কেন্দ্ৰীয় গৃহ পৰিক্ৰমা তথা সমবায় বিভাগৰ মন্ত্ৰী শ্ৰী অমিত শ্বাহে ২৩ অক্টোবৰ, সোমবাৰে নতুন দিল্লীত ‘ৰাষ্ট্ৰীয় ৰপ্তানি সমবায় লিমিটেড’ (এনচিইএল)য়ে অনুষ্ঠিত কৰা 'সমবায়ৰ ৰপ্তানি সম্পৰ্কীয় ৰাষ্ট্ৰীয় আলোচনা চক্ৰ'ত ভাষণ দিব। শ্ৰী অমিত শ্বাহে ‘এনচিইএল’ৰ প্ৰতীকচিহ্ন, ৱেবছাইট আৰু পুস্তিকা মুকলি কৰিব আৰু পত্ৰএনচিইএলৰ সদস্যসকলক সদস্য পদৰ প্ৰমাণ বিতৰণ কৰিব। ৰপ্তানি বজাৰৰ সৈতে সংযোগৰ বাবে সমবায়সমূহক ক্ৰমবদ্ধ কৰা, ভাৰতীয় কৃষি-ৰপ্তানিৰ সম্ভাৱনা আৰু সমবায়সমূহৰ বাবে সুযোগকে ধৰি বিভিন্ন বিষয় সন্মিলনখনত আলোচনা কৰা হ'ব।

শ্ৰী অমিত শ্বাহে সমবায় খণ্ডৰ ৰপ্তানিৰ ক্ষেত্ৰত এক শীৰ্ষ সংগঠন হিচাপে কাম কৰাৰ বাবে এখন ৰাষ্ট্ৰীয় পৰ্যায়ৰ বহু-ৰাজ্যিক সমবায় সমিতি স্থাপনৰ প্ৰয়োজনীয়তাত গুৰুত্ব আৰোপ কৰাৰ পিছত ‘এনচিইএল’ স্থাপিত হৈছিল। প্ৰধানমন্ত্ৰী শ্ৰী নৰেন্দ্ৰ মোদীৰ নেতৃত্বত আৰু সমবায় বিভাগৰ মন্ত্ৰীজনৰ সক্ষম নিৰ্দেশনাত সমবায় মন্ত্ৰালয়ে দেশত সহযোগিতামূলক আন্দোলন শক্তিশালী কৰাৰ বাবে যোৱা ২৭ মাহত ৫৪টা পদক্ষেপ গ্ৰহণ কৰিছে। সমবায়ৰ জৰিয়তে ৰপ্তানি বৃদ্ধিৰ বাবে এক ৰাষ্ট্ৰীয় পৰ্যায়ৰ সমবায় স্থাপন কৰাটো এনে ধৰণৰ পদক্ষেপসমূহৰ ভিতৰত এটা যি হৈছে মোদী চৰকাৰৰ "সহকাৰ চে সমৃদ্ধি"ৰ দৃষ্টিভংগী বাস্তৱায়িত কৰাৰ দিশত এক গুৰুত্বপূৰ্ণ পদক্ষেপ।  

‘ৰাষ্ট্ৰীয় ৰপ্তানি সমবায় লিমিটেড’ হৈছে ২০২৩ চনৰ ২৫ জানুৱাৰীত ‘মাল্টি-ষ্টেট কো-অপাৰেটিভ ছ'চাইটী আইন, ২০০২’-ৰ অধীনত পঞ্জীয়ন কৰা সমবায় খণ্ডৰ ৰপ্তানিৰ বাবে নতুনকৈ স্থাপিত শীৰ্ষ সংগঠন। কৃষি আৰু আনুষঙ্গিক কাৰ্যকলাপৰ লগতে হস্ততাঁত আৰু হস্তশিল্প সামগ্ৰীসমূহক সামৰি লোৱাৰ উপৰি ইয়াৰ অধীনত বৃহৎ সংখ্যক সমবায়ৰ নাম ভৰ্তি কৰে আৰু ইয়াৰ ৰাজহ বৰ্তমানৰ ২,১৬০ কোটি টকাৰ পৰা দুগুণলৈ বৃদ্ধি কৰাৰ লক্ষ্য গ্ৰহণ কৰা হয়।

