0 3

• Yn pyni 198 tylli ki phlim ha ka bynta International ba kynthup ruh ia ka jingpyni nyngkong ha ka pyrthei ia 13 tylli ki phlim
• Ka ‘Catching Dust’ kan dei ka phlim kaba sdang; ka ‘About Dry Grasses’ kan dei ka phlim ba pyni haba poi ka tamasa sha kaba pdeng bad ka ‘The Featherweight’ kan long ka phlim pynkut
• Yn don 19 tylli ki phlim ha ka IFFI ba la jop ia ki khusnam bapher bapher ha ki international film festival mynta u snem
• 300 tylli ki projek phlim ba pyni mynta u snem ha ka bynta kaba 17 jong ka Film Bazaar na ka bynta ka jingpynmih, ka jingsam bad ka jingdie
• Palat 20 tylli ki bynta ‘Masterclasses’ bad ‘In Conversation’ bad ki nongshna phlim ba pawnam, ki cinematographer bad ki actor

U Myntri Sorkar Pdeng, u Anurag Thakur mynta ka sngi u la pynbna ia ka bynta kaba 54 jong ka International Film Festival ka ban long naduh ka 20 haduh 28 tarik u Naiwieng, 2023 ha Goa. Ha ka jingai jingkren jong u, u Thakur u la ong ba lyngba ka jingdon ha ka kyrdan kaba saw jong ki iew ha ka pyrthei, ki kam media bad kam jingpynbyrnia jong ka India ki long kiba khlain. U la ong ba kane ka iew ka dang kiew katba dang iaid ki snem ha kaba kane ka jingkiew ka long kumba 20% ha kine ki 3 snem ba la dep. Ki phlim ba shna ha India ki dei na baroh ki bynta jong ka ri bad mynta ki la poi sha baroh ki bynta jong ka pyrthei.

U Myntri u la pynbna ruh ba ia ka khusnam Satyajit Ray Lifetime Achievement Award mynta u snem yn ai sha u Michael Douglas, u nongak phlim ba pawnam uba la noh synniang bha sha ki kam shna phlim.

U Thakur u la ong ba ka bynta International jong ka IFFI ka la ioh ka jingkiew kaba lai shah ha ka jingioh ia ki phlim bad kane ka dei ka dak jong ka jingphai khmat ki phlim na kiwei kiwei ki ri sha ka IFFI.

Ha ka jingkren shaphang ki khusnam OTT ba dang shu sdang, u la ong ba naduh ka khlam COVID 19, ki kam OTT ki la kiew bha ha India bad ka jingshna ia ki prokram ha India ka la plie lad ioh kam ia ki hajar ngut ki briew. Namar ki jingkylla kiba man ka por ha kane ka kam bad ka jingkiew kaba long 28% ha ka shi snem, ka tnat ka la sdang ia kane ka khusnam ban pynkup burom ia ki nongpynmih prokram ha ki rynsan OTT. U la ong ba la ioh pdiang 32 tylli ki prokram ha ki 10 tylli ki jait ktien na 15 tylli ki rynsan OTT bad ba kiba jop ia kane ka khusnam kin ioh shiphew lak tyngka.

U Anurag Thakur u la kren shaphang ka jingkiew ki kam startup ha ka ri bad ka jingpeit bniah ka Sorkar ban ai jingkyrshan ia kine ki kam. U la ong ba khnang ban pynkhlain ia ki kam startup ha ki kam shna phlim, bad ban ithuh ia kito kiba tbit ha ka kam kiba wan na ki jaka ba kyndong tam jong ka ri, ngi la sdang ia ka sienjam Creative Minds of Tomorrow. U Myntri u la pyntip ba la ioh pdiang 600 tylli ki nongiashim bynta ha kane ka bynta mynta u snem. Ka jingjied ia ki 75 ngut ki nongjop mynta u snem kan pynlong ba yn don 225 ngut ki nongjop ha ki lai snem.

U Myntri u la batai kyrpang ba baroh ki jaka ba long ka IFFI mynta u snem kin don ki jingpynbiang ia kito kiba don jingduna ha ki dkhot met. Ka jingbatai da ka ktien ia kito kiba duna ka bor iohi, ka sign language ia kito kiba duna jingiohsngew, ka jingpynmih ia ki sur ha ki ktien bapher bapher kan long kum ka dak jong ka jingngeit ha ka Sabka Sath Sabka Vikas.

