୍ଥାନ ଏବଂ ପ୍ରୋତ୍ସାହନ ଯୋଜନାର ପ୍ରଚାର ପ୍ରସାର ପାଇଁ ରହିବ ।

 ଚଳଚ୍ଚିତ୍ର ସମ୍ବନ୍ଧୀୟ ପ୍ରଡକ୍ସନ ହାଉସ୍‌, ଅନୁଷ୍ଠାନ, ସଂଘ ଇତ୍ୟାଦିର ଅନେକ ଷ୍ଟଲ୍ ।

ଡକ୍ୟୁମେଣ୍ଟାରୀ ଏବଂ ଅଣ - ଫିଚର ପ୍ରକଳ୍ପ /ଚଳଚ୍ଚିତ୍ରର ପରିଚୟ

ଚଳଚ୍ଚିତ୍ର ନିର୍ମାଣ ଏବଂ ବିତରଣର ଗୁରୁତ୍ୱପୂର୍ଣ୍ଣ ଦିଗ ସହିତ ମନୋନୀତ ଚଳଚ୍ଚିତ୍ର ନିର୍ମାତା, ଦେଶ ଏବଂ ରାଜ୍ୟ ଗୁଡ଼ିକର ପିଚିଂ ଅଧିବେଶନକୁ ଅନ୍ତର୍ଭୁକ୍ତ କରିବା ପାଇଁ "ନଲେଜ୍ ସିରିଜ୍‌" ପ୍ରସ୍ତୁତ କରାଯାଇଥିଲା ।

ଗତବର୍ଷ ଆରମ୍ଭ ହୋଇଥିବା 'ବୁକ୍ ଟୁ ବକ୍ସ ଅଫିସ୍‌' ବିଭାଗ 'ଦ ଷ୍ଟୋରୀ ଇଙ୍କ୍ ' ସହ ଭାଗିଦାରୀ କରି ସୃଜନଶୀଳ ଲେଖକ ମାନଙ୍କୁ ସେମାନଙ୍କ ରଚନା ଦାଖଲ କରିବା ପାଇଁ ଏକ ପ୍ଲାଟଫର୍ମ ପ୍ରଦାନ କରିବ ଏବଂ ଏହି କାହାଣୀ ଗୁଡ଼ିକୁ ପ୍ରଯୋଜକ ଏବଂ ପ୍ଲାଟଫର୍ମର ମୁଖ୍ୟଙ୍କ ନିକଟରେ ପରିଚିତ କରାଇବ ।

ମୋଟ ଉପରେ ଚଳିତ ବର୍ଷ ଫିଲ୍ମ ବଜାରର ୧୭ତମ ସଂସ୍କରଣରେ ୩୦୦ରୁ ଅଧିକ ଅନ୍ତର୍ଜାତୀୟ ଚଳଚ୍ଚିତ୍ର ପ୍ରକଳ୍ପ ନିର୍ମାଣ, ବିତରଣ କିମ୍ବା ବିକ୍ରୟ ପାଇଁ ପ୍ରଦର୍ଶିତ ହେବ ।

