কেন্দ্রগী হকশেল অমদি ফেমিলী ৱেলফ্যার মন্ত্রী দোক্তর মনসুখ মন্দাবিয়ানা ঙসি মফমসিদা পাঙথোকপা ৱর্ল্দ হেল্থ ওর্গনাইজেসন রীজনেল কম্মিতী ফোর সাউথ-ইস্ত এসিয়াগী ৭৬শুবা মীফমদা ৱা ঙাংখ্রে‍। মহাক্কা লোয়ননা ৱর্ল্দ হেল্থ ওর্গনাইজেসন (WHO)গী দাইরেক্তর-জেনেরেল, দোক্তর তেদ্রোস অধানোম ঘেব্রিয়েসসসু থৌরমদুদা ভর্চুএল ওইনা শরুক য়াখি‍। দোক্তর মন্দাবিয়াবু রীজনেল কম্মিতী ওফ সাউথ-ইস্ত এসিয়াগী ৭৬শুবা মীফমগী চেয়রপর্সন ওইনা পুম্নমক্না য়ানদুনা খনখি‍।

দোক্তর পুনম খেত্রপাল সিংহ, দাইরেক্তর, WHO SEARO (রীজনেল ওফিস ফোর সাউথ-ইস্ত এসিয়া); মিস্তর অহমদ নসীম, হকশেল মন্ত্রী, মাল্দিব্স; দোক্তর ইলিয়া এন্তোনিও দি অরাউজো দোস রৈস অমরল, হকশেল মন্ত্রী, তিমোর লেস্তে; দোক্তর সীথা অরম্বেপোলাও স্রি লঙ্কাগী হকশেল মন্ত্রী, মিস্তর মোহন বহাদুর বস্নেৎ, নেপালগী হকশেল মন্ত্রী, মিস্তর চোই হুই চোল, এম্বেসেদর তু ইন্দিয়া, দিমোক্রেতিক পীপল্স রিবপ্লিক ওফ কোরিয়া, মিস্তর জহিদ মলেক, বঙ্গলাদেশকী হকশেল মন্ত্রী, দোক্তর পোংসাধোর্ন পোকপর্মদী, দোক্তর স্যারিফাহ লিজা মুনিরা, দাইরেক্তর জেনেরেল ফোর হেল্থ, মিনিস্ত্রী ওফ হেল্থ, ইন্দোনেসিয়া অমদি মিস্তর পেম্বা ৱাংচুক, এক্তিং সেক্রেতরী, মিনিস্ত্রী ওফ হেল্থ, ভুতানসু থৌরমদুদা শরুক য়াখি‍।

প্রধান মন্ত্রী শ্রী নরেন্দ্র মোদীগী মঙলানবু অমুক হন্না থম্লদুনা, কেন্দ্রগী হকশেল মন্ত্রীনা, “হকশেল হায়বসি অথোইবা লন্নি অমদি হকচাঙ ফরবদি, থবক খুদিংমক ঙমগনি,” হায়খি‍। “ভারত্তা ঐখোয়না পুম্নক শুপ্পা অমদি পুম্নমক কোনশিনবা লম্বী অমদি চঙশিল্লি‍। ঐখোয়না হকশেলগী ইনফ্রাস্ত্রকচর পাকথোক চাউথোকহল্লি, মহৌশাগী লায়েং পথাপ য়োকখৎলি অমদি য়ুনিভর্সেল হেল্থ কভরেজকী মঙলান পরিংদা কনাগুম্বা অমত্তা চিত্থহৌদনবা হায়বা অচেৎপা ফিরেপকা লোয়ননা পুম্নমক্তা অতাবা মমলদা হকশেলগী খুদোংচাবশিং ফংহল্লি,” হায়না মহাক্না ফোঙদোকখি‍।