ৰপ্তানিৰ প্ৰতি আগ্ৰহী প্ৰাথমিক পৰ্যায়ৰ পৰা শীৰ্ষ পৰ্যায়লৈকে সকলো সমবায় সমিতিয়েই ২,০০০ কোটি টকাৰ অনুমোদিত অংশীদাৰি মূলধন বিশিষ্ট ‘এনচিইএল’ৰ সদস্য হোৱাৰ যোগ্যতা অৰ্জন কৰে। দেশৰ ভৌগোলিক সীমাৰ বাহিৰৰ বহল বজাৰসমূহত প্ৰৱেশ কৰি ভাৰতীয় সমবায় খণ্ডত উপলব্ধ অতিৰিক্ত পৰিমাণৰ ৰপ্তানিত গুৰুত্ব প্ৰদান কৰাটোৱেই হৈছে ইয়াৰ লক্ষ্য।

সমবায় খণ্ডক শক্তিশালী কৰাৰ বাবে গ্ৰহণ কৰা বিভিন্ন পদক্ষেপ সন্দৰ্ভত সবায় মন্ত্ৰালয়ৰ বিষয়াসকলে কৰা উপস্থাপনৰে আলোচনাচক্ৰ আৰম্ভ হ'ব। আলোচনাচক্ৰৰ দ্বিতীয়াৰ্ধত ৰপ্তানি বজাৰৰ সৈতে সংযোগৰ বাবে সমবায়সমূহক আগবঢ়ায় অনা, ভাৰতীয় কৃষি ৰপ্তানিৰ সম্ভাৱনা আৰু সমবায়সমূহৰ সুযোগ, ভাৰতক বিশ্বৰ দুগ্ধ কেন্দ্ৰ হিচাপে গঢ়ি তোলা আৰু সমবায় খণ্ডত বিশ্বৰ সৰ্ববৃহৎ শস্য সংৰক্ষণ পৰিকল্পনাকে ধৰি বিভিন্ন বিষয়ৰ কাৰিকৰী অধিৱেশন অন্তৰ্ভুক্ত থাকিব।

সমবায়ৰ ৰপ্তানি সম্পৰ্কীয় ৰাষ্ট্ৰীয় আলোচনাচক্ৰত ‘এনচিইএল’ৰ সদস্য সমবায়, ‘ৰাষ্ট্ৰীয় সমবায় ফেডাৰেশ্যন’কে ধৰি বিভিন্ন সমবায় খণ্ডৰ প্ৰতিনিধি, বিভিন্ন দেশৰ দূতাবাসৰ প্ৰতিনিধি আৰু কেন্দ্ৰীয় আৰু ৰাজ্য চৰকাৰসমূহৰ বিষয়াসহ ১০০০ৰো অধিক অংশগ্ৰহণকাৰী উপস্থিত থাকিব। বৃহৎ সংখ্যক সমবায় সদস্য আৰু অংশীদাৰেও অনলাইন মাধ্যমেৰে এই কাৰ্যক্ৰমত যোগদান কৰিব।   

‘গুজৰাট সমবায় দুগ্ধ বিপণন ফেডাৰেশ্যন’ (জিচিএমএমএফ-আমুল), ‘ভাৰতীয় কৃষক সাৰ সমবায়’ (ইফকো), ‘কৃষক ভাৰতী সমবায়’ (ক্ৰিভকো) আৰু ‘ভাৰতীয় ৰাষ্ট্ৰীয় কৃষি সমবায় বিপণন ফেডাৰেশ্যন’ (নাফেড) আৰু ‘ৰাষ্ট্ৰীয় সমবায় উন্নয়ন নিগম’ (এনচিডিচি)য়ে যুটীয়াভাৱে ‘এনচিইএল’ৰ পৃষ্ঠপোষকতা কৰিছে।   

*****

RK/ASH/KB