প্রধান মন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রী মন্দলনা নহাশিংগী চাউখৎ থৌরাং অমদি নহাশিংনা লমজিংবা চাওখৎ থৌরাংগীদমক তেক্নোলোজীনা মতিক হাপ্পা অচৌবা ইনেব্লিং মেকানিজম অমা ওইনা থবক তৌনবা অমদি নহাশিংদা মখোয়গী অনীংবা অপাম্বশিং মঙফাওনহন্নবা অমসুং লৈঙাক্কী মশা মরেং পুম্বদা বিক্সিৎ ভারত শেমগৎনবগীদম্ মান্নবা এক্সেস ফংহন্নবগীদমক মেরা য়ুবা ভারত কৌবা ওতোনোমস বোদী অমা লিংখৎনবা অয়াবা পীখ্রে‍।

শাফু:

মেরা য়ুবা ভারত (মাই ভারত)কী মরুওইবা পান্দমদি নহাশিংগী চাওখৎ থৌরাংগীদমক লৈঙাক পুম্বগী ওইবা ফম্পাক অমা শেম্বনি‍। নৌনা শেম শারিবা অসিগী মখাদা, মচাক মথুম ফংহন্দুনা অমদি খুদোংচাবশিংগা মরী শম্নহন্দুনা মহাশিংনা খুন্নাইদা অহোংবা পুরক্নবগী এজেন্ত অমদি লৈবাক শেমগৎপা মীওইশিং ওইহন্দুনা মখোয়বু লৈঙাক অমদি লৈবাক মীয়ামগী মরক্তা নহাশিংগী থোং ওইনা মথৌ তৌবা য়াহনগনি‍। মসিনা লৈবাক শেমগৎপদা নহাশিংগী পাক চাউরবা ইনর্জীবু লোকশিন্দুনা শীজিন্ননবা পান্দম থম্লি‍।

অকুপ্পা ৱাফমশিং:

ওতোনোমস বোদী অমা ওইগদৌরিবা, মেরা য়ুবা ভারত (মাই ভারত)না নেস্নেল য়ুথ পোলিসীগী ‘নহা’ হায়বগী ৱাহন্থোক্কী পরিংদা, চহি ১৫-২৯গী মনুংদা লৈবা নহাশিংদা কান্নবা পীগনি‍। ইনখৎলক্লিবা মীওইশিংখক্তগী ওইবা প্রোগ্রাম কম্পোনেন্তশিংগী মতাংদদি, বেনিফিসরীশিং অসি চহি ১০-১৯গী চহি কাঙলুপ্তা লৈবা ওইগনি‍।

মেরা য়ুবা ভারত (মাই ভারত) লিংখৎপনা পুরক্কদবশিংদি:

ক.  নহাশিংগী লীদরসিপ শেমগৎপা:

১.       তোখাই তাবা ফীজিকেল ইন্তরেক্সন্দগী প্রোগ্রামেতিক স্কিলদা পুরক্তুনা এক্সপরিএন্সিএল লর্নীংগী খুত্থাঙদা লীদরসিপ স্কিল ফগৎহনবা‍।

২.       খুন্নাইদা নহাশিংবু সোসিএল ইনোভেতর, লুচিংবশিং ওইহন্নবগীদমক মখোয়দা হেন্না মীৎয়েঙ চৎবা‍।

৩.       লৈঙাক্কী মীৎয়েঙ নহানা লমজিংবা চাওখৎ থৌরাংদা থম্বা অমদি নহাশিংবু চাওখৎ থৌরাংগী ‘পেসিব রিসিপিএন্ত’ ওইহনবগী মহুত্তা ‘এক্তিব দ্রাইভর’ ওইহনবা‍।

খ.   নহাশিংগী অনীংবা অপাম্বা অমদি খুন্নাইগী মথৌ তাবশিংগা হেন্না চুশিন্নহনবা‍।

গ.   হান্না লৈরিবা প্রোগ্রামশিং পুনশিন্নদুনা হেন্না মতিং লৈহন্বা‍।

ঘ.   নহা অমদি মন্ত্রালয়শিংগী ৱন স্তোপ সোপ ওইনা মথৌ তৌবা‍।

ঙ.   সেন্ত্রেলাইজ য়ুথ দেতাবেজ শেম্বা‍।

চ.   লৈঙাক্কী নহাশিংগী থৌরাংশিং অমদি নহাশিংনা শরুক য়াবা অতৈ স্তেকহোল্দরশিংগী থবক থৌরমশিং মরী শম্নহন্নবা নাকল অনিগী ঈ-পাউ ফাওনবগী চাং হেনগৎহনবা‍।

ছ.   ফীজিকেল ইকোসিস্তেম অমা শেমদুনা এসেসিবিলিতী লৈহনবা‍।

বেকগ্রাউন্দ:

খোঙজেল য়াঙবা ঈ-পাউ ফাওনবা, সোসিএল মিদিয়া, অনৌবা দিজিতেলগী খুদোংচাবশিং অমদি নৌনা থোরক্লিবা তেক্নোলোগীশিংগী এনভাইরনমেন্ত অমগা লোয়ননা খোঙজেল য়াঙনা হোংলক্লিবা মালেম অসিদা, ‘লৈবাক পুম্বা চঙশিনবা’ হায়বগী পরিংনা লমজিংদুনা নহাশিংবু শরুক য়াহন্নবা অমদি মখোয়বু মপাঙ্গল হাপ্নবগীদমক, লৈঙাক্না অনৌবা ওতোনোমস বোদী, মমিং ওইনা পল্লবদা মেরা য়ুবা ভারত (মাই ভারত)কী মওংদা অচৌবা ইনেব্লিং মেকানিজম অমা লিংখৎনবা ফিরেপ লৌরে‍।

*****