୬ । ୭୫ କ୍ରିଏଟିଭ୍ ମାଇଣ୍ଡସ୍ ଅଫ୍ ଟୁମରୋ (ସିଏମ୍ ଓଟି): ମାନ୍ୟବର ସୂଚନା ଓ ପ୍ରସାରଣ ମନ୍ତ୍ରୀ ଅନୁରାଗ ସିଂହ ଠାକୁରଙ୍କର ମାନସ ସନ୍ତାନ ୭୫ କ୍ରିଏଟିଭ୍ ମାଇଣ୍ଡସ୍ ଅଫ୍ ଟୁମରୋ , ପଦକ୍ଷେପର ଉଦ୍ଦେଶ୍ୟ ଚଳଚ୍ଚିତ୍ର ନିର୍ମାଣର ବିଭିନ୍ନ ବ୍ୟବସାୟରୁ ଯୁବ ସୃଜନଶୀଳ ପ୍ରତିଭାମାନଙ୍କୁ ଚିହ୍ନଟ କରିବା, ଉତ୍ସାହିତ କରିବା ଏବଂ ପ୍ରୋତ୍ସାହିତ କରିବା । ସର୍ଟସ ଟିଭି ହେଉଛି ଧାର୍ମିକ ପ୍ରୋଗ୍ରାମିଂ ପାର୍ଟନର, ଯାହା ଟିଭି, ମୋବାଇଲ, ଅନଲାଇନ ଏବଂ ଥିଏଟରରେ ଉପଲବ୍ଧ ଉଚ୍ଚ ଗୁଣବତ୍ତା ବିଶିଷ୍ଟ କ୍ଷୁଦ୍ର ଚଳଚ୍ଚିତ୍ର ଏବଂ ଧାରାବାହିକର ବିଶ୍ୱର ସର୍ବବୃହତ ତାଲିକା । ଏହି ଚୟନିତ 'ସୃଜନଶୀଳ ମସ୍ତିଷ୍କ' କୁ 'ଫିଲ୍ମ ଚ୍ୟାଲେଞ୍ଜ' ପାଇଁ ୫ଟି ଦଳରେ ବିଭକ୍ତ କରାଯାଇଛି , ଯେଉଁମାନେ ୪୮ ଘଣ୍ଟାରେ ଗୋଟିଏ ଲେଖାଏଁ କ୍ଷୁଦ୍ର ଚଳଚ୍ଚିତ୍ର ନିର୍ମାଣ କରିବେ । ଚଳିତ ବର୍ଷ ପ୍ରାର୍ଥୀମାନେ ବିଶେଷ କରି ସିନେମାର ମାଷ୍ଟରଙ୍କ ଦ୍ୱାରା ପରିଚାଳିତ ବୃତ୍ତିଗତ କ୍ଲାସ କରିବେ ଏବଂ ନିଯୁକ୍ତି ପାଇଁ ୨୦ରୁ ଅଧିକ ଅଗ୍ରଣୀ କମ୍ପାନୀ ସହିତ ଏକ "ପ୍ରତିଭା ଶିବିର" ଆୟୋଜନ କରାଯିବ ।

୭ । ଆଇଏଫ୍‌ଏଫ୍ ଆଇ ସିନେ - ମେଳା: ଆଇଏଫ୍‌ଏଫ୍‌ଆଇ କେବଳ ସିନେମା ଉତ୍କର୍ଷତାର ପ୍ରଦର୍ଶନ ନୁହେଁ ବରଂ ସାଂସ୍କୃତିକ ବିବିଧତାର ଏକ ଉତ୍ସବ । ଚଳିତ ବର୍ଷ, ଆଇଏଫ୍‌ଏଫ୍‌ଆଇ ସିନେ - ମେଳା ସିନେମା ଉତ୍ସବରେ ଏକ ଚମତ୍କାର ସଂଯୋଜନ ହେବ, ଯେଉଁଠାରେ ଆଇଏଫ୍‌ଏଫ୍‌ଆଇର ଅଂଶଗ୍ରହଣକାରୀ ଏବଂ ଏପରିକି ଆଇଏଫ୍‌ଏଫ୍‌ଆଇ ପାଇଁ ପଞ୍ଜୀକୃତ ହୋଇନଥିବା ସ୍ଥାନୀୟ ଏବଂ ପର୍ଯ୍ୟଟକମାନେ ମଧ୍ୟ ସିନେମା, କଳା, ସଂସ୍କୃତି, କାରିଗରୀ, ଖାଦ୍ୟ ଇତ୍ୟାଦିର ଯାଦୁ ପାଳନ କରିବା ସହିତ ଆକର୍ଷଣୀୟ କାର୍ଯ୍ୟକଳାପ ଉପଭୋଗ କରିପାରିବେ ।

