প্রধান মন্ত্রী শ্রী নরেন্দ্র মোদীনা ঙসি বারানসীদা ইন্তর্নেস্নেল ক্রিকেৎ স্তেদিয়মগী উরেপ-উয়ুং তমখ্রে। মতমগা চুনবা ইন্তর্নেস্নেল ক্রিকেৎ স্তেদিয়ম অসি বারানসীগী রাজাতলাব, গঞ্জারিদা লুপা করোর 450রোম চংনা শাগনি অমসুং মফম অসি লম একর 30 হেন্না পাক চাউই।

থৌরম অদুদা ৱা ঙাংলদুনা প্রধান মন্ত্রীনা অমুক হন্না বারানসীদা লাকপগী খুদোংচাবা ফংজবদা নুংঙাইবা ফোঙদোকখি অমসুং সহর অসিগী নুংঙাইবা অসি ৱাহৈনা ফোঙদোকপা ঙমদে হায়খি। প্রধান মন্ত্রীনা হায়খি মদুদি মমাং থাগী 23দা থাগী লৈমাইদা চন্দ্রয়ান্না লেন্দ তৌদুনা ভারতনা থাগী লৈমাইদা শিব শক্তি পোইন্ত য়ৌখিবগী থা অমগী মতুং চপ চানা কাশিদা লাক্লি। মহাক্না অচৌবা মাইপাকপা অসিগীদমক মীপুম খুদিংমক্তা নুংঙাইবা ফোঙদোক্লদুনা প্রধান মন্ত্রীনা হায়খি, “শিব শক্তিগী মফম অমনা থাদা অদুগা অতোপ্পা অমনা মফম অসিদা কাশীদা লৈরি”।

প্রধান মন্ত্রীনা মাতা বিন্ধ্যাবাসিনিগী লম্বীগী ইন্তর্সেক্সন্দা লৈরিবা অমসুং রাজ নারেনজীনা হৌরকখিবা মফম ওইরিবা মোতিকোৎ খুঙ্গংগা নক্নবা লৈরিবা ভেন্যু অসিগী মরু ওইবা অদুসু থমখি।

প্রধান মন্ত্রীনা ইন্তর্নেস্নেল স্তেদিয়মগী দিজাইন অসি ভগৱান মহাদেবতা কত্থোকপনা মসিনা কাশীগী প্রজাশিংদা চাউথোকচবগী ইহুল অমা পোকহল্লি। মহাক্না হায়খি স্তেদিয়ম অসিনা অচৌবা ক্রিকেৎ মেৎচশিং উবা ফংবগা লোয়ননা নহা ওইরিবা শান্নরোয়দা ইন্তর্নেস্নেল স্তেন্দর্দশিং লৈরিবা স্তেদিয়ম অমদা ত্রেন তৌবগী খুদোংচাবা অমা পীরগনি। মহাক্না মখা তারদুনা হায়, “মসিনা কাশীগী প্রজাশিংদা চাউনা কান্নবা পীরগনি”।

প্রধান মন্ত্রীনা হায়খি ক্রিকেৎকী খুত্থাংদা মালেম অসি ভারতকা মরী লৈনহল্লি অমসুং অনৌবা লৈবাক কয়ানা ক্রিকেৎ শানবনা মেৎচশিংগী মশিং য়াম্বা ঙমহল্লি। মহাক্না হায়খি মদুদি ইন্তর্নেস্নেল স্তেদিয়ম অসিনা তুংদা লাক্কদবা চহিশিংদা স্তেদিয়মশিংগী দিমান্দ হেনগৎহলকপা অদু থুংহনবা ঙম্লগনি। প্রধান মন্ত্রীনা BCCIবু মখোয়না শরুক তমখিবা অদুগীদমক থাগৎপা ফোঙদোকখ্রে।

