ছত্রপতিগী ইমুং মনুংবু খুরুমজরি।

মহারাস্ত্রগী রাজ্যপাল, শ্রী রমেশ বৈশ, মফম অসিগী হোৎনবা কনবা মুখ্য মন্ত্রী শ্রী একনাথ সিন্দে জী, উপ মুখ্য মন্ত্রী দেবেন্দ্রজী, অজিতজী, কেন্দ্র অমসুং রাজ্য সরকারগী মন্ত্রীশিং, MPশিং, MLAশিং অমসুং ঐখোয় পুম্নমকপু থৌজাল পীনবা মশিং য়াম্না লাক্লিবা ঐগী ইমুংগী মীওইশিং।

মশির্দীচ্যা নত্ত্রগা শেংলবা লমদম অসিবু, ঐহাক্না নখোয় ময়ামবু ইকোক নোন্না খুরুমজরি! করিগুম্বা চহি মঙা হৌখিবা নত্ত্রগা শেংলবা মন্দির অসিনা চহি চামা মপুং ফারবদি মালা সাই দর্শন তৌনৈ। ঙসি সাই বাবাগী থৌজালগা লোয়ননা লুওআ করোর লিশিং তরেৎ মখাইগী চাউখৎ-থৌরাংগী থবক পাইখৎলি অমসুং শঙ্গারি। নিলৱন্দে দাম, মহারাস্ত্রনা দিকেদ মঙা ঙাইজরকপা অদুসু লোইশিনবা ঙমলে অমসুং ঐহাক্না জল পুজন তৌবা ফংজবা অসি ঐগী লাইবক ফবনি। ঐহাক্না ঙসি শঙ্গাখিবা মন্দিরগা মরী লৈনবা প্রোকেক্তশিং উরেপ-উয়ুং তম্বা ফংবগী খুদোংচাবসু ফংলি। দর্শন ক্যু প্রোজেক্ত লোইশিনবদা লৈবাক শিনবা থুংবদগী অমসুং মীরমদগী লাকপা ভক্তা পুম্নমক্তা খুদোংচাহল্লগনি।

মরুপশিং,

ঙসি অয়ুক অসিদা ঐহাক্না লৈবাক্কী তাংলবা মনি, বারকরী সেক্তকী মনি, হরিগী ভক্তা, বাবামহারাজ সাতারকর লঙখিদবগী পাউ তাই। মহাক্না কির্তন অমসুং সর্মনশিংগী খুত্থাংদা খুন্নাইবু য়কাইহনখিবা অদুনা চহিচা কয়া ইথিল পীদুনা লৈহৌরগনি। মহাক্না চম্না ঙাংবা, মহাক্কী নুংশিরবা ৱাহৈশিং, মহাক্কী মওং মতৌনা মীয়ামবু শুমহৎখি। ঐখোয়না লাইশোন ঈশৈ ‘জয়-জয় রামাকৃষ্ণ হরি’গী অচৌবা ইথিল অমা মহাক্না ৱা ঙাংবদগী ফংখি। ঐহাক্না বাবামহারাজ সাতাকরজীদা ইকাই খুম্নবা উৎচরি।

ঐগী ইমুং মনুংশিং,

লৈবাক অসি লাইরবদগী কোকহনগদবনি অমসুং লাইরবদগী লাইরবা ইমুং মনুংশিংনা মাংদা চংশিন্নাব খুদোংচাবা ফংগদবনি, মসি অশেংবা সোসিএল জস্তিসনি। ঐখোয়গী সরকারনা সবকা সাথ, সবকা বিকাসকী মন্ত্রদা থবক তৌরি। ঐখোয়গী দবল ইঞ্জিন সরকারগী খ্বাইদগী মরু ওইবা অসি লাইরবশিংগী য়াইফবনি। ঙসি লৈবাক অসিগী ইকনোমী হেনগৎলক্লি, সরকারগী লাইরবশিংগী য়াইফ-থৌরাংগী বজেৎসু হেনগৎলক্লি।

