কোওপরেসন মন্ত্রালয়

কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা ' নই দিল্লীদা ওক্তোবর ২৩, নিংথৌকাবা নুমিত্তা নেস্নেল কোওপরেতিব ফোর এক্সপোর্তস লিমিতেদ (এন.সি.ই.এল.)না শীনবা নেস্নেল সিম্পোজিয়ম ওন কোওপরেতিব এক্সপোর্তস' দা ৱা ঙাংগদৌরি


শ্রী অমিত শাহনা এন.সি.ই.এল.গী লোগো, ৱেবসাইত অমসুং ব্রোচরসু হৌদোক্কদৌরি অমসুং এন.সি.ই.এল.গী মেম্বরশিংদা মেম্বরশিপ সর্তিফিকেতসু য়েন্থোক্কদৌরি

সিম্পোজিয়ম অসিদা এক্সপোর্ত মার্কেতশিং লিঙ্ক তৌননবা কোওপরেতিবশিং চেনেলাইজ তৌবা, ভারতকী এগ্রি-এক্সপোর্তশিংগী তৌবা ঙম্বা অমসুং কোওপরেতিবশিংগা অতৈগা লৈনিরিবা খুদোংচাবশিং য়াওনা মখল কয়াগী ইসুশিং খন্নগদৌরি

প্রধান মন্ত্রী শ্রী নরেন্দ্র মোদীগী লমজিং মখাদা অমসুং কোওপরেসন মন্ত্রীগী পাউতাক মখাদা, কোওপরেসন মন্ত্রালয়না হৌখিবা থা ২৭ অসিদা লৈবাক অসিদা কোওপরেতিব মুবমেন্ত মপাঙ্গল কনখৎহন্ননবা ইনিসিএতিব ৫৪ লৌখৎখ্রে

কোওপরেতিবশিংগী খুথাংদগী এক্সপোর্ত চাউখৎহন্ননবা নেস্নেল-লেবেল কোওপরেতিব অমা শেমগৎপা হায়বসি মোদী সরকারগী পান্দম " সাহাকার সে সমরিদ্ধি" অসিবু ফংনবগীদমক্তা মরু ওইবা খোঙথাং অমা ওইরিবা ইনিসিএতিবশিংগী মনুংদা অমনি

Posted On: 22 OCT 2023 1:52PM by PIB Imphal

কেন্দ্রগী গৃহ মন্ত্রী অমসুং কোওপরেসন মন্ত্রী, শ্রী অমিত শাহনা ' নই দিল্লীদা ওক্তোবর ২৩, নিংথৌকাবা নুমিত্তা নেস্নেল কোওপরেতিব ফোর এক্সপোর্তস লিমিতেদ (এন.সি.ই.এল.)না শিনবা নেস্নেল সিম্পোজিয়ম ওন কোওপরেতিব এক্সপোর্তস' দা ৱা ঙাংগদৌরি। শ্রী অমিত শাহনা এন.সি.ই.এল.গী লোগো, ৱেবসাইত অমসুং ব্রোচরসু হৌদোক্কদৌরি অমসুং এন.সি.ই.এল.গী মেম্বরশিংদা মেম্বরশিপ সর্তিফিকেতসু য়েন্থোক্কদৌরি। সিম্পোজিয়ম অসিদা এক্সপোর্ত মার্কেতশিং লিঙ্ক তৌননবা কোওপরেতিবশিং চেনেলাইজ তৌবা, ভারতকী এগ্রি-এক্সপোর্তশিংগী তৌবা ঙম্বা অমসুং কোওপরেতিবশিংগা অতৈগা লৈনিরিবা খুদোংচাবশিং য়াওনা মখল কয়াগী ইসুশিং খন্নগদৌরি।

শ্রী অমিত শাহনা কোওপরেতিব সেক্তরনা এক্সপোর্তশিংগীদমক্তা অম্ব্রেলা ওর্গনাইজেসন অমা ওইনা মথৌ তৌননবা নেস্নেল-লেবেল মলতি-স্তেৎ কোওপরেতিব সোসাইতি অমা হৌদোকপগী তঙাই ফদবা অদুবু মরু ওইনা লৌবদগী এন.সি.ই.এল. অসি হৌদোক্লকখিবনি। প্রধান মন্ত্রী শ্রী নরেন্দ্র মোদীগী লমজিং মখাদা অমসুং কোওপরেসন মন্ত্রীগী পাউতাক মখাদা, কোওপরেসন মন্ত্রালয়না হৌখিবা থা ২৭ অসিদা লৈবাক অসিদা কোওপরেতিব মুবমেন্ত মপাঙ্গল কনখৎহন্ননবা ইনিসিএতিব ৫৪ লৌখৎখ্রে। কোওপরেতিবশিংগী খুথাংদগী এক্সপোর্ত চাউখৎহন্ননবা নেস্নেল-লেবেল কোওপরেতিব  অমা শেমগৎপা হায়বসি মোদী সরকারগী পান্দম " সাহাকার সে সমরিদ্ধি" অসিবু ফংনবগীদমক্তা মরু ওইবা খোঙথাং অমা ওইরিবা ইনিসিএতিবশিংগী মনুংদা অমনি।