୮ । ଅନ୍ୟାନ୍ୟ ଆକର୍ଷଣ : ଓପନ୍ ଏୟାର ସ୍କ୍ରିନିଂ, କାରାଭାନ୍‌, ଶିଗମୋତ୍ସବ, ଗୋଆ କାର୍ନିଭାଲ୍‌, ସେଲ୍ଫି ପଏଣ୍ଟ୍‌, ଆଇଏଫ୍‌ଏଫ୍‌ଆଇ ମାର୍କେଣ୍ଡାଇଜ୍ ଇତ୍ୟାଦି, ଯାହା ଦ୍ୱାରା ଆଇଏଫ୍‌ଏଫ୍‌ଆଇକୁ ବିଶ୍ୱ ପାଇଁ ଭାରତର ଅନ୍ୟତମ ବୃହତ୍ତମ ସାଂସ୍କୃତିକ କାର୍ଯ୍ୟକ୍ରମ ଭାବେ ବିକଶିତ କରାଯାଇପାରିବ ।

୯ । ଫେଷ୍ଟିଭାଲ ଭେନ୍ୟୁର ବ୍ରାଣ୍ଡିଂ ଏବଂ ଡେକୋର୍ ଅଫ୍ ଫେଷ୍ଟିଭାଲ ଭେନ୍ୟୁ - ଏନ୍‌ଏଫ୍‌ଡିସି ଏବଂ ଇଏସ୍‌ଜି ଫେଷ୍ଟିଭାଲ ଭେନ୍ୟୁର ସମ୍ପୂର୍ଣ୍ଣ ସାଜସଜ୍ଜା ଏବଂ ବ୍ରାଣ୍ଡିଂ ପାଇଁ ଅହମ୍ମଦାବାଦର ଏନ୍‌ଆଇଡି ସହିତ ଭାଗିଦାରୀ କରିଛନ୍ତି ।

୧୦ । ଭାରତର ସଂସ୍କୃତିକୁ ପାଳନ କରିବା (୫ ଦିନ) – ଚଳଚ୍ଚିତ୍ର ସ୍କ୍ରିନିଂ, ଗାଲା ପ୍ରିମିୟର ଏବଂ ଭ୍ରମଣକାରୀ ଚଳଚ୍ଚିତ୍ର ପ୍ରତିଭାମାନଙ୍କୁ ସେମାନଙ୍କ ଅଞ୍ଚଳ ପ୍ରଦର୍ଶନ କରିବା ପାଇଁ ସଂଗଠିତ କରିବା ।

: ପୂର୍ବ : ବଙ୍ଗଳା, ଓଡ଼ିଆ, ଆସାମୀ, ମଣିପୁରୀ ଓ ଉତ୍ତର ପୂର୍ବ ଉପଭାଷା

: ଦକ୍ଷିଣ ୧: ତାମିଲ ଓ ମାଲାୟାଲମ

: ଉତ୍ତର : ପଞ୍ଜାବୀ, ଡୋଗରୀ, ଭୋଜପୁରୀ, ରାଜସ୍ଥାନୀ, ଉର୍ଦ୍ଦୁ, ଛତିଶଗଡ଼ୀ

: ପଶ୍ଚିମ : କୋଙ୍କଣୀ, ମରାଠୀ, ଗୁଜରାଟୀ

 : ଦକ୍ଷିଣ ୨: କନ୍ନଡ ଓ ତେଲୁଗୁ

୧୧. ଆଇଏଫଏଫଆଇ https://iffigoa.org/. ର ଅଫିସିଆଲ ୱେବସାଇଟରେ ଦୈନିକ ଘୋଷଣା ଏବଂ ଅପଡେଟ୍ ଦେଖିବାକୁ ମିଳିବ । 