ঙসি মহারাস্ত্রদা আয়ুশ্মান কার্দ করোর 1 লাখ 10 পীখ্রে। অসিগুম্বা কার্দ হোল্দরশিং অসিদা লুপা লাখ 5 রোমগী লেম্না লায়েং ফংহল্লি। আয়ুশ্মান ভারত স্কিমগী মখাদা লৈবাক  অসিনা লাইরবশিংগী লেম্না লায়েংনবা লুপা করোর লিশিং 70 চাদিং তৌখি। লৈবাক অসিনা লাইরবশিংদা লেম্না রাসন ফংহন্নবা স্কিমদা লুপা করোর লাখ 4 হেন্না চাদিংসু তৌখি। সরকারনা লাইরবশিংগী য়ুম শানবা লুপা করোর লাখ 4 চাদিং তৌখি। মসি 2014গী মমাং চহি 10 দা চাদিং তৌরম্বা অদুদগী শরুক 6 হেল্লি। য়ুমথোং খুদিংদা ঈশিং ফংহন্নবা লুপা করোর লাখ 2রোম চাদিং তৌরি। পি.এম. স্বানিধি য়োজনাগী খুত্থাংদা স্ত্রীৎ ভেন্দরশিং নত্ত্রগা ফুতপাথতা দুজান ফমবা মীওই কয়ানা লুপা লিশিং কয়াগী তেংবাং ফংলি।

হৌজিক সরকার অসিনা অনৌবা স্কিম অমা হৌদোকখ্রে – পি.এম. বিশ্বকর্মা। মসিনা মরম ওইদুনা উ-শুবা, সনা শাবা , চফু শাবা অমসুং খুৎহৈবশিংগী অদুগুম্বা ইমুং লাখ কয়ানা সরকারদগী অহানবা ওইনা শোইদনা তেংবাং  ফংলি। স্কিল অসিদসু লুপা করোর লিশিং 13 হেন্না চাদিং তৌরি। হৌজিক ঐহাক্না মশিং পুম্নমক হায়রি, 2014গী মমাংদা অসিগুম্বা মশিং অসি তারমগনি অদুবু মশিংশিং অদু করি ওইরমখি, শেঞ্জা-থুমজা তৌবগী লুপা লাখ কয়া, লুপা করোর কয়া, করোর কবাগী স্কেমশিং। হৌজিক তৌরিবা অসিনা থবক অসিগীদমক লুপা করোর লাখ কয়া চাদিং তৌরি।

ঐগী ইমুং মনুংশিং,

ঐখোয়গী মশিং য়াম্লবা লৌমী মরুপশিংনা ঙসি থৌরম অসিদা শরুক য়ারি। অহানবা ওইনা ঐহাক্না ‘ধর্তি কহে পুকর’ খুদোল তমখিবা নুপীমচাশিংবু থাগৎচনীংই, মখোয়না ঐখোয়গী এগ্রিকলচরেল সোসাইতীদা পাউজেল অমা পীখি।

ঐগী ইমুং মনুংশিং,

মমাংদা কনাগুম্বা অমত্তনা লৌমীশিংবু য়েংশিনবীরমদে। ঐখোয়না লৌমী ইচিল ইনাওশিংগীদমক পি.এম. কিসান সম্মান নিধি হৌদোকখি। মসিগী মতেংগা লোয়ননা লৈবাক শিনবা থুংবদা লৈরিবা অপীকপা লৌমীশিংদা লুওআ করোর লাখ 2 লিশিং 60 পীখি। মহারাস্ত্রগী অপীকপা লৌমীশিংগী বেঙ্ক একাউন্তশিংদা হকথেংননা লুপা করোর লিশিং 26 ত্রান্সফর তৌখি। মহারাস্ত্র সরকারনা নমো শেৎকরি মহাসম্মন নিধি য়োজনা হৌদোকখিবদা নুংঙাইবা পোকই। মসিগী মখাদা মহারাস্ত্রগী লৌমী ইমুংদা লুপা 6,000 পীরগনি। মসিনা তাকপদি অপীকপা লৌমীশিংনা সম্মান নিধিদগী লুপা লিশিং 12 ফংলগনি হায়বনি।

