প্রধান মন্ত্রী, শ্রী নরেন্দ্র মোদীনা ঙসি য়ুত্যুব ফেনফেস্ত ইন্দিয়া ২০২৩দা য়ুত্যুবরশিংদা ৱা ঙাংখ্রে। য়ুত্যুবতা চহি ১৫ মপুং ফাবা নুমিৎ অসিদা হায়রিবসিগী খুত্থাংদা মালেম পুম্বদা পীরিবা শাফুসু মহাক্না লান্থোকখি।

য়ুত্যুবর কম্ম্যুনিতীদা ৱা ঙাংলদুনা প্রধান মন্ত্রীনা মহাকী য়ুত্যুবতা চহি ১৫ মপুং ফারকপগী নুংঙাইবা ফোংদোক্লদুনা হায়খি মদুদি ঙসিদি মহাক মফম অসিদা য়ুত্যুবর অমা ওইনা লৈরিবনি হায়খি। "চহি ১৫ চুপ্না", প্রধান মন্ত্রীনা হায়খি, "ঐহাকসু লৈবাক অসিগী মীয়াম অমসুং মালেমগা ঐহাক্কী য়ুত্যুব চেন্নেলগী খুত্থাংদা শম্নরি। ঐহাক্কীসু সবস্ক্রাইবর মশীং য়াম্না লৈ।"

ক্রিএতর অমসুং ক্রিএতর ওইবা পাম্বা মীওই ৫,০০০ হেনবরোমগী চাউরবা কম্ম্যুনিতী অমা লৈরি হায়বসি খঙলদুনা প্রধান মন্ত্রীনা গেমিং, তেক্নোলোজী, ফুদ ব্লোগিং, ত্রাভেল ব্লোগর অমসুং লাইফস্তাইল ইনফ্লুএন্সরশিংবু পনখি। ভারতকী মীয়ামদা কন্তেন্ত ক্রিএতরশিংনা পীরিবা শাফু অসিবু পল্লদুনা প্রধান মন্ত্রীনা অসিগুম্বা শাফু অসিবু হেন্না অফবদা শীজিন্ননবগী খুদোংচাবা লৌনবা হায়রদুনা মহাক্না "ঐখোয়না অমত্তা ওইনা, ঐখোয়গী লৈবাক অসিগী য়াম্না মীয়ামগী পুন্সিদা অহোংবা পুরকপা ঙমগনি" হায়খি। মহাক্না মীওই করোর কয়া অসিবু মরুওইবা মতাংশিং হেন্না ভাপ তাহন্নবা লাইনা তাকপীদুনা হেন্না শক্তি লৈহনবা অমসুং মপাঙ্গল পীনবা হোৎনসি হায়খি। "ঐখোয়না মখোয়বু ঐখোয়গা শম্নহনবা য়াগনি" হায়না মহাক্না মখা তাখি।

মহাক্কী য়ুত্যুব চেন্নেলদা ভিদিও লিশিং কয়া অমা লৈ হায়রদুনা প্রধান মন্ত্রীনা হায়খি মদুদি মহাক্না লৈবাক অসিগী মহৈরোই লাখ কয়াদা য়ুত্যুবকী খুত্থাংদগী পরিখ্যাগী চরাংনবা, এক্সপেক্তেসন মেনেজমেন্ত অমসুং প্রদক্তিবিতী হায়বসিনা মহাক্কীদি খ্বাইদগী অপেনবনি হায়না ফোংদোকখি।

মীয়াম্না মায় পাকপগী হৌরকফম্নি হায়রদুনা মীয়ামগী ঈহৌগা মরী লৈনবা হীরমশিংদা ৱা ঙাংলদুনা প্রধান মন্ত্রীনা ইহান হানবদা মীপুম খুদিংমক্না শরুক য়াবা চহি মাপল্লোম অসিদা য়াম্না চাউবা কেম্পেন অমা ওইখিবা স্বচ্ছ ভারত পনখি। "অঙাংশিংনা মসিদা ইমোসনেল পাৱর অমা পুশিল্লি। সেলেব্রিতিশিংনা মসিবু ৱাংখৎহল্লি, লৈবাক অসিগী কাচিন কোইয়াদা লৈরিবা মীয়াম্না  মসিবু মিসন অমা ওইহল্লি অদুগা নখোয়গুম্বা ইয়ুত্যুবরশিংনা লুবা নানবা হায়বসিবু হেন্না ফজহল্লি", হায়না মহাক্না মখা তাখি। প্রধান মন্ত্রীনা ঈহৌ অসিব লুবা নানবা হায়বসিনা ভারতকী শকয়েং মিংশেল ওইদ্রিবা ফাওবদি লেপহন্দনবা আপিল তৌখি। "লুবা নানবা হায়বসিনা নখোয় খুদিংমক্কী অহানবদা লৌগদবা থৌদাং ওইগদবনি", হায়না মহাক্না পনখি।

