Hapoh ka jingialam jong u Myntri Rangbah duh, u Narendra Modi bad ka jingpeit jong u Myntri Kam pohiing bad Cooperation jong ka Sorkar Pdeng, u Amit Shah, ka sorkar India ka la shim bun ki sienjam ban pynkhlain ia baroh ki cooperative society ha ka ri. Ha kaba iadei bad kane, u U Myntri ba dei khmih ia ka Tnat Kam pohiing bad Cooperation jong ka Sorkar Pdeng, u Amit Shah u la shim ia ka rai kaba kongsan ban pyndonkam ia ki kor computer bad pynkup bor ia ki registrar jong baroh 28 tylli ki jylla bad 8 tylli ki union territory, bad 1,851 tylli ki Agriculture and Rural Development Banks (ARDB) ki treikam ha 13 tylli ki jylla.

Ha kaba iadei bad ka skhim pyndonkam ia ki kor computer ha baroh ki Primary Agriculture Credit Societies (PACS) ha ka ri, la mynjur ia ka skhim kaba bei tyngka da ka sorkar pdeng ban pyndonkam ia ki kor computer ha 1,851 tylli ki unit jong ki Agriculture and Rural Development Banks (ARDB) ha 13 tylli ki jylla lyngba ka national unified software bad ka jingpyndonkam ia ki kor computer ha ki ophis Registrar of Cooperative jong baroh ki Jylla/ Union Territory kumba leh ha ka Central Registrar.

Yn plie ia ka Project Monitoring Unit (PMU) jong ka sorkar pdeng na ka bynta kane ka skhim, ka ban trei na ka bynta ka jingpyntreikam pura ia ka jingthmu, ka jinglut na ka bynta kane ka skhim kan long T. 225.09 klur.

Ka jingpyntreikam ia kane ka skhim yn tang ba kan iarap ia ki briew ban ioh kloi ia ki jingshakri ba ai da ki Tnat Cooperative jong ki jylla bad ki ophis jong ki of Agriculture and Rural Development Banks (ARDB), shuh shuh kan wanrah ka jingshai bad ka jingryntih ha ka jingpyntreikam ia kine ki ophis, ka ban pynseisoh shuh shuh ia ki kam ba ki trei bad pyllait na ka jingsepei ka por.

*****