ঐগী ইমুং মনুংশিং,

লৌমীশিংগী মিংদা ভোৎ পোলিতিক্স তৌরিবশিংনা নখোয়বু ঈশিং মরিক অমগীদমক খৌরাংনা ঙাইহনখি। ঙসি নিলৱন্দে প্রোজেক্তকী জল পুজন তৌরি। মসি 1970দা অয়াবা পীখিবনি, প্রোজেক্ত অসি দিকেদ মঙা পন্দুনা লৈখি। ঐখোয়গী সরকার লাক্লবা মতমদা মসিগী থবক্কী খোঙজেল য়াংখৎহনখী। হৌজিক লেফ বেঙ্ক কেনেলদগী মীয়াম্না ঈশিং ফংবা হৌরে অমসুং অথুবদা রাইৎ বেঙ্ক কেনেলদগীসু হৌরগনি। বালিরাজা জল সঞ্জীবনি য়োজনা অসিনা রাজ্য অসিগী ইকংনা শোকহল্লবা মফমশিংগী থৌজাল অমা ওইরি। কেন্দ্র সরকারনা মহারাস্ত্রগী ইরিগেসন প্রোজেক্ত 26 লোইশিনখ্রে হায়রিবা অসি দিকেদ কয়া পন্দুনা লৈরকখিবনি। মসিনা ঐখোয়গী লৌমীশিং অমসুং ইকংনা শোকহল্লবা মফমশিংদা চাউনা কান্নবা পীরগনি। অদুবু ঙসি ঐখোয়না দাম অসিদগী ঈশিং পীবা হৌবা মতমদা ঐহাক্না লৌমী ইচিল ইনাওশিংগীদমক থৌনিজরি, ঈশিং অসি ঈশ্বরগী খুদোলনি অমসুং ঈশিং মরিক অমত্তা মাংহল্লোইদবনি – পর দ্রোপ মোর ক্রোপ, ফংলিবা মোদর্ন তেক্নোলোজী অদু ঐখোয়না শীজিন্নসি।

ঐগী ইমুং মনুংশিং,

ঐখোয়না থমোয় শেংনা লৌমীশিংদা থবক পীনবা থবক তৌরি। অদুবু মীওই খরনি মহারাস্ত্রদা লৌমীশিংগী মিং শীজিন্নদুনা রাজনিতী তৌরি। মহারাস্ত্রগী মকোক থোংবা লুচিংবনা কেন্দ্র সরকারদা চহি কয়া লৌউ-শিংউ মন্ত্রী ওইরমখি, ঐহাক্না মহাকপু ইকাই খুম্নরবসু মহাক্না লৌমীশিংগীদমক করি তৌরমখি? মহাক্না চহি 7 পাইরম্বা অদুদা মহাক্না লৈবাক অসিগী লৌমীশিংদগী MSP দা লুপা করোর লাখ 3.5 রোমগী চেং-হৱাই লৈশিল্লমখি মশিং অসি নীংশিংবীয়ু মসি চহি 7তনি। অদুবু ঐখোয়গী সরকারা চহি 7 অসদা MSPদা লৌমীশিংদা লুপা করোর লাখ 13.5 পীখি। 2014গী মমাংদা MSPদা লৌমীশিংদগী লুপা করোর 500-600 খক্তগী হৱাই অমসুং থাও মরু লৈখি। ঐখোয়গী সরকারনা লৌমীশিং অদুগী বেঙ্ক একাউন্তদা লুপা করোর লাখ 1 লিশিং 15 হেন্না পীখি। মহাক্না লৌউ-শিংউ মন্ত্রী ওইরিঙৈ মতমদা লৌমীশিংনা মখোয়গী শেলগীদমক মিদলমেনগী মখা পোনখি। লৌমীশিং অসি থা কয়া শেল ফংখিদে। সরকারনা লৌমীশিংগী বেঙ্ক একাউন্তদা MSPগী শেনফম হকথেংননা পীনবা শিল-লাংখি।

