মরূপশিং,

ভারত অসি লাইনিং, লাইনিং-লীচৎ অমদি চৎনবীগী লমনি‍। মালেম অসিগী অচৌবা লাইনিং কয়া অমা মফমসিদগী হৌখিবনি, অমদি মালেমগী লাইনিং খুদিংমক মফমসিদা ইকায়খুম্নবা ফংলি‍।

‘দিমোক্রেসীগী মমা’ অমা ওইনা, নীংশিংবা থোক্ত্রবা মতমদগী হৌনা ৱারী ৱাতায় শানবা অমদি মীয়ামগী লৈঙাক্কী মচৎশিংদা লৈরিবা ঐখোয়গী থাজবা হোংদনা লৈরি‍। ঐখোয়গী মালেমগী ওইবা লীচৎ অসি ‘বসুদৈব কুতুম্বকম’, হায়বদি ‘মালেম অসি ইমুং অমনি’ হায়বা মচং ওইবা মচৎসিদা মরা তাদুনা লৈরি‍।

মালেম অসি ইমুং অমনি হায়না লৌবগী ৱাখল্লোন অসিমক্না ‘মালেম অমা’ হায়বসিগী থৌদাংগী ৱাখল্লোন্দা ভারত মচা খুদিংমকপুসু শম্নহল্লি‍। ‘মালেম অমা’ হায়রিবা ৱাখল্লোন অসিগা লোয়নননি ভারতনা ‘লাইফস্তাইল ফোর এনভাইরনমেন্ত মিসন’ হৌদোকখিবা‍। ভারতকী থৌরাং অমদি অদোমগী ঙাক্লৌগা লোয়ননা, ক্লাইমেৎ সিক্যুরিতীগী মচৎ পরিংদা, মালেম পুম্বনা চহি অসিদা ‘ইন্তরনেস্নেল ইয়র ওফ মিল্লেৎস’ পাঙথোক্লি‍। হায়রিবা ৱাখল্লোন অসিগী পরিংদা, ভারতনা সি.ও.পি.-২৬ তা ‘গ্রীন গ্রিদ্স ইনিসিএতিব – ৱন সন, ৱন ৱর্ল্দ, ৱন গ্রিদ’ হৌদোকখি‍।

ঙসি, ভারতন অচৌবা থাক্কী সোলার রিভোলুসন পায়খৎলিবা লৈবাকশিংগী মরক্তা লেপ্লি‍। লৌমী মিলিয়ন কয়ানা মহৌশাগী লৌউ পথাপ শীজিন্নরি‍। মসি মীওইবগী হকশেলগা লোয়ননা লৈপাক লৈহাও অমদি মালেমবুসু ঙাকথোক্নবা অচৌবা কেম্পেন অমনি‍। ঐখোয়না গ্রীন হায়দ্রোজেন প্রদক্সন হেনগৎহন্নবগীদমক ভারত্তা ‘নেস্নেল গ্রীন হায়দ্রোজেন মিসন’ হৌদোকখ্রে‍। ভারতকী জি-২০ প্রেসিদেন্সী মনুংদা, গ্লোবেল হায়দ্রোজেন ইকোসিস্তেম অমা শেমগৎনবগী লমদা মশক থোকপা খোঙথাং কয়াসু ঐখোয়না লৌখৎখ্রে‍।

মরূপশিং,

অইং অশাগী খল হোংলকপনা পীরিবা শিংনবশিংগী খল্লগা, ইনর্জী ত্রাঞ্জিসন হায়বসি ২১শুবা চহিচাগী মালেম অসিগী মশক থোক্না মথৌ তাবা অমনি‍। পুম্নমক কোনশিল্লবা ইনর্জী ত্রাঞ্জিসন অমগীদমক দোলর ত্রিলিয়ন কয়া মথৌ তাই‍। মহৌশানা, হীরমসিগী মতাঙদা চাওখৎলবা লৈবাকশিংনা য়াম্না মরুওইবা থৌদাং অমা লৌরি‍।

ভারতকা লোয়ননা মালেমগী খা থংবা শরুক্কী লৈবাক পুম্নমক চৎলিবা চহি ২০২৩ অসিদা চাওখৎলবা লৈবাকশিংনা অফবা থৌরাং অমা পায়খৎলকপদা অপেনবা পোক্নরি‍। অহানবা ওইনা চাওখৎলবা লৈবাকশিংনা ক্লাইমেৎ ফাইনান্সকীদমক দোলর বিলিয়ন ১০০ থাদনবগী মখোয়গী ফিরেপ মপুং ফাহন্নিংবগী অপাম্বা ফোঙদোকখ্রে‍।

