ভারত্তা এন্তি-তি.বি. দ্রগ ৱাৎলে হায়বা অমদি নেস্নেল তি.বি. ইলিমিনেসন প্রোগ্রাম (এন.তি.ই.পি.)গী মখাদা লৈরিবা দ্রগশিংগী ময়াক্কী মতাঙদা ৱাহংশিং হংবা মিদিয়া পাউদম খরা থেংনরে‍। অসিগুম্বা পাউদমশিং অসি, স্তেক্তা এন্তি-তি.বি. হিদাক লৈবা লৈতবগী অকক্নবা ঈ-পাও য়াওদবা ময়েক শেংদবা অমদি লান্না তমশিনবা পাউদম্নি‍।

দ্রগ সেন্সিতিব ত্যুবরকুলোসিস ৪ এফ.দি.সি. হায়নবা (আইসোনিয়াজিদ, রিফামপিসিন, ইথমবুতোল অমদি পাইরাজিনামাইদ) দ্রগ মরি থা অনি চারবা তুংদা ৩ এফ.দি.সি. হায়নবা (আইসোনিয়াজিদ, রিফামপিসিন অমদি ইথমবুতোল) দ্রগ অহুম থা অনি চারগা লায়েংবনি‍। হায়রিবা দ্রগ পুম্নমকসি থা তরুক অমদি মসিদগী হেনবগী চাংদা স্তোক মরাঙ কায়না লৈরি‍।

মল্তি দ্রগ রেজিস্তেন্ত তি.বি.দনা অয়াম্বা মতমদা দ্রগ ৭ (বিদাকুইলিন, লেবোফ্লোক্সাসিন, ক্লোফাজিমাইন, আইসোনিয়াজিদ, ইথমবুতোল, পাইরাজিনামাইদ অমদি ইথিওনামাইদ) থা মরি চারবা তুংদা দ্রগ৪ (লেবোফ্লোক্সাসিন, ক্লোফাজিমাইন, পাইরাজিনামাইদ অমদি ইথিওনামাইদ) থা মঙা চাদুনা লায়েংবনি‍। দ্রগ রেজিস্তেন্ত তি.বি. নাবা মীওইগী ৩০% লোমদা সাইক্লোসেরিন অমদি লিনেজোলিদ শীজিন্নবা মথৌ তাই‍।

এন্তি-তি.বি. দ্রগ অমদি অতৈ মচাকশিং লৌবা, থমজিনবা, স্তোক শেন্নবা অমদি মতম চানা য়েন্থোকপগী থবকশিং এন.তি.ই.পি.গী মখাদা কেন্দ্রগী থাক্তা তৌই‍। য়াম্না তাঙনা থোকপা ফীভমদা, স্তেতশিংদা পেসেন্ত কেয়রদা অকায়বা লৈহন্দনবা নেস্নেল হেল্থ মিসন (এন.ঐচ.এম.)গী মখাদা লৈরিবা বজেৎ শীজিন্নদুনা অকক্নবা মতমগী ওইনা মফমদুদা ফংবা দ্রগশিং লৈননবা হায়বা য়াওই‍। মহারাস্ত্রনা কেন্দ্রগী খুত্থাঙদগী সাক্লোসেরিন তেব্লেত লৌখ্রে‍। স্তেত খরনা দিস্ত্রিক্তশিংদা দ্রগ লৌবগী থৌদাং শিন্নথোকপা য়াওই; মসিগী মতুং ইন্না, দিস্ত্রিক্তশিংনা মখোয়গী মথৌ তাবগী মতুং ইন্না লৌবা য়াই‍।

হায়নরিবা মিদিয়া রিপোর্ত অসিদা পল্লিবা মহারাস্ত্র স্তেতকী এন্তি তি.বি. দ্রগকী স্তোক্কী ফীভম মখাদা পীরি (সোর্স: নি-ক্ষে ঔসধী)

ফীল্দদা এন্তি-তি.বি. দ্রগ ৱাৎপা লৈতে‍। নি-ক্ষে ঔসধীগী মতুং ইন্না ঙসি (সেপ্তেম্বর ২৬, ২০২৩) লৈবাক্কী থাক্তা হায়রিবা দ্রগশিং অসিগী লৈরিবা স্তোক্কী ফীভম মখাদা পীরি:

অসুম্না, এন.তি.ই.পি.গী মখাদা মোক্সিফ্লোক্সাসিন ৪০০ এম.জি. অমদি পাইরিদোক্সিন থা ১৫ হেনবগী স্তোক লৈরি‍। অদুগা, দেলামনিদ ৫০ এম.জি. অমদি ক্লোফাজিমাইন ১০০ এম.জি. সু ওগস্ত ২০২৩দা লৌদুনা স্তেত অমদি য়ু.তি. পুম্নমক্তা পীখ্রে‍। মসিগী মথক্তা, অহেনবা দেলামনিদ ৫০ এম.জি. গুলি লাখ ৮ লৌনবগীদমক ২৩.০৯.২০২৩দা পি.ও. ইসু তৌখ্রে‍।

মথক্তা পনখিবা স্তোক্কী মথক্তা, লিনেজোলিদ-৬০০এম.জি. অমদি কেপসুল সাইক্লোসেরিন-২৫০ এম.জি. সপ্লাই তৌনবগী পর্চেজ ওর্দর ওগস্ত ২০২৩দা ইসু তৌখ্র‍ে‍। হায়রিবা দ্রগশিং অসি স্তেতশিংদা থারি‍।

হায়রিবা মরুওইবা এন্তি তি.বি. দ্রগশিং অসি অৱাৎপা লৈতনা ফংহন্নবগীদমক মশক থোকপা থবকশিং পায়খৎলি‍। কেন্দ্রগী গোদাউনশিংদগী হৌরগা চিদাইদা লৈরিবা হকশেলগী ইন্সতিত্যুৎশিং ফাওবদা তোঙান তোঙানবা থাক্তা লৈরিবা স্তোক্কী ফীভম কেন্দ্রনা ইচঙ থৌনা চাং নাইনা য়েংশিল্লি‍।

মরম অসিনা মিদিয়া পাউদম অদুদা পীরিবা পাউ অদু ময়েক শেংদবা অমদি লান্না তমশিনবা পাউদম্নি, অমসুং লৈবাকসিদা এন্তি তি.বি. দ্রগকী লৈরিবা স্তোক্কী অশেংবা ফীভম উত্তে‍।

****