মরুপশিং,

হন্দক্তা রবী ক্রোপশিংগী MSP লাউথোকখি। চনাগী MSP অসি লুপা 105দা হেনগৎহনখি অমসুং গেহু অমসুং সেফফ্লাৱরগী MSPদা লুপা 150 হেনগৎহনখি। মসিনা মহারাস্ত্রগী লৌমীশিংদা চাউনা কান্নবা পীরগনি। ঐখোয়না চু থাবা লৌমীশিংগী য়াইফনবসু তৌরি, মহারাস্ত্রদা চুগী মমল অসি ক্বিন্তলদা লুপা 315 হেনগৎহনখি। লুপা করোর লিশিং 70রোম ওইবা ইথানোল চহি 9 অসিদা লৈখি। শেনফম অসি চু থারিবা লৌমীশিংদা য়ৌহনখি। মতম চানা চু থারিবা লৌমীশিংদা শেনফমশিং পীথোক্নবা লুপা লরোর লিশিং কয়াগী তেংবাং সুগর মিলশিং অমসুং কোওপরেতিব সোসাইতীশিংদা পীখি।

ঐগী ইমুং মনুংশিং,

ঐখোয়গী সরকারনা কোওপরেতিব মুফমেন্ত মপাঙ্গল কনখৎহন্নবসু থবক তৌরি। কোওপরেতিব সোসাইতী লাখ 2 হেন্না লাইবক অসিদা শেমখ্রে। লৈবাক্কী লৌমীশিংনা স্তোরেজ অমসুং কোল্দ স্তোরেজ ফেসিলিতীশিং হেন্না ফংনবা কোওপরেতিব সোসাইতীশিং অমসুং PACSতা তেংবাং পীরি। অপীকপা লৌমীশিং FPOগী খূত্থাংদা ওর্গনাইজ তৌরি। লৈবাক অসিদা FPO 75,000 হেন্না লৈরি।

ঐগী ইমুং মনুংশিং,

মহারাস্ত্রা অসি অচৌবা পোতেন্সিএল অমসুং মশিং লাকঙমদ্রবা ওইথোকপা য়াবশিংগী সেন্তর অমা ওইরি। মহারাস্ত্রনা খোঙজেল য়াংনা খুমাং চাউশিল্লবদি ভারতনা খোঙজেল য়াংনা চাউখৎকনি। থা খরগী মমাংদা ঐহাক্না মুম্বাই অমসুং শিরদী শম্নহল্লিবা ভন্দে ভারত ত্রেন লমথাবগী খুদোংচাবা ফংখি। মহারাস্ত্রদা রেলৱেগী খুদোংচাবা পাকথোক চাউথোরক্লি। জালগাও অমসুউং ভুসবলগী থর্দ অমসুং ফোর্থ রেলৱে লাইনশিং হৌখিবনা মুম্বাই-হাওরা রেল রুৎতা চৎথোক চৎশিন নুংঙাইহল্লগনি। মতৌ অসুম্না সোলাপুরদগী বোরগাও ফাওগী ফোর লেন রোদ অসিনা কোকন রিজনদা কন্নেক্তিবিতী হেনগৎহল্লগনি। মসি খক্তা নত্তনা মসিদগী ইন্দস্ত্রীশিংনা চাউনা কান্নবা ফংহল্লগনি, চু, অঙ্গুর অমসুং য়াইঙং থারিবা লৌমীশিংনসু কান্নবা ফংলগনি। মসিনা ত্রান্সপোর্তকী অনৌবা লম্বী য়াৎলগনি। মসিনা খুন্নাইদা চাউখৎপা পুরক্লগনি। ঐহাক্না অমুক হান্না ঐহাকপু থৌজাল পীবীবগীদমক থাগৎচরি। 2047দা ঐখোয় অমুক পুনশিল্লসু। ঐখোয়না নীংতম্বগী চহি 100 শুরকপদা ভারত অসি চাউখৎপা ভারত অমা ওইনবা ফিরেপ লৌরসি।

হন্না-হন্না থাগৎচরি।

***