মরুপশিং, খুরুমজরি!

থাগী মিসন চন্দ্রয়ান-৩ মাইপাকপা অসিনা ঐখোয়গী মচু অহুমগী ফিরাল ৱাংনা পাইরে। সিবশক্তি অসি অনৌবা ইথিলগী মফম অমা ওইরে অমসুং মচু অহুমগী ফিরালনা ঐখোয় চাউথোকচবা ফাওহল্লে। অসিগুম্বা মাইপাকপশিং মালেমদা পাংথোকপা মতমদা, মখোয়না অনৌবা থবক, সাইন্স অমসুং তেক্নোলোজিগী অপুনবা উরে। মসিগী তৌবা ঙম্বা অসি মালেমদা উৎপা মতমদা, মসিনা ভারতকী থোংজিলদা অনৌবা খুদোংচাবা কয়া পুরক্লে। জি-২০ মাইপাক্তুনা মফম ৬০ দা মালেম শীনবা থুংবগী লুচিংবশিং তরাম্না ওকখি, খন্ন-নৈনবা মীফমশিং পাংথোকখি, ফেদেরেল স্ত্রকচরগী অহিংবা অমনি, জি-২০ অসিমক ঐখোয়গী খেন্নবশিং অমসুং অঙকপশিং হরাও-তয়াম্বা ফোঙদোকপা অমনি। জি-২০ মনুংদা গ্লোবেল সাউথকী খোল্লাউ ওইবগীদমক ভারতনা মতম পুম্নমক্তা চাউথোকচবা ফাওগনি। অফ্রিকান য়ুনিয়ন লেংদবা মেম্বর ওইখিবা অমসুং অমতা ওইনা জি-২০ দিক্লারেসন লৈখিবা অসি ভারতকী তুংগী অফবা ফিবমগী মমি অমনি।

ঙরাং, য়াসোভুমি, ইন্তরনেসনেল কনভেন্সন সেন্তর অমা লৈবাক মীয়ামদা কৎথোকখ্রে। ঙরাং বিশ্বকর্মা জয়েন্তি থৌরমশু পাংথোক্তুনা ভারতকী বিশ্বকর্মা কাংলুপকী হৈথোই-শিংথোইবশিং হরাও-তয়াম্বা ফোঙদোকখি। ত্রেনিং, অনৌবা খুৎলায়শিং অমসুং শেন-থুমগী অনৌবা থবকশিংগা লোয়ননা ভারতকী বিশ্বকর্মাগী তৌবা ঙম্বশিং হেনগৎহল্লে অমসুং ভারতকী চাউখৎপগী খোঙচৎতা মতেং পাংলে। হায়রিবা থৌরমশিং অসিনা লৈবাক শীনবা থুংনা হরাওবা, থাজবা অমসুং মশানা মশাবু থাজবগী ৱাখল্লোন অমা ঐখোয়দা ফাওহল্লে। হায়রিবা মতম অসিদা, অনৌবা ফিবম অমদা সংসদকী মীফম পাংথোকপা অসি শিংথানিঙাই ওইবা অমনি। মসি অতেনবা সেসন অমা ওইবা য়াই, অদুবু মসি পুৱারি ওইরগদবা ৱারেপশিং লৌগদবনা মসি য়াম্না মরুওই। মসি ভারতকী চহি ৭৫গী খোঙচৎতা অনৌবা তাঙ্কক অমা হৌবনি।

চহি ৭৫গী খোঙচৎতা ওইখিবা ফিবম অসি য়াম্না পুক্নিং থৌগৎনিঙাই ওইবা মিকুপ অমনি। হৌজিক খোঙচৎ অসি মাঙলোমদা চঙশিন্দুনা, অনৌবা ৱাশক, অনৌবা থৌনা, অনৌবা থাজবা অমসুং অকক্নবা মতমগী মনুংদা ঐখোয়না লৈবাক অসি চাউখৎলবা লৈবাক অমা ওইহনগদবনি। মতুং তারকপদা ৱারেপ খুদিংমক অনৌবা সংসদ শঙলেন্দা লৌরগনি। মরম অদুনা মীফম অসি হিরম কয়াদা য়াম্না মরুওই।

মসিগী অতেনবা মীফম অসি থৱায় য়াওনা অমসুং নুংঙাইনা শরুক য়ানবা ঐনা ইকায়খুম্নরবা মেম্বরশিংগী মফমদা হায়জরি। অৱা-অখুম তৌন্নবগী মতম মরাংকাইনা লৈরি। ঐখোয়গী পুন্সিগী তাঞ্জা খর হরাওবা অমসুং থাজবনা পীক থনখি। মসিগী অতেনবা মীফম অসি হরাওবা অমসুং থাজবনা থনগনি হায়না ঐনা থাজৈ। অরিবা ফত্তবা ৱাখল্লোনশিং থাদোক্লম্লগা অফবা ৱাখল্লোনশিংগা লোয়ননা অনৌবা সংসদ শঙলেন্দা ঐখোয় চঙগনি হায়না ঐনা থাজৈ। অনৌবা সংসদ অসিগী মগুনশিং হেনগৎহন্নবা ঐখোয়না পায়খৎপা য়াবা থবকশিং পায়খৎকনি। মসিগী ৱাশক অসি লৌনবা ইকায়খুম্নরবা মেম্বরশিংগী মরুওইবা মিকুপ অমনি।

হয়েং শেংলবা গণেস চতুর্থীগী কুহ্মৈ থোক্লে। ভাগবান গণেস অসি অয়েৎ-অপন লৌথোকপা ঈশ্বর অমনি হায়না লৌনরি অমসুং হৌজিক ভারতকী চাউখৎপগী খোঙচৎতা অপনবা অমতা লৈররোই। অপনবা লৈতবা মওং অমদা ভারতকী অনিংবশিং অমসুং মঙলানশিং থুংলগনি। মরম অদুনা গণেস চতুর্থী নুমিত্তা, মসিগী অহৌবা অসিনা ভারতকী মঙলানশিং মঙফাওনবদা মতেং পাংলগনি। মরম অদুনা সেসন অসি অতেনবা ওইরবসু, মসি মমল য়াম্না য়াম্মী।

অদোম থাগৎচরি।

****