প্রধান মন্ত্রী শ্রী নরেন্দ্র মোদীগী লুচিং মখাদা কেন্দ্র লৈঙাক্না সিক্কিমগা লোয়ননা লেপ্লি‍। কেন্দ্র লৈঙাক্না সিক্কিম লৈঙাক্কী মফমদা পাঙবা য়াবা মতেঙ পুম্নমক পাঙগনি হায়না থাজবা পীখ্রে‍। কেন্দ্রগী গৃহ অমদি কোওপরেসন মন্ত্রী শ্রী অমিত সাহনা, স্তেত অসিনা ঈচাওনা শোকহল্লবা মীওইশিংদা তেঙবাঙ পীবদা মতেঙ ওইনবগীদমক সিক্কিমদা স্তেত দিজাস্তর রেসপোন্স ফন্দ (এস.দি.আর.এফ.)কী ২০২৩-২৪গী ওইনা কেন্দ্রগী শরুক্কী ইন্সতোলমেন্ত অনিমক লুপা করোর ৪৪.৮০গী শেনফমবু মাঙজৌননা থাদোক্নবা অয়াবা পীখ্রে‍। মখা তানা, গ্লেসিএল লেক আউতবর্স্ত ফ্লদ (জি.এল.ও.এফ.)/ক্লাউদ বর্স্ত/ ফ্লাস ফ্লদনা মরম ওইরগা থোকহল্লিবা অমাঙ অতাশিং মখা তানা য়েংশিন্নবগীদমক, গৃহ মন্ত্রালয়না ইন্তর-মিনিস্তরিএল সেন্ত্রেল তীম (আই.এম.সি.তি.) অমা শেম্লে, অমদি তীম অসিনা স্তেত অসিগী শোক্লিবা মফমশিংদা অথুবা মতমদা চত্তুনা য়েংশিল্লগনি‍। আই.এম.সি.তি.না য়েংশিনবদা ফংলকপগী মতুং ইন্না, সিক্কিমদা নেস্নেল দিজাস্তর রেসপোন্স ফন্দ (এন.দি.আর.এফ.)দগী মখা তাবা কেন্দ্রগী তেংবাঙ, চৎনরিবা পরিংগী মতুং ইন্না অয়াবা পীগনি‍।

ওক্তোবর ৪গী অয়ুক অঙনবদা, জি.এল.ও.এফ./ক্লাউদ বর্স্ত/ ফ্লাস ফ্লদকী থৌদোকশিংনা মরম ওইরগা, তীস্তা তুরেলগী ঈচেল খঙহৌদনা খঙহেন হেনগৎলক্তুনা, থোং কয়া, এন.ঐচ.-১০গী শরুকশিং, চুংথাং দাম চেন্থখি অমদি সিক্মিমগী রিভর ভেল্লীগী মথক থংবা শরুকশিংদা লৈবা অপীকপা ময়োল্লম কয়া অমদি ইনফ্রাস্ত্রকচর প্রোজেক্ত কয়া শোকহনখি‍।

সিক্কিমগী ওইরিবা ফীভম কেন্দ্র লৈঙাক্না খ্বায়দগী ৱাংবা থাক্তা ২৪x৭ কুপ্না য়েংশিল্লি‍। কেন্দ্র লৈঙাক্না ফীভম অসি স্তেত লৈঙাক্না মতিক চানা থেংনবদা মতেঙ ওইনবগীদমক মতম চানা লোজিস্তিক রীসোর্সশিং পীদুনা সিক্কিম লৈঙাক্তা মপুং ফানা ঙাক্লৌ পীরি‍। ফংহল্লিবা লোজিস্তিক্কী ঙাক্লৌশিংদা নেস্নেল দিজাস্তর রেসপোন্স ফোর্স (এন.দি.আর.এফ.) তীম মরাং কায়না থাজিনবা; ইন্দিয়ন এয়র ফোর্সকী হেলিকোপ্তরশিং অমদি লান্মীশিং মথৌ তাবা থিবা অমদী মী কনবগী খুৎলায়শিংগা লোয়ননা থাজিনবা য়াওরি‍। মখা তানা, পৱার, তেলিকম্ম্যুনিকেসন, অমদি রোদ, হায়ৱেজ অমসুং ত্রান্সপোর্ত মন্ত্রালয়শিংগী তেক্নিকেল তীমশিংনসু স্তেত অসিদা মাঙ তাকখ্রবা মচাক মথুমশিং অমদি ঈ-পাউ ফাওনবগী নেতৱর্ক মতম চানা অমুক শেমগৎনবগীদমক তেংবাংলি‍।

****