তিল্লিবা মীয়ামদা ৱা ঙাংলদুনা, দোক্তর মন্দাবিয়ানা প্রাইমারী হেল্থকেয়র সর্ভিসশিং মপুং ফানা ফংহনবদা মরুওইবা থৌদাং য়ারিবা অয়ুস্মান ভারত হেল্থ এন্দ ৱেলনেস সেন্তরশিং (AB-HWC)গী লৈরিবা খোঙজেলবু থাগৎখি‍। “ওক্তোবর ২৪, ২০২৩ ফাওবদা মীওই মিলিয়ন ২,১১০ হেনবা লাকখ্রে‍। মীওইশিংনা মিলিয়ন ১,৮৩০ হেন্না হিদাক লাংথক লেম্না ফংদুনা অমদি দাইগ্নোস্তিক সর্ভিস মিলিয়ন ৮৭৩ ফংহন্দুনা মসিগী শাফু নীংথিনা লৈরি”, হায়না মহাক্না হায়খি‍।  “মীওই মিলিয়ন ৩০৬ হেনবনা শরুক য়াদুনা ৱেলনেস সেসন মিলিয়ন ২৬ পাঙথোকখ্রে,” হায়নসু মহাক্না মখা তাখি‍।

অয়ুস্মান ভারত দিজিতেল মিসন অমদি PM-ABHIM নচিংবা থৌরাংশিংনা দিজিতেল হেল্থ ফ্রেমৱর্ক অমদি ফীজিকেল ইনফ্রাস্ত্রকচর মপাঙ্গল কনখৎহন্দুনা লৈবাকসিগী হেল্থ কেয়র দেলিভরীদা অনৌবা অওনবা অমা পুরকপদা মরুওইবা থৌদাং য়ারি হায়না দোক্তর মন্দাবিয়ানা ফোঙদোকখি‍। “AB-HWCশিংগী খুত্থাঙদা পুন্না হোৎনমিন্নদুনা প্রাইমারী হেল্থ সেন্তরশিংদা ঐখোয়না থম্লিবা মরুওইবা মীৎয়েঙ অসিনা অফবা হকশেলগী মহৈ পুরক্কনি অমদি ফুরিৎখাউদগী শেল চৎপা হন্থহনগনি অমদি হেল্থ সেক্তরদা অওনবা পুরক্নবগী থবক পায়খৎলিবা অতোপ্পা লৈবাকশিংগী ফিদম অমা ওইরক্কনি”, হায়না কেন্দ্রগী হকশেল মন্ত্রীনা মখা তাখি‍।

নই দিল্লীগী IP এস্তেত্তা লৈবা WHO SEARO বিল্দিংগী মফমদা পাঙথোকখিবা উ থাবগী থৌরমদসু দোক্তর মন্দাবিয়ানা ৱা ঙাংলদুনা, “WHO SEARO বিল্দিং অসিনা খা-নোংপোক লমদমদা পুম্নমক কোনশিনবা অমদি থোং মান্ননা চাওখৎমিন্নবা হেল্থকেয়র সর্ভিস ফংহন্নবগী পান্দমগা লোয়ননা মালেমগী শিংনবশিং থেংননবা ভারত অমদি WHO খুৎশম্ননা চৎমিন্নবগী খুদম অমা ওইনা লেপ্লি”, হায়খি‍। নেস্নেল বিল্দিং কন্সত্রক্সন কোর্পোরেসন (NBCC)দা শিন্নরিবা অচৌবা প্রোজেক্ত অসি মায় পাক্না লোইশিন্নবগীদমক ভারতনা লুপা করোর ২৩৯.৫কী ফন্দ থাদরিবা অসিগী মরুমদা রিজনেলগী ওইবা হকশেলগী শিংনবশিং থেংননবা, খ্বায়দগী ফবা থৌওংশিং তাথোক তাশিন তৌননবা অমদি অনৌবা পাম্বৈশিং শেমগৎনবগীদমক হকশেলগী শিন্ফমদা লৈরিবশিংগী মরক্তা খুৎশম্ননা চৎমিন্নবা, থিজিন হুমজিনবা অমদি ৱাখল লৌশিং তাথোক তাশিন তৌমিন্নবগী মফম অমগী মঙলান য়াওরি হায়না কেন্দ্রগী হকশেল মন্ত্রীনা হায়খি‍।