୧୨. ଜାତୀୟ ଚଳଚ୍ଚିତ୍ର ଉନ୍ନୟନ ନିଗମ (ଏନ୍‌ଏଫ୍‌ଡିସି) ଜରିଆରେ ଭାରତ ସରକାରଙ୍କ ସୂଚନା ଓ ପ୍ରସାରଣ ମନ୍ତ୍ରଣାଳୟ ଏହାର ମନୋରଞ୍ଜନ ସୋସାଇଟି ଅଫ୍ ଗୋଆ (ଇଏସଜି) ଜରିଆରେ ଗୋଆ ରାଜ୍ୟ ସରକାରଙ୍କ ସହ ମିଳିତ ଭାବେ ୨୦ରୁ ୨୮ ନଭେମ୍ବର ୨୦୨୨ ପର୍ଯ୍ୟନ୍ତ ଗୋଆଠାରେ ୫୪ତମ ଅନ୍ତର୍ଜାତୀୟ ଚଳଚ୍ଚିତ୍ର ମହୋତ୍ସବ (ଆଇଏଫ୍‌ଏଫ୍‌ଆଇ)' ଆୟୋଜନ କରୁଛି । ୧୩. ଆଇଏଫ୍‌ଏଫ୍‌ଆଇ ବିଶ୍ୱର ୧୪ଟି ବୃହତ୍ତମ ଏବଂ ସମ୍ମାନଜନକ 'ଅନ୍ତର୍ଜାତୀୟ ପ୍ରତିଯୋଗିତା ଫିଚର ଫିଲ୍ମ ଫେଷ୍ଟିଭାଲ' ମଧ୍ୟରୁ ଅନ୍ୟତମ ଯାହା ବିଶ୍ୱସ୍ତରରେ ଚଳଚ୍ଚିତ୍ର ମହୋତ୍ସବ ପରିଚାଳନା କରୁଥିବା ଅନ୍ତର୍ଜାତୀୟ ସଂସ୍ଥା ଇଣ୍ଟରନ୍ୟାସନାଲ ଫେଡେରେସନ୍ ଅଫ୍ ଫିଲ୍ମ ପ୍ରଡ୍ୟୁସର୍ସ ଆସୋସିଏସନ୍ (ଏଫ୍‌ଆଇଏପିଏଫ) ଦ୍ୱାରା ସ୍ୱୀକୃତିପ୍ରାପ୍ତ । ଆନ୍ତର୍ଜାତିକ ଚଳଚ୍ଚିତ୍ର ମହୋତ୍ସବ ଯଥା କାନ୍ସ, ବର୍ଲିନ୍ ଏବଂ ଭେନିସ୍ ହେଉଛି ଅନ୍ୟ ପ୍ରତିଷ୍ଠିତ ଉତ୍ସବ, ଯାହା ଏହି ଶ୍ରେଣୀ ଅଧୀନରେ ଏଫ୍‌ଆଇଏପିଏଫ୍ ଦ୍ୱାରା ସ୍ୱୀକୃତିପ୍ରାପ୍ତ ।

୧୪. ଏହି ବାର୍ଷିକ ସିନେମା ମହୋତ୍ସବ ବର୍ଷ ବର୍ଷ ଧରି ବିଶ୍ୱ ଏବଂ ଭାରତୀୟ ସିନେମାର ଶ୍ରେଷ୍ଠ ସ୍ଥାନରେ ରହିଛି ଯେଉଁଥିରେ ଭାରତର ଚଳଚ୍ଚିତ୍ର ଜଗତ ତଥା ବିଶ୍ୱର ପ୍ରତିଷ୍ଠିତ ବ୍ୟକ୍ତିମାନେ ପ୍ରତିନିଧି, ଅତିଥି ଏବଂ ବକ୍ତା ଭାବରେ ଯୋଗ ଦେଇଥାନ୍ତି ।

Annexure

54TH IFFI 2023

FILM LIST – COMPETITIONS

INTERNATIONAL COMPETITION (IC) – 15 Films

Andragogy | Dir: Wregas Bhanuteja | Indonesia | 2023 | Indonesian | 110' | IC

Blaga’s Lessons | Dir: Stephan Komandarev | Bulgaria, Germany | 2023 | Bulgarian | 114' | IC