প্রধান মন্ত্রীনা হায়খি মদুদি অসুক চাউবা স্পোর্তস ইনফ্রাস্ত্রকচর শেমগৎপা অসিনা স্পোর্তস্তা অফবা কান্নবা পীবা খক্তা নত্তনা রিজনেল ইকনোমীদসু অফবা কান্নবা পীরগনি। মহাক্না হায়খি অসিগুম্বা চাউখৎ-থৌরাংনা বিজিতর কয়াগী পুক্নিং চীংশিন্দুনা হোতেলশিং, ইতরীশিং, রিক্ষোশিং অমসুং ওতো দ্রাইবরশিং লোয়ননা লমদম অসিগী হীহোনবশিং অসিগুম্বা সেক্তরশিংদা চাউনা কান্নবা পীরগনি। মহাক্না হায়খি মদুদি মসিনা স্পোর্তস কোচিং অমসুং মেনেজমেন্ত ইন্সতিত্যুসনশিংদা অফবা কান্নবা অমা পীগনি অসুম তৌদুনা নহা কয়াবু স্পোর্তস স্তার্তঅপশিংদা চংনবা লম্বী য়াৎকনি। মহাক্না ফিজিওথেরাপী কোর্সশিংগী মতাংদসু পনখি অমসুং হায়খি মদুদি অনৌবা স্পোর্ত ইন্দস্ত্রী অমা লাক্কদৌরিবা মতমশিংদা বারানসীদা অমা শোইদনা লৈরগনি।

প্রধান মন্ত্রীনা মমা-মপাশিংনা স্পোর্তসকী মরমদা খনবা ৱাখল্লোন্দা অহোংবা লাক্লিবা অদু ফোঙদোকখি। প্রধান মন্ত্রীনা হায়, “লৈবাক্কী মুদ অসি হৌজিক – জো খেলেগা ৱো হি খিলেগা”। প্রধান মন্ত্রীনা হন্দক্তা মহাক্না শাহদোলদা চৎখিবা অমসুং মফম অদুদা লৈরিবা ত্রাইবেল খুঙ্গং অমদা নহারোলশিংগা লোয়ননা ৱারী শাখিবা অদু নীংশিংখি অমসুং মফম অদুবু ‘মিনি ব্রাজিল’ হায়না কৌবগী চাউথোকচবা পোকপা অমদি মখোয়না ফুতবোল নুংশিজবা অদু নীংশিংখি।

প্রধান মন্ত্রীনা স্পোর্তসকী লমদা কাশীদা লাক্লিবা অহোংবগী মতাংদা শন্দোক্না ঙাংখি। মহাক্না হায়খি মদুদি কাশীগী নহারোলশিংদা মালেমগী থাক্কী খুদোংচাবশিং ফংহন্নবা খোঙথাং লৌখৎকনি। মরম অসিদা স্তেদিয়ম অসিগা লোয়ননা মশানা 50গী  খুদোংচাবা পীগদৌরিবা সিগ্রা স্তেদিয়মদা লুপা করোর 400 চাদিং তৌগনি। মসি দিব্যাঙ্গ ফ্রেন্দলী ওইবা অহানবা মলতি-স্পোর্তস কম্প্লেক্স ওইরগনি। প্রধান মন্ত্রীনা হায়খি মদুদি অনৌবা কনস্ত্রক্সনশিংগা লোয়ননা অরিবা সিস্তেমসু ফগৎহনগনি।

প্রধান মন্ত্রীনা হায়খি মদুদি হন্দক্তা ভারতকী স্পোর্তিংদা মাইপাকপা অসি অনৌবা স্পোর্তসপু মশা-মউ ফনা থম্বা, থবক ফংবা অমসুং নহাশিংগী কেরিয়র শেম্বগা লিঙ্ক তৌবগী অহোংবা এপ্রোচনা মরম ওইরগা ঙমহনখিবনি। “চহি 9গী মমাংগা চাংদম্নবদা চহি অসিগী স্পোর্তস বজেৎ অসি শরুক অহুম হেনগৎলকখি। খেলো ইন্দিয়াগী বজেৎ অসি মমাং চহিগা চাংদম্নবদা চাদা 70রোম হেনগৎলকখি। সরকারনা স্কুলদগী ওলিম্পিক্স পোদিয়ম ফাওবা তীম মেম্বর অমগুম্না চৎলি”, হায়না মহাক্না ফোঙদোকখি। মহাক্না নুপীশিংনা শরুক য়াবা হেনগৎলকপা অমসুং TOPS স্কিমগী মতাংদসু ফোঙদোকখি।

প্রধান মন্ত্রীনা ৱর্ল্দ য়ুনিভর্সিতী গেমস্তা শরুক য়াবদা পুন্না ফংলকখিবা মেদল পুম্নমক্কী অপুনবা মশিংগা চাংদম্নবদা চহি অসিগী ইদিসন্দা মেদল মশিং হেন্না লৌদুনা ভারতনা পুৱারী শেমখিবগী মতাংদা ফোঙদোকখি। প্রধান মন্ত্রীনা পাঙথোক্কদৌরিবা এসিয়ন গেম্সতা শরুক য়াগদবা শান্নরোয় পুম্নমক্তা য়াইফ-মঙ্গোলসু পীখি।