U Myntri Khynnah, u Dr L Murugan u la ong ba ka IFFI ka dei kawei na ki tamasa ba heh tam ha ka pyrthei kiba iadei bad ki phlim. U la pynbna bad ia ka kynhun ki nongbishar na ki ri bapher bapher yn khlieh duh da u nongshna phlim ba pawnam, u Shekhar Kapur.

Kine harum ki long ki bynta bapher bapher jong ka 54^th International Film Festival of India:

1. Kawei na ki bynta ba kongsan jong ka IFFI ka dei ka khusnam Satyajit Ray Lifetime Achievement Award (SRLTA) kaba ai na ka bynta ka kam kaba khraw ha ka jingpynmih phlim ha ka pyrthei. U Michael Douglas, uba long u nongak phlim bad nongpynmih phlim na Hoollywood, uba long ruh uwei na ki briew kiba pawnam tam ha ki kam pynmih phlim un iadon lang ha ka IFFI ban pdiang ia kane ka khusnam ba donburom bha ha ryngkat ka lok jong u kaba long ka actress ka Catherine Zeta-Jones.

Ha ka jingdon bynta 50 snem ha ki kam shna phlim bad ki kam television, u Michael Douglas u la jop ar tylli ki khusnam Oscars, 5 tylli ki khusnam Golden Globe Awards, kawei ka khusnam Primetime Emmy Award, bad shibun kiwei kiwei ki khusnam. Ha u snem 2023, u la ioh ia ka khusnam Palme d’Or na ka bynta ka lifetime achievement ha ka 76th Festival de Cannes. U la pawnam bha na ka bynta ki kam jong u kum ka jingjop khusnam Academy Award haba u la ak kum u Gordon Gekko ha ka 'Wall Street', ki kam jong u ha ki phlim kum ka Fatal Attraction, The American President, Basic Instinct, Traffic bad Romancing the Stone. U Michael um dei tang u actor hynrei u dei ruh uba pynmih shibun ki phlim. Ki kam jong u ha kane ka bynta ki kynthup ia ki phlim ba iaid iew bha kum ka One Flew Over the Cuckoo's Nest bad The China Syndrome. U Michael Douglas u dei ruh uba noh synniang bha sha kito kiba shem jingeh. U long u dkhot jong ka board ka Nuclear Threat Initiative organization kaba peit ia ka jingpynduna ia ki jingma nuclear bad biological. La thung ia u kum u United Nations Messenger of Peace ha u snem 1998.

2. Yn pyni palat 270 tylli ki phlim ha kane ka tamasa ha 4 tylli ki jaka – INOX Panjim (4), Maquinez Palace(1), INOX Porvorim(4), Z Square Samrat Ashok (2).
3. ‘Ka bynta International’ jong ka 54^th IFFI kan don 198 tylli ki phlim kaba long 18 tylli kham bun ia ka 53^rd IFFI. Yn don 13 tylli ki phlim ba pyni nyngkong ha ka pyrthei, 18 tylli ki phlim ba pyni nyngkong ha ki ri, 62 tylli ki phlim ba pyni nyngkong ha Asia bad 89 tylli ki phlim ba pyni nyngkong ha India. Mynta u snem, ka IFFI ka la ioh pdiang bun tam ki phlim kiba long 2926 tylli na 105 tylli ki ri kaba long ka jingkiew kaba lai shah haba ianujor bad ka jingphah ki phlim nabar ri ha une u snem ba la dep.
4. Ka bynta ‘Indian Panorama’ kan pyni 25 tylli ki phlim feature bad 20 tylli ki phlim non-feature na India. Ka phlim ba sdang kan long ka phlim Malyalam, ka Aattam, bad ha ka bynta non-feature yn pyni nyngkong ia ka Andro Dreams na Manipur.
5. Ka khusnam Best Web Series (OTT): La sdang ia ka khusnam Best Web Series (OTT) Award mynta u snem. Kane ka thmu ban pdiang, pynshlur bad pynkup burom ia ka jingpynmih prokram ha ki rynsan OTT. La ioh pdiang 32 tylli ki prokram ha 10 tylli ki jait ktien na 15 tylli ki rynsan OTT. Yn ai ia ki certificate bad ka buskit kaba T 10 lak ia ki nongjop ia kiba yn pynbna ha ka prokram pynkut.
6. Ka bynta International Film IFFI mynta u snem kan don 8 tylli ki bynta. Ki mat ba kongsan jong ki phlim ki long kumne harum -