Bosnian Pot | Dir: Pavo Marinković | Croatia | 2023 | Croatian, German | 103' | IC

Endless Borders | Dir: Abbas Amini | Iran, Islamic Republic Of | 2023 | Persian | 111' | IC

Hoffman's Fairy Tales | Dir: Tina Barkalaya | Russian Federation | 2023 | Russian | 88' | IC

Lubo | Dir: Giorgio Diritti | Italy, Switzerland | 2023 | Italian, Swiss German, Jenisch | 181' | IC

Measures Of Men | Dir: Lars Kraume | Germany | 2023 | German | 116' | IC

Party Of Fools | Dir: Arnaud Des Pallières | France | 2023 | French | 122' | IC

The Other Widow | Dir: Ma'Ayan Rypp | Israel | 2022 | Hebrew | 83' | IC

Woman Of | Dir: Małgorzata Szumowska, Michał Englert | Poland | 2023 | Polish | 132' | IC

Asog | Dir: Seán‌ ‌Devlin | Canada | 2023 | Other, Tagalog | 99' | IC

Die Before Death | Dir: Ahmed Imamovic | Bosnia And Herzegovina | 2023 | Bosnian | 94' | IC

Kantara | Dir: Rishab Shetty | India | 2022 | Kannada | 150‘ | IC

Sanaa | Dir: Sudhanshu Saria | India | 2023 | Hindi | 119’ | IC

Mirbeen | Dir: Mridul Gupta | India | 2022 | Karbi | 89’ | IC

BEST DEBUT FEATURE FILM OF A DIRECTOR AWARD (BD) – 7 Films

Almost Entirely A Slight Disaster | Dir: Umut Subaşı | Turkey | 2023 | English, Turkish | 88' | BD

Let Me Go | Dir: Maxime Rappaz | Switzerland | 2023 | French | 92' | BD

Ocarina | Dir: Alban Zogjani | Albania | 2023 | Albanian, English | 92' | BD

Sleep | Dir: Jason Yu | South Korea | 2023 | Korean | 95' | BD

When The Seedlings Grow | Dir: Rêger Azad Kaya | Syrian Arab Republic | 2022 | Arabic, Kurdish | 83' | BD

Dhai Aakhar | Dir: Parveen Arora | India | 2023 | Hindi | 98 ' | BD

Iratta | Dir: Rohit M.G. Krishnan | India | 2023 | Malayalam | 112 ' | BD

ICFT UNESCO GANDHI MEDAL AWARD – 10 Films

A House In Jerusalem | Dir: Muayad Alayan | Palestine, UK, Germany, Netherlands, Qatar | 2022 | English, Arabic, Hebrew | 103' | ICFT UNESCO

Citizen Saint Dir: Tinatin Kajrishvili | Georgia | 2023 | Georgian | 100' | ICFT UNESCO

Drift | Dir: Anthony Chen | UK, France, Greece | 2023 | English, Greek | 93' | ICFT UNESCO

It’s Sira | Dir: Apolline Traoré | Burkina Faso, France, Germany, Senegal | 2023 | French, Fula | 122' | ICFT UNESCO

Kalev | Dir: Ove Musting | Estonia | 2022 | Estonian, Russian | 94' | ICFT UNESCO

The Prize! | Dir: Paul Fauzan Agusta | Indonesia | 2022 | Indonesian | 96' | ICFT UNESCO

The Sugar Experiment | Dir: John Tornblad | Sweden | 2022 | Swedish | 91' | ICFT UNESCO

Mandali | Dir: Rakesh Chaturvadi Om | India | 2023 | Hindi | 118' | ICFT UNESCO

Malikapuram | Dir: Vishnu Sasi Shankar | India | 2022 | Malayalam | 121' | ICFT UNESCO

Rabindra Kabya Rahasya | Dir: Sayantan Ghosan | India | 2023 | Bengali | 115' | ICFT UNESCO

****

SSP