শ্রী মোদীনা খুঙ্গং খুদিংদা, লৈবাক্কী কাচিন কোয়াদা স্পোর্তিং পোতেন্সিএল লৈ হায়না ফোঙদোকখি অমসুং মখোয়বু মশক খঙদোক্তুনা মখোয়গী স্কিলশিং দিবেলপ তৌনবগী মথৌ তানা অদু ফোঙদোকখি। মখোয়গীদমক খুদোংচাবা হেন্না হেন্না থম্নবা ফোঙদোক্লদুনা শ্রী মোদী হায়, “ঙসি অপীকপা সহর অমসুং খুঙ্গংশিংদগী লাকপা নহারোলশিংনা লৈবাক্কী মীংচৎ ওইরি”। মহাক্না লোকেল তেলেন্ত মশক খঙদোক্লিবা অমসুং মখোয়বু মালেমগী থাক্কী শান্নরোয়শিং ওইহন্নবা সরকারনা খোঙথাং পাইখৎলিবা খেলো ইন্দিয়া অসি খুদম ওইনা পীখি। থৌরম অসিদা স্পোর্তসকী লমগী মশক নাইবা মীওইশিং য়াওখিবা অদুদা প্রধান মন্ত্রীনা কাশীগীদমক মখোয়না ফাওরিবা ইথিলগীদমক মহাক্না থাগৎপা ফোঙদোকখি।

নেস্নেল অমসুং ইন্তর্নেস্নেলদা থোইরকখ্রবা শান্নরোয়শিংনা কোচশিংগী থৌদাং লৌনবা পুক্নিং থৌগৎলদুনা প্রধান মন্ত্রীনা হায়, “অনৌবা তেলেন্ত পুক্নিং থৌগৎনবা অমসুং য়োকখৎনবা অফবা কোচ অমসুং অফবা কোচিং অনিমক চপ মান্ননা মরু ওই”। হৌখিবা চহি খরা অসিদা নহাশিংবু তোঙান-তোঙানবা স্পোর্তস অমসুং গেম্সকা কন্নেক্ত তৌখি হায়না প্রধান মন্ত্রীনা ফোঙদোকখি।

মহাক্না হায় মদুদি অনৌবা ইনফ্রাস্ত্রকচরনা অপীকপা সহর অমসুং খুঙ্গংশিংগী শান্নরোয়শিংদা অনৌবা খুদোংচাবশিং পীরগনি। মহাক্না খেলো ইন্দিয়াগী মখাদা শেমখিবা ইনফ্রাস্ত্রকচরনা নুপীমচাশিংদা কান্নবা পীবদা নুংঙাইবা ফোঙদোকখি।

মহাক্না হায়খি মদুদি অনৌবা নেস্নেল এজুকেসন পোলিসীগী মখাদা স্পোর্তস অসি এক্সত্রাকরিকুলর এক্তিবিতী অমা ওইবগী মহুৎ প্রোপর সবজেক্ত অমা ওইহনখি। মনিপুরদা অহানবা নেস্নেল স্পোর্তস য়ুনিভর্সিতী লিংখৎখি। উত্তর প্রদেশতসু স্পোর্তস ইনফ্রাস্ত্রকচর শেমগৎনবা লুপা করোর লিশিং কয়া চাদিং তৌরি। মহাক্না হায়খি গোরাখপুরদা স্পোর্তস কোলেজ অমা চাউথোকহনখি অমসুং মীরুত্তা মেজর ধ্যান চান্দ য়ুনিভর্সিতী লিংখৎখি।

লৈবাক অমগী মীংচৎ পুরকপদা মসিগী মরু ওইবা অদু থম্লদুনা প্রধান মন্ত্রীনা হায়, “লৈবাক অমগী চাউখৎ খোঙচৎতা স্পোর্তস ইনফ্রাস্ত্রকচর পাকথোক চাউথোকহনবা তঙাই ফদে”। মহাক্না হায়খি মালেমগী সহর কয়ামরুম গ্লোবেল স্পোর্তিং ইভেন্তশিং শিনবগীদমক খঙনরি অমসুং অসিগুম্বা গ্লোবেল ইভেন্তশিং পাঙথোকপা ঙম্নবা লৈবাক অসিদা স্পোর্তস ইনফ্রাস্ত্রকচর শেমগৎপদা মীৎয়েং চংগদবনি। প্রধান মন্ত্রীনা হায় স্তেদিয়ম অসিনা চাউখৎপগী ফিরেপ অদু উবা ফংগনি, মসি শুপ্নগী চেক-লৈঙোইনা শাবা স্ত্রকচর অমা ওইবা খক্তা নত্তনা ভারতকী তুংলমচৎকী সিম্বল অমা ওইগদবনি।