• KA PHLIM BA NYNGKONG: Catching Dust | Dir: Stuart Gatt | United Kingdom | (International Premiere) – Kane ka dei ka Drama/ Thriller, ha kaba ki nongak ki long ka, Erin Moriarty, Jai Courtney, Dina Shihabi, Ryan Corr, José Altit, Gary Fannin & Olwen Fouéré. U Stuart Gatt u dei u nongshna phlim na Bilat uba la jop ia ki khusnam bad ki phlim jong u ki don nongrim ha ki kam kiba iadei bad ka imlang sahlang.
• Ka Phlim hapdeng ka tamasa: About Dry Grasses | Dir: Nuri Bilge Ceylan | France | (India Premiere) – Kane ka dei ka Turkish Drama da u director uba pawnam bad uba la jop shibun ki khusnam. Ka phlim jong u ka Winter Sleep (2014) ka la jop ia ka khusnam Palme d'Or ha Cannes Film Festival, katba hynriew tylli ki phlim jong u ki dei kiba la shah jied kum kiba la phah na Turkey na ka bynta ka Academy Award for Best International Feature Film, ba kynthup ruh ia ka ‘About Dry Grasses’. Kane ka phlim ka la don ruh ha ka bynta iakop ha ka Cannes Film Festival mynta u snem. Ka actress ha kane ka phlim ka Merve Dizdar, ka la ioh ia ka khusnam Best Actress na ka bynta ka kam jong ka ha kane ka phlim.
• KA PHLIM PYNKUT: The Featherweight | Dir: Robert Kolodny | United States | (Asia Premiere) – Kane ka dei ka phlim 2023 American biographical sports drama kaba pyni ia ka jinglong pawnam mynta ki por lyngba ka khana jong u nongialehkai ba pawnam, kaba la pyni ha ka rukom “Cinéma verité” (ka cinema kaba pyni ia ka jingshisha). U Robert Kolodny u dei u Director, Nongthoh bad Cinematographer na America uba bun ki sap. Ia kane ka phlim la pyni nyngkong ha ka 80th Venice International Film Festival ha u Nailur, 2023. U Robert u la trei kum u Director of Photography ha shibun tylli ki phlim bad u la shna ruh katto katne tylli ki phlim bad ki documentary kiba la jop khusnam.
• KA BYNTA JINGIAKHUN INTERNATIONAL –15 tylli ki feature phlim (12 na kiwei kiwei ki ri + 3 na India) ki dei kiba la shah jied ban iakop ia ka khusnam Best Film Award, ka Golden Peacock & bad T 40 lak. Ha ryngkat ka Best Film ka kynhun ki nongbishar kin jied ruh ia u best director, best actor (shynrang), best actor (kynthei), bad ruh ka thup special jury prize. Ia ka thup jong ki phlim la ai ha ka Annexure bad ia ki jingtip shaphang jong ki dang upload ha ka website jong ka IFFI.
• BEST FEATURE FILM DEBUT DIRECTOR - 5 na kiwei kiwei ki ri + 2 tylli ki phlim na India kin iakhun ha kane ka bynta ban ioh ia ka Silver Peacock, T 10 lak bad ka certificate. Ia ka thup jong ki phlim la ai ha ka Annexure bad ia ki jingtip shaphang jong ki dang upload ha ka website jong ka IFFI.
• International Jury – U Shekhar Kapur (Chairperson), u nongshna phlim bad actor ka India ba pawnam, Jose Luis Alcaine, u Cinematographer na Spain uba la jop khusnam, Jerome Paillard, u khliehduh ba mynshuwa jong ka Marche du Cannes, Catharine Dussart, ka nongpynmih phlim na France; Helen Leake, nngpynmih phlim na Australia.
