దేశంలోని స‌హ‌కార సంఘాల‌న్నింటినీ బ‌లోపేతం చేసేందుకు ప్ర‌ధాన మంత్రి శ్రీ న‌రేంద్ర మోడీ నాయ‌క‌త్వం, మార్గ‌ద‌ర్శ‌క‌త్వంలో కేంద్ర హోంశాఖ‌, స‌హ‌కార శాఖ మంత్రి శ్రీ అమిత్ షా ప‌లు చ‌ర్య‌లు తీసుకున్నారు. మొత్తం 28 రాష్ట్రాలు, 8 కేంద్రాలయాలు, 13 రాష్ట్రాల‌లోని  ప‌ని చేస్తున్న 1,851 వ్య‌వ‌సాయ‌, గ్రామీణాభివృద్ధి బ్యాంకులు (ఎఆర్‌డిబిలు) రిజిస్ట్రార్ల‌ను సాధికారం చేసేందుకు కంప్యూటరీక‌రించాల‌న్న ముఖ్య‌మైన నిర్ణ‌యాన్ని ఈ క్ర‌మంలో కేంద్ర హోం, స‌హాకార శాఖ మంత్రి శ్రీ అమిత్ షా తీసుకున్నారు. 
దేశంలోని ప్రాథ‌మిక వ్య‌వ‌సాయ రుణ సంఘాలు (ప్రైమ‌రీ అగ్రిక‌ల్చ‌ర్ క్రెడిట్ సొసైటీస్ - పిఎసిఎస్‌) కంప్యూటీక‌ర‌ణ ప‌థకం త‌ర‌హాలో,జాతీయ ఏకీకృత సాఫ్ట్‌వేర్ & కేంద్ర రిజిస్ట్రార్ ద్వారా 13 రాష్ట్రాల‌లోని  1,851 యూనిట్ల వ్య‌వ‌సాయ‌, గ్రామీణాభివృద్ధి బ్యాంకుల (ఎఆర్‌డిబిలు) కంప్యూటీక‌ర‌ణ కోసం కేంద్ర ప్రాయోజిత ప‌థ‌కాన్ని ఆమోదించారు. కేంద్ర రిజిస్ట్రార్ మాదిరిగానే అన్ని రాష్ట్రాలు/  కేంద్ర‌పాలిత ప్రాంతాలలో స‌హ‌కార రిజిస్ట్రార్ కార్యాల‌యాల కంప్యూట‌రీక‌రించ‌డానికి ఆమోదించారు.  
ఈ ప‌థ‌కం విజ‌య‌వంత‌మైన అమ‌లు కోసం ప‌ని చేసేందుకు  కేంద్ర ప్రాజెక్టు ప‌ర్య‌వేక్ష‌ణ యూనిట్ (పిఎంయు)ను ఏర్పాటు చేయ‌నున్నారు. ఈ ప‌థ‌కం మొత్తం అంచ‌నా వ్య‌యం రూ. 225.09 కోట్లు. 
ఈ ప‌థ‌కం అమ‌లు వ‌ల్ల రాష్ట్రాల‌లో స‌హ‌కార విభాగాలు, వ్య‌వ‌సాయ & గ్రామీణాభివృద్ధి బ్యాంకుల కార్యాల‌యాల సేవ‌ల‌ను త్వ‌రిత‌గ‌తిన అందుకునేందుకే కాక పార‌ద‌ర్శ‌క‌త‌ను తీసుకువ‌చ్చి, ఈ కార్యాల‌యాలు ఏక‌రూపంలో ప‌ని చేయ‌డం వ‌ల్ల మ‌రింత స‌మ‌ర్ధ‌వంతంగా సేవ‌ల‌ను అందిస్తూ, స‌మ‌యాన్ని ఆదా చేయ‌గ‌లుగుతారు. 

***