প্রধান মন্ত্রী, শ্রী নরেন্দ্র মোদীনা ওক্তোবর 12, 2023দা উত্তরাখন্দদা চৎকদৌরি।

প্রধান মন্ত্রীনা নুমিৎ অসিগী অয়ুক্কী চাউরাক্না পুং 8.30 তাবা মতমদা পিথোরাগর জিলাগী জোল্লিংকোংদা য়ৌগনি, মহাক্না মফমসিগী পার্বতী কুন্দদা পুজা অমসুং দর্শন তৌগনি। প্রধান মন্ত্রীনা মফমসিদগী শেংলবা অদি কৈলাশকী থৌজাল নিজগনি। মসিদি স্পিরিচুএলগী ওইনা মরু ওইবা অমসুং মহৌশাগী ফজবগীদমক্তা মমিং য়াম্না চৎপা মফম অমনি।

প্রধান মন্ত্রীনা পিথোরাগর জিলাগী গুঞ্জী খুঙ্গংদা অয়ুক্কী চাউরাকপা পুং 9.30 তাবদা য়ৌগনি অমসুং মফমসিগী মীয়ামগা উন্নদুনা ৱারি শাগনি, অমসুং লমদমসিগী আর্ত অমসুং পোত্থোকশিং উৎপা একজিবিসন অমদা চৎকনি। মহাক্না মফমসিদা লৈবা আর্মী, ইন্দো-তিবেতান পুলিস ফোর্স (ITBP) অমসুং বোর্দর রোদ ওর্গনাইজেসন (BRO)গী পর্সোন্নেলশিংগসু উন্নদুনা ৱারি শাগনি।

নুমিৎ অসিমক্কী নুমিৎ য়ুংবগী পুং 12 তাবা মতমদা, মহাক্না অলমোরা জিলাগী জাগেশ্বর ধামদা য়ৌগনি, অমসুং মফমসিদা পুজা অমসুং দর্শন তৌগনি। চাউরাক্না ফীত 6200 ৱাংবা মফমদা লৈরিবা জাগেশ্বর ধাম অসিদা নুংগী লাইশঙ চাউরাক্না 224মুক লৈরি।

মদুগী মতুংদা, প্রধান মন্ত্রীনা নুংথিলগী চাউরাকপা পুং 2.30 তাবা মতমদা পিথোরাগরদা থুংগনি, অমসুং খুঙ্গংগী চাউখৎ থৌরাং, লম্বী শোরোক, মৈ, ইরিগেসন, থক্নবা ঈশিং, হোর্তিকলচর, মহৈ-মশিং, হকশেল অমসুং দিজাজতর মেনেজমেন্তকুম্বা সেক্তর কয়াগী চাউরাকপা লুপা করোর 4200গী শেনফমগী চাউখৎ থৌরাংগী তোঙান-তোঙানবা প্রোজেক্ত কয়া লৈবাক মীয়ামদা খুৎশিন্নবগা লোয়ননা উরেপ উয়ুংসু তমগনি।

প্রধান মন্ত্রীনা নুমিৎসিদা শঙ্গাগদবা অমসুং লৈবাক মীয়ামদা কত্থোক্কদবা প্রোজেক্তশিংগী মনুংদা PMGSYগী মখাদা খুঙ্গংগী লমদমদা শাবা খুঙ্গংগী লম্বী শোরোক 76 অমসুং থোং 25; জিলা 9গী BDO ওফিসকী বিলদিং 15; সেন্ত্রেল রোদ ফন্দগী মখাদা শাবা শোরোক অহুম, মিং ওইনা পল্লবদা, কাউসানী বাগেশ্বর শোরোক, ধারী-দাউবা-গিরিচীনা শোরো অমসুং নগালা-কিচা শোরোক অপগ্রেদ তৌবা; নেস্নেল হাইৱেগী শোরোক অনি, মিং ওইনা পল্লবদা, অলমোরা পেতশল-পানুৱানাউলা-দানয়া (NH 309B) অমসুং তানকপুর-চলথী (NH 125) অপগ্রেদ তৌবা; থক্নবা ঈশিংগা মরী লৈনবা প্রোজেক্ত অহুম, মিং ওইনা পল্লবদা, পম্পিং দ্রিঙ্কিং ৱাতর স্কিম 38, গ্রেবিতী বেজ ৱাতর সপ্লাই স্কিম 419 অমসুং ত্যুব ৱেল বেজ ৱাতর সপ্লাই স্কিম অহুম; পিথোরাগরদা লৈবা থার্কোত খুৎশেমগী পাত; 132 KVগী পিথোরাগর-লোহাঘাত (চম্পাৱত) পাৱর ত্রান্সমিসন লাইন; ৱর্ল্দ বেঙ্কনা ফন্দিং তৌবা উত্তরাখন্দ দিজাজতর রিকোবরী প্রোজেক্তকী মখাদা দেহরাদুন্দা লৈবা উত্তরাখন্দ অমসুং উত্তরাখন্দ স্তেত দিজাজতর মেনেজমেন্ত ওথোরিতী (USDMA) বিলদিং শিনবা থুংবগী থোং 39 য়াওরি।

উরেপ উয়ুং তমগদবা প্রোজেক্তশিংগী মনুংদা লৈ অমসুং মনা-মশিং পুথোকপা অমসুং মখোয়গী মগুন হেনগৎহনগদবা পোলী হাউস 21,398 শাবগী স্কিম; য়াম্না কুঙনা শেম থাবগী স্কিম; NHগী শোরোক অপগ্রেদ তৌবগী প্রোজেক্ত মঙা; দিজাজতর থোকপদা শেম-শাদুনা লৈবা অমসুং রাজ্যগী রেজিলিএন্সকীদমক্তা পায়খৎপা মখল কয়াগী খোঙথাং, মিং ওইনা পল্লবদা, থোং শাবা, দেহরাদুন্দা লৈবা স্তেত ইমর্জেন্সী ওপরেসন সেন্তর অপগ্রেদ তৌবা, বালিয়ানালা, নৈনিতালদা লৈবাক নীংখায়বা থিংবা, অমসুং মৈহৌ-লাংপোক, হকশেল অমসুং উমংগা মরী লৈনবা অতোপ্পা ইনফ্রাস্ত্রকচর হেন্না ফগৎহনবা; রাজ্য শিনবা থুংবগী মোদেল দিগ্রী কোলেজ 20গী হোস্তেল অমসুং কম্প্যুতর লেব শাবা; অলমোরাগী সোমেশ্বরদা ফমুং 100 থাবা সব দিস্ত্রিক্ত হোস্পিতাল শাবা; চম্পাৱত্তা ফমুং 50 থাবা হোস্পিতাল ব্লোক শাবা; নৈনিতালগী হলদ্বানী স্তেদিয়মগী এস্ত্রোতর্ফ হোক্কী গ্রাউন্দ; রুদ্রপুরগী ভেলোদ্রোম স্তেদিয়ম; জাগেশ্বর ধাম (অলমোরা), হাত কলিকা (পিথোরাগর) অমসুং নৈনা দেবী (নৈনিতাল) লাইশঙ য়াওনা লাইশঙশিংগী ইনফ্রাস্ত্রকচর শেমগৎ-শাগৎপগী মানসকন্দ মন্দির মালা মিসন স্কিম য়াওরি।

***