• FESTIVAL KALEIDOSCOPE – Ia ki phlim kiba jop khusnam ha ki international film festival mynta u snem la lum lang ha ka IFFI Kaleidoscope. 19 tylli ki phlim ki dei na ki festival kum ka Cannes, Venice, Sao Paulo, Rotterdam, Santa Barbara, Stockholm bad kiwei kiwei.
• Ka bynta CINEMA JONG KA PYRTHEI ka don 103 tylli ki phlim kiba la ioh pdiang kaba long ka jingkiew na ki snem ba la dep (77) ban iohi ia ka jingiar jong ki kam shna phlim na kylleng ka pyrthei.
• La sdang ia ka BYNTA DOCU-MONTAGE ha kaba don ki documentary na kylleng ka pyrthei.
• KA BYNTA SHAPHANG KI PHLIM BA SHU DRO ha kane ka tamasa ka dei kaba la pyniar ban ai jaka ia ki phlim ba shu dro na kiwei kiwei ki ri bad na India ha kaba ki don ki phlim kiba kynthup ia ka jingphah na Poland sha ka Ocsar - The Peasants (Dir: Dk Welchman, Hugh Welchman), bad ruh kiwei kiwei ki phlim ba shu dro na India.
• La wanrah ia ka BYNTA RESTORED CLASSICS ha kaba yn don 7 tylli ki phlim ba pyni nyngkong ha ka pyrthei hadien ba la pynbha biang ia ki da ka NFDC-NFAI hapoh ka National Film Heritage Mission (NFHM) na ki celluloid reel jong kine ki phlim ba rim jong ka India -
  • Vidyapati (1937) Bengali Director: Debaki Bose
  • Shyamchi Aai (1953), Marathi, Director: P.K. Atre
  • Patala Bhairavi (1951), Telugu, Director: K.V. Reddy
  • Guide (1965), Hindi, Director: Vijay Anand
  • Haqeeqat (1964), Hindi, Director: Chetan Anand
  • Chorus (1974) Bengali, Director: Mrinal Sen
  • Bees Saal Baad (1962), Hindi, Director: Biren Nag
  • Shuh shuh, yn don 3 tylli ki phlim na kiwei kiwei ki ri kiba la pynbha biang ban pyni ha kane ka bynta kiba kynthup ia ka The Exorcist Extended Director’s cut na Venice bad ka Shadows of Forgotten Ancestors jong u Sergei Parajanov.
• KI PHLIM UNESCO – Ki phlim kiba pyni ia ka nongrim jong ka UNESCO: 7 tylli na kiwei kiwei ki ri + 3 tylli ki phlim na India. Ia ka thup jong ki phlim la ai ha ka Annexure bad ia ki jingtip shaphang jong ki dang upload ha ka website jong ka IFFI..
• KI PHLIM ACCESSIBLE – Ha ka 54th IFFI yn don ki jingpynbiang ban pynthikna ba ki delegate kiba don jingduna ha ki dkhot met kin lah ban ioh shim bynta ha ka jingpyni ia ki phlim bad ki jaka ba la pynkhreh. Ka jingplie lad ia baroh ban ioh iashim bynta lang ka dei ka sienjam sha ka jingkdup lang ia baroh.
  • Ki delegate ba don jingduna ha ki dkhot met
    • Ia kiba duna ka bor iohi: Yn pynbiang ia ki sur Embedded Audio Description – Sirf Ek Bandaa Kaafi Hai & Shershaah
    • Ia kiba duna ka bor iohsngew: Yn pynbiang ha ki phlim ia ka Sign Language - 83 & Bhaag Milkha Bhaag
  • Ka jingpynmih ha ki jait ktien bapher bapher – Bun ki phlim Indian Panorama ki ban pynbiang ha ki ktien bapher bapher da kaba pyndonkam da ki “Smartphone bad Earphones’. Ka IFFI ka la iatrei lang bad ka ‘cinedubs’ App na ka bynta kane ban yn pynbiang ia kane khlem da shim kano kano ka jingsiew. Yn pynbiang ia ki phlim ha ki ktien bapher bapher lyngba kane ka App.
• Yn don ki phlim jong palat 40 ngut ki longkmie ba shna phlim ha ka international programme jong ka IFFI.