নেসনেল কোওপরেতিব ফোর এক্সপোর্ত লিমিতেদ অসি মলতি স্তেত কো-ওপরেতিব সোসাইতীস এক্ত, ২০০২গী মখাদা জনুৱারী ২৫, ২০২৩  দা রেজিস্তর তৌরবা কোপরেতিব সেক্তর এক্সপোর্তকী অম্ব্রেল্লা ওর্গানাইজেসন অমনি। মসিনা লৌউশিংউ অমসুং মসিগা মরী লৈনবা থবক থৌরমশিং অমসুং হেন্দলুম অমসুং হেন্দিক্রাফাইতেমশিংবু মশীং য়াম্লবা কো-ওপরেতিব কয়া মসিগী মখাদা মিং চন্দুনা মসিগী রেভিন্যুবু ২০২৫ ফাওবদা হৌজিক লৈরিবা লুপা করোর ২,১৬০ দগী মশীং অনি থোক্না হেনগৎনবা পান্দমদা কোনশিল্লি।

এক্সপোর্ত্তা অপাম্বা লৈবা প্রাইমরীদগী এপেক্স ফাওবগী থাক্তা লৈবা কোওপরেতিব সোসাইতী খুদিংমক্না লুপা করোর ২,০০০ গী ওথোরাইজ তৌরবা কেপিতেল শেয়র লৈবা NCEL গী মেম্বর ওইবা য়াগনি। মসিনা ইন্দিয়ন কোওপ্রেতিব সেক্তরদা লৈরিবা সর্প্লসপু লৈবাক অসিগী ঙমখৈ ৱাংমদা অহেনবা মার্কেতশিংদা ফংহন্দুনা থাদোক্নবা পান্দম থম্লি।

সিম্পোজিয়ম অসি কোওপরেতিব সেকরবু মপাঙ্গল কলহন্নবা লৌখৎপা থৌরাং কয়া কোওপরেতিব মন্ত্রালয়গী ওফিসিএলশিংনা লান্থোকপগা লোইননা হৌদোক্কনি। সিম্পোজিয়ম অসিগী অনিশুবা শরুক্না এক্সপোর্ত মার্কেতশিং লিঙ্ক তৌননবা কোওপরেতিবশিং চেনেলাইজ তৌবা, ভারতকী এগ্রি-এক্সপোর্তশিংগী তৌবা ঙম্বা অমসুং কোওপরেতিবশিংগা অতৈগা লৈনিরিবা খুদোংচাবশিং, ভারতপু মালেমগী দেরী হব অমা ওইনা শেমগৎপা অমসুং মালেমগী কোওপরেতিব সেক্তরদা খ্বাইদগী চাউবা গ্রেন স্তোরেজ প্লান শেমগৎপগী মতাংদা খন্নগদবা তেক্নিকেল সেসন য়াওরি।

কোওপরেতিব এক্সপোর্তকী নেসনেল সিম্পোজিয়ম অসিদা NCELগী কোপরেতিব মেম্বরশিং, নেসনেল কোওপরেতিব ফেদরেসন য়াওনা তোঙান-তোঙানবা কোওপরেতিব সেক্তরগী মীহুৎশিং, তোঙান-তোঙানবা লৈবাকশিংগী ইম্বেসীশিং অমসুং কেন্দ্র অমসুং রাজ্য সরকারগী ওফিসিএলশিং য়াওনা মীওই ১০০০ হেন্না শরুক য়াগনি। মশীং য়াম্লবা কোওপরেতিব মেম্বর অমসুং স্তেকহোল্দরশিংসু ওনলাইন মোদতা শরুক য়াগনি।

মকোক থোংবা কোওপরেতিবশিং – গুজরাত কোওপরেতিব মিল্ক মার্কেতিং ফেদরেসন (GCMMF – অমুল), ইন্দিয়ন ফার্মর'স ফর্তিলাইজর কোওপরেতিব (IFFCO), কৃশক ভারতি কোওপরেতিব (KRIBHCO) অমসুং নেসনেল এগ্রিকলচরেল কোওপরেতিব মার্কেতিং ফেদরেসন ওব ইন্দিয়া (NAFED) অমসুং নেসনেল কোওপরেতিব দিবেলপমেন্ত কোর্পোরেসন (NCDC) না খুৎশম্নদুনা NCEL বু প্রোমোত তৌরি।

***



(Release ID: 1969936) Visitor Counter : 69