সরকারনা খারিফ মহৈ-মরোং য়ৌরকপদা থীন্থবনা মরম ওইদুনা তিলহৌগী মমলশিংদা হন্দক ৱাংখৎলকপা অসিদগী কঞ্জুমরশিংবু কন্নবা কেজিদা লুপা 25গী সবসিদাইজ ওইবা মমলদা বফ্ফরদগী তিলহৌগী চাউনা রিতেল সেল তৌনবগী থবক পাইখৎখ্রে। ওক্তোরব 29, 2023দগী চৎনবা হৌদুনা MT অমদা USD 800গী মিনিমম এক্সপোর্ত প্রাইস (MEP) ইম্পোজ তৌবা, বফ্ফর প্রোক্যুরমেন্ত তাখ তন 2 হেনগৎহনবা, লাখ তন 5.06 হেন্না প্রোক্যুর তৌখিবা, অমসুং ওগস্তকী অনিশুবা চয়োলদগী হৌদুনা হোলসেল মার্কেৎশিংদা রিতেল সেল্স, ই-নাম ওক্সন অমসুং বল্ক সেল্স  তৌদুনা তিলহৌ লেপ্পা লৈতনা য়োনখিবা অসিগুম্বা খোঙথাংশিং মথং-মথং পাইখৎলকপগী পরিং চত্থরকপা ওইনা দোমেস্তিক কঞ্জুমরশিংদা তিলহৌ হোংনা ফংহন্নবা খোঙথাং অসি লৌখৎখিবনি।

কঞ্জুমর এফিয়র্স বিভাগনা লুপা 25গী সবসিদাইজ ওইবা মমলদা NCCF, NAFED, কেন্দ্রিয়া ভন্দর অমসুং স্তেৎকী মখাদা লৈবা কোওপরেতিবশিংনা ওপরেৎ তৌবা রিতেল আউৎলেৎশিং অমসুং মোবাইল বেনশিংগী খুত্থাংদা তিলহৌ য়োন্থোক্নবগী থৌশিল পাইখৎপা হৌখ্রে। নবেম্বর 2 ফাওবদা NAFEDনা স্তেসনরী আউৎলেৎ অমসুং মোবাইল বেন য়াওবা রিতেল পোইন্ত 329 রাজ্য 21গী সহর 55দা হাংদোকখি। মতৌ অসুম্না NCCFনা রাজ্য 20দা লৈবা সহর 54দা রিতেল পোইন্ত 457 হাংদোকখি। কেন্দ্রিয়া ভন্দরনসু দিল্লী-NCR শিনবা থুংবদা নবেম্বর 3, 2023দগী মাগী রিতেল আউৎলেৎশিংদা তিলহৌগী রিতেল সপ্লাই হৌখ্রে অমসুং সফল মাদর দাইরীনা চয়োল অসি লোইরকপদা য়ৌরগনি। তেলঙ্গানা অমসুং অতোপ্পা খা থংবা রাজ্যশিংগী কঞ্জুমরশিংদা তিলহৌগী রিতেল সেল তৌনবগী থবক হাইদরাবাদ এগ্রিকলচরেল কোওপরেতিবস এসোসিএসন (HACA)না পাইখৎলি।

রবি অমসুং খারিফ মহৈ-মরোংশিংগী মরক্তা সিজনেল প্রাইস ভোলেতিলিতী কন্ত্রোল তৌনবগী দমক সরকারনা থংন-থংননা হৈশিংনা অমসুং তার্গেৎ তৌদুনা থাদোক্নবা রবিগী তিলহৌ প্রোক্যুর তৌদুনা ওনিন বফ্ফর থমখি। চহি অসিদা বফ্ফর সাইজ অসি 2022-23দা 2.5 LMT ওইরম্বদগী 7 LMTদা হেনগৎহনখি। হৌজিক ফাওবদা তিলহৌ 5.06 LMT প্রোক্যুর তৌখ্রে অমসুং লেমহৌরিবা 2 LMT প্রোক্যুর তৌনবা থবক পাইখৎলি।