‘গ্রীন দিভেলপমেন্ত পেক্ত’ এদোপ্ত তৌদুনা, জি-২০না তুং কোইগদবা অমদি গ্রীন গ্রোথগীদমক মখোয়গী ফিরেপ অমুক হন্না চেৎশিনহল্লে‍।

মরূপশিং,

পুন্না হোৎনমিন্নবগী ৱাখল্লোনগা লোয়ননা, ঙসি ভারতনা জি-২০গী ফম্পাক অসিদা সজেসন খরা থমজরি‍।

ঙসি, পুংজাসিদা মথৌ তারিবসি থাউ ব্লেন্দিংগী লমদা লৈবাক পুম্নমক্না পুন্না থবক তৌমিন্নবদুনি‍। ঐখোয়না হৌদোকচরিবা ৱাফমদি পেত্রোলদা ইথানোল য়ানশিনবগী চাং অসি চাদা ২০ ফাওবা য়ৌহন্নবা মালেমগী ওইবা থাক্তা থৌরাং অমা লৌখৎমিন্নবগীনি‍।

নৎত্রগা, অতোপ্পা অমদা, ক্লাইমেৎ সিক্যুরিতীদসু থৌদাং য়াবা অদুগা মরা চেৎপা ইনর্জী সপ্লাই অমসু লৈহনগদবা মওংগী মালেমগী ওইনা হেন্না ফগদবা অতোপ্পা ব্লেন্দিং মিক্স অমা ঐখোয়না শেমগৎমিন্নবসু য়াই‍।

হীরম অসিগী মতাঙদা, ঙসি, ঐখোয়না গ্লোবেল বাইওফ্যুল এলাইন্স হৌদোক্লি‍। ভারতনা ময়াম পুম্নমক্কী মফমদা থৌরাং অসিদা য়াওশিনবিরক্নবা পাউজেঞ্জরি‍।

মরূপশিং,

মহৌশাগী ফীভমবু ৱাখলদা থম্লগা, কার্বোন ক্রেদিৎকী মতাঙদা দেকেদ কয়া খন্নদুনা লাক্লি‍। কার্বোন ক্রেদিৎনা করি করি তৌরোইদগে হায়বরোমদা মীৎয়েঙ থম্লি; মসিদা নেগেতিব ওইবা মীৎয়েং অমা য়াওরি‍।

মসিগী মহৈ অমা ওইনা, করি করি অফবা খোঙথাং লৌখৎকদগে হায়বসিদা হেক হেক পুক্নিং মরাঙ কায়না চঙবা ৱাৎলি‍। মসিদা অফবা থৌরাং পুক্নিং থৌগৎপগী ৱাফম ৱাৎলি‍।

গ্রীন ক্রেদিৎনা ঐখোয়দা মাঙদা চঙশিনগদবা লম্বী উৎলি‍। হায়রিবা অফবা খনবগী থৌওংসিবু য়োকখৎনবগীদমক, ঐনা জি-২০ লৈবাকশিংগী মফমদা ‘গ্রীন ক্রেদিৎ ইনিসিএতিব’কী মতাঙদা থবক পায়খৎপা হৌবিনবা ৱাফম হৌদোকচরি‍।

মরূপশিং,

অদোম ভারতকী থাগী মিসন, চন্দ্রয়ানগী মায় পাকপা খঙবিরবনি‍। মসিদগী ফংলকপা দেতা মীওইবা খুন্নাই পুম্নমক্কী ওইনা কান্নগদৌরিবন‍ি‍। হায়রিবা ৱাখল্লোনসিগা লোয়ননা, ভারতনা ‘জি২০ সেতলাইত মিসন ফোর এনভাইরনমেন্ত এন্দ ক্লাইমেৎ চেঞ্জ’ থাগৎনবা ৱাফম হৌদোকচরি‍।

মসিদগী ফংলকপা অইং অশা অমদি ঈশিং নুংশিৎকী দেতা লৈবাক পুম্নমক্তা, মরুওইনা মালেমগী খা থংবা শরুক্কী লৈবাকশিংদা ফংহগনি‍। ভারতনা জি-২০ লৈবাক পুম্নমক্কী মফমদা থৌরাংসিদা য়াওশিনবিরক্নবগীদমক পাউজেঞ্জরি‍।

মরূপশিং,

অমুক্কা হন্না ময়াম পুম্নমক্কী মফমদা তরাম্না ওকচরি অমদি নুংঙাইবা ফোঙদোকচরি‍।

হৌজিক ঐ ময়ামগী ৱাখল্লোন তানিংবনা লাংতক্নরে‍।

দিস্ক্লেমর – মসি প্রধান মন্ত্রীগী পাউগী চেরোলগী চাউরাকপা ৱাহন্থোক্নি‍। অশেংবা পাউগী চেরোলদি হিন্দীদা থোকখিবনি‍।

******