7. Ki bynta Master class bad In-conversation – Ha ka jingdon palat 20 tylli ki bynta ‘Masterclass’ bad ‘In Conversation’ bad ki nongshna phlim, ki  cinematographer bad ki actor ba pawnam, kane kan long ka taiew kaba shitrhem bha. Kane kan long ha ka Kala Academy ha Festival Mile, Panjim, Goa. U Michael Douglas, Brendan Galvin, Brillante Mendoza, Sunny Deol, Rani Mukerjee, Vidya Balan, John Goldwater, Vijay Sethupathi, Sara Ali Khan, Pankaj Tripathi, Nawazuddin Siddhiqui, Kaykay Menon, Karan Johar, Madhur Bhandarkar, Manoj Bajpayee, Kartiki Gonsalves, Boney Kapoor, Allu Aravind, Theodore Gluck, Gulshan Grover bad kiwei kiwei kin iashim bynta ha kane.
8. Ki Gala Premier – Ia kaba la sdang ha une u snem ba la dep, ki Gala Premier ki dei kiba la pyniar mynta u snem. Ha kine ki jingpyni nyngkong ia ki phlim ha ka IFFI yn wan iashim bynta ki actor bad kito kiba iadon kti ha ka jingpynmih ia kine ki phlim ha ka IFFI ban pyniaid iew ia kine ki phlim.
9. Virtual IFFI – Ka bynta ki Masterclass, In Conversation, ki jingiamir jingmut bad ki prokram sdang bad prokram pynkut jong ka 54^th IFFI ki dei kiba lah ban iohi Online lyngba ka Book My Show App. Ia ka jingsiew yn pynduna katba lah.
10. Film Bazaar: Ka IFFI ka dei ka “Jingrakhe ia ki kam shna phlim jong ka pyrthei”. Ha ryngkat kane, yn pynlong ia ka Film Bazaar da ka NFDC na ka bynta ki “Kam Khaii ha ki Kam Shna Phlim”. Ka Film Bazar jong ka IFFI ka la kylla sha kawei na ki iew phlim ba heh tam ha South Asia. Ka dei ka rynsan kaba biang bha ia ki nongshna phlim, ki nongpynmih phlim, ki agent bad ki nongpyniaid ia ki tamasa ba kin iakynduh na ka bynta ki jingiatreilang. Ia kane ka “Bynta kaba 17 jong ka NFDC Film Bazaar” yn pyniar kumne harum -
    • Ki Pavilions & ki Stall ha ka Films Bazar -
      1. VFX & Tech Pavilion – la pynbiang ia ka “VFX & Tech Pavilion” ha ka Film Bazaar, ka ban pynlong ha ka jaka kaba phai sha ka duriaw. Kane kan ai jingtip ia ki nongshna phlim shaphang ki jingsaindur thymmai khnang ba kin lah ban iohi ia ki lad ba thymmai lyngba ka ‘Jingpynbiang ia ka Dur’ ha ka jaka jong ka ‘Jingshon ia ka Dur’.
      2. Yn don katto katne ki Stall jong ki International Film Commission & ki Jylla ka India ban pyniaid iew ia ki jaka ring phlim jong ki bad ki skhim ai jingmyntoi.
      3. Yn don katto katne ki Stall jong ki production house, ki kynhun kiba iadei bad a kam pynmih phlim.
    • Ka jingwanrah ia ki projek / phlim Documentary & Non-Feature
    • Ka “Knowledge Series” ka dei kaba la pynbiang na ka bynta ki jingai jingmut na ki nongshna phlim, ki ri bad ki jylla ha ryngkat ki bynta ba kongsan jong ki kam shna bad pyniaid iew ia ki phlim.
    • Ka bynta ‘Book to Box Office’ kaba la sdang ha une u snem ba la dep ka la iatrei lang bad ka ‘The Story Ink’ ban ai rynsan ia ki nongthoh ba kin pyni ia ki kam jong ki sha ki nongpynmih phlim bad ki khliehduh jong ki rynsan.
    • Ha kaba khatduh, yn don palat 300 tylli ki projek phlim ba pyni ha kane ka bynta kaba 17 jong ka Film Bazaar na ka bynta ka jingpynmih, ka jingpyniaid iew bad ka jingdie.

