রাস্ত্রপতী শ্রিমতী দ্রৌপদী মুর্মু, উপ-রাস্ত্রপতী শ্রী জগদীপ ধনখর, কেন্দ্রগী গৃহ মন্ত্রী অমদি কোওপরেসন মন্ত্রী শ্রী অমিত সাহ অমদি দিল্লীগী লেফ্তনেন্ত গভর্নর শ্রী বিনয় কুমার সক্সেনানা নই দিল্লীদা ‘আইরন মেন ওফ ইন্দিয়া’ সর্দার বল্লবভাই পতেলগী মফমদা মহাক্কী মপোক কুমওন্দা হৈ লৈ কৎখ্রে‍।

কেন্দ্রগী গৃহ মন্ত্রীনা দিল্লীগী মেজর ধ্যান চন্দ স্তেদিয়মদা নেস্নেল য়ুনিতী দেগী থৌরমদা পাঙথোকপা ‘রন ফোর য়ুনিতী’ লমথাখি‍। থৌরমদুদা ইনফোর্মেসন অমদি ব্রোদকাস্তিংগী কেন্দ্র মন্ত্রী শ্রী অনুরাগ থাকুর, দিল্লীগী লেফ্তনেন্ত গভর্নর শ্রী বিনয় কুমার সক্সেনা, এক্সতরনেল এফ্যার্সকী রাজ্য মন্ত্রী শ্রীমতী মীনাক্সী লেখি অমদি কেন্দ্রগী গৃহ রাজ্য মন্ত্রী শ্রী নিত্যানন্দ রাই, শ্রী অজয় কুমার মিস্রা অমদি শ্রী নিসিথ প্রমানিক য়াওনা মরুওইবা মীওই কয়ানা শরুক য়াখি‍।

শ্রী অমিত সাহনা থৌরমদুদা শরুক য়াখিবা মীয়ামগী মফমদা নেস্নেল য়ুনিতীগী ৱাশক লৌখি‍।

কেন্দ্রগী গৃহ মন্ত্রী শ্রী অমিত সাহনা ঙসি অসি লৈবাকসিগী অহানবা অহানবা গৃহ মন্ত্রী অমদি ‘আইরন মেন ওফ ইন্দিয়া’, সর্দার বল্লবভাই পতেলগী ১৪৮শুবা মপোক নুমিৎনি অমদি লৈবাক পুম্বনা নুমিৎ অসিবু ২০১৪দগী হৌরগা চহি খুদিংগী নেস্নেল য়ুনিতী দে হায়না পাঙথোক্তুনা লাক্লি হায়খি‍। নীংতম্লবা মতুংদা, ব্রিতিসনা ভারতপু মচেৎ মচেৎ তানা থম্বিরম্মি, মতমদুদা নিংথৌ পানবা লৈবাক ৫৫০ হেনববু পুনশিনবগী অমদি ভারত ইমাগী হৌজিক্কী মেপ অসিবু শেম্বগী অচৌবা থৌদাং অমা ‘আইরন মেন ওফ ইন্দিয়া’ সর্দার পতেলনা তৌখি হায়না মহাক্না হায়খি‍। সর্দার পতেলগী ফিরেপ, লৈবাক্কী থৌদাংদা পুক্নিং লুপ্পা অমদি য়োৎকুম্না মপাঙ্গল কনবা পান্দম অদুননি ঙসি ভারতনা নীংতম্লবা চহি ৭৫গী মতুংসিদা মালেমগী মমাঙদা ইকায়খুম্নবা ফংদুনা লেপ্পা ঙম্লিবসি হায়না শ্রী সাহনা মখা তানা ফোঙদোকখি‍।

কেন্দ্রগী গৃহ মন্ত্রীনা কাস্মিরদগী লক্সদ্বীপ ফাওবা শন্দোকখ্রিবা পাক চাউখ্রবা লৈবাক অসিবু পুনশিনবদা সর্দার পতেলগী কাউঙম্লরোইদবা থৌদাং লৈখি অমদি লৈবাক অসিনা মহাক্কী লমন কৈদৌঙৈদসু শিংবা ঙম্লরোই হায়খি‍। প্রধান মন্ত্রী শ্রী নরেন্দ্র মোদীনা কেবারিয়াদা মালেমগী খ্বায়দগী ৱাংবা মীতম শাদুনা সর্দার পতেলগী মফমদা উৎফম থোকপা ইকায়খুম্নবা উৎখ্রে হায়না মহাক্না ফোঙদোকখি‍। ঙসি লৈবাক পুম্বনা রন ফোর য়ুনিতী অমদি নেস্নেল য়ুনিতী দে ৱাশক্কা লোয়ননা লৈবাক্কী লিংজেল মান্নবা অমদি অপুনবগীদমক অমুক্কা হন্না ফিরেপ লৌরি হায়না মহাক্না মখা তাখি‍।

শ্রী অমিত সাহনা ঙসি পাঙথোক্লিবা হন্দক্কী নেস্নেল য়ুনিতী দে অসি য়াম্না মরুওইবা থৌরম্নি মরমদি মসিনা ‘অজাদী কা অমৃৎ মহোৎসব’ হৌখ্রবা মতুংদা ‘অমৃৎ কাল’গী অহানবা নেস্নেল য়ুনিতী দে ওইরি হায়খি‍। ‘অজাদী কা অমৃৎ মহোৎসব’ মনুংদা, প্রধান মন্ত্রী শ্রী নরেন্দ্র মোদীনা লৈবাক মীয়ামগী মফমদা নীংতম্বা চহি ৭৫ দগী ১০০ শুরকপা ফাওবগী চহি ২৫গী মতম অসি ‘সংক্লপ সে সিদ্ধী’গী চহি ২৫নি হায়না লাউথোকখি হায়না মহাক্না হায়খি‍।

লৈবাক্কী নীংতম্বা চহি ১০০ মপুং ফারকপা মতমদা ঐখোয়না মালেমসিদা হীরম খুদিংদা মকোক থোংবা ওইবা অদুগুম্বা ভারত অমা শেমগৎনবা ৱাশক অমা ঐখোয়না শকমিন্নবা তাই‍। লৈবাকসিগী মীওই করোর ১৩০না ৱাশক অসি শক্কদবনি অমদি হায়রিবা ফিরেপ অসিবু তানফংননবা পুন্না হোৎনমিন্নবা অসি নেস্নেল য়ুনিতী দেগী ৱাশক্তা য়াম্না মরুওইবা ৱাফম অমনি হায়না শ্রী সাহনা হায়খি‍। “ঐখোয় পুম্নমক লাক্কদৌরিবা চহি ২৫সিদা ভারতপু মালেমগী মকোক থোংহন্নবা হোৎনসি অমদি সর্দার পতেলগী মঙলান মঙফাওনহন্নবা পুক্নিং চঙনা হোৎনমিন্নসি” হায়না মহাক্না মখা তাখি‍।

*********