লসলগাও মার্কেৎতা বেঞ্চমার্ক ওইনা তিলহৌগী মমল অসি 28.102023দা ক্বিন্তল অমদা লুপা 4,800 পীরম্বদগী 03.11.2023দা ক্বিন্তলদা লুপা 3,650 পীদুনা 24% হন্থরকপগা লোয়ননা সরকারনা পাইখৎপা প্রোএক্তিব ওইবা খোঙথাংশিং অসিগী ফলশিং উবা ফংলক্লি। রিতেল প্রাইসশিং অসি লাক্কদৌরিবা চয়োলদা মান্নবা মওংদা হন্থরকপা য়াই পানরি।

নীংশিংবা য়াবদি নোংজু থাগী নোং অমসুং হ্বাইৎ ফ্লাই ইনফেস্তেসন্না মরম ওইদুনা সপ্লাইদা অপনবা থোকপনা জুন 2023গী অরোইবা চয়োলদা খামেন অশিনবগী মমলশিং হাইগৎখিবা মতমদা সরকারনা কর্নাতকা, আন্ধ্র প্রদেশ, অমসুং মহারাস্ত্রগী খামেন অশিনবা পুথোক্লিবা রাজ্যশিংদগী NCCF অমসুং NAFEDগী খুত্থাংদা খামেন অশিনবা প্রোক্যুর তৌনবগী থবক পাইখৎখি অমসুং অচৌবা কঞ্জুম্পসন সেন্তরশিংদা চাউনা সবসিদাইজ ওইবা রেৎতা সপ্লাই তৌখি। কেজিদা লুপা 90দগী হৌদুনা অমসুং মথং-মথং কেজিদা লুপা 40দা হন্থরক্তুনা প্রোক্যুর তৌখিবা খামেন অশিনবশিং অদু সবসিদাইজ ওইবা মমলশিংদা রিতেল কঞ্জুমরশিংদা য়োনখি। রিতেলগী খোঙথাংগী খুত্থাংদা খামেন অশিনবগী রিতেল প্রাইসশিং অসি ৱাংলম্বদগী হন্থহনবা ঙমখি, ওগস্তকী অহানবা চয়োলদা কেজিদা লুপা 140পীরমখিবা অদু সেপ্তেম্বর 2023গী অহানবা চয়োলদা লুপা 40রোম পীখি।

ভারতকী ইমুং অয়াম্বগী ন্যুত্রিসনগীদমক হৱাই অসি মরু ওইবা সোর্স অমনি। য়ুমশিংদা হৱাই হোংনা ফংহন্নবা সরকারনা কেজিগী পেক্কী ওইনা কেজিদা লুপা 60 অমসুং কেজি 30গী পেক্কী ওইনা কেজিদা লুপা 55গী সবসিদাইজ ওইবা মমলশিংদা ভারত দাল লোঞ্চ তৌখি। ভারত দাল অসি কঞ্জুমরশিংদা রিতেল সেল তৌনবা অমসুং আর্মী, CRPF অমসুং  য়াইফ-থৌরাংগী স্কিমশিংদা সপ্লাই তৌনবা NAFED, NCCF, কেন্দ্রিয়া ভন্দর, সফল অমসুং স্তেৎনা কন্ত্রোল তৌবা তেলেঙ্গানা অমসুং মহারাস্ত্রগী কোওপরেতিবশিংগী খুত্থাংদা ভারত দাল ফংহনখি।

ঙসি ফাওবদা চানা স্তোক 3.2 LMT কনভর্জনগীদমক এল্লোকেৎ তৌখ্রে মসিগী মনুংদা 75,269 MT মিলদা পীখ্রে অমসুং সহর 282দা 59,183 MTনা রিতেল পোইন্ত (স্তেসনরী আউৎলেৎ মোবাইল ভেনশিং) 3010দা পীখ্রে। ভারত দালগী সপ্লাই অসি লাক্কদৌরিবা নুমিৎ খরা অসিদা হেনগৎহন্দুনা লৈবাক শিনবা থুংবদা লৈরিবা কঞ্জুমরশিংদা ভারত দালগী লাখ তন 4 হেন্না ফংহনগদৌরি।

***