কল্চর মন্ত্রালয়
প্রধান মন্ত্রী শ্রী নরেন্দ্র মোদীনা আজাদী কা অমৃত মহোৎসব, “মেরী মাতী মেরা দেশ” লোইশিনবগী থৌরমদা অথৌবশিংগী মফমদা শ্রদ্ধাঞ্জলি কৎকনি
ওক্তোবর 31দা পাংথোক্কদবা থৌরমদা শরুক য়ানবগীদমক রাজ্য অমসুং য়ু.তি. 36দগী রিপ্রজেন্তেতিব লিশিং 20 হেনবনা অমৃত কলশ 8000 হেনবগা লোয়ননা লৈবাক্কী কোনুংদা য়ৌরক্লি
Posted On:
27 OCT 2023 5:40PM by PIB Imphal
প্রধান মন্ত্রী শ্রী নরেন্দ্র মোদীনা 2023গী ওক্তোবর 31দা বিজয় চৌক/কর্তব্য পথতা মেরী মাতী মেরা দেশকী অরোইবা থৌরমদা ৱা ঙাংগনি। থৌরম অসিনা মেরী মাতী মেরা দেশ কেম্পেনগী অমৃত কলশ য়াত্রাগী লোইশিনবগী খুদম ওইগনি মদুদা জিলা 766কী ব্লোক 7000দগী লাকপা অমৃত কলশ য়াত্রীশিং শরুক য়াগনি। মসিনা ভারতকী নিংতম্বগী 75শুবা চহি পাংথোক্নবগীদমক 2021গী মার্চ 12দা হৌখিবা আজাদী কা অমৃত মহোৎসবকী চহি অনি শাংনা চত্থরকপা কেম্পেনগী লোইশিনবগী খুদমসু ওইগনি। আজাদী কা অমৃত মহোৎসব হৌদোকখিবদগী লৈবাক পুম্বদা মীয়াম্না থৱায় য়াওনা শরুক য়াদুনা থৌরম লাখ অনি হেন্না পাংথোকখ্রে।
থৌরম অসিদা ওতোনোমস বোদী মেরা য়ুবা ভারত (মাই ভারত)সু হৌদোক্কনি মদুনা নহাশিংনা লুচিংবা দিবলপমেন্তদা সরকারগী পুক্নিং চিংশিনবা অমসুং নহাশিংবু দিবলপমেন্তগী “এক্তিব দ্রাইবরশিং” ওইহনবদা মতেং ওইগনি। ওতোনোমস বোদী অসিগী পান্দমদি নহাশিংবু কম্যুনিতী চেঞ্জ এজেন্তশিং অমসুং লৈবাক শেমগৎপা ওইহনবগীদমক পুক্নিং থৌগৎতুনা মখোয়বু সরকার অমসুং নাগরিকরশিংগী মরকতা য়ুবা সেতু অমগুম মথৌ তৌহনবনি।
ওক্তোবর 30 অমসুং 31দা মেরী মাতী মেরা দেশকী অরোইবা থৌরমগীদমক কর্তব্য পথ/বিজয় চৌকতা পাংথোক্কদৌরিবা মেরী মাতী মেরা দেশকী নুমিৎ নিনিগী থৌরমদা শরুক য়ানবগীদমক রাজ্য অমসুং য়ু.তি. 36দগী অমৃত কলশ য়াত্রী লিশিং 20 হেনবনা অখন্ননা কত্থোক্লবা ত্রেনশিং, বসশিং, অমসুং লোকেল ত্রান্সপোর্তগুম্বা তোঙান তোঙানবা ত্রান্সপোর্তকী মোদশিংগী ওক্তোবর 29দা লৈবাক্কী কোনুংদা য়ৌরক্কনি। অমৃত কলশ য়াত্রীশিং অসি কেম্প অনি- গুরগাওদা ধানচিরি কেম্প অমসুং দিল্লীদা রাধা স্বামি সতসং ব্যাস কেম্পদা লৈগনি।
ওক্তোবর 30দা, রাজ্য পুম্নমক্না মখোয়-মখোয়গী মরী লৈনবা ব্লোকশিং অমসুং অরবান লোকেল বোদীশিং রিপ্রজেন্ত তৌদুনা এক ভারত শ্রেস্থ ভারতকী স্পিরিৎ অদু মমি তাহন্দুনা অচৌবা অমৃত কলশ অমদা মখোয়গী কলশতগী লৈবাক হাপচিনগনি। অমৃত কলশতা লৈবাক হাপ্পগী থৌরম মনুংদা রাজ্য খুদিংদগী পোপুলর আর্ত ফোর্মশিং উৎকনি। থৌরম অসি অয়ুক পুং 10.30দা হৌগনি অমসুং নুমিদাংৱাইরম অথেংবা ফাওবা চত্থগনি।