প্রধান মন্ত্রীনা সহর অসিদা পাইখৎলিবা চাউখৎ থৌরাংগী খোঙথাং পুম্নমক অসিগী মনা কাশী মীয়ামদা পীখি। “নখোয় য়াওদনা কাশীদা করিগুম্বা অমত্তা ওইথোকপা ঙমলোই। নখোয়গী মতেং অমসুং থৌজালশিংগা লোয়ননা ঐখোয়না কাশীগী চাউখৎ খোঙচৎকী অনৌবা পন্দুপ অমা ইরগনি”, হায়না ফোঙদোক্লদুনা প্রধান মন্ত্রীনা ৱারোল পীবা লোইশিনখি।

থৌরম অসিদা উত্তর প্রদেশকী মুখ্য মন্ত্রী, শ্রী য়োগী অদিত্যনাথ, BCCIগী প্রসিদেন্ত, শ্রী রোজর বিন্নী, BCCIগী সেক্রেতরী, BCCIগী ভাইস প্রসিদেন্ত, শ্রী রাজীব সুখলা, শ্রী জয় শাহ, সচিন তেন্দুলকর, সুনিল গভাস্কর, রবী শাস্ত্রি, কপিল দেব, দিলিপ বেংসর্কর, মদন লাল, গুন্দাপ্পা বিশ্বানাথ, অমসুং গোপল শর্মা য়াওনা হান্নগী ক্রিকেৎ প্লেয়রশিং, উত্তর প্রদেশ সরকারগী মন্ত্রীশিংনা শরুক য়াখি।

বেকগ্রাউন্দ

বারানসীগী ইন্তর্নেস্নেল ক্রিকেৎ স্তেদিয়ম অসি অনৌবা মালেম থাক্কী শান্নবগী ইনফ্রাস্ত্রকর শেমগৎনবা প্রধান মন্ত্রীগী মঙলান মঙফাওন্না মাইকৈদা থাংজিনবা খোঙথাং অমনি। বারানসীগী রাজাতালাব, গঞ্জারিদা লুপা করোর 450 চঙনা লম একর 30দা অনৌবা ইন্তর্নেস্নেল ক্রিকেৎ স্তেদিয়ম অসি শাগদবনি। স্তেদিয়ম অসিগী থিমেতিক আর্কিতেকচর অসি ভাগবান সিবদগী লৌবনি অমসুং মসিদা থা মচেৎকী য়ুমথকশিং, ত্রিশুল মওংগী ফ্লত-লাইতশিং ঘাতকী সিরিশিংদা য়ুম্ফম ওইবা ফম্ফমশিং, ফেসেদতা বিলবিপাত্র মওংগী ধাতু মপাকশিং য়াওগনি। স্তদিয়ম অসি ভাবক 30,000 চনগনি।

Speaking at foundation stone laying ceremony of International Cricket Stadium in Varanasi. It will help popularise sports and nurture sporting talent among youngsters. https://t.co/mcWhBvdTr7

— Narendra Modi (@narendramodi) September 23, 2023

एक शिवशक्ति का स्थान चंद्रमा पर है। दूसरा शिवशक्ति का स्थान काशी में भी है: PM @narendramodi pic.twitter.com/QXi0UBEIsX

— PMO India (@PMOIndia) September 23, 2023

When sports infrastructure is built, it has a positive impact not only on nurturing young sporting talent but also augurs well for the local economy. pic.twitter.com/NwbTk4xnTc

— PMO India (@PMOIndia) September 23, 2023

जो खेलेगा, वही खिलेगा। pic.twitter.com/p6w68od3HG

— PMO India (@PMOIndia) September 23, 2023

खेलों में आज भारत को जो सफलता मिल रही है, वो देश की सोच में आए बदलाव का परिणाम है। pic.twitter.com/zNupaGEqTT

— PMO India (@PMOIndia) September 23, 2023

Khelo India Abhiyaan has become a great medium to promote sports among youth. pic.twitter.com/LTxLbYRIuN

— PMO India (@PMOIndia) September 23, 2023

*****