وزیراعظم جناب نریندر مودی نے ہندوستان کے سابق نائب صدر  جناب بھیروں سنگھ شخاوت کو، اُن کی 100  ویں یوم پیدائش پر خراج تحسین پیش کیا۔ جناب مودی نے کہا کہ  بھیروں سنگھ شخاوت  نے  ہندوستان کے جمہوری ڈھانچے کو مضبوط  کرنے میں  ایک نمایاں کردار ادا کیا ہے اور  ان کی مدت اس لئے یاد رکھی  جائے گی،  کیونکہ انہوں نے پارلیمانی مباحثوں  اور تبادلہ خیال کے معیارات  کو  مزید بڑھانے کے لئے اپنے عزم کا مظاہرہ کیا۔ وزیراعظم مودی نے  سابق  نائب صدر جمہوریہ  کے ساتھ  اپنی  بات چیت کی  کچھ جھلیاں بھی مشترک کیں۔

ایکس پر  ایک پوسٹ میں وزیراعظم نے کہا کہ ؛

‘‘آج بہت ہی خصوصی دن ہے۔ یہ  قابل احترام  مدبر بھیروں سنگھ شخاوت جی کی 100  ویں سالگرہ  کا دن ہے۔ بھارت  ، ملک کی ترقی  کے تئیں  بھیروں سنگھ  شخاوت جی کی  مثالی قیادت اور کوششوں کے لئے ان کا ہمیشہ  احسان  مند رہے گا۔ وہ  اُن چند شخصیات میں سے ایک  ہیں ، جنہوں نے سیاسی  وابستگی سے  اوپر اٹھ کر کام کیا اور وہ اسے پسند بھی کرتے  ہیں ۔ اور  انہوں نے  زندگی کے تمام شعبوں سے تعلق رکھنے والے لوگوں کو پسند کیا۔

میں  اُن کے  ساتھ اپنی ملاقات اور بات چیت کی کچھ  جھلکیاں بھی مشترک کر رہا ہوں۔

 بھیروں سنگھ شخاوت جی  ایک مثالی لیڈر  اور  فعال  منتظم تھے۔ انہوں نے  خود کو  ایک  بہترین  وزیراعلیٰ کے طور پر نمایاں کیا اور  راجستھان کی ترقی کو نئی بلندیوں تک لے گئے۔ انہوں نے راجستھان کے غریبوں ، کسانوں اور خواتین  کے لئے  زندگی  کے بہتر معیار کو یقینی بنانے پر زور دیا۔ انہوں  نے  دیہی  ترقی کو  مزید  آگے لے جانے کے لئے بہت سے اقدامات کئے۔

میری  بھیروں سنگھ شخاوت جی کے ساتھ بات چیت کی بے شمار  یاد گاریں ہیں۔ اس میں وہ وقت بھی شامل ہے جب  میں  پارٹی  تنظیم کے لئے کام کر رہا تھا  اور  وہ بھی  وقت  شامل  ہے جب 1990  کی دہائی کے شروع میں ایکتا  یاترا کے  دوران سرگرم عمل تھا۔ جب بھی میں ان سے ملوں گا،  تو میں  پانی کو بچانے ، غربت دور کرنے اور اس کے علاوہ دیگر  فلاحی کاموں کے بارے میں اُن سے بہت کچھ سیکھوں گا۔

2001 میں جب میں گجرات کا وزیراعلیٰ بنا  اور  ایک سال بعد  بھیروں سنگھ  شخاوت جی ہندوستان کے نائب صدر جمہوریہ بنے۔ میں  ان خوش قسمت  لوگوں میں سے  ایک ہوں ، جنہوں نے اُن سالوں  کے  دوران، ان کی مسلسل حمایت اور تعاون حاصل کیا۔ انہوں  نے 2005  کی  درخشاں گجرات  سربراہ  کانفرنس  میں شرکت کی تھی، جس دوران  انہوں نے گجرات  میں  اس کام  ستائش  کی تھی، جو اس دوران جاری تھے۔

اس موقع پر انہوں نے میرے ذریعے تحریر کردہ  ایک کتاب  کا بھی اجراء  کیا ۔ اس کتاب کا نام ‘‘آنکھ  آ دھنیہ چھے’’ ہے۔ اس پروگرام کی یہاں ایک تصویر ہے۔

آج ہم  اپنے ملک کے لئے بھیروں سنگھ  شخاوت جی  کے ویژن کو پورا کرنے کے تئیں اپنے عزم  کو دہراتے ہیں اور  اس بات کو یقینی بناتے ہیں کہ ہر ہندوستانی  عزت  کی زندگی  کی رہنمائی کرے، ساتھ ہی ساتھ  ہندوستان کی ترقی کو  زیادہ تقویت دینے اور تابناک بنانے کے لئے  بے شمار مواقع حاصل کرے۔

۔۔۔۔۔۔۔۔۔۔۔۔۔۔۔۔۔۔۔۔۔۔

۰۰۰۰۰۰۰۰

(ش ح- ح ا - ق ر)

(23-10-2023)

U-131