প্রধানমন্ত্রীগী লোইশঙ
প্রধান মন্ত্রীনা নবেম্বর ১দা এসিয়ান পেরা গেমস ২০২২ শরুক য়াখিবা ভারতকী শান্নরোয়শিং উনগনি অমসুং ৱা ঙাংগনি
Posted On:
31 OCT 2023 5:04PM by PIB Imphal
নবেম্বর ১, ২০২৩গী নুংথিল পুং ৪:৩০ রোম তাবদা নিউ দিল্লিগী মেজর ধ্যান চান্দ নেসনেল স্তদিয়মদা প্রধান মন্ত্রী শ্রী নরেন্দ্র মোদীনা এসিয়ান পেরা গেমস ২০২২ শরুক য়াখিবা ভারতকী শান্নরোয়শিংগা উনগনি অমসুং ৱা ঙাংগনি।
পেরা এসিয়ান গেমস ২০২২দা মখোয়না মশক থোক্না মাইপাকখিবা শান্নরোয়শিং পুক্নিং থৌগৎনবা অমসুং তুংগী কম্পিতিসনশিংগীদমক মখোয় পুক্নিং থৌগৎনবা থৌরম অসি প্রধান মন্ত্রীগী পাউতাক মতুংইন্না পাংথোক্কদবনি। এসিয়ান পেরা গেমস ২০২২দা সনাগী মেদল ২৯ য়াওনা ভারতনা পুন্না মেদল ১১১ ফংখি। মমাঙগী গেমস(২০১৮)গা চাংদম্নবদা এসিয়ান পেরা গেমস ২০২২দা অপুনবা মেদল চাদা ৫৪ হেনগৎলে অমসুং ২০১৮দা ফংখিবা সনাগী মেদল মশিংদগী শরুক অনি হেনগৎতুনা সনাগী মেদল ২৯ ফংলে।
থৌরম অদুদা শান্নরোয়শিং, মখোয়গী কোচশিং, পেরালেম্পিক কম্মিতি ওফ ইন্দিয়া অমসুং ইন্দিয়ান ওলেম্পিক এসোসিএসনগী ওফিসিএলশিং, নেসনেল স্পোর্তস ফেদেরেসনশিং অমসুং য়ুথ এফেয়ার্স অমসুং স্পোর্তস মিনিস্ত্রিগী ওফিসিএলশিং শরুক য়াগনি।
*****
(Release ID: 1973680)
Visitor Counter : 102
Read this release in:
Kannada
,
Tamil
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Telugu
,
Malayalam