কেন্দ্রগী হকশেলগী সেক্রতরী, শ্রী সুধান্স পন্তনা প্রাইমারী হেল্থ কেয়র (PHC) দা য়ুম্ফম ওইবা হেল্থ সিস্তেম অমগীদমক সাউথ ইস্ত এসিয়া রীজনেল ফোরম লিংখৎখিবা অসিনা PHC মপাঙ্গল কনখৎহনবদা মায়োক্নরিবা শিংনবশিংবু থেংননবদা ৱাখল লৌশিং তাথোক তাশিন তৌননবা অমদি খুৎশম্ননা চৎমিন্ননবা ঐখোয়গী ফিরেপ্তা মরুওইবা মীৎকুপ অমা ওইখি‍ হায়খি‍। মেম্বর স্তেতশিংনা PHC দা য়ুম্ফম ওইবা হেল্থ সিস্তেম লৈহনবদা লৈরিবা খোঙজেলবু শিংথারদুনা, “খোঙজেলগী খোঙ্গুল লীনবা অমদি একাউন্তেবিলিতী লৈহন্নবা মতিং হেনগৎহনবা, অর্বান হেল্থ কেয়র (UHC)/PHC গী গভর্নেন্সতা পার্তিসিপেতরী মেকানিজম লৈহন্নবা, অমদি লৈবাক্কী ওইবা সিস্তেম অমদি মরী লৈনবা হীরমশিংদা WHO অমদি খোঙবুশিংদগী অপুনবগী ঙাক্লৌ লৈহন্নবগী মরুওইবা হীরমশিংদা হৌজিক অহেনবা মীৎয়েঙ চঙবা মথৌ তারে”, হায়না মহাক্না মখা তানা ফোঙদোকখি‍।

দোক্তর তেদ্রোস অধানোম ঘেব্রিয়েসসনা থৌরমদুদা ভর্চুএল ওইনা ৱা ঙাংখি‍। SEARO গী ৭৬শুবা মীফম অসি মালেমগী ওইনা অমদি লমদম অসোমগী ওইনা মরুওইবা মতম অমদা পাঙথোক্লি হায়খি‍। খা-নোংপোক এসিয়া লমদম অসোমদা মালেমগী অপুনবা মীশিংগী মশুং অমা হেন্না লৈ অমদি মফমসিদা লায়না তিলনাগী পোৎলুম মশক থোক্না থাংথবা তাই হায়না মহাক্না ফোঙদোকখি‍। লমদম অসোমগী ওইনা ত্যুবরকুলোসিস থেংনবদা পায়খৎলিবা থৌরাংশিংবু শিংথারদুনা, দোক্তর তেদ্রোসনা দোক্তর মন্দাবিয়াগী লীচিং অমদি ‘হেল্থ ফোর ওল’গী ফিরেপ্পু থাগৎখি‍। খা নোংপোক এসিয়া লমদমগী মেম্বর ১১গী মনুংদা ৭না নাথৈদুনা থম্বা ত্রোপিকেল লায়নাশিং মুত্থৎখ্রে হায়না মহাক্না মখা তাখি‍।

লমদম অসোমদা মেম্বর লৈবাকশিংনা ফংবা ঙম্লিবা খোঙজেল অমদি পন্দোলশিংবু শিংথারদুনা, দোক্তর পুনম্না অয়ুস্মান ভারত হেল্থ এন্দ ৱেলনেস সেন্তর ১,৫০,০০০ হেন্না মথৌ তৌহনবদা ভারতনা মায় পাকখিবা অমদি হৌজিক ফাওবদা মীওই মিলিয়ন ৪ হেন্না লায়েংখ্রবা হায়পরতেন্সন কন্ত্রোল ইনিসিএতিবকীদমক ভারতনা ২০২২ UN ইন্তরএজেন্সী তাস্ক ফোর্স এন্দ WHO স্পিসিএল প্রোগ্রাম ওন PHC মনাশিং ফংলকপগীদমক থাগৎখি‍।

হকশেল অমদি য়াইফ-য়ুম্বাল মন্ত্রালয়গী জোইন্ত সেক্রেতরী, শ্রী মানস্বী কুমার, মকোক থোংবা লৈঙাক্কী ওফিসিএলশিং, অমদি ৱর্ল্দ হেল্থ ওর্গনাইজেসনগী মীহুৎশিংসু থৌরমদুদা শরুক য়াখি‍।

****