অনিশুবদা, প্রধান মন্ত্রীনা দিজিতেল পেমেন্তকী মতাংদা পনখি। মালেমগী দিজিতেল পেমেন্ততা য়ু.পি.আই. মায় পাকপনা মরম ওইদুনা ভারতনা চাদা ৪৬ কী মফম কল্লি হায়রদুনা প্রধান মন্ত্রীনা মীয়ামদা লৈবাক অসিগী মীয়াম পুম্নমকপু দিজিতেল পেমেন্ত শীজিন্ননবগা লোইননা মখোয়গী ভিদিওনা মীয়াম্বু অরাইবা মওংদা দিজিতেল পেমেন্ত শীজিন্নবা হৈহন্নবা তাকপীগদবনি হায়খি।

অহুমশুবদা, প্রধান মন্ত্রীনা ভোকেল ফোর লোকেলগী মতাংদা ৱা ঙাংখি। মহাক্না হায়খি লৈবাক অসিগী পোত্থোক কয়া অমা লোকেলগী থাক্তা পুথোক্লি, অমসুং লোকেল আর্তিসানশিং অসিগী হৈ শিংবশিং অসি অঙকপা অমনি। মহাক্না কম্ম্যুনিতী অসিদা হায়রিবা আর্তিসানশিং অসিবু য়ুত্যুব ভিদিওশিংগী খুত্থাংদা মীয়াম খঙহন্নবা অমসুং ভারতকী লোকেলবু গ্লোবেল ওলহনবদা মতেং পাংনবা ফোংদোকখি।

ঐখোয়গী লৈহাও অসিগী নুংশিবা মনম চেনবা অমসুং ভারতকী শিন্মী অমসুং আর্তিসানশিংগী হুমাং মমল য়াওরবা পোত্থোকশিং লৈনবা তকশিল্লদুনা প্রধান মন্ত্রীনা "খাদিবু ওইরো, খুৎশা হৈবগী, হেন্দলুমগী নৎত্রগা অমহেক্তা ওইসনু। লৈবাক অসিবু হৌদোকসি, ঈহৌ অমা হৌদোকসি।"

প্রধান মন্ত্রীনা এপিসোদ খুদিংগী অরোইবদা ৱাহং অমা পুখৎনবা অমসুং করিগুম্বা অমা পাঙথোক্নবা এক্সন পোইন্ত অমা পুখৎনবা হৌদোকখি। "করিগুম্বা মীয়াম্না এক্তিবিতী তৌবা লোইবগা নখোয়দা শেয়র তৌবা য়াগনি। মসিগুম্না নখোয়বু মীয়াম্না খঙবগী চাং অদু হেনগৎকনি অমসুং মীয়াম্না ইচম চম্না তাবদা নত্তনা করিগুম্বা অমা তৌবা ফংগনি" হায়না মহাক্না ফোংদোকখি।

প্রধান মন্ত্রীনা কম্ম্যুনিতী অসিদা ৱা ঙাংবা মীকুপ অসিবু য়াম্না নুংঙাইবা ফোংদোকখি অমসুং য়ুত্যুবর পুম্নমক্না মখোয়গী ভিদিওশিংগী অরোইবদা হায়নবা "ঐগী চেন্নেলদা সবস্ক্রাইব তৌবীয়ু অমসুং ঐগী অপদেত লাক্নবগীদমক বেল আইকন্দা নম্বীয়ু" হায়রদুনা মহাক্কী ৱারোল লোইশিনখি।

***