ঙসি ওক্তোবর ৩১,২০২৩দা ভারতকী আইরন মেন সারদার পতেল ভাল্লবভাই পতেলগী ১৪৮শুবা মপোক নুমিত্তা হিন্দুস্তান এরোনোতিক্স লিমিতেৎ(হাল)না শীন্দুনা উত্তর প্রদেসকী লখনৌদা রক্ষ মন্ত্রী শ্রী রাজনাথ সিংহনা লুচিংদুনা  ‘রন ফোর য়ুনিতি’ পাংথোকখ্রে। কিমি ১.৫গী লমজেল অদু রক্ষ মন্ত্রী শ্রী রাজনাথ সিংহনা সারদার ভাল্লবভাই পতেল প্রতিমা, হাজরাতগঞ্জতগী লমথাখি অমসুং মসি কে.দি সিংহ বাবু স্তদিয়মদা লোইশিনখি। স্কুলগী মহৈরোয়শিং, এন.সি.সি কেদেতশিং, শান্নরোয়শিং অমসুং চেনবা পামজবশিং, হালগী মীওইশিং লমজেল অদুদা শরুক য়াখি।

রক্ষ মন্ত্রী শ্রী রাজনাথ সিংহনা সারদার ভল্লবভাই পতেলগী মফমদা লৈ কত্তুনা ইকায়খুম্নবা উৎখি অমসুং থৌরম অদুদা শরুক য়াখিবশিং জাতিগী অপুনবগী শক্তম ঙাক্নবা ৱাশক লৌখি। থৌরম অদুদা তিনখিবা মীয়ামদা ৱা ঙাংবদা মহাক্না হায়খি লৈবাক অসি নিংতম্বা পুরক্নবা অমসুং লৈবাক শেমগৎনবা শরুক য়াখিবশিং নিংশিংনবা নেসনেল য়ুনিতি দে থৌরম পাংথোকপনি। লৈবাক্কী অপুনবগী শক্তম ঙাক্নবা অমসুং ‘এক ভারত শ্রেস্থা ভারত’ শেমগৎনবা থবক তৌনবা ঐখোয় ৱাশক লৌনবা নেসনেল য়ুনিতি দেনা ঐখোয়দা খুদোংচাবা অমা পীরে।

রক্ষ মন্ত্রী শ্রী রাজনাথ সিংহনা হায়খি নিংতম্বা ফংলবা মতুংদা সারদার ভাল্লবভাই পতেলনা লৈবাক শেমগৎনবা অচৌবা থৌদাং লৌখি অমসুং মহাক্কী পান্দম অমসুং দিপ্লোমেতকী হৈশিংবনা নিংথৌ পানবা লৈবাকশিং ভারত্তা পুনশিনখি অমসুং ইন্দিয়ান সিবিল সর্বিসকী ঙাক্লৌ শেমগৎখি। সারদার ভাল্লবভাই পতেলগী থবকশিনা অপুনবা ভারত শেমগৎখি। ২০১৪দা ঐখোয়গী সরকার লাক্ত্রিফাওবা মহাক্কী থৌদাং মশক খঙবীখিদে অমসুং মহাক্কী মপোক নুমিৎ অসি নেসনেল য়ুনিতি দে হায়না থৌরম পাংথোক্নবা ৱারেপ লৌখিবনি।

রক্ষ মন্ত্রী শ্রী রাজনাথ সিংহনা হায়খি থৌরম অসিদা প্রধান মন্ত্রী শ্রী নরেন্দ্র মোদীনা ‘মেরা য়ুব ভারত অভিয়ান’ হৌদোক্লে অমসুং থবক অসিনা নহারোলশিংদা মাঙজিল থাদুনা থোরক্নবা অমসুং লৈবাক শেমগৎনবগী থবক্তা শরুক য়ানবা খুদোংচাবা অমা পীগনি। থৌরম অসিদা শরুক য়ানবা অমসুং লৈবাক্কী অপুনবগী শক্তম শাগৎনবা থবক তৌনবা মহাক্না মীয়ামদা তকশিনখি।

গুজরাতকী কেবারিয়াদা সারদার ভাল্লবভাই পতেলগী মালেমদা খ্বাইদগী চাউবা মীতম শাবগীদমক রক্ষ মন্ত্রী শ্রী রাজনাথ সিংহনা প্রধান মন্ত্রী শ্রী নরেন্দ্র মোদী থাগৎপা ফোঙদোকখি। সারদার ভাল্লবভাই পতেল অসি অপুনবা ভারতকী খুদম্নি অমসুং মহাক্কী থবকশিংনা লৈবাক্কী অপুনবা শক্তমগী পাউজেল পুনবা নহারোলশিংদা ইথিল পীরি।

থৌরম অদুদা উত্তর প্রদেসকী চীফ মিনিস্তর শ্রী য়োগী অদিত্যনাথ, দিপুতি চীফ মিনিস্তর শ্রী কেসব প্রসাদ মৌরয়া অমসুং শ্রী ব্রজেস পাথক, উত্তর প্রদেস সরকারগী কেবিনেত মিনিস্তরশিং অমসুং রাজ্য মন্ত্রীশিং, হালগী চিয়ারমেন অমসুং মেনেজিং দিরেক্তর শ্রী সি.বি অনন্তকৃষ্ণন অমসুং হালগী অতোপ্পা ওফিসিএলশিং  শরুক য়াখি।

দিফেন্স মিনিস্ত্রিগী মখাদা লৈবা তোঙান-তোঙানবা দিপার্তমেন্তশিং হায়বদি দিফেন্স প্রদক্সন দিপার্তমেন্ত, দিফেন্স এন্দ রিছার্স দিবলপমেন্ত ওর্গনাইজেসন(দি আর দি ও), বোর্দর রোদস ওর্গনাইজেসন(বি আর ও), ইন্দিয়ান কোস্ত গার্দ(আই সি জি), এন.সি.সি, দাইরেক্তোরেত জেনেরেল দিফেন্স ইস্তেৎনা থ্রি সর্বিসেস ওইনা রন ফোর য়ুনিতি পাংথোকখি অমসুং লৈবাক্কী তোঙান-তোঙানবা মফম ১৬০ শীনবা থুংনা রাস্ত্রিয়া এক্তা দিৱসকী ৱাশক লৌখি।

****