ওক্তোবর 31দা নুংথিল পুং 12দগী পুং 2 ফাওবা বাইব্রেন্ত কলচরেল পর্ফোমেন্সশিংগা লোয়ননা মীয়ামগীদমক হাংদোক্লবা পব্লিক প্রোগ্রাম অমা লৈগনি। নুংথিল পুং 4 তাবদা প্রধান মন্ত্রী শ্রী নরেন্দ্র মোদীনা অমৃত কলশ য়াত্রীশিং অমসুং লৈবাক মীয়ামদা ভারতপু নিংতমহন্নবা অমসুং চাউখৎপা পুরক্নবগীদমক থৱায় থাখ্রবা অদুগুম্লবা অথৌবশিংবু নিংশিংলদুনা ৱা ঙাংগনি।
মেরী মাতী মেরা দেশ কেম্পেন
চহি অনি শাংনা চত্থরকপা আজাদী কা অমৃত মহোৎসব লোইশিনবগী কেম্পেন ওইনা “মেরী মাতী মেরা দেশ – মাতী কো নমন বীরোং কা বন্ধন” অসি ভারতকী লৈবাক লৈহাও অমসুং থৌনা ফবগী অপুনবা সেলেব্রেসন্নি। লৈবাক্কী জিলা 766দগী ব্লোক 7000 হেনবদগী অচৌবা জন ভাগীদারী উবা ফংই। অরোইবা থৌরমগীদমক ওক্তোবর 29দা কলশ 8500 হেন্না দিল্লী য়ৌরক্কনি। মেরী মাতী মেরা দেশ কেম্পেন ফেজ অনি থোক্না পাংথোকখি মদুদা অহানবা ফেজদা ফ্রীদম ফাইতরশিং অমসুং সেক্যুরিতী ফোর্সশিংগীদমক শিলাফলকম য়াওরি, পঞ্চ প্রন প্রতিগ্যা, বসুধা বন্দন অমসুং বীরোং কা বন্ধন অসিনচিংবা ইনিসিয়েতিবশিংনা অথৌবশিংনা কত্থোকখিবশিংবু ইকায় খুম্নখি।
মসিগী অহানবা ফেজদা, কেম্পেন অসি চাউনা মায় পাকপা অমা ওইখি, মদুদা রাজ্য/য়ু.তি. 36দা শিলাফলকম লাখ 2.33 হেন্না শাখি, পঞ্চ প্রন প্লেদজ সেলফী করোর 4গী ময়া অপলোদ তৌখি, অমসুং লৈবাক শিনবা থুংনা বীরোং কা বন্ধন প্রোগ্রাম লাখ 2 হেন্না পাংথোকখি। মসিগী মথক্তা লমদমশিগী ওইবা উ চারা করোর 2.36 হেন্না থাখি, অমসুং বসুধা বনদান থীমগী মখাদা অমৃত বতিকা লাখ 2.63 শাখি।
মেরী মাতী মেরা দেশকী অনিশুবা ফেজদা, লৈবাক্কী য়ুমথোং খুদিং য়ৌহন্নবা অমৃত কলশ য়াত্রাশিং থৌরাং তৌরি। ভারত পুম্বদগী লাখ 6 হেনবা রুরেল এরিয়াশিংদা লৈরিবা খুঙ্গংশিং অমসুং অর্বান এরিয়াশিংদা লৈরিবা ৱার্দশিংদগী লৈবাক লৈহাও অমসুং চেং খোমজিল্লে। খুঙ্গং খুদিংদগী খোমজিল্লবা লৈবাক লৈহাও অদু ব্লোক লেবেলদা য়ানশইন্নরে অমসুং মদুগী মতুং রাজ্যগী কোনুংদা পুরক্তুনা হৌনবী মতুং ইন্না বিদাই পীদুনা অমৃত কলশ য়াত্রি লিশিং কয়াগা লোয়ননা লৈবাক্কী কোনুংগীদমক লমথাখ্রে।
*****
(Release ID: 1972895)
Visitor Counter : 65