1. 6. 75 Creative Minds of Tomorrow (CMOT): Kane ka dei kaba la saindur da u Anurag Singh Thakur, Myntri ka Tnat Information and Broadcasting, kaba thmu ban lap, pynshlur bad iarap ia ki samla ba don sap ha ki bynta bapher bapher jong ka kam shna phlim. Ka Shorts TV ka dei ka Programming Partner, bad kane ka dei ka rynsan kaba heh tam ha ka pyrthei ia ki phlim ba lyngkot bad ki series kiba lah ban ioh ha ka TV, mobile, online bad ha ki theater. Kine ki ‘creative minds’ kiba la shah jied ki dei kiba la kynthup ha 5 tylli ki kynhun na ka bynta ka 'Film Challenge', ban shna mar kawei ka phlim lyngkot hapoh ka 48 kynta. Mynta u snem, kine ki samla kin ioh jinghikai ba la pynkhreh kyrpang da ki riewkhraw ha ki kam shna phlim bad yn pynlong ruh ia ka “Talent Camp” ban thung kam bad palat 20 tylli ki kompani.
   7. IFFI Cine-Mela: Ka IFFI kam dei tang ka jingpyni ia ka jingtbit ha ka jingshna phlim hynrei ka dei ruh ka jingrakhe ia ka jingiar jong ka deiriti. Mynta u snem, la wanrah ia ka IFFI Cine-mela ha kaba kito kiba wan sha ka IFFI ki lah ban pynbyrnia ialade katba ki dang rakhe ia ki phlim, ki jingsaindur, ki jingshna ia ki tiar da ki kti, ka bam bad kiwei kiwei.
   8. Kiwei kiwei ki bynta: Ka jingpyni ia ki phlim shabar iing, ki Caravan, Shigmotsav, Goa Carnival, ki Selfie point, ki tiar IFFI bad kiwei kiwei kin pynkhlain shuh shuh ia ka IFFI kum kawei na ki tamasa ba heh tam jong ka India na ka bynta ka pyrthei.
   9. Ka jingpyniaid iew & ka jingpyniphuh iphieng ia ki jaka ba pynlong ia ka tamasa – Ka NFDC & ESG ki la iatrei lang bad ka NID, Ahmedabad na ka bynta ka jingpyniphuh iphieng bad ka jingpyniaid iew ia ki jaka ba long ka tamasa.
   10. Ka jingrakhe ia ka deiriti jong ka India (5 sngi) – Ka jingpyniahap ia ka jingpyni ia ki phlim, ki Gala Premier bad ki nongwan nabar ban pyni ia ki thain bapher bapher.
       • 22nd: East: Bengali, Oriya, Assamese, Manipuri & bkiwei kiweim ki ktien na ka thain shatei lammihngi
       • 23rd: South 1: Tamil & Malayalam
       • 24th: North: Punjabi, Dogri, Bhojpuri , Rajasthani, Urdu , Chattisgarhi
       • 25th: West: Konkani, Marathi, Gujarati
       • 26th: South 2: Kannada & Telugu
   11. Ia ki jingpynbna ba man ka sngi lah ban ioh ha ka website jong ka IFFI https://iffigoa.org/.
   12. Ka Tnat Information & Broadcasting, Sorkar India lyngba ka National Film Development Corporation (NFDC), ha ka jingiatreilang bad ka Sorkar Goa lyngba ka Entertainment Society of Goa (ESG), kan pynlong ia ka 54th International Film Festival of India (IFFI)’ naduh ka 20 haduh 28 tarik u Naiwieng, 2022 ha Goa.
   13. Ka IFFI ka dei kawei na ki 14 tylli ki ‘International Competition Feature Film Festival’ ba heh tam jong ka pyrthei bad ka dei kaba la ioh jingithuh na ka International Federation of Film Producers’ Association (FIAPF), ka kynhun kaba peit ia ki film festival ha kylleng ka pyrthei. Ki International Film Festival kum ka Cannes, Berlin & Venice ki dei kiwei kiwei ki festival ba pawnam ba la ioh jingithuh da ka FIAPF hapoh kane ka thup.
   14. Kane ka tamasa kaba shisien shi snem ka dei kaba la pyni ia ki phlim na India bad na ka pyrthei baroh kawei da ki snem mynta ha kaba ki riew pawnam na ki kam shna phlim na India bad nabar ka ri ki wan iashim bynta kum ki delegate, ki nongshah khot sngewbha bad ki nongai jingkren.

Annexure

54^TH IFFI 2023

FILM LIST – COMPETITIONS

INTERNATIONAL COMPETITION (IC) – 15 Films

BEST DEBUT FEATURE FILM OF A DIRECTOR AWARD (BD) – 7 Films

ICFT UNESCO GANDHI MEDAL AWARD – 10 Films

****